Go Dutch Cafe

營業中

休息中

/ /旺角任玩board game坐足一日🤩今日同朋友嚟到旺角呢頭，行到好攰，見到有間cafe又有board game玩，啲嘢食又好吸引😝真係好hea處，價錢唔算貴，環境又幾舒適！✨金沙大蝦咸蛋長通粉呢個味道係出面未食過，好特別好濃郁嘅咸蛋香，食落好有黃金蝦感覺通粉夠煙韌，好有口感，好creamy🍤 ✨蜜糖雞翼真係即叫即整，熱辣辣皮脆肉嫩，一份有5隻表層好多蜜糖，食落甜甜的好似BBQ嘅燒雞翼，正啊！

餐廳：Go Dutch Cafe地區：旺角地址：旺角登打士街43H號登打士廣場10樓日期：6/5/2021時間：18:30人數：2人 等位： 0mins 價錢： ＄207之前朋友介紹咗呢間Cafe話係幾唔錯，今次就去試吓。我哋嗌左個雞扒漢堡配薯條（$78）、Asian Basket（泰式春卷、日式炭燒雞串、咖哩角）（$68）再加一杯鳳梨梳打（$42）。佢嘅雞扒漢堡超大份，塊雞扒勁厚身，煎得又香又脆，搭配埋蕃茄同蜜糖芥茉醬，味道非常之豐富，加上佢煎脆咗個包皮，絕對值得推薦👍🏻一邊食漢堡包一邊食薯條同飲佢嘅鳳梨梳打，真係好夾好滿足😋而 Asian Basket（泰式春卷、日式炭燒雞串、咖哩角）啲小食都係新鮮炸同燒，熱辣辣都幾唔錯。今次又搵到一間抵食嘅cafe，環境別緻帶點浪漫 ，坐得又舒服，真係唔錯👍🏻

餐廳係正登打士廣場，地點非常方便。一入到cafe 就見到好大盞裝飾燈，環境舒服得嚟仲有梳化坐。芝士肉醬意粉新鮮焗出嚟，連隻碟都熱辣辣。蕃茄肉醬酸甜好開胃，芝士味道好濃郁而且份量都幾多，意粉嘅軟硬度適中唔會碎晒，做得幾好。白汁吞拿魚長通粉上碟時職員都好貼心提醒我地隻碟好熱，要小心啲。吞拿魚分量超多，長通粉比較煙韌，都幾唔錯。芒果紅茶芒果汁偏淡，不過勝在茶味香濃。蜂蜜梳打梳打夠哂冰爽，蜂蜜既味道濃得嚟又唔會太甜。

🥰話說今日喺旺角睇朋友演出，中午就同朋友一起係附近食埋晏晝！呢度一直都有好多cafe，之前都有試過登打士廣場幾間cafe，覺得都唔錯，所以就試埋呢間！🧀芝士肉醬意粉 $85🍝呢度既意粉都係即焗，遞上黎既時候嗰盤仲係好熱，而芝士放滿意粉上面，意粉本身住得乾身，撈埋肉醬一齊食就好吸醬汁，覺得幾好味又啱啱夠飽！🍝白汁吞拿魚長通粉 $85呢碟無論係通粉乾身度同醬汁同上一碟同樣優秀，但係我自己覺得白汁唔係幾夠味，有少少淡，但係好再冇蓋過吞拿魚本身既味，整體來講都算合格☺️

最低消費: 最少要每人一杯嘢飲 or dinner set 佢啲野飲貴過叫野食， 而且又勁甜 好似糖漿水咁食物: 金沙大蝦咸蛋意粉無咸蛋味味道偏淡大蝦唔新鮮Set dinner 包兩款甜品叫咗紐約芝士餅同提拉米蘇芝士餅聞落有啲宿味口感似泥膠 食咗兩啖好難吞無再食芝士味好奇怪p.s. 食完個肚唔舒服咗成晚提拉米蘇根本唔係提拉米蘇上碟原來喺朱古力蛋糕咁就唔好叫提拉米蘇啦服務態度: 態度冷淡掛住睇電視睇劇叫幾聲先回應Order 時堅持要客人講食物number 唔可以講食物名稱 無禮貌 無表情整體: 一試難忘 再試投降成晚得3枱客原來有原因如果係旺角揾唔到嘢食同對食無要求， 不妨一試嘅

歇一歇昨日接完媽媽出院，安心啲，本身約咗細佬食lunch，出去食個飯，順便買啲嘢！去番學生時代一班人去嘅cafe，被台劇「命中注定我愛你」吸引住，睇睇下店員同我們吹水，話韓版好睇啲，雖然從前睇過，而家再睇都係好吸引，睇咗成集幾先走😂😂環境舒服，我哋坐嘅台好精緻（圖六），跟餐包一杯野飲，下午茶2:30好抵食！.日式餃子 😋😋😋😋有成六隻，包一杯飲品，$3x都幾抵食，外皮脆口，裡有肉汁，如果沾喼汁會更加出色😍.芝士肉醬薯條 😋😋😋😋好食，芝士肉牆好多，食到尾仲有。.焗吞拿魚長通粉 😋😋😋😋好熱好熱，長通粉偏軟，好多白汁，岩晒鍾意多汁嘅朋友！

❐ 金沙大蝦鹹蛋意粉🍝 $128評分 ▮ ▮ ▮ ▮ ▮ ▮ ▮ ▯ ▯ ▯ ⟰好香鹹蛋味又吾會太濃太濟2個人share食岩岩好✨⟰碟邊全部都係蝦足足有8隻好彈牙🍤⟰意粉掛汁份量多煮到有少少彈牙唔會太淋❗️❐ 德國鹹豬手配薯角 $158評分 ▮ ▮ ▮ ▮ ▮ ▮ ▮ ▯ ▯ ▯ ⟰ 薯角新鮮炸起又熱又脆🥔裡面薯仔好足料✨⟰ 豬手屬於唔脆但係彈牙煙韌個隻⟰ 豬手味道唔會太鹹而且啖啖肉每舊都好厚切，肉質鮮嫩🍖❐ Mocha☕️ 加$8評分 ▮ ▮ ▮ ▮ ▮ ▮ ▮ ▯ ▯ ▯ ⟰朱古力味🍫濃咖啡味都幾香味道平衡⟰ 整體唔會太甜🙌🏻🍚推介指數☻ ☻ ☻ ☻ ☻ ☻ ☻ ☹ ☹ ☹ (10為最高)

位於旺角的樓上Cafe💕一走進餐廳便會看見充滿藝術感的吊燈✨由於預編當天到訪時是晚上，所以整體燈光偏暗，而顯得吊燈份外光亮🙈店舖提供不少Boardgame供客人自行選擇，而且座位寬闊舒適～#香草白汁炸蝦天婦羅飯 $95炸蝦天婦羅🍤新鮮炸好～份量頗多，總共有四塊天婦羅，蝦肉不會太熟，炸粉厚度適中🥰白汁味道略為偏淡味道小評分：😋😋😋😋/5#日式蒜蓉汁雞扒飯 $95蒜蓉汁🧄味道偏濃，不過不會太鹹，雞塊已預先切好🙈十分方便～雞扒外層微焦口感脆薄，雞扒有預先醃好所以味道不會太淡～味道小評分：😋😋😋😋/5#熱芒果綠茶（套餐）份量超級多的芒果綠茶🥭本來小編以為套餐包括的飲品份量較少，原來並不會，整杯飲品也頗大杯😆芒果味亮較重整體偏甜一點～味道小評分：😋😋😋😋/5#熱榛子朱古力 加配$8榛子味道🌰濃厚，所以朱古力的味道較不明顯，整體味道偏甜～頂部的cream令整杯飲品更吸引🥰味道小評分：😋😋😋😋/5🌟喜歡的話可以Like & Follow, 有你的支持是小編的動力🌟整體味道指數：👍🏻👍🏻👍🏻👍🏻/5性價比：💰💰💰/5環境：💕💕/5打卡指數：📸📸/5

登打士街曾經係聚餐聖地，不過限聚底下一眾 #樓上cafe 都比較人煙稀少。今次去咗 #登打士廣場 嘅Go Dutch Cafe晚餐，平日夜晚唔駛等位，兩個人亦都有梳化位坐，的確幾適合情侶拍拖坐耐啲，又或者三四個朋友聚會。💡 英文 Go Dutch 其實AA制咁解，約女仔去之前記得唔好搞錯喇🤫💚 特濃龍蝦汁海蝦海鮮炒椰菜花（$138）龍蝦汁真係好濃好夠，而且佢哋嘅炒椰菜花係好有特色，用咗意大利飯style，唔單止健康仲好食過飯添，幾有驚喜！💚 金沙大蝦咸蛋意粉（$128）呢個係餐廳新款！咸蛋味幾足同夠濃，而且大蝦啖啖肉，意粉份量都好足夠。唯一建議意粉可以煮硬返少少，咬口會更足💚 夏威夷果仁朱古力 & 榛子朱古力（跟餐+$8）熱飲嘅夏威夷果仁朱古力唔錯，賣相亦都好IG-able！除咗朱古力仲有好多其他選擇，比如茶飲等等味道: 🌕🌕🌕🌗🌑服務: 🌕🌕🌕🌕🌘環境: 🌕🌕🌕🌕🌘價錢: 🌕🌕🌕🌗🌑－－－－－－－－－－－－📍Go Dutch旺角登打士街43H號登打士廣場10樓－－－－－－－－－－－－

想搵間坐得舒服既cafe，係Openrice睇相個陣比盞燈吸引左😂。睇過個menu都唔錯，最緊要唔貴！兩個人唔係好餓，所以嗌左幾樣野就夠晒🤪。卡邦尼意粉 $118每條麵都沾滿晒白汁，好濃😻。啲煙肉啱啱好用嚟吊味，唔會太鹹。成個麵都好好食，調味好好👍🏻。唯一可以改善嘅就係意粉嘅軟硬度，食落有少少淋，如果煮嘅時間短啲就更好啦😆。芝士肉醬焗薯角 $52有別於平時食開嗰種得個甜味嘅肉醬，依個肉醬應該用鮮茄整成，酸酸地非常之開胃😍。就算薯條有啲熱氣，個肉醬就好似幫手中和左咁，愈食愈好😂。份量好夠，兩個人食都夠。焦糖朱古力沙冰 原本$68 跟餐加$20跟餐加$20就有咁大杯沙冰飲，真係好抵，仲要好好飲😍。杯嘢飲大到我哋兩個人飲都仲可以飲剩。上面啲cream似係新鮮打成嘅，唔係現成買返黎個啲，因為唔係好甜，淡淡地，好易入口👍🏻。沙冰好飲，真係飲到焦糖味，就算啲冰融左都好，唔會變得好淡，唔會變朱古力水，呢個要讚一讚🥰。提拉米蘇 $38擺碟好靚，又有朱古力醬又有朱古力碎。如果嗌嘢飲加$28就可以有甜品，單點嘅話就要$38（姐係我地）😂。蛋糕裏面好濕潤，食落去唔似係放咗好耐，應該即日新鮮整😎。埋單$251

旺角真係有好多樓上Cafe 今次就去左登打士廣場一間Go Dutch Cafe 😌一入到門口已經見到有個好靚嘅燈飾🥰 最啱打卡📸 客人除咗食嘢之外仲可以玩 board game同飲嘢 輕鬆吓😌.二人套餐 $368任一款小食💁🏻‍♀ 兩款主食💁🏻‍♀️甜品同埋飲品☺️(飲品可以加錢轉其他特色飲品🥤)美式芝士煙肉焗薯條即叫即焗 一上碟熱辣辣😌香香嘅芝士 同 煙肉碎😍 亦唔會過鹹半溶芝士拉絲好邪惡🙆🏼‍♂️自家制黑松露燒春雞配薯條小妹推介✨✨好大隻燒春雞 同時 好好食😋真係燒到好靚嘅金黃色微脆得黎 燒雞香味濃濃🤤調味汁好足夠 而且肉質唔會燒過火食落每一啖都好香滑 又爽口❤️仲有配埋薯蓉😋好滿足又抵食👍🏻金沙大蝦咸蛋意粉呢個意粉幾特別☺️咸蛋黃醬汁同咸蛋碎 配上意粉都幾夾面頭有香香嘅咸蛋金沙❤️再配上大大隻大蝦 食落好香爽😋士多啤梨比利時窩夫🧇窩夫好厚身 而且外脆內軟 好鬆化😎配上士多啤梨醬加上cream 為晚餐畫上完美嘅句號提拉米蘇面頭上舖上一層朱古力粉🍫入面係mousse 加海綿蛋糕 食落唔會好甜😊煉奶朱古力煉奶同朱古力嘅配搭❤️唔會太甜 同時 朱古力好香飲落仲好香滑😉再加上面頭香滑嘅Cream✨夠晒邪

Go Dutch Cafe旺角登打士街43H號登打士廣場10樓旺角一直有好多嘅Cafe，今次經過近油麻地嗰頭就揀咗係登打士廣場10樓嘅呢一間go dutch cafe入去食，貪佢喺樓上比較寧靜，入邊嘅環境比較幽暗，而且以梳化位為主，都幾適合同朋友談心a餐牌分左二人餐同埋一人套餐，朋友唔係太肚餓，所以我哋都叫一人餐食，套餐包埋飲品，大約$100左右價錢都OK我叫咗呢一個日式蒜蓉汁雞扒長通粉，雞扒煎得非常香脆，但係肉質keep住juicy，蒜蓉汁好香蒜味但係又唔會太鹹，食過咁多間Cafe來講做得唔錯，朋友就叫咗金沙大蝦鹹蛋意粉，意粉除咗喺上邊佈滿鹹蛋黃粒粒，入面嘅忌廉汁亦都好香鹹蛋黃味，十分出色我哋再加錢叫咗特飲，分別係香芋沙冰同埋凍摩卡，沙冰非常大杯，而且淡淡濃郁嘅香芋味，摩卡就佈上厚忌廉，甜度適中，兩杯個樣都好適合打卡～另外佢亦都有一啲board game同埋小說俾我哋hea下，真係坐好耐都唔知，非常建議同朋友或者情侶過嚟談下心，玩吓遊戲都唔錯 ！

跟客人於旺角晚飯但想找個坐得舒服又傾到計的地方真的不容易，果然樓上有雅座。進店後看見這個裝飾很吸睛，是打卡位。餐廳間開多個位置，可供二人談心，又或是三五知己傾計。店內有大量 Board Game 選擇，喚醒 L 年輕真好。店內的一對杯的擺設，假如用來喝Espresso 都不錯。L 選了日式蒜蓉汁雞扒飯配熱檸蜜，熱飲的杯容量跟平常於酒吧喝 500ml 比利時白啤應該差不多。如果單叫熱飲閒坐都不錯。蒜汁很惹味，雞排厚肉大件。飯採用珍珠米，入口彈性有口感。雞排細心地己預先切開數件方便吃。客人選的香草白汁炸蝦天婦羅飯配熱柚子茶四件炸蝦天婦羅飯外層香脆不油膩，內裡蝦肉啖啖肉。配上香濃白汁很開胃。入口鬆脆

又到左一星期一次拍拖日，兩公婆搵食當然搵返間有情調的西餐🥰Go Dutch Cafe，好有情調的樓上Cafe，兩個人揀左坐梳化，舒舒服服食返餐安樂茶飯先😋，晚餐選擇都多，特設二人餐，價錢相宜，有小食+主菜+甜品，份量都好足！不過今餐我地想輕食就點了一個意粉一個飯已足夠👇🏻😋特濃龍蝦汁海蝦海鮮意粉超多汁！意粉勁入味～濃濃的龍蝦汁味道，好Juicy，海蝦海鮮浸住落個汁度，每一啖都充滿著龍蝦汁味，好好味！鐘意食多汁伴食的朋友必食。😋香草蒜蓉汁炸蝦天婦羅飯未試過食西餐食天婦羅，炸蝦炸得剛好，夠脆！蒜蓉汁伴飯感覺有點點日式料理的味道，炸蝦點埋個汁食好味，新式天婦羅食法，唔錯！我地仲每人加錢點左杯梳化飲，完美！放入Encore List!

餐廳環境唔乾淨，有浸怪味，主食飲品甚至蛋糕都唔好味，價錢又貴，超級伏意粉完全唔夠汁、飲品超甜落咗勁多糖漿、蛋糕完全唔凍，嗰日食完之後真係好唔舒服，食物完全唔配個價錢。講完。