Home‧焙小日子 (荃新天地2)

營業中

休息中

對於一個完全沒有烘焙經驗既人， 想自己親手整一個蛋糕俾老公， 本身去之前都好擔心搞唔掂， 好彩荃灣呢間烘焙店嘅staff 好好， 基本上去到每一樣嘢都係自己嚟， 睇住ipad 跟住步驟做野， 佢嘅資料真係好仔細， 又有片， 所以要跟住做一啲都唔難， 仲要在場嘅staff 主動嚟協助你， 所以整體嚟講係成功嘅， home焙小日子嘅staff真係好抵讚👍👍👍

情人節當天小莎送了一張邀請函給男朋友作為禮物，邀請他與小莎一起烘培，共渡難忘的一天💕以經歷代替物質，也是一個有驚喜的禮物主意哦～#home培小日子 的材料和設備齊全，只要跟隨平板電腦上的指示，就能成功做出美美的甜品🍮店員也很友善，會提點小莎和男朋友烘焙過程中需要注意的地方👍🏻 Puppy狗狗派🐶步驟比較簡單，將批底焗好，然後將芝士餡倒進去，冷藏一段時間，最後用朱古力醬畫狗狗裝飾就大功告成✨成品很漂亮哦～

暑假最後衝剌，帶左小熊貓黎小日子整蛋糕🎂小日子適合六歲以上既小朋友，佢識睇ipad可以自己拎材料...係要幫佢拎落黎同埋睇佢量既數量大部分既動作都可以自己完成，我只係係旁邊幫幫手👍🏻👍🏻👍🏻 小日子分區做野，入去會分配個位俾你之後就照住ipad上既提示去拎料同搞伴...真係識字就焗到蛋糕出黎冇難度😆整好左，有職員會幫你手入焗爐同拎出黎吹凍。時間就要自己睇住，計時⌛️夠鐘就要搵人幫手啦！完成品，同佢圖片唔差得好遠而且味道佢都較得比較少甜👍🏻同行大人閒日要加80蚊，要留意啦！

本身同小朋友滿心期待黎整蛋糕 岩岩開始都幾好 但就比較多人 兩個人一半張枱 勉強岩岩好夠位擺野揀完蛋糕 可以睇一次教學片 睇完後發現有少少難度 想轉另一款 員工話可以轉 但如果轉另一個較平既蛋糕款式唔會退返款 其實我未睇教學 點知原本揀個個係咪曖適合呢😓勸大家真係要揀之前真係要三思🤕但大家都知道小朋友可能初嘗試整蛋糕 步驟做錯左 有個員工話要再比30蚊材料費 個員工態度非常唔友善 仲要其實d材料根本自己自由拎 只不過咁岩比佢見到發現做錯左 就要我地比多30蚊 眼見旁邊其他小朋友整錯左 都只不過拎去洗 再拎過材料就可以 覺得都幾唔公平30蚊都事少 跟住員工全程都好似好唔滿意小朋友咁 覺得佢隨時都會做錯 不禁令人覺得佢有少少嫌棄既感覺去到後期 因為教學唔太清晰 小朋友又整錯左 但今次另一位員工就主動幫我地拎過d所需材料 所以根本之前罰既收費好無理 亦唔知佢幾時要罰比多30蚊 幾時唔駛 令人難以適從 亦好大壓力之後個位態度唔好既員工仲整跌小朋友 令小朋友手上材料跌哂落地 好彩冇受傷感覺呢個地方似乎都真係唔太適合小朋友去玩 真係唔會再去了😅

朋友介紹呢間焙烘店 可以有親手整蛋糕，適逢準老公生日，造就機會比我親手玩吓🙊🎂💝.黎到簡左想整嘅蛋糕比完錢之後會收到一條圍裙一個pad一個計時器,店員簡單介紹鋪內位置自己就可以根據Pad裏面嘅做法步驟去磅材料，一步一步用完既工具就可以拎去俾職員清潔，有唔明嘅地方店員都會樂意去解答，非常簡單⭕️✅好多家長都會帶小朋友嚟參與👨‍👩‍👧‍👦👨‍👩‍👧‍👦.載思整既係趣脆奧利奧黑旋風🍫🍰（香蕉合桃戚風蛋糕）cute賣相夠哂吸睛👀👀,我咁手殘都可以做到🤣而且仲有飲品沖，等焗蛋糕既時間可以沖番杯☕️☕️☕️

女朋友生日，作為一個二十四孝男朋友，當然要有d表示。但咁岩屋企個焗爐壞左😭咁岩見番工附近有間開左冇幾耐既自助烘培店，所以就入去整蛋糕。一入到去，有d嚇親以為係暑期蛋糕班😂勁多親子整緊蛋糕。好彩我bk左位整蛋糕，如果唔係就要等番半個鐘以上。因為我後面有個靚女，因為冇位而要係門口等🤭所以想去整就記得記得要提前bk位。今次整左個月球蛋糕。我都幾滿意個效果。其實全程冇人會騷擾你整蛋糕，全程就係你自己拎住個pad去整。一開始我都好驚要比第2次錢整過過，但發現當你需要幫助或者睇唔明既時候你可以問店員姐姐。佢地個個都好細心，好體貼。有個姐姐見我整到好似搞唔掂咁，有過黎問我需唔需要幫忙，當然我係好瀟灑咁拒絕左，就gg左😂整體黎講我都幾滿意，因為有人幫手，又唔洗周圍搵材料，重點！！有人幫你洗埋碗😂😂真係幾開心。同埋可以三五知己一齊去整，吹吹水，焗焗cake就一個下就！做親子活動都唔錯架😀

為左同閨蜜慶祝生日就決定一齊動手整生日蛋糕之前經開荃新天地2期，見倒地下有間蛋糕店想試好耐啦所以就預早係網上book 位星期五晚上六點人數唔叫太多我地揀左新推出既芒果夏洛特蛋糕生日有9折優惠只要出示身份證明文件即可根據店舖所提供的iPad去取工具及材料標示都好清楚最貼心係有員工幫忙快速清洗工具亦有唔同職員去主動睇下個個顧客睇下大定有冇咩需要同協助對於我地呢啲新手黎講真係好重要經過大約2個鐘既制作過程終於可以去雪啦登登登完成另外會有個蛋糕盒裝好取走場內還有個獨特位置打卡

估唔到原來bakery shop 都可以打食評！所以一知道之後即刻黎打返篇正評俾HOME.焙小日子事緣因為家人生日啦，既然年年都買蛋糕，不如今年搞搞新意思，整個蛋糕俾家人食啦！因為家人鐘意黑森林蛋糕，所以就唔洗諗就俾錢整黑森林啦！呢度有個好處，就係上網落order既時候只係BOOK位，客人未需要決定整乜蛋糕既所以會有足夠時間考慮到底想整乜野蛋糕但因為呢度只接納現金同埋EPS，所以記得帶足夠現金啊因為整蛋糕係唔會時間同手影相，所以唯有文述 呢度環境好開揚、地方都乾淨、地點方便，係商場既地下，好容易揾不過始終都因為係舖頭，所以地方唔夠大，唔會有LOCKER俾客人放置隨身物品所以記得小心自己財物同埋唔好帶貴重野去啦流程都係自己望住個PAD做，不過呢度既店員好好，佢地會主動黎幫手。我個蛋糕整得成都靠佢地既幫忙焗蛋糕、用MIXER同埋批CREAM都係店員幫手之下完成蛋糕既成品就係咁啦！雖然睇落係唔靚仔，但係蛋糕既味道真係好好可惜既就係呢個黑森林既製作方法既唔係傳統個款落酒，都唔係港式餅舖落啫喱個款LAYER之間落既只係CREAM同JAM，不過因為個朱古力清蛋糕真係好好食，所以無阻我對自己製成品既

見荃灣開咗新店近近地就入去試吓環境好大好舒服設備齊全⭐️雖然價格望落去唔係話好平但若果自己整一個甜品買齊材料都差唔多始終呢度設備齊全有專人幫你清洗所以都算合理啦入到去會有一部平板電腦俾你睇住食譜整當中有啲咩唔明白都會有員工幫下你今次整咗個檸檬慕絲撻 味道到OK喎😂 始終有個食譜俾你跟住衰極有限🤣如果大家想整蛋糕比朋友or情人又唔想搞咁多嘢可以嚟呢度一試 心思搭夠呀嘛🥰

囡囡本身好喜歡整甜品，但因為屋企的工具同空間有限，所以約埋幾個同學仔同媽咪，一齊到這間烘培店整蛋糕，小朋友興奮期待，這真係一個非常適合親子的活動。真心讚賞這間烘培店的老闆，我們當中有位朋友熔朱古力時可能不太熟手，失敗了，要再攞材料再整，朋友預咗要再付材料費，但老闆卻沒有收錢，很好人。不過，其中有位女侍應生，是在收費處接待我們的，態度就不太好。首先，我地都擔心walk in會無咁多位，所以早一天已經網上預約了5大5小，但當天，多了1位媽媽同女兒都想一齊去整，去到時，這位女侍應就好似怪我們沒有通知，跟旁邊的同事話我們咁，我覺得如果無位佢可以坦白告訴我們，不是跟同事好似講是非咁😠。另外，小朋友去到當然好興奮，佢地已急不及待地走入去找位子坐低了，這位女生又話我們要先付錢，佢自會安排位置，態度很不耐煩，但我們只係想安頓好小朋友再付款，不想10個人堵塞在門口😡。之後，我們將朱古力放入微波爐加熱時，不知道要調較熱力再按時間，所以朱古力焦了，她又用不耐煩的態度話d朱古力全部用唔到了，我地已講不好意思，但轉頭我又聽到她跟同事話我地全部整燶哂，態度真的好差😠。我想講，如果我們是熟手的就不會在幫襯烘焙店，如

地方大，乾浄，位置便利，容易到逹。非常適合同好朋友一起做蛋糕再午膳，荃灣西鐡再步行五分鐘左右。先付款後獲發一個計時器和平板電腦，先看知片，略知一二怎様開始，非常清楚易明

台灣人氣烘焙店「小日子」強勢進駐荃灣，我地於開幕第一日就「迫不及待」立即搶先試玩！老婆和阿囡一組，我就同阿仔合作，做兩款甜品。呢度佔地過千呎，備有多部高規格名廠焗爐、彩色攪拌機有姿勢更有實際，絕對係一個培養「烘焙技巧」的好地方。玫瑰兔戚風（$320）戚風（Chiffon)係台灣譯音，即我地嘅「雪芳蛋糕」。呢度嘅玩法非常簡單，每人派一部平版電腦，所有烘焙工具齊備，食材亦準備好，從雪櫃取出量準份量即可。只要按部就班跟住步驟去做，做出精美兔戚風其實唔難！賣相絕對見得人，味道可以媲美最出色的五星級酒店。（純個人意見）小雞檸檬乳酪球（$350）呢個步驟雖多，但只要大人從旁協助，比少少耐性，一步步齊心合力地做，四個鐘頭內可以完成，絕對係耐性同耐力大考驗！味道出奇地好，黃色外皮脆，似鳳仙雪條！內含檸檬乳酪十分醒神，清新程度直迫中大Med can檸檬批！「小日子」係不錯親子活動，「忽發奇想」他日準備為小朋友開生日會的話，不妨試試提前一日來和孩子親手製作一個「獨一無二」的生日蛋糕，應該會是個不錯的「好主意」。🎂