HOLA

營業中

休息中

This is a nice popular restaurant for dog lovers. The deluxe breakfast was yummy and good variety, but the mini croissant was a bit soft. The smoked salmon spaghetti was rich and creamy. The interior decoration had a very British theme which I like.

錦田天空之城有位比你泊車 附近都仲有幾間餐廳 不過個friend 介紹呢間 所以直進無誤環境一流 裝修有特色 (請睇相hehe)入到去就已經放pea 哂個日去到都3點幾4幾主要想tea 一tea 無乜人 任坐唔嬲2個人叫左個egg benedict with salmon 食評照舊睇相啦埋單唔洗100蚊 性價比高留意番個場真係好靚 都應該可以包場搞event btw 連個洗手間都有decoration 令你如廁都小開心同有holiday mood

無意中發現咗一個元朗新開發嘅城市,一整條美食街從此誕生! 呢間叫Hola既餐廳，可以話係人氣爆燈， 好多人都會慕名而來呢間餐廳，而我亦唔例外!餐廳嘅外表可以用金碧輝煌來形容，整條街都會有好特別嘅外表裝飾餐廳入面人山人海，由於冇book位嘅關係，所以被迫坐喺戶外嘅位置!我同太太都掂咗all day breakfast， 台太大點嘅係普通版嘅我哋breakfast， 份量十足而且賣相精美!要推介係我揀嘅believe版本， 值得一讚係佢哋嘅煙肉唔似出面食到嘅， 軟棉棉嘅肉質口感加上蜜糖，超正!星期六日及假期嘅餐牌費唔包飲品， 如果假日黎記住要book位!

很喜歡爾巒旁邊的天空之城，周邊都種滿綠色植物，枱頭可以望到大遍天空。Hola 系天空之城其中一間餐廳。這天還出現了超巨雪橇狗陪食早餐。牠很乖，沒有吠或四處奔走。蠻可愛！我的Vegetarian Classic份量不少，特別喜歡有磨菇同大啡菇。Holy Style Thick Toast吐司等了很久才到。再次證明食好野系需要等待的！切開後，豐富的蛋汁與烘過的多士同吃，美極了。正常的咖啡藍莓百爵茶，味帶酸甜。跟著都會去market place 行逛下，再返元朗買餸預備晚餐。

偽文青👸🏼週未好吃點☺️相機食先📸 Hola素食All day breakfast & sunny chicken burger🍔==============================•素食全日早餐 稍為健康既all day breakfast😂 大啡菇 牛乳蛋 野菌 茄汁焗豆 牛油粟米 沙律菜 煎蕃茄 小牛角包 大啡菇超juicy👍🏻 好味！食物夠熱！•Sunny Chicken Burger 「殺🐣漢堡😂 」太陽蛋 🍳加煎香雞扒 太陽蛋既蛋汁與雞扒 漢堡包一齊食 三合為一 令到口感提升🤤流口水啦！ 而且雞扒1D都唔細塊👍🏻 •梳打特飲💙薄荷柚子💚青瓜奇異果💡不同顏色 不同水果配搭 梗有一款啱你口味😃 ==============================本身想試Egg Benedict 但夜晚去到已經賣晒😭真係有少少失望😢唯有下次早啲去啦😣**同埋，提醒大家如果要去就要早啲book位啦！如果唔係就要坐室外餵蚊架啦！我哋今日就咁walk in，本身要坐出面，好在我哋攝到位，可以坐入邊🙊有冷氣舒服好多！特別鳴謝哥哥仔比我地入去坐🙇🏼‍♀️====================

元朗天空之城已經成為我們的飯堂，今日又到hola食午餐。我點了朱古力奶同classic Benedict, 朋友就照舊凍奶茶同德圍豬手。杯朱古力奶個樣好靚，味道濃郁，好正！個Benedict 賣相都好靚。有煙肉脆卜卜，個底塊飽都脆嘅，加上蛋汁，好味。份量都大，食完係會呆咗嘅。至於朋友個set, 奶茶好飲，濃同有茶香。德國豬手真係好大隻，見到都飽。豬皮唔係硬個隻，係軟身嘅，今次個肉比上次好味，因為有咸味，一個人食得哂簡直係奇蹟！

週末長假long weekend及佛誕，沒有外遊，想到搬到元朗已一年多，真的沒有時間去發掘一下這個地方的好吃好玩的地方，於是上OpenRice loop 一下元朗整處的食肆好去處，就看到了Sky City這個地方，於是就跟老公開車去了。天空之城離元朗西鐵站不遠，開車去5分鐘可達，就在爾巒旁邊，城內有免費泊車，我週日下午約二時到達，仍有位置可泊。城內有幾家餐廳，泰菜，中菜、茶餐廳、甜品店、咖啡店等，我們就選了有提供 all day breakfast的Hola.餐廳裝修田園風，室內可帶狗隻進入，由於週末比較人多，座位間隔感覺有些迫，閒日來相信會感覺relex啲，有外國feel一啲。我們order了all day breakfast 中的 Deluxe Breakfast 及 Egg Benedict. Deluxe 有炒蛋，煙肉，豆，肉腸，香菇，粟米，番茄，牛角包，其中煙肉及香菇用蜜糖烤過，非常惹味，這份量一個男士都足夠飽了。至於Egg Benedict則一般水準，不過不失，當中的蜜糖煙肉亦是亮點。服務可能週末人多，感覺一般。下次再去會試試其他餐廳。

上次試過食過一次佢哋嘅墨汁carbonara同徳國豬手，個黑麻麻carbonara 令人失望，不過比多次機會佢，今次試第二d嘢。兩個人食，一個照舊要德國豬手，因為抵食同好食，個皮冇焗到硬哂，反而偏軟身，易入口，而且d肉juicy,唔似一般d肉又咸又乾。我就最鍾意試新嘢，今次要太陽雞堡，即管試吓味道如何。個雞堡賣相幾得，份量唔少，塊雞排夠厚又juicy, 個漢堡飽有焗過，又有牛油，好好味，不過我身唔哂。加多杯熱鮮奶綠茶，perfect!

呢間餐廳位置都幾吊腳，在錦上路爾巒對面，從錦上路站駕車約3分鐘，餐廳門前可免費泊車，適合駕駛人士。我地試左至尊全天早餐（HOLA Deluxe）$118 及挪威斑尼迪蛋（Norwegian Benedict)$88HOLA Deluxe好大份好豐富，材料質素高，好吃👍🏻Norwegian Benedict 份量比較少，但做得非常好吃👍🏻 ，煙三文魚新鮮，蛋煮得剛好，最喜歡它那Hollandaise sauce有清新的檸檬香味，惹味而不膩口。雖然份量比較少，但佢比到咁嘅質素，那$88+10% 我係笑住比的 😆溫馨提示：以上都唔包飲品，飲品連加一三十零蚊杯，無乜特別，正常質素。

元朗一直有很多好東西吃，不過我真的比較少來錦田，這次也是因為探望朋友。其實在元朗乘車不到10分鐘便會到達錦田，十分方便。朋友有事要遲一點，唯有自己去吃個下午茶，走過發現這家店裝飾得很美，門外的一個鞦韆吸引了我，於是便決定進去。點了一個all day breakfast ，很豐盛有煙肉、炒蛋，還有我最愛的特色腸，整個早餐賣相十分好，可見廚師的用心，而且味道也不錯。這裏的檸檬茶是用一個燈泡型的瓶子裝着，實在是拍照的好工具。加上這裏的裝修很英倫，基本上隨便一拍就已經很好看。店裏不斷播放着流行的英文歌曲，在這個氣氛下，實在令人不想離開。

對可以泊車在店外的餐廳情有獨鍾。周末總愛吃一個豐富的早餐，在元朗也有不少餐廳提供All day breakfast, 但質素參次，只有一間曾經encore, 其他的應該不會再去了。Hola 在裝修上已得我歡心，餐牌的食物選擇不算多，但配搭頗啱心水。早上十一時，店內只有一枱兩位客人，揀左梳化卡位座。Classic All day breakfast有齊一般全日早餐的食物，份量都幾大：小牛角包、鮮奶炒蛋、沙律菜、豬肉腸、煙肉、粟米粒和茄汁豆。最欣賞它的茄汁豆是有加洋蔥炒過，不是直接從罐頭倒出來便上碟。全部食物都不錯，只是跟餐的白咖啡味道有點奇怪，不太喜歡。咸牛肉什菌芝士厚多士這個等左好耐，食完個All day breakfast 都未來，那是廚師用心的製作？多士是頗厚的，所以要多D時間焗。上面中間掏空了個位放了隻半熟蛋黃，切開D黃會流出來，鋪面的芝士咸牛肉烘得有點脆，個面包底都脆，整個都好吃呀在menu 看到晚餐的照片都幾吸引，下次見囉！

元朗越開越多食肆，選擇多到不得了。近期係天空之城，入面d食肆有幾間都Ok有水準。今日2個人，試新嘢！我幾鍾意有outdoor 餐枱，天氣好時，坐外面都幾好feel㗎。我點咗個墨魚汁carbonara 意粉，另外點了一個德國豬手。等咗冇幾耐，黑麻麻嘅意粉上枱，見到有個蛋黃，心諗「幾正宗」喎。不過撩一撩d意粉，好乾，冇汁，oh....將個蛋黃拌好後，試一試，好甜....連d煙肉都係甜。呢個carbonara,失敗！另一個德國豬手嚟啦。好大隻！個皮唔係硬身個d，係淋身嘅。d肉好juicy, 又有蜜糖比埋我地點。呢個幾好！下次可以試下其他嘢先！

First time here, feel warm n friendly staff with prompt service, simply all day breakfast made with heart... honey- glazed Bacon which exceed my expection! We sit outside to enjoy sunshine!

首先，店內環境很有特式，店員服務態度專業，所以必須在此一讚；在平安夜特備抽獎，實在意外驚喜。話說回來，食物才是重點吧！這家餐廳主打英國歐洲菜色，而餐牌裡面最為吸引的就是蜜糖汁豬手、大細佬漢堡、班尼狄蛋。這裡的豬手用蜜糖汁烤焗，香甜肉嫩，值得推薦😋👍🏼；如果食開德國咸豬手都可以轉吓口味，食「甜」。至於漢堡與其他店差不多，不可勝在可愛配撘，一大一小。而班尼狄蛋就算係一般，沒有特別。另外，店裡推介特飲，調色幾靚，味道都ok。

環境一流，設計有心思，遠離鬧市塵囂。食物好味，擺得又靚，影相一流。係個位置入左小小，有車位提供，適合揸車人士。野食，我叫左三文魚 Benedict, 同埋蒜香煙鴨胸意粉，味道唔錯。重點係野飲，整得好靚，味道正常，值得再去！