影片
更多
2014-03-25
3201 瀏覽
朋友生日，去咗海港城O既Greyhound Cafe，以前去過泰國一間，無乜特別感覺。當日其中一個朋友早到先排隊，五分鐘後我到咗一齊排咗半個鐘，因為算早，所以半個鐘唔算排得耐，但對排隊真係無乜好感，快餐都無所謂，但依間餐廳真係做唔到派飛？真係要人排隊做宣傳？朋友到齊入座，環境比泰國嘈雜同迫，如果夠四個人坐都好啲，見其他兩人枱，根本係同人榙枱，兩枱距離五厘米咁大把，限時個半鐘，一人叫咗一樣，單骨雞翼、鴨腿湯河、安格斯牛排配木瓜沙律及糯米飯、Spaghetti with Dried Salty Fish同水牛芝士漢堡。(上個灰狗個網Check番個意粉，個網反應慢到....又唔配圖)，另外每人叫杯野飲，龍眼冰，APPLE SHAKE，泰式奶茶同一杯有雪糕O既咖啡。單骨雞翼，招牌菜，但$68比你五隻小雞翼，真係.....價錢都算，預咗唔平。但質數真係麻麻，又乾又柴，真係麥記同宜家好過多多聲。鴨腿湯河，無影相，味道OK。有雞脾大鴨腿一隻，好味過大家樂少少。安格斯牛排配木瓜沙律及糯米飯，真係唔好意思叫佢做牛排，唔好見我影到好大份，裝木瓜沙律個碗同平時飯碗一樣大，而「牛排」仲細過個碗，味道....算
朋友到齊入座，環境比泰國嘈雜同迫，如果夠四個人坐都好啲，見其他兩人枱，根本係同人榙枱，兩枱距離五厘米咁大把，限時個半鐘，一人叫咗一樣，單骨雞翼、鴨腿湯河、安格斯牛排配木瓜沙律及糯米飯、Spaghetti with Dried Salty Fish同水牛芝士漢堡。(上個灰狗個網Check番個意粉，個網反應慢到....又唔配圖)，另外每人叫杯野飲，龍眼冰，APPLE SHAKE，泰式奶茶同一杯有雪糕O既咖啡。
單骨雞翼，招牌菜，但$68比你五隻小雞翼，真係.....價錢都算，預咗唔平。但質數真係麻麻，又乾又柴，真係麥記同宜家好過多多聲。鴨腿湯河，無影相，味道OK。有雞脾大鴨腿一隻，好味過大家樂少少。
安格斯牛排配木瓜沙律及糯米飯，真係唔好意思叫佢做牛排，唔好見我影到好大份，裝木瓜沙律個碗同平時飯碗一樣大，而「牛排」仲細過個碗，味道....算有牛味囉...沙律辣辣地幾醒胃，竹盒入面O既糯米飯有令人有食過野O既用處。
Spaghetti with Dried Salty Fish(相右)味道普通，小小咸小小辣，因為係咸魚，好似無配料咁，食完無乜記憶，但SIZE真係細到，四人分得兩叉。水牛芝士漢堡，唯一我覺得好食O既一道菜，配O既薯角質數唔錯，粗身同暖暖地，有薯味。而個漢堡O既黑飽(竹炭?)烘到脆脆地，唔係走鬆軟路線，但我鐘意，漢堡扒有啲厚度，有肉味多汁。
飲品只係飲咗自己個APPLE SHAKE，唉，真係飲冰咁，好難講佢有味。唉。鐘意飲綠色O既冰水就叫佢啦。試咗朋友O既泰式奶茶，味道會比港式甜，可以一試O既。
總結，名過其實O既一間餐廳，味道普通，份量細，價錢偏貴，環境嘈，服務普通，唔係好差，但唔想再試。
張貼
