hoo韓國包車

營業中

休息中

韓國餐廳都食過唔少，不過就未試過間餐廳係設計得咁地道，好似喺韓國當地嘅路邊攤食嘢，一秒飛咗去弘大咁！️✈️🇰🇷除咗啲嘢好食之外仲有好多唔同特色嘅打卡區域，成班friend一齊嚟gathering，影相打卡一流！📸今次我哋叫咗一個韓式部隊鍋(L) ($206) 追加年糕 (+$20)，泡菜炒脆豬骨拼拳頭飯 ($142)，炸芝士番薯條 ($62)同埋兩杯梳打(各$38)😋首先部隊鍋上枱佢入面已經有好多午餐肉同埋腸仔🤙🏻本身大size嘅部隊鍋仲會配兩個麵餅✌🏻如果覺得唔夠料或者麵/飯都可以追加😆成個湯底都好濃郁，而且午餐肉都唔會好肥膩👍🏻加埋啲麵落去煮，煮到自己鍾意嘅硬度再連埋啲配料一齊食真係超級滿足🥺泡菜炒脆豬骨拼拳頭飯比想像中更加開胃😯無論粒肉大定細都一定有脆骨，唔會偷工減料💯配埋拳頭飯一齊食真係好刺激到味蕾🤪大家都可以嗌嚟當前菜咁食👍🏻炸芝士番薯條就好有驚喜👏🏻本身諗住叫個小食過吓口癮，點知佢嘅拉絲程度係拉好拉滿🤯甜甜地又鹹鹹地，番薯同芝士嘅比例做得好好，真係好好食😋最後好彩有叫到兩杯梳打，可以中和一下成餐飯嘅辣度🤣唔錯👍🏻

最近係咁睇韓劇，食飯都想韓啲！尖沙咀除咗韓國街之外，原來厚福街都有唔少韓國美食～呢度格局好日常大排檔風，好似真係飛到韓國食嘢咁😹🌟 炸流心芝士豬扒 $72豬扒炸得香脆，配上豬扒汁及闊綽嘅mozzarella chesse~ 拉絲效果+肥仔指數都爆燈😋🌟 薯仔煎餅 $82煎得好香，食落帶薯仔絲及十分煙靭～點埋醬汁更開胃，酸酸甜甜咁，送酒一流！🌟 芝士泡菜煎蛋卷 $112蛋卷厚實足料，入邊滑溜Juicy蛋漿唔會過老～仲有好多泡菜，配上濃郁燒香嘅三重芝士，食落香辣惹味！🌟 拉絲芝士韓式炒雞 $128呢個又係爆多芝士，芝士表面燒得焦香，雞肉已有事先調味，食落仲好食過韓國😂😂😂cls必叫！

今次嚟到位於尖沙咀嘅一間旺場韓國菜，當日見到好多人約埋朋友喺到傾計飲酒餐廳好靚，裝修到好似韓國街邊食物檔咁，配埋暗暗地嘅燈光，真係好啱一班人嚟飲酒吹下水泡菜煎餅好食！煎餅係比較軟身嘅類型，入面會咬到泡菜絲，好有口感，每啖食落口都好香，又唔會太辣拉絲芝士韓式炒雞好多洋蔥，對洋蔥控如我好吸引🥰芝士粉量都足，啖啖都好夠味，雞肉有咬口唔鞋，仲切到細細條方便食，啖啖肉，正！阿珠媽炒年糕唔錯有咬口！另外見到佢咪嘅野飲好特別，有唔同味嘅特調啤酒，我哋就叫咗菠蘿啤酒 🍺 一個開心嘅friends night就係咁嚟🤞🏻 

大家好今晚去了尖沙咀厚福街搵食今次揀了藍馬商業大廈頂樓既hoo韓國包車食韓國野這間店裝修似一間酒吧好多唔同既佈置比較新派食物方面一坐低就有兩碟泡菜送泡菜都幾新鮮好味我就點了半份甜辣炸雞都係好正宗既韓式甜辣醬味道雞炸得OK唔太油同柴仲有少少肉汁伴碟都仲會有椰菜絲同一碟酸蘿蔔解解膩另一個主菜就係火山熔岩辣牛肉湯鍋(M) 呢個鍋叫做火山熔岩因為用肥牛卷埋成坐山再加辣椒醬所以肉量都唔少同埋都幾辣下同埋好多唔同既蔬菜有豆腐 菇類 娃娃菜 韭菜等等不過蔬菜同肥牛點左辣椒醬湯底吸收左湯汁幾惹味這個鍋仲可以加$3蚊配Terra啤酒這款啤酒都幾清個味似喜力果一種主面方面點了泡菜煎餅煎得都幾香仲有甜甜酸酸醬汁可以點另一款係蟹膏拳頭飯其實係一舊飯團放左紫菜同蟹膏蟹膏夠濃味同飯團一齊食都幾有韓國風味飲品仲點了一杯柚子梳打呢杯是無酒精成份都幾清新總括這間餐廳走新派韓國餐廳當係餐廳或酒吧飲酒食小食都唔錯

今日同朋友去咗尖沙咀松本清買化妝品，買完野行完DONKI見時間差唔多，就提議不如食韓國野！上網搵到厚福街呢一間好似唔錯，就「貢」咗入嚟啦✨個時大約6點3左右，因為我哋無book到位，所以佢哋都提醒我哋7點半要交枱（所以下次去食最好book定位🤭坐低就上凍水上小食（泡菜同埋醃芽菜），好有氣氛咁大大聲地播住韓國女團嘅歌（啱啱上到去播緊Mr Chu)，親切感滿滿！ 整體裝修同燈光都好靚，好似合韓國街頭小食嘅氣氛。而家可以用QR code落單，落完單直至上菜都好快，唔洗十分鐘🤭我哋仲買咗兩杯梳打，我叫咗熱情果梳打；我朋友嗌咗荔枝梳打，每杯$38✨

一向都知道厚福街好多唔同菜式嘅餐廳，突然lunch 想食韓國嘢，於是去搵吓，見到藍馬商業大廈上面有一間好有特色嘅韓國菜Hoo韓國包車，於是去試吓。有別於傳統韓國餐廳，餐廳採用韓國最新酒吧pocha方式裝修，非常新潮我哋今次就叫咗一雞兩味，芝士泡菜雞蛋卷，泡菜豬肉鍋。炸雞可以選擇原味醬油及甜辣味我哋就選擇咗醬油及甜辣，炸雞非常香脆，加咗醬汁都唔會令到變淋，雞肉醃得非常入味配上醬汁，簡直一流。芝士泡菜雞蛋卷一上枱份量大得驚人，裏面包含海量嘅泡菜及芝士，一口接一口，喜歡食蛋卷嘅就不能錯過。泡菜豬肉鍋以火鍋形式呈上，滾住食，唔會令到變凍，豬肉用上厚切五花腩，油香感十足。如果夜晚配上下酒菜及啤酒，氣氛一定非常熾熱。

呢排好鍾意食韓國嘢，朋友搵黎呢間hoo韓國包車，裝修勁韓，可以扮去左韓國😂嘢食方面都好多選擇，基本講得出嘅都有。因為2個女仔食食唔到太多，所以精選左幾樣試下。首先係街頭魚糕串串，都好大份，再配埋啲醬汁點，還原左韓國嘅味道。飲品就叫左熱帶雨林同夏日的風，其實係水果有氣飲品，可以打下卡咁colourful。跟住就叫左卜卜脆炒豬脆骨拼拳頭飯、醬油炸雞同懷舊烤五花肉。見到咁多肉係面前真係流曬口水。拳頭飯滿滿麻油香味，可以中和下食肉嘅油。醬油炸雞好juicy，唔會好乾，忍唔住食完一個接一個。最後重點五花肉，配埋生菜包真係最住配搭，一口肥肉一口fresh，唔覺唔覺都食曬。總結呢到好岩成班朋友吹水，地方闊落坐得舒服，食物又有水準！

一講起食韓國嘢，相信好多人都會諗起醬油蟹，今次我哋就一於有啲新意，搵另一類韓國嘢試吓。嚟到呢間餐廳，一打開門已經覺得十分有風味，見到牆身嘅佈置-鐵皮拉閘、洗衣機同埋水吧嘅裝飾，好似返咗韓國嘅地攤檔咁。由於我哋去食嘅時候係午餐時段，避免眼闊肚窄，我哋就諗住兩個人share三樣嘢就啱啱好啦。首先嚟到嘅係招牌炒章魚，上菜嘅時候熱辣辣已經覺得好吸引，章魚咬落唔會韌，唔好睇佢個碟以為好少，蔬菜下面冚埋咗唔少章魚粒，甜甜辣辣好開胃。好味指數： 🌕🌕🌕🌑🌑我哋第二樣柯打係泡菜煎餅，泡菜味唔算十分辛辣，但咬落嘅質感同出面餐廳食薄脆嘅感覺有另一番體會，聽店員嘅建議點上醬汁更加將煎餅嘅香味帶咗出嚟。好味指數： 🌕🌕🌕🌗🌑最後係我哋好期待嘅炸雞，我哋嗌咗甜辣同醬油一雞兩味，唔單只係雞髀，連雞胸嘅位置都好嫩滑，唔會鞋颯颯，除咗份量好足外，每舊雞都有足夠醬汁，充分包裹住香脆嘅外皮，最後成功抱住個肚餓離開。好味指數： 🌕🌕🌕🌗🌑兩個人食到行唔喐都係六百蚊有找，有機會經過尖沙咀記住去試下喇！

今晚是朋友們提前為我慶祝生日，他們知道我最喜愛吃韓菜，所以就帶了我到這間人氣推介的韓菜小館。位置在厚福街那邊，在一棟商業大廈內，屬於樓上小店那種，位置都屬於容易尋找。店內環境有點迷幻😂又裝修得有點像舊式家居擺設，在家內廚房吃飯看看餐牌，選擇也是有很多的有韓國最出名的部隊鍋、有炸雞、韓式燒餅等等飲品選擇，都是以韓式品牌為主Order了一罐忌廉鮮奶卜卜脆炒豬軟骨拼拳頭飯🤜🏻份量都幾大，豬軟骨炒得好爽脆，配上椰菜，拳頭飯就即是把飯團搓成球體狀，內有吞拿魚肉及紫菜韓國菜店必有的泡菜及辣芽菜前菜街頭魚糕串串，用長長的食物木簽把魚糕串起，造型跟韓國街邊小食一樣傳說中的部隊鍋，在韓國深受年輕人歡迎的鍋物，湯底味道鮮甜，再加配公仔麵吃最好炸流心芝士豬扒，即炸即食，外脆內軟拳頭飯太好吃，再加單泡菜煎餅

約咗去尖沙咀整頭髮，就同朋友先搵間餐廳醫下肚，朋友介紹了這間hoo 韓國包車食韓國菜。餐廳裝修特別，有洗衣機、雜誌架和一些懷舊雜貨，播着韓星歌曲，氣氛別有一番風味。餐牌前後兩頁，電子下單，我哋選了幾款食物都好好味。***招牌炒章魚 ***呢個炒章魚炒得比我哋預期中還好味，醬汁味道好特別，像韓式辣醬加海鮮醬，炒的菜和章魚一樣惹味。***一雞兩味 （甜辣+醬油）***兩款炸雞都有濃濃的醬汁，特別喜歡甜辣味。***芝士蟹膏蟹肉蛋卷***呢個芝士蟹膏蟹肉蛋卷真心好味，一定要大推，蛋卷嫩嫩的有蛋香，卷着的材料也很足，有蟹肉、蟹柳和蟹膏，喜歡吃蟹的朋友不仿一試。***菠蘿梳打***一邊吃炸雞，一邊飲菠蘿梳打，爽👍基本上點的食物樣樣都很好吃，坐得舒適，會再嚟食。

今日黎到厚福街食lunch, 之前黎過呢到食晚餐, lunch都有lunch set, 價錢相宜, 選擇都好多!我同媽咪叫左1個便當, 係辣炒魷魚便當, 另外加左d炸雞同芝士條, 2個人share岩岩好!!便當除左魷魚, 仲有2款泡菜, 魷魚唔算好辣, 不過好惹味, 超好送飯!炸雞等左20分鐘左右就來了, 係超級熱!!! 大概有6大件, 入面超JUICY多汁, 熱辣辣真係好正!佢個炸粉唔會好厚, 淡淡肉, 個甜辣醬好好味, 充份包圍住舊雞~~ 炸雞真係好大舊, 其實每人食左2件都已經好飽XD仲有一份炸芝士蕃薯條, 本身都唔係好知咩黎, 以為普通芝士條, 點知食落入面真係有番薯味, 咸香之餘仲有一陣甜味, 好好味, 值得一試!! 不過多D人SHARE會更加好~XD

Happy Friday！忙了一整個禮拜，放工後當然同好同事食餐好迎接週末，今次同事發辦帶我去食韓式炸雞！餐廳位於尖沙咀厚福街藍馬商業大廈。港鐵站步行約四分鐘就到，非常方便。用餐時間係星期五晚上八點左右，餐廳都幾乎滿座，建議想食早訂位較好。- 泡菜及芽菜ᶠʳᵉᵉ前菜有微辣泡菜，鮮嫩芽菜。兩者口感爽脆，作開胃菜一流！- 一雞兩味(甜辣/原味) ²²⁸食韓國菜絕不能不吃韓式炸雞！一雞兩味有三款口味選擇，我們選了甜辣/原味。炸雞炸得非常香脆，肉質嫩滑肉汁豐盈，件件都啖啖肉，好滿足！炸雞跟啤酒一定是絕配，可惜今天不能喝酒，算是少少的遺憾。- 街頭魚糕串串(中) ¹⁴⁶街頭魚糕串串分別有魚糕串、魚糕片、魚餅，蘿蔔。每件都大大件！魚糕魚餅口感煙煙韌韌，而蘿蔔煮得軟腍清甜入味。每件都吸收了魚湯湯底的鮮甜香味！- 招牌炒章魚¹⁴⁶招牌炒章魚份量十足！章魚粒爽口彈牙，還有椰菜，蘿蔔等配菜用秘製醬汁炒得非常惹味！味道帶點微辣，食起來相當開胃！- 粒粒蜜桃汁²⁰味道清甜，還有粒粒果肉。解渴必選！總結餐廳無論食物質素價錢份量，服務態度，環境評價都好高。係一間值得推介嘅韓式餐廳！

阿女喜歡韓國，知道尖沙咀有間好特別嘅韓國餐廳，急不及待叫埋我一齊過嚟試吓！hoo韓國包車以韓國路邊攤設計 ，用餐時彷如置身韓國街頭，店內的裝潢非常適合打卡。有口路邊攤摺凳、摺枱、路邊會出現的韓國街頭自助洗衣店、霓虹燈、韓式漫畫店等不同特色的打卡區域，影相一流！入座後即送上前菜，有泡菜、芽菜，開胃爽口帶少許辣。正宗韓國味道。一雞兩味：原味的炸雞酥香可口，食落更加外脆內嫩有層次。甜辣醬：一甜一辣，帶嚟咗雙重嘅滋味甜辣醬汁嘅衝擊， 配埋肉質細嫩的雞肉，多層次嘅風味直湧味蕾。街頭魚糕串串：魚糕由韓國直送，上枱用明火滾住食，魚糕串爽口彈牙，煲內還有蘿蔔和魚餅，蘿蔔吸收左高湯嘅味，味道香甜又入味。芝士蟹膏蟹肉蛋卷：芝士蛋卷嫩滑有蛋香，芝士惹味，配搭鮮甜嘅蟹膏蟹肉，啖啖都滋味無窮！忌廉溝鮮奶：口感香甜順滑，味道充滿特色。韓國檸七：口感清爽帶青檸香氣。

這次造訪hoo韓國包車，無疑是次愉快的用餐體驗，所有食物都吃光了。菜餚的選擇很多，我們兩人先嘗推介菜式。半份醬油炸雞 $158.00炸雞入口即化，酥脆外皮是多汁鮮嫩的雞肉，搭配濃郁的醬油，令人食指大動。芝士蟹膏蟹肉蛋卷 $128.00芝士蟹膏蟹肉蛋卷口感層次豐富，外皮酥香，內餡絕妙的結合了鮮甜的蟹肉、蟹柳、濃郁的芝士和綿密的蛋漿。泡菜豬肉鍋（M）$161.00 + 拉麵 $15.00滋味濃郁的泡菜豬肉鍋酸甜並濟，搭配彈牙的拉麵，讓整個用餐過程都充滿了地道的韓式風味。hoo韓國包車是正宗韓式料理的代表，不論是在口味、分量還是價格上，都讓人賓至如歸，難怪座無虛席。

近年好興Y2K 韓國包車餐廳☺️環境好似平時睇韓劇咁🤣餐廳佈置得好復古，好有感覺🙂‍↕️1️⃣懷舊烤五花肉學韓國人食法🙊將五花肉點辣醬後再包生菜食🥬咁食冇咁油膩👍🏻2️⃣辣辣無骨雞腳岩曬我唔中意有骨嘅人😃辣辣地好惹味🌶️（怕辣就要注意⚠️）3️⃣芝士泡菜煎蛋卷每次食韓野野都必點煎蛋卷，我承認我係小朋友口味✌🏻泡菜份量都幾多 🤣切碎d會更好🙊4️⃣紫菜包飯都係基本款，味道唔會出錯🙂‍↕️5️⃣青蘋果梳打及熱情果梳打兩杯都唔係死甜假甜味，唔飲酒既人都可以叫梳打👍🏻