GRIND SIZE

三訪 - 窮撚賣咖啡☕️原來已經三訪呢間cafe 估唔到佢都仲幾受歡迎🤪 呢間cafe位於旺角通菜街 店內樓高兩層 環境好寬敞🥰 下層座位會比較逼 樓上會比較闊落 而且有梳發位😍 門口有個大大嘅「窮」字打卡位 夠哂搶鏡 好容易就會見到👍🏻 .佢最近多左手工意粉Menu 有10款選擇 都幾多👍🏻 價錢$128-$208不等 唔算太貴🤪 除左手工意粉 佢仲有小食、沙律、Toast等😋 🔹明太子蟹肉西班牙蛋餅🥚推介❤️ 一切開已經見到滿滿嘅明太子、蟹肉 加上舖面嘅蟹籽 食落好有鹹香👍🏻 蛋餅口感軟熟 蛋香十足 食落好滿足😋🔹南瓜海鮮意大利雲吞🥟南瓜湯口感唔會好杰身 味道偏甜😋 意大利雲吞好大隻 仲配埋幾片法包 夠哂飽肚🤪🔹慢煮原條八爪魚墨汁香辣意粉🍝原條八爪魚好搶鏡 口感微微煙韌 用刀切到👍🏻 墨汁意粉冇咩辣味 味道偏鹹🤪🔹玄米茶鮮奶🍵🔹濃爆72% REAL朱古力鮮奶🍫.整體✨ 呢間位於旺角通菜街嘅cafe開業多年 店內樓高兩層 門口有個大大嘅打卡位👍🏻 食物質素仍然保持到 特別推介明太子蟹肉西班牙蛋餅😋GRIND SIZE (旺角) · 🤝🏻🤪旺角通菜街10號地舖…查看更多

有啲咩驅使你去返工？係窮啊❗️咁你去Grind Size 又係咩原因？係好食呀🤣雖然位於旺角嘅橫街窄巷，但完全冇影響大家排隊幫襯佢，今次就跟大家見字飲啡☕️環境：8/10餐廳分兩層，上層有梳化同他他米特色位，鍾意打卡嘅朋友建議選擇上層，下層就係普通座位，純爽快嘅朋友就可以選擇🤣食物：8/10明太籽蟹肉西班牙蛋餅 $108口感Q彈，蟹肉混合雞蛋將味道提升，明太子係一個點綴👍🏿慢煮原條八爪魚墨汁香辣意粉 $208相當Igable📸一上菜嗰陣時真係俾佢震撼到，八爪魚爽口彈牙，意粉有咬口冇overcook，有墨汁香而帶微辣，相當惹味🤪香煎鵝肝牛油汁手工扁麵 $188鵝肝煎得外脆內軟，重點一提係牛油汁🐮，扁麵手手製作彈牙有咬口，牛油同鵝肝嘅油香比扁麵吸收，正👍🏿香蕉朱古力奶昔 $56 & 蜜糖檸檬烏龍梳打 $48有焦糖香蕉作伴，朱古力奶昔口感順滑唔會太甜，蜜糖檸檬烏龍梳打係清新代表作，蜜糖微甜帶出檸檬嘅香，有氣梳打夏天飲好爽呀😝💰性價比：7/10人均$300左右，同普遍Cafe價錢相若，如果鍾意打卡朋友絕對值得一嚟，大家一齊見字飲啡影靚相🥰…查看更多

𓌉◯𓇋【隱藏於女人街旁的窮撚賣咖啡☕️ 】其實女人街側邊不嬲都有好多小店而呢間嘅招牌同門面十分引人注目😆之前都有喺度飲過咖啡 但原來佢哋仲有好多主菜架！今次行上一層去樓上坐 位置比較寬敞啲 亦都適合四人以上聚餐👍🏻👍🏻▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀🦀三重蒜香香辣蟹肉意粉($148)呢個意粉真係超級蒜！除咗有巨量嘅蒜 蟹肉份量都好多 調味偏辣少少🤏🏻更加香口惹味另外一讚嘅係 意粉唔算好油🤤🤤❀ 🦐虎蝦蝦汁手工扁麵 ($158)✨賣相精緻 味道亦都唔錯 每一條手工扁麵都被鮮味十足既蝦汁包裏住！超級掛汁 而虎蝦大大隻 仲有成三隻咁多 食落唔會霉 仲可以將蝦膏擠埋出嚟！😍😍❀ 明太籽蟹肉西班牙蛋餅 ($108)人氣之選😬新鮮熱辣辣整起 趁熱食仲會有拉絲效果 估唔到蛋餅入面都有好多蟹肉 蛋味香濃 加埋面頭嘅蟹籽 口感豐富🤤❀冰搖荔枝檸檬紅茶 ($48)夜晚唔想飲咖啡嘅可以選擇呢杯嘢飲 凍冰冰好Refreshing😛❀Iced Baileys Mocha ($58)睇得出有心機整！而且唔會太甜 符合香港人嘅要求🤣🤣…查看更多

朋友約吃生日飯，但原本想去的餐廳好像要等很久，所以就隨意在女人街逛逛，經過這間我就說不如試一下，就上了樓上，上到樓上只有三個女仔坐了榻榻米那邊，然後侍應帶我們坐了一個雙人位，但由於冷氣風口很強，而且現場也有很多比較好的位置，所以我們最後揀了梳化位坐，說真的有兩個侍應，一個是零service，因為由帶座位那裏就可以看到，我想是應該先讓客人坐一些比較好的位置吧，另一個感覺是不錯的，因為之後有兩個人上來，另一個侍應就帶他們坐另一邊的梳化位，後期好像又有兩個人上來，由第一位侍應又是帶他們坐那個兩人位，然後那兩個人都揀了另一個座位坐.我都忘了是什麼菜，但總體來說飲品和食物質素都很好，我覺得基本上隨意叫就可以了，有一個黑松露薯條我看到兩台人都只吃了很少，我在想是不是份量太大了，所以我覺得各位都不要叫薯條好了，最後那個是巴克斯蛋糕，都很不錯，服務基本上是沒有的了，但還好水和餐具都可以自己拿，就沒所謂，反正食物環境都很好，沒有侍應在反而自由自在，這餐生日飯很開心亦都很滿足。…查看更多

經過過好多次, 見佢門面都幾吸引, 入去探丁店一次, 叫咗個墨魚意粉, 墨魚鬚大條夠份量, 但切得太厚, 感覺上會變得好韌 , 個意粉偏淡, 另外嗌咗個雞翼, 雞翼嗰個炸漿粉有特色, 好味,整體嚟講出餐有少少慢, 店內環境顯然好舊, 燈光唔舒服…查看更多

呢到個門口大大個「窮」字，勁搶眼😆 最近佢哋轉咗新Mᴇɴᴜ，咁就要去試下啦明太籽蟹肉西班牙蛋餅 $108入面有好多蟹肉同明太子，一切開就流晒出嚟😍 蛋香味幾濃🥰慢煮牛面頰肉沙嗲手工扁麵 $158對食辣廢J嚟講都幾辣🤣 但沙嗲味越食越惹味，仲有幾香嘅花生味，牛面頰肉煮到好軟腍，醃料偏淡，同埋個沙嗲一齊食就啱啱好啦香煎牛油虎蝦手工蝦汁手工扁麵 $168上面有三隻大大隻嘅開邊虎蝦，肉質爽口彈牙，蝦汁味幾香濃，扁麵食得出係手工，幾有咬口😋Dɪʀᴛʏ $42香橙梳打 $44餐廳分咗兩層，人手唔太足夠，大家可能要比啲耐性等等🙂‍↕️…查看更多

蟹肉明太子西班牙蛋餅個蛋餅好厚，啲蟹肉同明太子味道好夾，加左沙律醬之後有種獨特既味道，感覺非常之唔錯。刺身帶子三文魚籽手捲粉呢種粉既味道好特別，有意粉既質感，加了明太子，撈勻佢來食仲會有啲帶子既鮮味。髒髒牛角包窩夫呢個要快啲食，因為個雪糕好快會溶。個牛角包壓到好扁。朱古力味都濃郁，感覺幾新鮮好食。焦糖燉蛋咖啡呢個係呢度既招牌咖啡，外型美觀，燉蛋味與咖啡味配合得好好。…查看更多

CP值高cafe 見好多人推介同朋友入咗去試吓~餐廳環境好舒服 樓底幾高每一個位都係打卡位食物種類好多選擇好好味🤤cake都好正價錢唔太貴 CP值幾高旺角cafe多一個選擇店員服務態度好好下次會想試吓其他…查看更多

今日hea行搵野食，終於去左旺角超高人氣既 <Grind Size>（窮撚賣咖啡）朝聖！😛今次食咗佢哋超有名嘅辣蟹轉手捲麵 + 意大利雲吞，再配埋兩款特色飲品：荔枝檸檬茶同蜜糖檸檬烏龍梳打，齋睇名都已經想流口水啦！🥰第一道菜係意大利雲吞，我本身就勁鐘意食Cappelletti，佢哋嘅version真係高質sooo good！🥟 超多汁，仲有麵包送埋，啲汁唔怕浪費，中間仲有真蟹肉碎，唔係蟹柳絲，真心有誠意！🔥至於辣蟹轉手捲麵就...有啲小失望啦。辣味幾ok，但蒜太多，除咗乾蒜，仲有蒜片同蒜粒，成碟都係蒜味，食唔出蟹味有啲sad🥲飲品方面都幾有特色：烏龍梳打超chill，解膩一流；荔枝檸檬茶就荔枝味香到爆！🍹環境都幾乾淨，店員後生仔都行casual style但又唔失禮貌，整體感覺幾ok😂。價錢就覺得以呢個質素，可以再平啲就更完美啦～🥲🥲小tips：如果你想麵類有變化，例如意粉換手捲粉，上餐前講一聲，最多加少少錢，就可以試多款味道！😝地址資訊：GRIND SIZE（旺角通菜街10號地舖）地點：香港旺角通菜街 營業時間：全年 11:00-23:30 人均消費：約$200旺角通菜街，真心係食得又行得嘅好地方，快啲mark低去試下啦～💃🏼#grindsize #窮撚賣咖啡 #cafe #fushion #pasta #旺角美食 #旺角 #lifestyle #hongkonger #copperlui …查看更多

本身入坐時間 已經唔係午飯時間兩點幾 一行到近後樓梯位上樓上就開始臭一路上到樓上一直聞到一陣臭味，等咗一段時間先有侍應落單， 落單後等左25分鐘都未有嘢食就問侍應 侍應回覆係應該整緊 再10分鐘之後都仲未有嘢食 實在忍唔到 決定起身走人 同侍應講等左好耐 佢只係講聲唔好意思 完全冇解釋過有冇整緊 落到去見到侍應同廚房嘅人都唔係好忙 唔知係漏單定係點樣 總之就10分唔愉快囉 …查看更多

📍🇭🇰 Grind size.我和男朋友在旺角行街，估唔到行行下見到一間平平無奇的外表的餐廳，出面有個「窮」字閃下閃下咁，望左一陣，原來是間西餐廳，於是我們就入去試下晚餐先！.一入去就見到有幅大的世界地圖，但由於入面都幾多人，我們被安排到上二樓，上面是有空間的一層，裝修簡單得來又很有格調！「見字飲啡」的字樣很吸引，打卡一流！.我們兩人點左：餐前小食：三文魚他他{HK$78/2件} 這個小食好好食呀！拇指大動！👍🏻👍🏻有柚子醬油漬配上三文魚及牛油果蓉再個底配上炸雲吞皮！好高質的餐前小食呀！.主食1 ：黑毛豬叉燒卡邦尼手工扁麵{HK$158} 這個配搭幾創新！叉燒肥瘦適中，以卡邦尼煮法配上他們自家制手工扁麵，味道很夾，很出色！.主食2 ：慢煮牛面頰肉沙嗲手工扁麵 {HK$158} 至於呢樣比較辣，如果你喜歡食辣的話，呢個絕對值得一試！沙嗲味很濃再配上牛頰肉，帶出中西合璧的融合菜-「沙嗲牛麵」！🤣🤣.飲品- 凍美式咖啡 {HK$40}：入口後，咖啡的餘香很強勁，好飲！- 熱濃爆72%Real朱古力鮮奶{HK$52}：中意飲朱古力的你，一定很喜歡這杯特濃朱古力特飲！.食完以上，已經很飽，雖然看到甜品款式很吸引，但已食濟了，唯有下次再來食過先！…查看更多

GRIND SIZE，位於香港旺角通菜街10號地舖，係一間以咖啡同輕食為主嘅餐廳。今次我哋試咗佢哋嘅Dirty、Ice rose latte、啤酒松露薯條。首先，Dirty嘅味道非常獨特，咖啡嘅濃鬱同牛奶嘅香甜完美結合，整體感覺好滿足。其次，Ice rose latte嘅味道清新，玫瑰嘅花香同咖啡嘅苦澀相得益彰，再加上啲牛奶嘅滋潤，每一口都令人回味無窮。再者，啤酒松露薯條嘅味道都非常好，新鮮炸好。薯條嘅外皮酥脆，內餡豐富，有松露嘅香味同啤酒嘅清爽，口感層次豐富，令人一試難忘。最後，GRIND SIZE嘅價錢合理，兩個人食咗$188，性價比高，係一間值得推介嘅咖啡店。總括嚟講，GRIND SIZE嘅食物質量高，味道好，環境舒適，服務態度好，價錢合理，係一間值得推介嘅咖啡店。 …查看更多

❣︎ 旺角窮撚賣咖啡·Grind Size 店內樓高兩層 環境好文青 到到都係打卡位📸餐廳好有人氣❤️.♡⋯⋯食評⋯⋯♡ ☻ 4.7/5 ✨香煎帶子明太籽手工捲粉 帶子煎到外層微焦香，內裏嫩滑多汁，超fresh！明太籽鹹香微辣，手工捲粉煙韌有咬口，配搭忌廉醬汁滑而不膩，層次豐富超有滿足感。✨慢煮八爪魚墨汁意粉 原條八爪魚🐙好吸睛📸 八爪魚🐙入口軟熟不韌而鮮甜墨汁意粉隱隱帶蒜香🧄味道濃郁✨蜜糖酸忌廉炸雞翼 雞翼🐣大大隻香港炸至金黃色 咬落好香脆附帶的蜜糖酸忌廉醬甜中帶酸 味道層次平衡唔膩口✨Hot 72% chocolate & 香橙蜜柑梳打 72%黑巧克力🍫濃郁苦甜， 入口絲滑香橙蜜柑梳打🍊🍹清新果香解膩又提神…查看更多

估唔到上到2樓仲有Tatami , 環境好chill. 餐廳換咗新Menu, 依家仲有手工麵食~~三文魚鮮茄奶油意大利飯三文魚皮煎得香脆, 魚肉都啱啱好, 唔會Overcooked. 蕃茄奶油味濃郁，但略嫌飯粒可以腍啲, 食落有顆粒感.虎蝦蝦汁手工扁面蝦油味超香，足足三隻開邊虎蝦, 爽口彈牙新鮮. 手工扁面有咬口, 非常不錯👌👍凍奶茶心太軟好似用左earl grey tea, 食落茶味都幾濃。不過唔知係咪放耐咗少少，切開嘅流心唔算太熱，暖暖地，如果熱啲會更加香。香蕉朱古力奶昔，蜜糖菊花茶兩杯飲品都係誠意之作，味道濃郁。…查看更多

員工黑口黑面，要隻杯叫左34次都唔比，之後直接無視，幾台客個個都食剩低好多野，但係每一碟個量唔多，除咗個環境ok,無野好，真係比錢買難受食物味度，牛肉重雪藏味，其他牛肉唔入味，d 麵包雖然有煎過，但係都好奀，應該係放咗好耐潮濕，係呢條街比得呢個價錢一定有幾它好食好多，本人好少寫食評，真係好難食先會寫員工唔知咩事，一黎就黑口黑面，叫佢比個杯，真係要講足45次先比，明明見到有杯，但係都唔去拎唔想做野去到見到其客人個個都無食半份就知咩事，除左個環境正常d真係無咩野好…查看更多