Happy Kitchen Cafe & Bar

營業中

休息中

上網發現銅鑼灣都有個寧靜又抵食既cafe，位於京士頓街 Happy Kitchen Cafe，係德國寶旗艦店內一樓，環境幾大，光線充足，檯之間都隔得幾開，有些座位仲設有USB充電位，方便客人用電腦食物方面除左有輕食熱狗、三文治、吐司等之外，仲有兩款定食套餐，分別係去骨海南雞飯同蒲燒鰻魚飯，如果係會員，價錢平一半😍包左湯同漬物不過今次黎到就想試下佢地咖啡，$30幾蚊一杯有埋拉花🤣坐得舒服又冇人趕，下午茶黎的確不錯

早幾日行開銅鑼灣，發現天天海南雞隔離開左間cafe賣海南雞飯😻😻只係$48，呢個價錢係銅鑼灣食到lunch簡直係疫市送暖🔥上到去環境舒適好chill， 適合WFH同班同學出黎傾project，由於吾洗等位，所以吾怕比人趕既心態做自己野 享受一下metime！落完單不久，期待已久嘅海南雞好快出場，等待時間好短，雞飯既味道好夠，不太油膩，而雞肉質地好滑無骨🤩🤩已經想令人再食！配菜有手拍青瓜好開胃🥒🥒餐湯也不錯，無味精！下次一定要帶埋朋友黎！疫情期間好怕堂食人流太多，呢度性價比係💯💯💯 #HappyKitchenCafe 

好多餐廳都無開或者無堂食,搵到一間人流唔多又好抵食cafe跟同事去試新野,佢地話德國寶入面有餐廳,我都一頭問號???Fashion walk上一層行到最角落個位有間cafeLunch Hour有位可以揀,唔洗等位,我同同事都點左海南雞飯環境好清幽,好岩放假過黎打卡影港女相,不過我今日無化妝等左5-6分鐘就有野食,大大件雞,好滑又無骨,油飯唔會太咸太油膩個白蘿蔔湯好甜好濃郁,白蘿蔔好大舊又無渣,肯定無味精!妹仔大過主人,我最鍾意係個白蘿蔔湯!!!男士食都夠飽,可以下次試埋鰻魚飯整體黎講,性價比高,$48有雞有瓜又有個熱辣辣既湯,銅鑼灣區真係好難搵Lunch hour有多個新選擇,希望可以多D選擇,意粉或者韓國菜

係銅鑼灣附近返工，Lunch同事介紹下去左呢間Happy Kitchen Cafe，係Fashion Walk食街附近，見到個牌要上一樓先去到，間Cafe收得咁入唔怪得咁少人去。真係好肚餓，即刻嗌左份無骨海南雞飯($48)，油飯飯好香，海南雞好滑，點埋D汁好正，籮白湯正正常常，48蚊但真係性價比好高。最後嗌埋杯抹茶紅豆LATTE($48)，抹茶味重，好岩打卡，唔錯！下次lunch諗唔到邊度好食都會再戰。

前個排約左個朋友去銅鑼灣行下街,唔講唔知原來德國寶係銅鑼灣有咁大間旗艦店見到就入去行下,點知就發現左依間CP值好高既CAFE我同朋友都叫左個海南雞飯食,佢D雞真係好滑,好有雞味加埋D醬食更惹味!48蚊食到咁高質既飯😍下次一定再ENCORE!D職員仲好NICE添~~

尋日monomono買完野，行去洗手間時見到張廣告牌，乜呢度開左新餐廳咩？又真係唔知wor, 見到張相咁吸引，行完街好攰又拎住好多野，決定近近地試下先！價錢仲要$48咁平，決定試一試。原來呢間係Cafe 黎架，在德國寶舖頭入面，cafe環境 清靜，自成一角，仲有個窗邊位，可以吸下自然光，望遠d 見到維園d 樹樹，真係好舒服至於個重點。。。個賣相拍得住大集團，但質素真係超乎想像，真係日日食都唔會厭跟餐個湯仲好好飲，推介比大家。**佢地話呢個午餐每日限量出，大家想試就早d 去啦～

Tea Time約左客去銅鑼灣傾生意，呀客介紹咗呢間happy kitchen cafe，佢話係fashion walk食街附近，咁新既coffee shop除左傾生意，緊係要試下佢既咖啡啦！入到裡面靜靜地傾生意一流，貪得意仲打左一張卡！同咖啡師傾左幾句，呢間coffee shop近期先開張，呢杯latte ($35)既espresso用左Square mile coffee roasters炒既黎自El Salvador咖啡豆，啡底唔錯果酸出，好飲，見到有小食套餐下次會再試下！