Homebake

營業中

休息中

經過見到好多人排隊，所以買咗$108蚊6個唔同口味既撻返屋企試吓，佢有兩個焦糖 兩個原味 同埋一個芝麻一個開心果口味，如果原價要20幾蚊一個呢個就會有啲貴，食物質素方面，佢外皮都非常香脆，但係開心果口味偏淡，可以話食唔出，要俾多少少功夫。

第一次試宜間既蛋糕，芝士蛋糕完全唔漏，芝士味濃郁，上面嘅水果都好甜，唔會酸，老人家同小朋友都鍾意！價錢又合理，加$20可以即時寫到生日阿既朱古力牌！值得下次再光顧！

呢間野職員真係好固執(即係蠢? ) 同無禮貌，上星期六想買 $99/3 個 burnt cheesecake, 我同朋友最後共買左4 個 burnt cheesecake， 佢話要加$10 先有兩個紙盒, 我地同意左加$5 要一個紙盒, 因本身買3個已有一個紙盒送埋. 但去到付錢佢就未訓醒定唔知個腦有咩錯亂, 話兩個盒要 $10架喎, 唔知佢點計到要比多$10. 講極都唔明, 佢成功為左佢以為既$5 而幫公司賺少左$141！最後我就梗係無買啦. 佢仲同同事講 : "佢地話唔買喇喎!"美心真係多謝你, 無諗過買幾個蛋糕仔都要受氣, 結果係去兩次airside都無緣買到 sosad !

幾個月前，佢開業冇耐，買過它的特濃芝士麵包，一包38元，可由於買嘅時候係望唔到麵包嘅餡，只會見到面有些烤過的芝士，回家切開見到大量丁方形芝士粒（30粒一定有）非常驚喜，亦都好食。但事隔幾個月，近日再去光顧，切開麵包，非常失望，整條麵包的芝士粒，我估7粒都冇，除了頂部有少許烤芝士，餡係近乎是一條白麵包，餡料大縮水，38元，不了！！

🥖開心果法式丹麥布丁 $24呢間係Airside行過勁多人幫襯嘅烘焙店，見到有綠甘甘嘅開心果法式丹麥布丁即刻雙眼發光，狗衝去買😍但係一食落去好失望🥲食左好幾啖都係冇開心果味，直到食到布甸嘅中間先終於食到開心果味鋪頭嘅切面圖勁靚，但係我地食個個就得一點開心果醬，除左個點就完全冇開心果味🥲🥲但如果就咁當佢係布丁包佢係幾好食外皮夠酥脆，好香牛油味，蛋漿好香滑想試嘅建議大家買返原味仲開心～仲平幾蚊🥺

主打低溫熟成吐司🍞12小時低溫熟成發酵極致綿密回彈的柔軟質感💕 芝士蛋糕裹面一粒一粒黑色吾知咩黎既呢濃郁的奶香味滑腻感，有章住口既感覺，loved 宇治金時綠茶紅豆🫘紅豆同麵包都好軟熟，紅豆味道濃郁

行開Airside，通常去面包🥯鋪買面包🥯做聽日早餐🥣，所有面包🥯鋪集中🧘喺B1層,仲要9成既集中🧘喺地鐵🚇站口，除咗Little Mermaid。我通常睇哂一轉所有面包🥖鋪先決定買乜，最後睇中咗Homebake既朱古力🍫曲奇🍪，通常特價放收銀隔離，原價$20減到$14，獨立包裝📦，買咗兩塊。第二朝早餐🥣，好硬，但硬同脆真係一線之差，我平時食開Mrs Field特價曲奇🍪，兩種texture真係差天曲地，似踩屎同踩石屎路既分別。Homebake既朱古力🍫曲奇🍪有朱古力🍫粒，其實我平時唔食朱古力🍫，但呢個朱古力🍫曲奇我接受到。👍🏻

去開Airside 行街， search 到有幾間麵包店， 去此店試買以下幾款pistachio French Dan $24 撻唔夠鬆脆sesame French Danishrich cheese loaf $38夠芝士味， 香軟pistachio chocolate $38面舖滿開心果碎，。但切開就掉曬， 內鬆軟， 朱古力味多過開心果。 8：2。。 hazelnut chocolate cake $34 9折朱古力蛋糕好軟棉， 朱古力醬恰到好處， 唔膩mango cheese tart $42 9折芒果唔香， 好淡味， tart 皮脆。但如果以$42來說， 唔抵食， 好一般。總評。 價錢補貴。 質素有好有一般。有人話係paper stone 同一美心集團， 只是paperstone 姐妹店， 質素差不多， 但價錢比paper stone 貴。

當日食完lunch唔係咁夠飽，見到Homebake有開心果撻！價錢唔算貴！（已經唔記得幾錢😂好似唔駛廿蚊）作為開心果控既我，一定要買個黎試下！個撻食落只係暖暖地！如果再熱d會好食d!咬落已經好香好香開心果味，食到中間發現原來個底有薄薄既一層開心果醬！我覺得比乜乜b仲出色！其實食咁多開心果product，真係冇乜邊樣係好濃開心果味🥹但樣樣都好貴，完全有厄錢既感覺... 不過呢個真係冇厄錢！呢個價錢係值呀！！！

經過Airside買早餐🥣，揀咗Homebake，見到特價既法式朱古力🍫酥，原價$19，特價$16，好彩有個袋包裝📦，見朱古力🍫融融地。第二日當早餐🥣食，都鬆軟，朱古力🍫唔太甜，啱我

當日早上，為公司個客打印花稅而走到啟德稅局，等得文件嚟，已經將近中午時間，所以，我順道走到附近的 Airside 找間麵包店，買麵包返公司 Quick lunch！印象中，當日跟好姊妹走到 Airside B1樓那層，經過 <Homebake> 見到有抹茶包賣！其紙袋包裝設計，跟美心旗下的 Paper stone 幾相似呀！ 好似 Paper stone 嘅 friend?! 只收現金、八達通、電子支付方式...方式等。 抹茶馬卡龍包 $18包身細細個，卻是包質密度高；滲出抹茶清香，口味不甜膩！燒蕃茄吞拿魚蕎麥包 $16同樣包質密度高，夾雜蕎麥、中間有少許吞拿魚及加入一點沙律醬， 加上一片燒蕃茄，令賣相吸引些吧！價錢不平啊！

朱古力咖啡香蕉拿破崙酥$46朱古力🍫、咖啡☕️、香蕉🍌這個配搭，簡直是絕配，冇得輸！咖啡與朱古力的味道十分香濃，香蕉給予fresh的感覺，相輔相成。拿破崙酥不會太硬，但也並不是小編食過最酥脆的拿破崙。(垂直叉落去拿破崙蘇時，中間的cream只是會輕微被擠出)紫羅蘭雜莓拿破崙酥$46坦白說，小編並不知道紫羅蘭是什麼味道🫣。品嚐此拿破崙酥時只嘗出雜莓的味道，小編平時並不偏好紅莓，因為怕酸🫣可是這個拿破崙酥的雜莓的酸度恰到好處🤩！非常Refreshing 😍😍😍！吃的時候並不會有罪疚感，相信食成磅既拿破崙都不會感到膩😂對比起朱古力咖啡香蕉拿破崙酥，小編更愛紫羅蘭雜莓拿破崙酥🥰🥰🥰榛子朱古力蛋糕$34表面的朱古力不是脆皮，而是比較濃稠的朱古力醬。蛋糕本體是濃郁朱古力的mouse。Mouse中間是流心的榛子醬，味道像金沙。這個價錢、這個外貌，算是不錯。不過如果一個人吃光這件蛋糕，會比較膩。荔枝玫瑰芝士蛋糕$34 表面的透明啫喱是荔枝味，亦灑有玫瑰花瓣碎，一入口是荔枝的香味，甚至比原粒荔枝的香味更濃!?! 🤯🤯🤯可惜味道好artificial，亦太甜，完全遮蓋了芝士味道。小編為了食真啲芝士香味，便只

買左個朱古力咖啡香蕉拿破崙蛋糕慶祝生日。估唔到佢既咖啡味好出，而且食得出好濃既香蕉味，整體感覺好夾。成個蛋糕既cream都算好多，分左幾層既拿破崙，所以食一少舊已經好飽！比起其他忌廉蛋糕，呢款好抵食，可以分幾餐，當然價錢就貴少少。

好少經過airside, 搭完地鐵出去商場果陣, 沿路見到呢間麵包舖, 然後見到門口好多人, 超級好奇心之下就走左去睇下有咩買! 見到佢D包, 撻等等都好精緻, 尤其係個法式丹麥布丁, 望落勁靚仔, 同而家好興果D撻批望落一樣樣~不過價錢真心唔平, 18蚊一個, 做緊優惠就100蚊6個.另外為左想試真D佢的包, 我另外買左個鹽燒三文魚飯糰包 $19.法式丹麥布丁 $18攤左一日之後個布丁包仲係好脆, 外皮幾得, 不過個蛋漿唔夠香滑, 味道偏淡, 可能為左迎合而家D人的口味. 如果呢個包有做特價, 相信我都會回購. 起碼易買過BakeXXXXX.鹽燒三文魚飯糰包 $19我真係冇EXPECT過一咬開入面真係飯團, 所以有D嚇親, 我本來以為係飯團造型。先唔論中唔中意食飯團先, 呢個飯糰餡超鹹, 我好似食緊豉油撈飯咁,出面親酥皮包住D飯真係唔知為左乜.  個酥皮攤凍左又會出油, 成個袋油笠笠, 真心唔推介大家試呢款。

早排幫襯呢間麵包店，收銀處有個負責將麵包入袋嘅男店員，對顧客講嘢語氣好冇禮貌。啲麵包賣到咁貴，唔該請啲質素好啲嘅員工啦！咁樣嘅服務態度，連屋邨嘅平價麵包鋪都不如。