HAND3AG THE TABLE (金殿台元宮閣)

營業中

休息中

《簡約小清新cafe💓》———————————————-#HAND3AG 🍝-最近發現呢間新開嘅Cafe，就喺太古城對面，走簡約小清新路線，主打意粉、三文治等等嘅輕食，選擇多元，都幾適合我呢啲打工仔喺附近收工去食🤩-🥩 精選穀飼安格斯牛扒沙律薄切牛扒牛味好出，食落唔算好乾，都幾大塊，性價比幾高😊 另外仲有配菜沙律， balance一下，都幾豐富🥳-🦪吉列日本蠔蟹肉蕃茄忌廉意大利飯蕃茄味濃郁， risotto吸晒精華，味道都幾Rich同creamy🍅另外仲有兩大隻吉列炸蠔，外層炸得好酥脆，好有口感😍-🍨 焦糖牛乳軟雪糕芭菲雪糕牛乳香味突出，質地幼滑，夠哂soft 🍦上面仲加咗焦糖漿同Lotus餅乾，非常之夾，係飯後甜品好選擇😚-🍌 抵deal 指數：7/10

HANDBA3 THE TABLE 太古簡約風西餐🍽️間唔中都會行下太古城, 今次發現咗一間地理位置方便既新餐廳 🩶 灰白色簡約風, 係坐得舒服既小店, 喺太古城行到攰就可以食啲輕食————————————————食物:❆ 忌廉白酒煮青口, 薯條, 香脆法包 $168青口鮮嫩多汁, 淋上白酒同超多蒜蓉令青口帶有濃厚既香氣! 配上份量足夠既脆口薯條同法包一齊食好夠飽🥳❆ 日式燒雞肉野菌燉釜飯 $128用燒汁調既雞塊食落甜甜地, 野菌味好香, 白飯都吸晒餸既精華🍚 個鍋好深好似’不’極飯食都仲有飯咁,幾抵!+ $10 是日餐湯/ 沙律 + 指定飲品🥗佢嗰日嘅餐湯係羅宋湯指定飲品，揀咗限定冰茶❆ Tiramisu $38甜品好唔錯, 入口即溶! 好順滑既口感🍰 用嚟結束呢一餐就啱啱好————————————————整體:✦ 價格: 4.3/5✦ 味道: 4.2/5✦ 服務: 4.2/5✦ 環境: 4.0/5✦ 再訪指數: 4.1/5HAND3AG THE TABLE @HAND3AG地址:太古太古城道20號太古城金殿台元宮閣地下G404號舖營業時間: 星期一至日 11:30-21:30

今日去太古城行完，到覓食時間，search到呢間Cafe，見啲相好似幾靚就去咗😆我哋叫咗慢煮番茄肉醬溫泉蛋意大利闊條麵，闊條麵熟度剛好，口感唔錯，撈埋溫泉蛋，好滑，肉醬唔會太鹹，整體味道唔錯👍🏻吉列日本蠔.蟹肉番茄忌廉意大利飯，蟹肉分量好多，蟹味超香😳😳吉列蠔炸得唔錯，意大利飯軟硬適中，唔太濕唔太乾兩個餐，跟餐要左沙律同餐湯，沙律很新鮮，脆卜卜👍🏻見甜品價格相宜，又忍唔住叫返啲飯後甜品🤭叫左特濃咖啡Affogato牛乳軟雪糕芭菲，朱古力Affogato牛乳軟雪糕芭菲，同埋一件Tiramisu軟雪糕奶味很濃，很滑，芭菲好多配料👍🏻飲品選擇都幾多，我哋揀左iced mocha同平時比較少見嘅青提梳打👍🏻

今日收工同細佬、媽咪嚟太古城行街，經過呢間餐廳，價錢睇落又ok ，於是就係度食dinner ~我哋叫咗1️⃣DI0003 車打芝士安格斯牛肉漢堡薯條 💰138漢堡有洋蔥圈、酸瓜、煙肉、漢堡扒、車打芝士，漢堡包外脆內軟，充滿牛油香，漢堡扒係七成熟、夠晒Juicy，芝士非常濃郁，酸瓜同秘製醬汁剛好中和芝士漢堡嘅味道，令到個包濃而不郁，惹味十足😍值得一提嘅係，薯條一上枱熱辣辣，脆卜卜、帶有薯皮，好有口感，配上黑松露同茄汁令我哋忍唔住一啖又一啖！2️⃣DI0005 日式燒雞肉野菌燉釜飯 💰128燒汁雞扒非常嫩滑、甜甜地，個飯同菇吸收晒日式高湯嘅精華，味道比我哋嘅感覺係日式家庭料理嘅味道🥰3️⃣DI0016 吉列日本蠔·蟹肉番茄忌廉意大利飯 💰98酸酸甜甜嘅番茄同忌廉、芝士、絲絲蟹肉完美融入意大利飯之中，意大利飯軟硬適中，炸蠔好鮮甜，充滿海鮮風味👍整體嚟講，3個人$400又好食又飽飽，我哋三個都好滿意🥰👍

同事介紹一間餐廳食salad，唔好以為食salad會捱餓，呢間真係又飽又好味。我點嘅係自選沙律$68 - 德國咸豬手+粟米粒+tangerine+羅馬生菜 😋😋生菜好新鮮、tangerine好甜一啲都唔酸、德國咸豬手夠飽肚又有骨膠原，正！呢間餐廳近公司坐得有舒服，食材又夠新鮮，所以間唔中都嚟食👍👍👍

Affogato is the best💖太古城抵食之選😆🔸牛肝惹菌汁配天婦羅軟殼蟹意大利飯軟殼蟹超大隻，中間仲要勁多蟹膏！炸得好酥脆又唔會好乾身！意大利飯食落都有咬口～ 🔸肉醬意粉呢個反而幾出色！個人最鐘意呢個！食落好惹味～仲有一粒半熟蛋撈住食超惹味！意大利麵再硬少少就prefect啦🔸吉列日本蠔蟹肉蕃茄忌廉意大利飯吉列炸蠔一共有兩隻，熱辣辣！番茄嘅酸味都好突出🍅仲配有芝士🧀🔸 Affogato with espresso ☕️ 呢個真係必叫呀！咖啡味超濃配埋雲呢拿雪糕，食落同咖啡真係超夾～📍 HAND3AG THE TABLE (金殿台)地址: 太古太古城道20號太古城金殿台元宮閣地下G404號舖電話: 31010131

🤑價錢約$200 🪑坐位都幾寬敞 都幾arm吹吓水 用QR Code落單幾方便🧑🏻‍🍳 服務員會主動俾d碟方便share ➀ 燒烤三文魚柳配雜菜 $168▪️三文魚都幾大條而且煎得幾香 仲有唔少薯菜伴碟 旁邊有d蕃茄汁配薯菜粒都幾開胃 整體感覺幾健康▪️跟餐加左個餐湯同冰茶 (+$10)羅宋湯唔辣 仲有d洋蔥同蔬菜粒 都算真材實料 冰茶清清地➁ 忌廉白酒煮青口配薯條加法包 $168 ▫️都有唔少青口 性價比都幾高 個汁都幾香少少甜甜地 薯條有d孜然粉幾香口 除左薯條仲有2個脆身ge法包▫️跟餐加左個湯律同latte (+$22) 如果唔想食gum多 都可以食自選沙律 🥗

位於太古既一間簡約風裝修cafe，有三文治、雪糕、咖啡、沙律等餐點，今次去食佢既Dinner set。🌸吉列日本蠔蟹肉蕃茄忌廉意大利飯吉列炸蠔有兩隻，意大利飯整體番茄酸味以及芝士味比較突出。🌸烤美國安格斯肉眼扒配燒烤味薯條肉眼扒比較薄身少少，簡單鹽、黑椒調味。炸薯條香口夠脆，伴碟配菜系凱撒沙律。🫕配是日餐湯+飲品是日餐湯系雜菜湯，用料豐富，甜甜酸酸似羅宋湯。🍹青檸西柚檸檬冰綠茶🍹期間限定冰茶兩款冰茶甜度都好低，清新解渴。

前兩日同朋友喺太古城諗住食個下午茶，所以我哋就去咗呢間Cafe。溫泉蛋卡邦尼意大利麵 $78本身見到呢個意大利麵以為好細份，但整開啲麵之後份量唔少。呢個意粉好 creamy，cheese味道重。驚喜位係有parma ham，真材實料。甜酸炸雞燒菠蘿三文治 $68三文治大大份，食完好滿足。三文治中間夾住一大塊雞扒，雞扒食落甜甜地而且外脆內嫩。另外仲有燒菠蘿同蕃茄，成個三文治都非常juicy。焦糖牛乳軟雪糕芭菲 $32雪糕超濃牛乳香！加咗焦糖都唔會話超甜，係飯後甜品好選擇！

🥣自選沙律(5款）🥣：💰$68選了日本柚子油醋醬酸甜好開胃，蜜柑夠甘甜、烤西蘭花大粒又爽口、粒粒煙鴨胸有煙薰香味，肉質彈牙、粒粒德式烤豬手肉質彈牙，豬皮爽口、日本蛋沙律、混合沙律菜夠爽口新鮮～🥣燒烤三文魚柳🥣：💰$168配普羅旺斯雜菜燴同奶油薯蓉，雜菜有番茄/茄子/洋蔥/翠肉瓜/黃椒等，調味偏甜，薯蓉較粘口有牛油香，三文魚肉厚，烤至剛好，魚肉較嫩唔老。
🥣吉列日本蠔 . 蟹肉番茄忌廉意大利飯🥣：💰$98有2小隻炸蠔，炸皮薄夠脆，蠔鮮味出，番茄醬較酸甜，意大利飯軟硬適中，仲有不少蟹肉，又多番茄仔。🍦焦糖牛乳軟雪糕芭菲🍦：💰$32有片Lotus餅，仲有好多早餐穀物脆脆，好似係雪糕版早餐🤭雪糕牛乳味濃軟滑，夾焦糖醬同脆脆食竟然唔覺漏，好快就食晒…

天氣悶熱，還有陣陣微雨，有一種鬱悶的感覺。今天決定去逛下商場，太古城商場人頭湧湧，最後我們還是走出外，到Hand3ag the table吃午餐。小店面積不大，以灰棕色作主調，灰色皮質椅子配銀色大理石枱作，餐廳播放着柔和的音樂，給人一種很舒服，清新的感覺。焗芝士龍蝦汁通心粉一端上來，香味十足。通粉表面焗製金黃酥脆的芝士層充滿鹹香。通心粉的質地Q彈，吸飽了濃郁的龍蝦汁。整體口感濃郁醇厚，非常滿足。溫泉蛋卡邦尼意大利麵中間的蛋黃非常吸睛。鑿穿蛋黃，溫泉蛋黃流沙般濃稠香滑。卡邦尼醬濃郁鹹香，麵Q彈有嚼勁，吸飽了濃郁醬汁，令整體口感綿密滑順，好味！餐飲蜜桃梳打和伯爵茶鮮奶咖啡蜜桃梳打清新清爽，不甜膩。 伯爵茶的鮮奶滑順香甜，整體口感芳香回，茶香奶味交織。特濃咖啡Affogato牛乳軟雪糕芭菲賣相一流！濃郁香醇的特濃咖啡滲透入冰涼軟滑的牛乳雪糕，雪糕甜而不膩，中和了咖啡的濃郁甘味。餐廳還有一個小小沙律吧，知道這間餐廳的沙律和三文治也非常出色。從食物可看出廚師用心的製作，令人感覺很舒服。Yummy 值：😋😋😋😋地址: 太古太古城道20號太古城金殿台元宮閣地下G404號舖

主打鐵板三文治的Hand3ag最近在太古新開了一間西餐廳(๑•̀ㅁ•́ฅ)走簡約灰調水泥風選址方便 一出地鐵站就能看到▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃┄▸◂☞Salad Bar 自選沙律 $68必點之選！！可從十多款配料中選擇五款還有兩件沙律菜和三份醬汁供選擇絕對能搭配出符合你口味的沙律( • ̀ω•́ )✧原本不愛吃菜的我選了四款肉類Toppings配上沙律菜非常開胃☞ 蕃茄忌廉吉列蠔蟹肉意大利飯 $98一直很喜歡吃意大利飯這個意大利飯正中我的喜好(〃'▽'〃) 蕃茄和忌廉融合的剛剛好 吃完整碟也不會太油膩啖啖蟹肉 兩件吉列蠔炸得酥脆 ！+$10 可配餐飲和餐湯/沙律☞ 烤法國穀飼嫩雞 $198一開桌被它的大小嚇到了四個人吃都完全足夠外皮烤得香脆 但切開肉質依然幼嫩▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃┄▸◂📍HAND3AG THE TABLE (金殿台)太古太古城道20號太古城金殿台元宮閣地下G404號舖

想食個健康晚餐，今次就揀咗哩間清新感滿滿嘅西餐。餐點加$10就可以配沙律+飲品/餐湯+飲品。✨ 精選穀飼安格斯牛扒沙律 $128擺盤唔錯，大大塊牛扒配沙律感覺唔會太膩，有菜有肉營養均衡。牛扒食落唔會太乾，咬落夠腍又有牛味😋 就連伴菜都一樣咁出色👍🏻✨ 燒烤三文魚柳．普羅旺斯雜菜燴．奶油薯蓉 $168三文魚柳即叫即做，外皮夠哂脆卜卜，魚肉香嫩有鮮味🤤 薯蓉好creamy，食落有香濃奶油味，仲超軟滑😍 配雜菜酸酸地更開胃。✨慢煮番茄肉醬溫泉蛋意大利闊條麵 $118肉醬食落好清新，唔同一般肉醬咁濃味，所以食哂感覺都唔會太油膩。再加埋溫泉蛋更香蛋味，闊條麵有咬口👍🏻 ✨ 是日餐湯（野菜湯）期間限定冰茶（檸檬伯爵茶）蜜桃梳打 (套餐價再另加$12)野菜湯味道濃郁夠足料。今次期間限定冰茶係檸檬伯爵茶，冇平時嘅伯爵茶咁濃味，帶有微微酸味更清新。蜜桃梳打正常味道，桃味幾香。🔍整體感覺：餐廳地點近地鐵站出口，好易搵。裝修風格簡約清新，環境整潔乾淨衞生。食物質素幾好，份量亦唔少，性價比好高🔥

收工去左太古城搵食，係地鐵站附近，見到一間環境簡潔明亮，灰白主調既既餐廳🩶🤍· - - · - - · - - · - - ·🔹餐湯 🔸 香烤慢煮加拿大豬鞍架•烤時令雜菜•奶油薯蓉 $198 🔹 忌廉白酒煮青口•薯條•香脆法包 $168🔸 朱古力𝐀𝐟𝐟𝐨𝐠𝐚𝐭𝐨牛乳軟雪糕芭菲 $32🔹 洋甘菊薰衣草茶（熱）🔸 蜜桃薑茶（熱）· - - · - - · - - · - - ·加左𝐒𝐞𝐭 𝐃𝐢𝐧𝐧𝐞𝐫 有餐湯蕃茄洋蔥湯🍅同埋飲品～個豬鞍幾𝐬𝐮𝐫𝐩𝐫𝐢𝐬𝐞，真係用左靚豬鞍燒到好𝐉𝐮𝐢𝐜𝐲，口感很好🐷忌廉白酒煮青口•薯條•香脆法包🥖估唔到薯條份量咁豐盛，澱粉質控表示好開心🍟 青口好入味，好香既忌廉汁同洋蔥+香草香味🧅🌿最後仲有非凡既𝐀𝐟𝐟𝐨𝐠𝐚𝐭𝐨，有咖啡同朱古力味，我哋簡左朱古力🍫，真係好滑，岩曬而家天氣咁熱，雪糕可以係今餐完美作結🍨呢到環境寧靜舒適係太古食飯睇戲都係幾好既選擇🎬· - - · - - · - - ·個人整體評價📝/巧吃：8.3/10✨/價錢：7.5/10 🌟/服務：8/10 💫/打卡able：7.5/10✨/清潔度：8/10⭐️/人均： $243/1· - - · - - ·

呢排熱得high high，熱到成個人都無咩胃口，除咗食啲濕濕地嘅嘢外，最啱就係食沙律！路經太古城呢間三文治專門店，呢度有別於其他分店，店內唔單止有三文治，仲有其他扒類、意粉、漢堡同甜品提供。不過阿叔嚟幫襯當日實在太熱，攪唔掂，唯有清新健康啲改食沙律，估唔到又幾抵食喎！🥗自選沙律 ($68) 沙律全日供應，一個價錢除咗沙律菜，仲可以從烤雞肉、煙燻鴨胸肉、蛋沙律、吞拿魚沙律、青瓜、車厘茄、粟米，西蘭花等配料任揀5款。當初阿叔仲驚屎唔夠飽，另加$10要多一款配料，但勢估唔到呢度嘅沙律原來咁大份，望住店員出晒力係咁加配料，攪到沙律成座山咁。唔係講笑，嗰日飽到阿叔夜晚都係齋食餸，食唔落飯呢！