Greyhound Café (海運大廈)

營業中

休息中

放假想同小朋友早少少食晚餐，我哋walk in。餐廳有休息時間，要下午6點再正式營業及入座。餐廳並沒有提供BB櫈，所以如果小朋友太細。家長要自行決定入唔入去食，我哋當日因為一夠6點就入座。職員好好安排咗梳化位俾我哋，所以小朋友可以坐梳化位。我哋點咗3份食物，小朋友想食Burger，我哋就點咗一份三色漢堡。職員都好好，預先問我哋Burger需唔需要走辣。(因為其中一個係辣嘅)如果佢唔提我，我諗我都冇留意呢!!三款Burger都唔同味，有一個係芝士士多啤梨和牛Burger~另外一個係茄子和牛Burger~本身想嗌豬手，可惜當日冇...只好嗌其他食物，嗌咗份燒雞拼糯米飯燒雞超惹味，點埋辣汁，仲惹味!!推介推介!!新鮮菠蘿炒飯，呢個都好好味，飯夠炒得乾身，菠蘿都好鮮甜!好好味，小朋友追住食。整體都滿意!

我好耐冇出食評，今次想支持門口經理哥哥一入舖頭，門口經理提醒有最低消費，前面一對男女話歧視佢地窮搞事跳制，門口經理好有禮貌冷靜請走果對男女 晚市服務好好，待應都輕輕放下食物，招乎周到豬頸肉比預期好食，唔會痴牙，仲好爽口海鮮飯都好好食，魷魚鮮甜，同埋啲飯好入味唔錯薯條配果款沙律醬真係perfect，我諗唔到點形容，只可以話未食過呢種組合手工啤比預期好飲，呢款係no1 thai craft beer cha la wan，手工啤甜甜地配合薯條同豬頸肉，真係好味值得推薦

夜晚去開海港城，見依間少啲人等位，就去試一試 ，我哋叫咗燒豬頸肉配糯米飯，豬頸肉有數片，但係更重要嘅溫度同埋味道都不似預期，上枱嗰時只有微溫、暖暖地咁，燒烤嘅痕跡亦都唔明顯，只有最邊邊係比較焦香，豬頸肉本身嘅調味唔重，靠點旁邊嘅汁，至於糯米飯有個藤籃裝住，軟硬度適中，不過以依個定價會期望整體有更高嘅水準另外，依晚嘅人手好似唔太足夠，舉咗好耐手先至有人得閒過嚟，上菜又係等咗大半個鐘先至有第一樣野食，差啲以為漏咗單......

服務態度差，叫極唔來，放餐具又大大力，食到一半叫佢攞 menu 一來表現得極唔願意，二來 pet 上台面，真心唔 ok食物普通，我的和牛扒過份熟有d硬，雞翼d肉好硬而且好乾冇咩肉，冬陰功河粉成大塊，又厚又大片，似陳村粉多過湯河飲品檸茶係唔差既，D冰係 檸檬茶冰，所以感覺係全場最好既飲物，不過唔知咩原因搞到我去左兩次toilet，價格不便宜，呢個價錢仲有好多選擇！海港城好多餐廳都滿人在外排隊，唯一不排隊的他原來是有原因的。

屋企人一直好想試呢一間，趁放平日一於去試試！和牛愛好者注意，Grilled Wagyu Beef 完全唔似和牛，叫medium rare，都係全熟。Stirfried Lettuce入味好食略嫌多油，Chargill Squid不過不失，唔太食得出鮮味。另外肉鬆四季豆就見人見智，我就覺得四季豆爽口幾好，媽媽就覺得佢唔冧難食。我哋另外仲叫左Thai Iced coffee，同Lime soda，都係$48一杯。總括黎講，海港城都仲有其他西餐選擇，唔會特登再食

近兩年一直都有食呢間餐廳，不過估唔到一次比一次差，今次同媽媽慶祝生日，book檯時remark慶祝birthday, 但晚市無蛋糕都冇通知，之前餐廳蛋糕係最好食， 竟然冇蛋糕，真係好失望，紙米卷個皮好韌，d皮好厚，d皮仲痴到一舊舊， 分開時d餡散哂，蟹肉咖哩普通，勝在多汁多飯，魚餅蝦丸還好，凱撒沙律正常，松露炒菇無松露味，餐廳冇乜冷氣，幸好有放置風扇，不過用途不大，之前去過沙田及k11分店都幾好， 海港城真係唔得，無下次

🍝帶子蘆筍香草寬條麵🌿第一啖食我以為自己中咗肺炎，望落係綠色，但係聞落無香草味食落無鹹味，好彩食冬陰公個陣係味覺正常。🍜泰式河蝦冬陰公湯河粉🦐酸辣開胃，唔會好辣，河蝦算大隻唔係霉但係唔太彈牙。menu圖片只供參考，同實物相差得遠。🍝鮮蝦炒金邊粉🦐味道正正常常，女仔食就啱啱好。☕️Cappuccino☕️朋友話係正正常常凍咖啡。整體份量偏細，價錢偏貴。🏠環境座位尚算闊落，但係有啲熱，梳化有片上手留低嘅菜。

今日亞女放學比較早，加上海港城依家可以用半價食券，所以就去咗呢間食lunch，因為可以用半價coupon嘅關係，所以冇得叫set lunch，飲品要另外叫，減咗半價卷之後，計返條數，其實都十分之抵食。大蝦冬陰功河粉～甜酸適中，椰香味濃，一啲都唔辣，而大蝦有成隻碗長，很吸睛，略嫌蝦唔夠爽彈。鮮蝦炒金邊粉～唧D青檸汁撈勻，很有泰式風味，而且炒到乾身不油膩，好食。帶子蘆筍香草闊麵～有四粒煎香嘅帶子，尚算鮮甜，麵條食落煙韌有趙口，係我鍾意食嘅口感，但味道就一般，香草味唔突出而且食落好留滯。另外額外叫了一杯凍嘅意泡沫咖啡同凍檸茶

在港九新界擁有多間分店的Greyhound Café，相信大家都不會感到陌生。以前曾經到訪過中環ifc店，這次則是到訪了尖沙咀店，為的是用掉沒完沒了的海港城現金券，其實這個推廣真的很好，可以趁機嘗試不同餐廳。平日晚上時間海港城的餐廳基本上都需要等位，Greyhound Cafe也不側外。不過值得一讚的是入座節奏控制得不錯，幸運地被安排了一個四人半卡位，坐得非常寬敞舒適，點了的食物也不怕不夠位放。帶子、蘆筍、香草寬麵 HK$158素來很喜歡青醬意粉，青醬的味道真的很特別，讓人欲罷不能！搭配帶子、蘆筍這些食材更是一個無敵的組合，帶子煎得外脆內軟，味道鮮甜，蘆筍亦帶有爽脆嫩口的口感，十分新鮮。秘制辣肉醬手包粉卷 HK$118這是由自己包的一個粉卷，先取一片粉皮，再夾上生菜、肉碎以及醬汁，接下來就是看看手藝的時候。包得不好的話醬汁很容易就流出來，還是會吃得有點狼狽。辣肉醬味道並不算太辣，很惹味的一道菜式，夾上生菜感覺好Fresh，整體味道不錯！脆炸粟米蟹肉餅配甜酸醬 HK$128蘇蘇脆脆的炸粟米蟹肉餅，剛上桌時還非常燙口！很香口的一道小食，蟹肉十分彈牙，裹上香甜的粟米再一起炸，口感份外豐富。再

因為有海港城優惠券，所以揀咗呢一間嚟最後衝刺食返餐。同一間餐廳之前喺Times Square同又一城食過， 其實份量都適中， 味道不錯，又坐得舒服，而且有set lunch。 早排time Square同樣有得用優惠券，所以今次剛相約好友在尖沙咀，於是就到這一間餐廳，諗住到期前用優惠券同朋友吃一餐。中午到達餐廳嘅時候，人非常之多，而且大排長龍。職員說可以使用優惠券，本身打算照原訂計劃叫set lunch (但原來星期五冇左set lunch， 平日一至四先有set lunch）。 於是我們單點食物，但出乎意料份量十分細，不知是否因為人多關係，還是這一間分店的份量比其他分店少， 幸好今次用咗優惠券，才感覺良好，如果以正價計算，我絕對不會星期五再來呢一間餐廳。食物雖然不錯，但CP值十分低。🤭

由於海港城有優惠券，大部份餐廳都要排好耐！ 好彩尖沙咀呢間greyhound好大間， 唔洗一個鐘就入到去。我地點左西柚鱸魚及安格斯薑黃飯，所有食物都比想像中好食！ 原來西柚同魚可以咁夾， 而薑黃飯原來咁好食！ 令我喜出望外～

又有海港城coupon嘅關係好多間餐廳都太多人排隊於是就去咗隔離間泰國餐廳食嘢啦只係想食下午茶所以嗌嘅嘢都唔多叫咗個薯角問佢拎多咗隻醬佢都肯比態度唔差雞翼同埋杯泰式奶茶雞翼開一半仲有個蛋糕一件就叫咗個泰式糯米飯食咗晏晝出嚟食啲小食當下午茶咁慶祝生日薯角雞翼勁香口泰式奶茶好濃味有泰國嘅味道糯米飯都好香芒果好甜

海港城貴價泰國菜。因為知道多人會用coupon去食，所以早咗一個星期喺OpenRice訂位，不過唔知點解訂咗位都要等Walk in啲人入咗先，Book完之後唔係應該會留枱，或者優先處理緊咩？唔係嘅話要人book黎做咩？叫咗一個主食，兩個小食，餐牌啲圖片完全只供參考，出到嚟係完全唔同樣，啲嘢食好淡，唔入味，可能因為太多人所以整熟咗就算。價錢偏貴，不過用coupon嚟講嘅話叫做仲可以接受。試一次就算，唔會食第二次。

路過呢間以為食西餐，原來食Thai food, 但……選擇食甜品🍰☕Classic Chocolate Cake ~ 朱古力蛋糕頂加入朱古力醬，令蛋糕表面立立令，好靚❤❤味道濃郁，甜而不膩😋

𝙶𝚛𝚎𝚢𝚑𝚘𝚞𝚗𝚍 𝙲𝚊𝚏𝚎 🥘🫔Harbour City is famous for its food paradise😆 Of course Greyhound Cafe is not to be missed! 👍𝙎𝙖𝙩𝙖𝙮 𝙎𝙩𝙚𝙖𝙠 - Yummy pork neck with a good dip in satay sauce, comes with toasted bread as sides𝙋𝙞𝙩𝙖 𝙋𝙞𝙯𝙯𝙖 𝙬𝙞𝙩𝙝 𝙄𝙩𝙖𝙡𝙞𝙖𝙣 𝙎𝙖𝙪𝙨𝙖𝙜𝙚 - A little pizza which is like a mexican quesadilla, loved the cheese and italian sausage inside!𝙋𝙖𝙙 𝙏𝙝𝙖𝙞 𝙬𝙞𝙩𝙝 𝙁𝙧𝙚𝙨𝙝 𝙋𝙧𝙖𝙬𝙣𝙨 - An all time favourite dish in Thai cuisine 🦐 𝙋𝙞𝙣𝙚𝙖𝙥𝙥𝙡𝙚 𝙁𝙧𝙞𝙚𝙙 𝙍𝙞𝙘𝙚 𝙬𝙞𝙩𝙝 𝙎𝙚𝙖𝙛𝙤𝙤𝙙 - Another all time favourite, with fresh pineapple 🍍