G Room Bar & Lounge

營業中

休息中

位於尖沙咀K11 Musea的「G Room Bar & Lounge」，係一間糅合西亞風味的地中海小食酒吧。餐廳將馬來西亞與日本等標誌性亞洲風味，融入地中海食譜，為客人提供充滿西亞風味的精緻小吃。配以360度曲面LED 超高清屏幕，播放着環球各地的動態背景，讓食客體會到高尚的用餐體驗及極致的視覺享受香辣白酒鍋蜆蜆肉勁大粒，鮮嫩多汁，非常甜美，微微辣，帶白酒及蒜蓉香，好好食呀鮮魷魚黑蒜蘑菇意粉意粉口感彈牙，軟硬適中👍🏻加咗新鮮魷魚、蘑菇及黑蒜一同烹調，色香味俱全，同時帶有濃郁黑蒜香香煎肉眼扒配西班牙迷你青椒肉眼扒煎至大約七成熟，牛味香濃，口感軟嫩，沾上芥末醬或海鹽後食用味道更佳！西班牙迷你青椒🫑新鮮翠綠，口感爽脆焦糖甜多士配鮮果及雪糕賣相好吸引❤️表面舖滿香蕉、鮮忌廉及朱古力雪糕，甜美可口～丹麥多士烤到外脆內軟，底部滿佈焦糖，甜甜脆脆的，大滿足呀

今日行街經過見到呢一間餐廳望入去就俾佢啲LED燈吸引咗 入到去成個畫面都好震撼雖然佢係LED燈但係真實感非常重 因為基本上360度都會睇到唔同嘅LED燈景色頭盤我哋就試咗呢一個廚師推介嘅黑松露伊比利亞火腿配 63°C 日本溫泉蛋 一嚟到基本上佢嘅黑松露味已經足以令到成間鋪嘅人都望住 裏邊有兩隻日本溫泉蛋 我自己呢就會撈埋佢一齊食仲有啲芝士同火腿 蘑菇 所以口感非常好 亦都好有層次 本身以為有芝士會好膩 但出奇地成個感覺都好smoothMain course我哋就叫做馬來西亞海鮮炒麵 聽裏面主要係有蝦同埋魷魚 仲有其他蔬菜一齊炒埋佢嘅食落去非常惹味 份量我就覺得啱啱好唔會太少香煎肉眼扒配西班牙迷你青椒 我見到差唔多每一台嘅客人都有叫 呢一個我覺得有驚喜 我自己走去食Medium rare 切開佢之後牛肉粉粉地嘅顏色 食落好嫩 肉味重我自己覺得可以媲美其他嘅扒房添 所以呢個價錢食到我覺得非常好

朋友生日想食西班牙菜，所以去左K11 G bar一試佢地西班牙小菜。酥炸生蠔：生蠔不但揸得外脆內軟，而且生豪10分新鮮， 10分Juice，識落完全好似新鮮即開即食嘅一樣10分美味可口。西班牙乳豬：西班牙乳豬Shift用上西班牙嘅掩了去醃製，食囉不像中式乳豬一樣，肉質肥美亂畫，加上特別嘅醬汁，兩者二合為一實在10分好味。海鮮薄餅：用上魷魚青口鞋油線下佢製造嘅薄餅，識落不但鄙薄餡靚，邊位得10分香脆，加上濃郁嘅蕃茄醬汁，實在係必食嘅薄餅。雲尼拿蘇乎厘：疏乎厘用上新鮮嘅蛋白去打製加上高溫嘅焗爐去焗劑，識落嘅燉蛋10分嫩滑，加上師傅唔係用你嗰個很多糖去製造食物不會太甜。總括來說，這裏環境10分優美，環境好像一間小型包廂一樣，實在係和朋友聚會嘅好地方。

餐廳裝潢好特別，圍邊全是大銀幕，投影出世界各地名勝，還有水底情景，打卡一流。隨著大銀幕的變化，燈光效果也會不同。如此環境下，飲杯cocktails最合襯。The Saffron酒味香濃。獨有香味。建議加添少少裝飾，賣相更為吸引。Baked Fresh Clams超級肥美，脹卜卜，入口之後那種又鮮又甜在口腔內徘徊，回味無窮。Scallop Carpaccio薄切帶子上有數粒魚子醬，鹹香鮮美。份量略少。Mixed Seafood Paella海鮮有青口，蝦，魷魚，大蜆，蟹腳….鮮！細細粒飯粒，有點似薏米。飯粒吸收了海鮮精華，滋味。

四大兩小，埋單2500唔算貴！食物質素真心講都幾好。但係由進場到落order，好似我爭個waiter好多錢，落完order我爭啲想講對唔住唔好意思叫你做嘢。上菜佢捧住個碟等我攞開啲碗碗碟碟等佢上菜，為咗避免佢喺食物落毒我都係順住佢去算。本來星期日開開心心同老人家小朋友食餐好點知攪到心情好差。其實請一個好嘅員工我都知好難，但係請到一個咁差嘅員工都真係幾難。真心講經常出街食飯貴嘅平嘅都會食，真係未遇過一個咁難頂。小弟第一次寫comment因為真係頂唔順。

忙足成個星期，放工梗係搵個地方relax吓食好嘢。G Room Bar & Lounge將亞洲風味融入地中海食譜，幾有特色。裝潢配合K11 Musea風格，甚有格調。入到餐廳，最吸睛係360度環形LED螢幕，播放著各地風景名勝同輕快嘅BGM，彷彿進入另一個空間。【西班牙蒜香鮮蝦】用鐵板上，上枱時仲嗞嗞聲。香辣蒜油，惹味香口十足，如果加返啲配菜例如薯仔粒、洋蔥就更豐富。【鮮魷魚黑蒜蘑菇意粉】以辣椒同黑蒜提味，加上意粉油滑，味道係蒜香+油香再帶少少香辣嘅多重香味。爽彈魷魚+煙韌意粉亦帶嚟不同口感。【香烤西班牙乳豬配迷你青椒】咬落乳豬皮相當香脆，豬肉嫩滑juicy，油脂豐富。配菜有濃濃青椒味帶微微苦味嘅Padron Peppers同埋甜梨片，減低膩感。【綠茶脆皮梳乎厘】大到成個煲仔飯咁，個面做到脆皮，口感好”Foam”，甜度啱啱好，想再甜啲可以蘸吉士醬，食完都唔覺滯膩。食完甜品，店員將LED影像轉為一隻大海龜同埋魚群深海暢泳，加上天花板嘅水紋玻璃，好似置身海底世界，好夢幻呀。最後要讚一吓，雖然只有一位服務員，但照顧周到，親切友善！

LED 彎曲大螢光幕加Fusion岩晒我哋嚟慶祝食飯，因為比較夜21:00差不多包場飯勁正，待應仲好NICE介紹食物同轉啲LED比我哋睇添，整體環境真心幾靚，食物質素不錯，每人$475可以食到1個小食，2個主菜，1個甜品都合理價錢 脆炸鮮魷魚$118份量都正常，魷魚新鮮而炸得脆口，不油身。不可不講醬汁好味道令到加分不少，少辣之餘帶點微酸好開胃 香烤西班牙乳豬配迷你青椒$398，看似不太多但我哋2人剛好。乳豬味濃，皮脆而肉好嫩滑，配菜青椒和類似梨的令到食完都不會覺得油膩感不錯 馬來西亞海鮮炒麵$198，入面炒麵份量不少，炒得都幾惹味，微微香辣，入面海鮮全都好新鮮彈牙同爽口 待應推介的朱古力脆皮梳乎厘，即叫即整，等咗約20分鐘，我同朋友都覺好好食，甜度剛好的朱古力又夠濃，梳乎里做得鬆鬆的， 而個表面仲脆皮好似菠蘿包咁，份量仲要成隻碟咁大都係$148必食

呢一間靚景餐廳主打西班牙菜🇪🇸🍴佢哋嘅意大利紅蝦意粉真係好推介💕雖然蝦肉嘅份量唔多 但係蝦肉食落真係好爽口又鮮甜🦐個醬汁好濃郁蝦味 仲好creamy 意粉彈牙又掛汁🍝

之前新開張就聽過呢間野，有啲gimmick，環境好似又唔錯，到今次終於試到。1. 環境：環境係一個圓形，細，好應聲，3枱客聽到曬大家講野。個mon闊啲個個都幾蒙查查。2. 食物：甘岩叫嘅呢幾樣野味道一般，但份量超級細，唔夠飽，女仔小鳥胃才剛剛好。出菜慢過法國餐，肚餓唔好去。3. 服務：一個待應負責企門口+出餐（廚房係glasshouse) +應客人+聽電話+埋單，痴線，滿嘅話枱都擺左十張。呢間野完全唔值得去🥶 唔好想像了，唔L是fine dining。老細好差，榨壓盡員工，剩係識overprice賺盡每一個崩。執7咗佢啦，降低整體MUSEA餐廳質素。

從來不寫食評既我都忍吾住，如果女生想打卡慶祝生日真不必去呢間了首先餐廳位置非常不顯眼，經過咗幾次都搵唔到，企咗喺度5分鐘都冇人出嚟接待又搵吾到人入到去餐廳係非常之細，我一度以為入面仲有原來真眼見甘細了，牆壁佈滿LED的屏幕呢個賣點真不必了，燈光下影相不好看之餘成個感覺很壓迫因太細到餐點同朋友叫左4樣野加野飲，每樣都黎得勁慢，加上野飲每杯都很難飲，埋單2千，完全不值（睇返先知同glass house同集團）但係買嘢就貴一倍，仲要食完沒有飽的感覺就算Lounge bar都無令人relax嘅感覺，從餐廳環境、餐飲同服務質素、價格都不值得嘅，要打卡的人真不要去

1. 成間鋪得一個waitress，見佢自己一個做到死，好心請多個staff ，其實間舖頭係咪執得？！2. 叫左4個餐，又吾X 好吃，4杯野飲都好難飲囉，2杯似咳藥水，一杯似薑水，真系飲水好過，貴到PK，埋單$1960，寧願加多幾百吃omakase3.成間鋪又細，環境一般，終於明白點解呢間星期五成晚得個2枱客真心嬲嬲地，佢個意粉咸到一個點😅 個黑毛豬勁蘇，真心想嘔，超級無敵伏餐廳完全唔明白點解會有正評性價比超級低!!!!無需去吃！！🤬

為慶祝朋友生日，特登搵左呢間但可想而知，結果令我好好好好失望1. 地方唔顯眼，經過3次都miss左（哈）2.食物質素一般，量少3.貴得黎口感一言難盡，果汁，Cocktail&蜜桃茶都有一股藥水味，4杯冇杯飲得曬（飲水最好）4.地方小小小5.雖然看圖知道是假景，但連窗也沒有6.全程只有一個侍應服務（辛苦你了）總而言之難吃，量少，沒有景，地方又小，大壓迫感，仲要貴🫣🫣🫣🫣 4杯飲品，4個菜和1個甜品，埋單$19xx 太餓 食完落肚先醒起影下相後話： 聽落好似叫左好多野食但食完好似冇食咁冇辦法，轉埋第二場再食😂第一次一晚食兩餐笑死我了

超滿意嘅𝘣𝘪𝘳𝘵𝘩𝘥𝘢𝘺 𝘥𝘪𝘯𝘯𝘦𝘳 ◟ʕ´∀`ʔ◞不過係我自己搵的🙃一晚去左倫敦 香港上空最正係去海底同烏龜游水🐢不過嗰度啲嘢食偏細碟大食嘅朋友記得食飽先🤣再去飲嘢打卡埋單都成千蚊杯Cocktails 幾好飲 我記得好似有百香果係入邊 好有咬口🤣生日慶生的話 去打卡係唔錯嘅選擇不過門口有啲難搵 📍G Room Bar & Lounge 5/F , K11 Musea , Tsim Sha Tsui

第一，地點超吊詭，在五樓一條走廊的盡頭，招牌不明顯！第二，超小的地方！比我唐樓家的客廳還要小！ 「我家只有三百尺。 枱很密！ 最慘的係他們以牆上巨大屏幕和海洋生物作招來，於是人人拍照，那我就出現在每個人的照片裡，這是我最不喜歡的😠😖😫食物呢⋯⋯他們的餐牌要分mini appetiser 同medium appetisers 。 以為medium 份量大點點，但其實是出面普通appetiser 份量，不敢想像mini 會是幾細。 餐牌選擇不多，叫了個蒜蓉蝦的中型頭盤和一個牛排。牛排味道好，但真的太多人拍照，趕快吃完就走了。 性價比超低，不值一試。

首先餐廳位置好難搵，門口完全無waiter，等左勁耐至有人。入到去感覺成間餐廳好細，好有壓迫感。然後，等野食等左勁耐，我叫左2個湯，一個pizza 同一個意粉，叫完等左半個鐘至黎個湯，飲完個湯再等45分鐘至黎個意粉，至於個pizza，我提醒左個waiter 2次，等左半個鐘個pizza都未到。最後，因為我太肚餓所以我cancel 左個pizza，要去另外嘅餐廳食飯。其實全場得4張枱有客人，完全吾明點解要咁耐，仲要收得吾係平。