Hashtag B

營業中

休息中

約左朋友喺將軍澳POP CORN 到食飯 , 見仲有時間周圍行 , 發現 Hashtag B原來喺將軍澳都有分店 , 之前已經聽人講過話個焦糖撻好好味 , 所以即刻去買黎試下…………✨拿破崙焦糖千層撻 $18花朵型既蛋撻 , 撻皮酥脆分明 , 蛋漿滑溜 , 焦糖香甜 ,超級好味 , 色香味俱全 , 果然係招牌食品✨開心果千層撻 $30期間限定❤️撻皮鬆脆 , 內層既開心果蛋漿 , 開心果味濃郁 , 唔會太甜 ,撻面既開心果碎又脆又香 , 好有驚喜開心果控真心不能錯過

之前有朋友請過我食d 間既包包同撻， 試過味道唔錯，今日經過將軍澳， 原來係將軍澳popcorn 都開咗間， 位置方便， 將軍澳地鐵站一出行多幾分鐘就到. 見到即刻買黎試下.D 撻望落好吸,有二款選擇，有拿破侖焦糖同開心果味， 我本身好鍾意焦糖味，所以見到就忍唔到買黎試吓， 個千層撻非常鬆脆， 層次分明，好香焦糖味，大大件， 食完好滿足另外見到d 包同鬆餅賣相都唔錯，鬆餅味道都特別 ， 有朱古力碎， 玄米茶和抹茶紅莓， 最後鬆餅買咗二個+ 1 個包， 買埋第二朝當早餐， 食之前放入微波爐焗1-2 分鐘， 正

每次經過Hashtag B尖沙咀店都有長長嘅人龍，難得將軍澳店新開張，加上時間比較早，顧客不算多，終於有機會試一試這間人氣麵包店。開心千層撻今次有期間限定的開心果撻，濃郁的開心果味，又有蛋香，配上開心果碎，加上鬆脆嘅千層外皮，的確值得一試，難怪吸引眾多食客光顧。蘋果金寶酥外脆內軟，內餡有蘋果蓉加上檸檬醬，口味好清新，推薦之選。伯爵忌廉芝士貝果伯爵茶嘅香味配上忌廉芝士，茶香可以減輕油膩感，特別適合下午茶時間，配返一杯咖啡或者熱茶享用。

終於的起心肝去試！將軍澳唔算多人，但keep住會有客，要排少少隊。裝修得幾企理同簡潔、店員服務態度友善👍🏻拿破崙焦糖千層撻千層撻外層好脆，真係食到好多層既感覺，焦糖餡唔會太甜🫰藍莓貝果滿滿藍莓係bagel入面，所以唔會太乾，叮熱會更鬆軟🤤蝴蝶卷呢隻鬆軟同bagel又唔同，好似蛋糕多少少，幾特別，岩鹽令個包冇咁dry，唔錯😍伯爵菠蘿包伯爵茶味好出，菠蘿包正常發揮👍🏻下次會想試埋開心果撻🙊

每次經過都香噴噴💨，之前成日見到人排隊已經好想試，今日海豚會放學經過冇乜人即刻去買！必食 #開心果千層撻，濃濃開心果味配上香滑濃郁芝士，然後千層撻又鬆脆，好味！麵包方面，我哋要咗兩個菠蘿包，一個係伯爵茶味，一個係原味。伯爵茶味好特別，鍾意伯爵茶味一定要試吓。兩款包一樣係菠蘿包皮好香脆，下面嘅麵包底就軟綿綿，不錯。另外仲有一個朱古力鬆餅，朱古力味好香濃，唔會死甜，個人建議配合鮮奶一齊食，那鬆餅沒這麼乾會更好味😋

約咗朋友Popcorn食飯，未夠鐘就響商場行下～行行下竟然畀我見到上次間高檔麵包舖！！😍🥰記得上次老細話啲包好正～等我今日都買幾個靚包獎勵下佢啦～今次呢間唔係舖，反而好似pop-up store咁，主打有croissant同bagel，當然唔少得佢嘅signature tart啦～揀咗老細至愛嘅朱古力榛子croissant，我就要apple crumble，仲加多個藍莓bagel添～上次試咗拿破崙撻，正！今次梗係要試佢個開心果撻啦！！全部包質素都好高，鬆軟嘅鬆軟…香脆嘅香脆…食得出用料非常靚～尤期個撻擺落airfryer fry一fry，真係正到冇朋友！

咁Hashtag b 都有幾間分店啦咁將軍澳呢一間分店呢就相對比較細間啦不過呢我呢幾日去呢都係好多人排隊嘅佢個招牌拿破崙焦糖千層撻 外皮好脆個餡嘅蛋好夠另外仲柚子千層撻因為我係柚子控個人覺得個醬酸甜適中可以再嚟食

將軍澳出咗個新網紅店，叫做Hashtag B！呢度啲西式糕點真係抵食到爆！特別係佢哋嘅開心果撻，一試成主顧啊！🌟 特別推介🥐 開心果撻 ($30)⭐️⭐️⭐️⭐️⭐️呢款撻真係無得頂！撻皮酥脆，開心果味濃郁香甜，仲食到開心果粒感，真係下午茶必選！我每次都會點，真係太好味啦，絕對推介俾朋友！🧀 韓式芝士蒜蓉包 ($24)⭐️⭐️⭐️⭐️⭐️包子入口濃郁蒜香，芝士拉絲驚喜十足，蒜蓉同芝士嘅配搭簡直絕配，愛上呢款重口味組合！🍵🍓 抹茶紅莓鬆餅 ($23)⭐️⭐️⭐️⭐️⭐️抹茶控唔好錯過呢個鬆軟口感，微苦抹茶同紅莓酸甜平衡得好恰到好處，一口就令人心情愉悅！🍏 蘋果金寶酥 ($25)⭐️⭐️⭐️⭐️⭐️酥皮點心內有蘋果蓉同檸檬醬，外脆內軟，酸甜適中，最適合當餐後甜品，清新又令人心情愉快！🥳 總結每樣糕點都充滿心意，感受到佢哋對食物嘅熱愛。特別係開心果撻，真係愛不釋口，絕對係必試美味！喺將軍澳，一定唔好錯過呢度嘅美食！📍 地址將軍澳唐俊街9號PopCorn 2期1樓F69號舖#Hashtagb #Hashtagbhk #tastebetter #香港探店 #香港必食 #香港烘焙 #將軍澳 #將軍澳美食