Greyhound Café (時代廣場)

營業中

休息中

同屋企人嚟食飯，換來一個不太開心嘅經歷。當晚店舖大約七成入座率。餐廳作為集團經營，味道質素管控算平穩，但係以服務而言，就非常差。上菜方面，可以喺20分鐘內上晒百道菜，好聽啲就係有效率；唔好聽，就仲快過食快餐，到底係享受定係催逼？最令我驚訝嘅係店舖嘅外籍女性manager，成場黑口黑面，我哋未食完嘢已經趕緊要收碟（我哋當時只係喺店舖大約1小時），我嘅家人同呢位manager講似乎太急，呢位manager竟然話：「I’m just asking」跟住照收碟，頭也不回就走。呢度價錢中上，但係作為分店manager，最基本俾人感到舒服同埋尊重嘅招呼都冇，令人失望。唯一欣賞嘅係同分店嘅supervisor知道呢件事，願意聆聽同埋同我哋道歉。但問題係上樑不正，做細嘅又可以補到幾多隻鑊？任憑食物幾好，都唔會吸引到客人。

本身服务态度很差 但是在香港这也见怪不怪了 所以抱着包容的心态其实这也没有什么 但是最让人震惊到卫生情况让人大跌眼镜 点了一份无骨凤爪里面看见了一根头发 起初态度比较差的那个小哥看到后还拒不承认 解释说是旁边那盆海鲜大杂烩里面的叶子的丝 这种睁眼说瞎话的本领让人震惊 这明显带着毛囊 然后他说要给他看 我们这也是立马拍照留底免得他拿走后翻脸不认人 真的这种服务态度这种卫生怪不得在铜锣湾这么热闹的地方里面客人门可罗雀 Greyhound这家餐厅以前在上海环贸有一家 怪不得关门了开不下去

每次約咗朋友食飯都好鍾意嚟Greyhound，貪佢容易搵位又好坐，而且職員都好友善。今次影左相同大家分享一下。lunchset食物分量好足夠，之前試過太睇得起自己食量，再叫埋小食，連一半都食唔到就飽晒，浪費咗好多食物，所以今次就只係嗌咗一人一個lunchset，無再叫小食了。🤣我同朋友都揀咗辣椒豬肉碎配白飯，連一個煎蛋。香辣辣的，好好送飯。餐湯係類似羅宋湯咁，都幾開胃😋 餐湯好似係會轉，我之前都飲過係磨菇湯。如果唔鍾意湯嘅朋友都可以揀配沙律。而跟呢個飯的黃色的湯，是酸的，個人覺得都幾難飲😥 我印象中之前點過幾個其他的餐係唔會有呢個黃色湯。價錢仲連埋一杯餐飲，我揀左熱咖啡，糖同埋奶都係自己落嘅，吃飽滿足快樂。☺️

已經不是第一次發生類似的情況基本上每次下了單都要等20-30分鐘才有食物而且叫店員跟一跟 非常的臭臉態度非常不好非常懷疑是不是漏了單 因為下單後20分鐘連飲嘢都無真係非常之誇張

上左時代上層發現有好多餐廳，本身想試11層同層既酒樓片皮鴨同松子魚，但走多轉又想試下呢間，所以進去先發現原來係cafe 第一次試，點左淡淡咖喱蟹肉飯，覺得好一般，而且咖喱味蓋過蟹肉味，仲要賣$198一份，超貴吾值。另外試左冬陰功雜錦海鮮鍋，冬陰功湯唔正宗，海鮮一般。咁就成$400幾。而且服務員態度好冷淡，吾會主動去幫你任何事，如果想去清靜既咖啡館確實靜，但所有野食都實在貴吾值，而且同我想像的咖啡館有出入。感覺又泰式又外國又奇怪。同埋叫左latte 飲好難飲🙃

平時都有去開Gaia group食嘢，佢哋啲Staff服務態度一向平平，但係今次竟然遇到一個非常好嘅體驗，令我一定要寫食評！話說早幾日去左Times Square食lunch，因為要用咗啲coupon佢。我嗌咗杯泰式凍奶茶，奶茶嚟到之後我用匙羹不走啲冰，呢個時候原本企喺reception位置嘅菲律賓籍女員工見到，走來問我係咪唔想要冰？我話係呀！跟住佢竟然主動話叫水吧重新做過一杯俾我，我話唔緊要，但佢非常誠懇咁收走我杯奶茶，然後叫水吧換咗一杯滿嘅冇冰俾我。呢個舉動令我相當震驚，基本上唔會喺香港普通餐廳裏面發生！even平時落單，你叫佢少冰，佢都未必一定會少冰俾你，所以呢一位Staff非常有心，對工作有熱誠，希望佢哋公司高層見到，對佢有所讚賞！亦因為佢我會多啲嚟幫襯！

我有時去泰國旅行，都會去Greyhound食嘢，所以喺香港有時都會去。呢間喺時代廣場的Greyhound, 係我好鍾意去嘅其中一間餐廳。😍因為我覺得餐廳地方舒適，幾好坐，幾鍾意佢呢度嘅裝修，顏色配搭好靚，同埋餐廳嘅燈光光線柔和舒服。食物方面都好多種類選擇，佢主要係泰國菜，另外有些西式嘅食物都有。所以好多選擇👍同埋我鍾意佢啲飲品都好多種類。講真泰國菜呢講，呢間未必係真係好好味。但係環境真係舒服，食物又唔差，同埋食物飲品都好多種類選擇。所以我個人係好鍾意。今次我係自己一個去，所以簡單食咗一碗牛肉船麵。味道唔錯👍

Lemongrass drink 完全冇lemongrass 味。餐廳面積大，3成客都冇，全場只得2-3個staff，忙到理我哋唔到，唔夠餐具用，唯有自己去隔籬枱攞。

呢間泰國餐廳主要賣點係環境，所以整體食物味道其實唔算太正宗，似係賣高級版本嘅泰國菜。味道來講其實都唔算難食，但係如果係想食一啲正宗嘅泰國美食嘅話，香港其他地方例如九龍城任何一間泰國菜都會比呢間好食。

兩大一細食一個下午茶set啱啱好，鹹味茶點好出色，如果成個set都係鹹味茶點，咁就一流喇🤭第一層：鮮蝦雞肉米紙卷薄切三文魚配泰式辣汁泰式柚子沙律呢三樣鮮甜開胃有驚喜第三層：脆炸單骨雞翼脆炸粟米蟹餅，豬柳串燒，沙嗲雞肉串燒，泰式炸蝦配魚餅球，炸越式蟹肉春卷，泰式豬肉腸，新鮮蔬菜沙律呢一層份量已經夠一個人食正餐，食物本身調味充分，唔使點醬已經足夠好食，點埋醬有另一種泰式風味第二層：栗子蛋糕，雜錦馬卡龍本身唔好甜品，呢層除咗栗子蛋糕，其他甜品尚好

食物與服務令人一言難盡，難怪午餐時段不用等位。平日時間，一行五人，每人各點了一份午餐，難得是沒有一人對食物感到滿意。店內員工人數不足，各人亦明顯是新手，總結：貼錢買難受，絕無下次。

Greyhound basically can be seen everywhere. I've tried the one in TST k11 musea previously but i do find this one in CWB Time Square has better food and service quality.We ordered frilled chicken with bbq sauce and grilled vegetables. They tasted so good! The lettuce plus grilled chicken and fish cakes are also good.Highly recommend you all try this one in Time Sqaure out!

Greyhound cafe的啖啖蟹肉黃咖哩飯,啖啖蟹肉奄列和芒果糯米飯今次黎到嘅餐廳係Greyhound cafe！🍽️ 呢度有好多唔同嘅菜式，味道亦都好唔同。今次小編試咗啖啖蟹肉黃咖哩飯、啖啖蟹肉奄列同芒果糯米飯。啖啖蟹肉黃咖哩飯嘅味道好好，啖啖嘅蟹肉加上咖哩飯，非常鮮美。🦀🍚👌 黃咖哩同埋配菜嘅味道好搭，令人食到停唔到口。啖啖蟹肉奄列亦都非常好食，裏面啖啖都係大啖蟹肉，鹹鹹香香嘅口感深得我心。🦀🍢😍 而芒果糯米飯都非常好味，糯米飯香Q彈牙，芒果味清新，非常開胃。🥭🍚👍整體而言，Greyhound cafe嘅菜式唔單止味道好，仲有好睇嘅外觀同環境清幽，一流嘅用餐體驗，非常值得一試！👌👍😋

係Time square行完街好想食金邊粉😆上左去11樓嘅greyhound 度食飯😆之前每次去greyhound都會叫鮮蝦炒金邊粉☺️不過今次就有少少失望🙁個金邊粉係超級多芽菜😂唔可以用多嚟形容😂係要用超級多…感覺啲芽菜同金邊粉嘅份量各佔一半😂😂而且金邊粉嘅份量都唔算好多都唔知邊個先係主菜🥲而味道方面 中規中矩😂但係我唔想食咁多芽菜嘅金邊粉😂牛扒方面唔算太大特別 建議選擇其他嘢食會比較好😂

有time square 既coupon所以就同同事兩個搵左間泰國菜食Meun都幾多選擇叫左個辣既撈海鮮拼盤，鴨脾金邊粉，椰汁黑糯米甜品海鮮拼盤有一隻小龍蝦，青口，蜆，蝦，魷魚，粟米個辣汁幾好味 小小辣帶點甜鴨脾金邊粉個湯有小小咸 肉唔算好滑 椰汁黑糯米幾好食 清清甜甜賣單用左coupon 扣左一半價錢先覺得好抵食如果無coupon我地應該唔會去食性價比不是太高 座位方面坐得都幾舒服既⭐️CP值;3👩🏻回頭指數;2📸打卡比分;3