影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
🐓 香烤嫩雞·香草燒汁·烤時令雜菜（$200）一上枱就俾烤雞嘅份量驚喜，烤雞皮脆肉嫩，加上係用慢煮方式烹調，完美咁將雞嘅肉汁鎖住，食落去完全juicy唔嚡口，時令雜菜方面有薯塊、翠玉瓜同紅蘿蔔，薯塊口感結實，翠玉瓜爽脆多汁，紅蘿蔔鮮甜，配上調味啱啱好嘅香草燒汁，正😄佢仲可以加$10升級做套餐包餐湯/沙律同飲品🧅 炸洋蔥圈（+$20）洋蔥圈份量頗多，炸得金黃香脆唔油膩，金黄嘅脆皮包住嘅洋蔥味道清甜而且洋蔥味香濃👍🏻🍽️ 忌廉白酒煮青口·薯條·香脆法包（$170）青口份量多，香氣撲鼻，每粒青口都飽滿鮮甜美味，忌廉汁份量多，加上酸酸甜甜嘅蕃茄，味道好開胃；香脆嘅法包就咁食略嫌少許乾身，蘸上忌廉汁一齊食啱啱好，薯條炸得外脆內軟唔油膩，佢仲可以加$10升級做套餐包餐湯/沙律同飲品🥗 餐沙律（+$10）佢係凱撒沙律，入面有蕃茄仔，麵包粒，凱撒沙律醬同生菜；生菜新鮮爽脆，蕃茄仔鮮甜多汁，麵包粒香脆🌽 北海道產甜粟雞肉豆乳濃湯（+$10）一上枱就已經閘到好香嘅粟米甜味，濃湯十分濃稠，而且有好多粟米粒，非常足料🥤期間限定冰茶佢其實係檸檬伯爵茶，飲落口帶有淡淡嘅佛手柑味同好溫和嘅檸檬酸味，非常清新同解膩🍇 青提梳打（+$12）青提梳打好夠氣，飲落口好冰爽之餘青提味道十足，而且甜度適中
繼續閱讀
出開嚟太古周圍搵嘢食 俾我搵到呢間西式嘅輕便食 入邊有個happy hour超扺食 $59包兩杯手工啤杯同個薯條🍟 日式照燒雞野菌燉釜飯原個釜飯咁上 所以食物溫度可以保持住 食到最後個飯都仲係好熱 個底係用野菌燉住 非常入味 表面係日式照燒雞 滿滿蛋白質慢煮蕃茄肉醬溫泉日本蛋意大利闊條麵🍝蕃茄好香濃新鮮 加埋爆汁嘅溫泉蛋 每條闊條麵都掛住蛋漿另外加$10就可以加配湯/沙律 + 期間限定冰茶 朱古力affogato牛乳軟雪糕芭菲🍨首先個雪糕非常之濃牛奶味好香滑 再加埋朱古力affogato底 微微咖啡苦中和左雪糕嘅甜味 所有食物價錢都好親密😗 如果唔想食咁多 仲有個自選五款沙律🥗 每日嘅食物纖維包你夠而家外賣自取 仲可以享有八五折優惠 住喺太古附近嘅你當然唔可以錯過🤪
繼續閱讀
餐廳走輕工業裝修，灰白色系又很簡約，ins風價格ok點了一份培根牛肉漢堡配薯條麵包胚係我喜歡的口感肉餅夠厚，呢個組合很難出錯一份自選沙拉可以揀五種配料，分量我覺得一個人絕對食唔曬，需要兩個人食用料都新鮮，都可以揀全肉🥩，沒有限制話只能揀一種肉但必吃絕對係雪糕!我點了焦糖雲呢拿雪糕，好耐無食過咁純粹有奶味又滑的雪糕了如果唔想吃飯，喝杯咖啡吃個甜品都不錯晚上點套餐的話+$10有湯有飲品大家可以參考一下
繼續閱讀
大胃又遠赴彼岸見老友，過海唔一定要中西區灣仔嗰啲嘅，東區都有食神㗎呢間開喺屋苑裡面嘅西餐，做街坊生意都可以食得好fine晚市有得揀豬鞍食，經過慢煮肉汁滲出煎得勁靚仔，閃閃生輝，肉質幾厚實side dish有薯蓉、翠肉瓜、蘿蔔、薯仔等等，有奶油香，亦加咗醋提味呢間嘅risotto份量非常之大，用牛肝野菌熬製，啖啖好香菇味，質感實在又足料上面有炸得好脆嘅軟殼蟹，一切就開，好有蟹味加$10變套餐，包埋16安士嘅凍咖啡，仲可以少冰好抵飲要減壓養生嘅，加錢要花茶，都有成壺畀你，好夠飲套餐可以揀湯或者沙律，今次嘅湯係蕃茄湯，啖啖都好濃蕃茄香，仲好有口感至於沙律都幾大碗，菜好鮮爽，醬汁啱啱好，唔會喧賓奪主
繼續閱讀
- 慢煮番茄肉醬溫泉蛋意大利闊條麵 $120 是日餐湯, 飲品 +$10 北海道產甜粟雞肉豆乳濃湯 期間限定冰茶 洋蔥圈 +$20- 車打芝士安格斯牛肉漢堡配薯條 $140 是日餐湯, 飲品 +$10 法式龍蝦濃湯 +$10 期間限定冰茶 牛乳軟雪糕 +$20- 雜莓牛乳軟雪糕芭菲 $32揀主食之後只要加$10就可以要埋餐湯/沙律 + 飲品 仲可以加$20有埋小食/甜品 變成一個真正嘅Full set 幾抵食主食我揀咗闊條麵 有好多肉醬 闊條麵軟硬適中 如果平時意大利粉同闊條麵我都首選闊條麵 鍾意有嚼勁朋友揀咗漢堡包 個包有烘底 要畀個like 牛肉配上濃濃嘅芝士 一個字好味 包內仲有洋蔥圈 咸咸地再配上漢堡包一齊食 味道意外地咁夾龍蝦湯比豆乳湯杰身 兩個都好濃郁 龍蝦湯有一粒粒嘅龍蝦肉 豆乳湯有好多嘅粟米同雞肉餐飲可以揀冰量 仲可以揀走冰 好少見到呢個option🤩好啱想飲凍野又想走冰嘅我哋洋蔥圈甜甜地 炸得幾脆身😋牛乳雪糕入口好滑 濃濃嘅牛乳味 雜莓醬酸酸甜甜配埋雪糕食一流 食飽真係好有滿足感💰$398
繼續閱讀
您可能會有興趣的...