hoo韓國包車

營業中

休息中

唔知係個冷氣壞定點 熱到一個點 我以為得我一個怕熱有依個感覺 直到見到啲男仔要抹汗 隔離枱個女仔同我一樣開哂風扇仔 最搞笑係喺我差不多埋單走嘅時候 坐我另一邊剛嚟嘅情侶竟然喺我後面同一部𨋢走 原因係熱到食唔到Btw間嘢真係只食環境 嘢食真係麻麻地 部隊鍋係連舊豆腐同金菇都無 只有午餐肉 腸仔同少量菜 仲有個公仔麵 隨時屋企買罐大醬返嚟仲煮得好食啲 空間細櫈亦都唔好坐 overall我就覺得唔抵食同唔太好食 長期身子虛怕凍人士可以一試

位於尖沙咀厚福街一間樓上韓國餐廳，一入呢間餐廳覺得好有驚喜，餐廳嘅空間唔算大，但擺設同燈光都好用心，營造好似韓國嘅路邊攤，好適合放工之後同朋友小聚，飲返一兩杯好多人普遍印象都覺得韓國既食物多數都係街頭小食，但係其實韓國菜都可以非常精緻！今次呢間餐廳以韓國舊式風格設計，好有懷舊嘅味道，好適合打卡原味炸雞（半份）$152炸雞外皮炸得金黃酥脆，一口咬落去，雞肉既肉汁出晒黎，肉質細嫩多汁，炸既時間掌握得剛剛好，好有口感懷舊烤五花肉$152滿溢濃郁既烤肉香味，好厚好大片，油脂十足，表面煎至酥脆，配搭蒜片和生菜芝士蟹膏蟹肉蛋卷$128（限定餐牌）芝士味好香濃，蟹膏好多鮮味好重，個醬汁真係超好食，啖啖都好滿足蟹膏拳頭飯$88（限定餐牌）蟹膏好多鮮味好重，蟹膏鮮味加上拳頭飯內裡既麻油香，非常惹味，而且入面仲有紫菜，令口感更有層次

上網睇到韓國大排檔裝修既餐廳都好出名未去到韓國 就黎依到頂頂癮先😆🫰🏻🧚🏻‍♀️ 醬油蟹配脆脆紫菜 $288醬油醃製得非常好，夠哂入味❤️膽固醇一流，連埋啲蟹膏 一啖啜埋啲肉又唔會太咸 仲有啲檸檬味🌟夠哂fresh!而且脆脆紫菜有兩款 包你每一啖都可以蟹再買紫菜食 口感再豐富一啲🧚🏻‍♀️懷舊烤五花肉 $152非常特別的五花肉 而且充滿人氣 係限量發售 所以每日都要早啲去先有機會食到唔鍾意油淋淋嘅五花肉，可以試吓呢個烤嘅五花肉份量超足 而且有配菜蒜頭夾住食 好快就食哂😋🧚🏻‍♀️一雞兩味 醬油同甜辣味炸雞 $228炸雞就正常發揮 兩款傳統味道經典嘅甜辣醬同埋韓國獨有嘅醬油口味同一般炸雞唔同可以食到好多件 唔會太油膩 非常開胃 而且份量大大嚿 雞嘅每個位置都有 岩哂一大班朋友食環境方面，一入舖頭就好似返咗20年前嘅韓國咁充滿懷舊感，餐廳牆壁同角落都有不同懷舊韓式文化嘅設計，連儲物袋都係用特色嘅籃而且餐枱同餐具都係同韓國大排檔款式一模一樣，令到韓風味更加濃 抵食指數：🌕🌕🌕🌕🌕🌕🌕🌗🌑🌑好食指數：🌕🌕🌕🌕🌕🌕🌕🌗🌑🌑

係唔係睇唔出我哋喺其實係室內食飯，成日都追韓劇，終於可以感受吓喺室內吹住冷氣食‘路邊攤’，魚糕串串特登加咗拉麵，湯頭好鮮甜，卜卜脆炒豬軟骨拼飯團，豬軟骨有啲啲辣，我比較鍾意食飯團，個魚餅口感唔錯，少少煙靭，唔會好似大部分嗰啲好鲶嘅魚餅，煮魚餅個湯頭好重要喎。

招牌炒章魚招牌炒章魚呢道菜真係鮮香撲鼻，啱晒鍾意海鮮既朋友。章魚切成細件，保持住鮮嫩同彈牙既口感，配料用上洋蔥，炒得香氣四溢，加入泡菜令到成道菜更加惹味。呢道菜無論係下飯定係佐酒，真係一流。🐙菠蘿梳打菠蘿梳打係一款非常清新既飲品，特別適合配埋炒章魚一齊享用，成杯飲品冰涼得黎又充滿熱帶水果既香氣。菠蘿既甜同梳打水既氣泡完美結合，止渴又解辣。🍍醬油蟹 配 脆脆紫菜醬油蟹呢道菜真係鮮味十足，蟹選用新鮮既，肉質飽滿，醬油既鹹香滲入蟹肉，令到味道更加濃郁，食得出係好新鮮嘅，而且蟹蓋上面蟹黃超多，好正好惹味。配上脆脆紫菜一齊食，更加多咗一份口感層次，紫菜既脆口同蟹肉既嫩滑形成咗完美對比，每一口都充滿鮮甜同鹹香，非常出色。🦀薯仔煎餅薯仔切絲，混合上洋蔥同香草，再煎得金黃香脆。外層煎得香脆，內裡既薯仔保持住軟糯既口感，同時加埋少少鹽同胡椒調味，令到味道更加豐富，係韓國傳統小吃。🥔

呢間位於尖沙咀厚福街嘅韓國餐廳一直都好想去試吓，嘉欣佢嘅裝修真係好有韓國特色，就好似穿越咗去韓國街頭咁，超級適合你打卡呃like ！食物味道都好正宗喎！一雞兩味呢個係雙拼炸雞，我哋揀咗原味同甜辣味，炸雞表皮炸得好鬆脆，裏面嘅雞肉好嫩好多汁！香辣味就會更加惹味，因為佢外層醬汁甜甜辣辣，會比較開胃！街頭魚糕串呢個串串鍋都係招牌菜，每次去韓國必食嘅魚糕串梗係一定要試吓啦！食落係熟悉嘅味道，魚糕彈牙！值得一提嘅係佢仲有啲蘿蔔喺窩底，蘿蔔煲到好軟腍，嗍曬魚膏汁！芝士蟹膏蟹肉蛋卷呢個好驚喜！蛋捲蛋味好香濃，而裏面係包裹滿滿嘅蟹柳同埋芝士，每一啖都超級滿足！吞拿魚拳頭飯呢個都好特別，類似於手握飯，圓滾滾一粒好可愛，每一粒飯都好紮實，吞拿魚紫菜同埋啲飯嘅比例啱啱好！一個幾特別嘅菜式！可以一試🥳

位於商業大廈嘅韓國餐廳設計好特別，霓虹燈加上藍紅摺抬摺凳令人諗起韓國大排檔都幾有feel🤣-首先有兩碟小菜係芽菜同泡菜懷舊烤五花肉（配生菜） $152五花肉份量好多，而且烤得啱啱好配埋泡菜芽菜，點上大醬一齊食超滿足☺️✨-街頭魚糕串串 $146半份都十分足夠兩人食除左本身串起左嘅魚糕，底下仲有兩大舊蘿蔔同其他魚糕🥹有少少辣椒一齊煮嘅湯蘿蔔十分吸湯，而且都幾清甜帶少少胡椒嘅辣味👍🏻-吞拿魚拳頭飯 $78有配芝麻油，點少少一齊食更加香✨而且紫菜香味十足-柚子牛奶米酒 $68平時柚子蜜飲得多啦，冇諗過配米酒又幾夾中和返米酒酒精嘅味道，十分好飲😆-薯仔煎餅 $82煎得好香脆而且都幾煙韌點埋隔離嘅醬汁食好開胃🤤-座位附近仲有好多漫畫，懷舊電視機隔離係洗衣機，燙斗好有特色😂而且嘢食都唔錯有興趣大家都不妨黎試下🤤

有時收工真係好想出去食下飯 同朋友吹下水 hoo韓國包車真係唔錯既選擇 一入店就有大量韓國路邊攤既裝飾 氣氛一流🤩仲係正尖沙咀 位置好方便👍🏻🍴醬油炸雞 (半份) $158每次去韓國餐廳都必點炸雞🤤🤤原本都糾結簡唔簡醬油味 因為有d醬油炸雞好咸.. 但好彩呢間既醬油炸雞完全唔會好咸 少少咸少少甜 唔會好濃味 外皮都幾脆 而半份炸雞裡面有齊雞脾、雞槌同雞胸各2件 同朋友share啱啱好 👍🏻🍴街頭魚糕串串 $146令我一秒番到韓國街頭既美食🤤❤️魚糕串串煮滾完之後一直都暖粒粒 除左魚糕、魚餅都保留到韓國街頭既水準之外 唔好錯過蘿蔔 吸曬湯底既精華 好淋好入味! 🍴芝士泡菜煎雞卷 $112見餐廳推薦就點黎試🤣比想像中好食👍🏻滿滿既香濃芝士 有拉絲既效果😍中間夾有爽脆既泡菜 增加口感 一d都唔會膩🍹荔枝梳打 $38🍹菠蘿梳打 $38📍hoo韓國包車@尖沙咀厚福街12-12A號藍馬商業大廈22樓

原本約咗好姊妹放假四出影相打卡, 但落大雨又要改變行程, 為免掃興, 最後轉至室內打卡餐廳食個dinner, 同樣滿足。尖沙咀厚福街一間樓上餐廳--hoo韓國包車, 以韓國街頭做主題, 將場景佈置得有如韓國一樣, 座位雖然簡約, 未至於坐得好舒服, 但幾乎每個位都係打卡位, 搶返唔少分。食物方面當然都係主打韓國料理, 入座即送上泡菜同大豆芽菜, 兩款均為免費追加。所order嘅食物都好快上檯。炸芝士stick: 炸得鬆脆不油, 一咬開, 入面嘅芝士可以拉起長長芝士絲, 食到淡淡芝士香, 配上沙律醬, 味道更提升。芝士蟹膏蟹肉蛋卷: 厚厚蛋卷有淡淡蛋香, 包住了鮮味蟹肉, 加上面層嘅蟹膏, 令味道更加鮮香。紫菜飯卷: 飯卷中包住了多款配料, 而飯卷似加入了些少麻油, 令味道香一點, 整體層次豐富, 正!街頭魚糕串串: 可自選全份/半份呢個為半份, 上檯滾起就食得, 串串魚糕好入味, 盡吸鮮甜湯汁, 仲配埋兩件好林又入味嘅蘿蔔, 味道有如韓國地道一樣。拉絲芝士韓式炒雞: 熱辣辣上檯, 佈面芝士火灸得帶點焦, 所有雞件炒過都keep到原本肉汁, 熱辣辣時夾起, 可以拉起芝士絲, 除了雞件,

今晚兩個女仔無無聊聊約左出黎食晚餐。去左尖沙咀睇下有咩好野食，上網見到呢間韓國餐廳好似都唔錯，望落好似平時睇韓劇果啲主角夜晚係街邊吹水食野既檔口，一於就去試下去坐坐！可能去係平日夜晚，去既時間尚早，我地去到岩岩好有位，唔使排隊。入面環境好岩黎打卡，裝飾到好似置身係韓國小店咁，仲有好多五顏六色韓文字既燈牌。由於我地得兩個人，戰鬥力有限，所以叫左一個傳說中的部隊鍋，再嗌左酒飲。個部隊鍋仲跟左成4餅麵，最後我地都係食唔哂。PS. 食住部隊鍋飲住啤酒咁同朋友吹下水咁係幾爽既

是日放假，朋友book 左依間韓風餐廳聚一聚。網上見到d 裝修好特別，真係有種韓國街頭風，好特別！入到去已經好多人😱😱好熱鬧因為唔食辣，叫左幾個睇黎清淡少少既菜😳 街頭魚糕串串+拉麵魚糕串串係我非常like! 份量好大！魚糕好鮮味，加埋個淡底有淡淡既甜味，食落有d 似某長洲既魚蛋，鮮甜！入面仲有一大舊白蘿白，吸曬湯汁，好諗好正😋😋😋拉絲芝士韓式炒雞依個不得了！ 本身上菜時已經聞到好香既炒野既味道！雞肉食落好滑，但又煎到有焦香，好神奇！另外芝士一d 都唔菇寒，成個面都係😂 拉到絲黎真係好正！推薦！！菠蘿啤洒朱古力啤酒依度有好特別既啤酒😂 未見過朱古力啤酒，飲落係有少少既朱古力味，幾特別。個人中意菠蘿味多d, 夠曬fresh! 甘熱既天氣真係一杯入魂！😋😋韮菜煎餅煎得好香，食落係有少少煙韌，佢有配一個醬汁，酸酸甜甜，非常開胃😳😳炸紫菜粉絲卷依個小食炸到香脆，加上醬汁食都幾好😋

環境好特別，整個裝修充滿韓國特色，好有韓國氣氛，好適合打卡👍🏻👍🏻👍🏻座位闊落，坐得舒服~招牌炒章魚 $146推薦！章魚炒得好好食，又香又辣超級惹味，而且咬落唔會好靭，章魚份量又多😍😍😍火山熔岩辣牛肉湯鍋 (M) $158 好大鍋😋😋😋夠2至3個share食，牛肉係雪花肥牛，雪花又多又均勻，熔岩辣好正，煮滾後啲辣醬會溶入湯同啲配料到，超好食！炸芝士STICK $62外層炸得好香脆，咬開入面超多芝士，仲可以做到拉絲效果，點啲醬食，超級滿足🤣🤣🤣半份醬油炸雞 $158必點嘅炸雞一啲都冇令人失望🤤🤤🤤醬油味好好食，雞皮外層炸得好脆，入面啲肉每啖都超級嫩，仲要勁多汁，推薦！！忌廉溝鮮奶 $20

Stepping into the cozy, dimly lit Korean restaurant, we felt like we were in Seoul. The aroma of the kimchi pork hot pot immediately captivated our senses. The stir-fried squid was incredible. its tender tentacles coated in a savory sauce. This was an unforgettable culinary experience. We don't have to travel to Korea to enjoy an authentic and delightful Korean feast!

網上好多人都推介呢一間韓式餐廳，無論係環境定係菜式都好地道，好有feel！入咗嚟就好似去咗韓式大排檔咁，同喺韓劇見到嘅一模一樣，無論係裝飾定係枱凳都模仿得好足，好適合打卡！仲會播K-Pop，一路食一路聽，非常chill！我哋嗌咗個細嘅部隊鍋，炸流心芝士豬扒，芝士泡菜煎蛋卷，拉絲芝士韓式炒雞。部隊鍋就算嗌個細嘅都已經好夠，入面超足料，有午餐肉、廚師腸、泡菜、茄汁豆同埋公仔麵，全部都好入味！大推炸流心芝士豬扒！呢個一定要試，吉列豬扒嘅脆皮配埋入邊嘅流心芝士，外脆內軟，仲要新鮮即炸，熱辣辣，好好食，好特別！芝士泡菜煎蛋卷都超級大份，熱辣辣嫩滑嘅蛋卷包住滿滿嘅泡菜，啖啖都爆汁，超級滿足！更加值得一提嘅係拉絲韓式炸雞，份量固然多，雞肉仲要超級嫩滑，配埋芝士嘅香味，非常夾，口感都好豐富！另外我哋仲嗌咗一杯蘋果梳打同埋一杯柚子梳打，唔會太甜，飲落好fresh!

之前聽朋友講在尖沙咀厚福街有一間樓上韓國餐廳非常地道，好有大排檔feel。今日專程和朋友去見識下。一開門見到餐廳內嘅裝置，全部都是摺枱摺凳，仲有好多懷舊裝飾擺設，好有大排檔懷舊風。餐廳仲好細心放了懷舊汽水籃俾客人擺放手袋和物品。超讚👍🏼一坐低侍應就送上冰水，餐牌，落單QRcode和兩款小食，今日有泡菜同埋大豆芽菜，是可以添加的。餐廳主打地道平民風，所以食物以街頭小食，鍋物，下酒小吃為主，也有幾款主食，飲品選擇都幾多。招牌炒章魚章魚非常爽脆嫩滑，好似新鮮章魚一樣，配上韓式辣醬同埋椰菜炒，非常惹味。芝士蟹膏蟹肉蛋卷賣相非常吸引，厚厚的蛋卷上面鋪了一層溶化的芝士，配上幾點蟹膏十分吸睛，裡面包著蟹肉和蟹柳絲，口感非常厚實豐富，食出啖啖蟹膏蟹肉鮮味。卜卜脆炒豬脆骨拼拳頭飯豬脆骨原來是豬軟骨，脆骨切成薄片，造出脆口的口感，如果喜歡有咬口食物嘅朋友，一定要試試。拳頭飯就混合左紫菜和麻油，配合濃味的炒脆骨，非常美味。柚子牛奶樂這款cocktail是用了米酒底，配柚子牛奶，味道順滑，易入口，有米酒香，也嚐到淡淡的柚子香味。非常推介。熱情果啤酒啤酒夠凍，有微微的熱情果香甜，少了一般啤酒的苦澀味。