Food Playground

營業中

休息中

黎睇GUCCI， and then去左K11 food playground (basement)食野。大伏！！！拉麵ok, 雞卷交到貨，多肉。呢個萄式牛肝菌芝士焗飯 請不要買！！！！激難食，又焦，無味又多油，d臘肉好咸，完全無牛肝菌味，但「乾身」係，絕對有。食左少少已經唔想食。完全feel到係為做生意而做。慳返d錢買牛角包食重好。。唔怪之得無咩人係澳門菜前面，多數人買日港韓菜。Any肥，definitely no next time for the 「乾」飯。

K11 Food Playground 元組叉燒味肉拉麵地頭蟲評分：8/10🦋糖心蛋好食，Overall都唔錯！如果去到K11想快快脆脆食一餐可以試吓😋🐛不過好難搵位

因為每次同小朋友來k11，都是揀他們喜歡的。難得今次同我老公來，可以滿足大家的願望，惟有food court吧！大家各自揀自己喜歡的，價錢不是問題。好想食滲滲，但湯太稀，冇咩味。夠辣。奶茶ok。我老公叫的船麵不過不失，但不夠熱。幫襯過應該唔會再食啦。

今次試Food Playground 入面嘅Italian Wok，lunchtime 一人前。$80一個溫泉蛋卡Carbonara，加$18轉餐有湯同沙律，但係冇嘢飲。首先，$98喺food court食一個lunch真係一啲都唔算平，若然食物有咁上下質素，俾貴啲都冇所謂，但係佢嘅出品完全唔值呢個價錢，好肯定係唔會再幫襯。Foodcourt 無service都預咗，但係佢個counter半個鐘都冇一個客，一啲都唔忙，我已經係唯一一個客人，佢哋都西口西面西語氣，可能記錯咗自己係大家樂返工⋯⋯主菜個意粉，一啲都唔熱，極其量係微波爐叮出嚟，作為卡邦尼意粉，竟然煙肉都冇塊，入邊嗰啲係火腿。隻蛋完全唔覺得似係溫泉蛋，頂多係poached egg。個餐湯係忌廉周打蜆湯，都食到蜆肉，但係唔熱，喊到爆。至於個沙律係Hea到爆嘅雜菜就咁落芝麻醬。成件事失望到爆！大家小心中伏！最後係食food court竟然要掃安心出行，其實啲人幾點、坐咩位都追蹤唔到，掃來做乜鬼嘢...

其實幾鍾意K11 musea個food courtBar枱位有得電話充電🔋唔同國家嘅嘢食都有價錢貴少少 但食物有質素 值得光顧我叫左個芝士泡菜牛肉飯卷$60/10件 好好食 推薦🙌🏻🙌🏻

整個美食廣場有10與間餐廳選項，我們選擇了亞蘇爾澳門菜，在K11 Musea眾多餐廳中，美食廣場價格相對便宜，而且，能夠提供一個讓我們與口味不同的朋友共同用膳的地方。豬扒包當然是為人熟悉的澳門菜，麵包焗得外脆內軟，鬆軟厚實的質感配上半溶牛油，為豬扒包增色不少。餡料中的豬扒厚而不柴，備有淡淡的香茅香氣豬扒包整體的味道不錯。可惜的是，一旁的薯角較為令人失望，薯角應該是預先炸備，出餐的時候已經放涼，沒有熱騰騰的香氣，跟免談酥脆的口感，更重要的是，薯角調味不足，整體感覺欠佳。幸好一旁有田園沙律作為配菜，蔬菜新鮮爽脆，配上酸甜的醬汁，成功為油膩的豬扒包解膩。葡國雞飯整體偏甜，香料味濃與一般澳門菜的水平相若，菜式是以新鮮雞件製成，雞肉骨大肉少，整體份量偏少。特別之處在於菜式上灑滿椰絲，令整體味道更添層次，是為不錯的做法。總括而言，想免受用餐時間和空間限制，美食廣場是一個不錯的選擇，想到這裏，食物的味道似乎已經成為次要了，亦未有帶來驚喜。

呢日去開K11 musea，行行下突然好肚餓，但如果唔喺K11 musea入面食野，又好似要行好遠先去到其他地方食野。唯有求其喺Food Playground食少少野。以Food court黎講，呢個food court比起平時都算貴。行左成個圈，揀左個相對抵少少嘅白汁海鮮焗飯黎食，大約六十幾七十蚊左右。個白汁就真係麻麻地，好似罐頭汁咁。不過海鮮都算多，有青口、蝦、魷魚等等。青口有用蒜蓉焗過，所以青口附近嘅飯都有蒜味，嗰幾啖就比較好食。呢個焗飯反而無魚，不過無所謂。不過如果唔係肚餓都唔會揀佢黎食。

今日去開k11搵朋友咁就直接去底層food court食囉，睇咗好幾間就決定食呢間日本嘢。嗰個位係啱啱入food court最出面嘅第一間睇啱咩料我就佢哋嗌一個日式叉燒溫泉蛋飯我朋友就嗌咗個生薑豚肉飯我哋兩個飯，各自係72蚊同78蚊。我自己都覺得幾好食雖然佢個兜睇落好大但其實我喊都唔少都食得飽。佢仲有埋麵豉湯黃瓜同埋生薑。下次可以試埋佢個鰻魚飯應該都唔錯。

位於K11 Musea B2層的 Food Playground 有好多唔同種類的食物可以選擇，我哋叫了一個萄式焗飯及一個手工意粉。AZORES 的萄式牛肝菌芝士焗鴨飯 味道是不錯的，朋友說這個飯味道濃厚，材料充足，但我不太喜愛比較濕潤好飯粒。italio wok 的黑松露牛肝菌香草汁菠菜麵 是不錯的選擇，首先是個汁很滑，菠菜闊麵口感很好，加上黑松露醬的獨有香味，我喜歡。疫情還未過去，食肆的客人不太多，這兒也一樣，希望一切盡快回復正軌，大家重搭享受美食的樂趣。

見新開商場所以行下，諗住搵啲平民啲餐廳食下，行行下就見到有food court.韓國料理都幾吸引呢個餐嘅份量岩岩好，碗粥好濃南瓜味，夠熱！壽司都好好味，整得幾正宗

二零二零年一月年初五，星期三下午。全城被武漢肺炎籠罩，人心惶惶加上一罩難求，心情不免受影響。今天還不用上班，就過來尖沙咀新建成的K11 Musea逛逛，順便找點東西吃。商場藝術處處，想不到連位於地庫的美食廣場也花了不少心思，裡面有大概十家中西日韓泰餐廳，應有盡有。整體設計充滿時代感之外，還給我最勁爆的舞曲和最搖擺的節奏，心情有點點嗨起來了。在選應該吃甚麼菜的時候，看到經常有打掃阿姨到處清潔消毒，在這緊張的時期真覺得非常放心。最後選定吃港式食物，點餐後給了一個小型遙控器，無論坐到多遠，提示訊號一亮，就能輕鬆的取餐囉。先來一份黑松露炒蛋配牛油多士，炒蛋表面的兩坨黑松露飄來濃濃香氣，多士烤得金黃鬆軟，鮮黃的炒蛋夾起來厚厚的很足料，而且不鬆散，最怕吃到滿地蛋碎的炒蛋了，惟一是味道偏淡，加點鹽巴提升味道一定更好。都說吃港式的話我只會點沙嗲牛肉公仔麵，評分標準無誤。吃到新鮮牛肉的味道，不同一般的所謂鮮牛肉，本人愛濃味的，沙嗲味可以再重一點。麵質彈牙沒有煮過軟，整體這麵是不錯的。大眾化的價錢跟食物，時尚的環境，有空再來試試其他菜。

上次新年初四去了k11 musea 行街之後去了這家店吃午飯叫了碗雲吞麵，端上臺的時候，真的嚇到也太小碗了吧😟價錢也不便宜啊，加支青檸梳打一共68港幣，我真的幾口吃完，完全覺得沒東西下肚子🙃味道方面就正正常常，也沒有特別好吃真的拜託份量可以加一點，像女孩子都不可以吃飽，男生更不用說了，重點這樣都要68港幣

《k11 musea 嘅Food Playground 》.去到k11 musea 如果得自己一個想簡簡單單咁食餐便飯，可以選擇去佢個food court —— Food Playground，入面有唔同種類嘅餐廳任君選擇㗎❤️.🔻椰香葡國雞拌飯評分：6/10價錢：$72同茶記葡國雞飯差唔多，好香而且個汁比起茶餐廳好食，而且仲有d椰絲係面，味道ok只係CP值唔高囉😹.👉🏻下次去food playground會再試下其他食物，裡面都幾多唔同嘅選擇，如果有試過好食嘅不妨留言比我知❤️.📍Food Playground (尖沙咀)尖沙咀梳士巴利道18號Victoria Dockside K11 Musea B2樓

今日到訪新商場K11 Musea 的foodcourt. 這food court 位於商場的地庫，佔地的面積不少，而且店鋪的選擇唔少，既有西式意粉、港式旦治、咖喱、日式丼飯，亦有泰式船麵等。今日試吓一家Rice Bowl, 主打叉燒飯。這家店賣的只有三款，全都是叉燒飯，價格由$55-$60。 煙燻叉燒煎蛋飯$55這煙燻叉燒煎蛋飯賣相吸引。煎旦加上甜豉油，格外香口甜香。叉燒是以瘦肉為主，味道甜甜地，煙燻味道也頗為突出，有少少像瘦版煙肉的感覺。叉燒唔算軟腍，但又不是鞋到難以入口，中規中矩吧。白飯底部拌有甜豉油，下飯不錯。鮮奶咖啡$30這鮮奶咖啡是店子大嬸強力推介。個人覺得這鮮奶咖啡和快餐店無異。咖啡味道唔太濃郁，奶味亦不算香這food court 的環境不錯，唔算太逼太嘈雜，走時尚休閑路線。下次再试試其他的店舖比較一下。

K11 musea裡面有好多高質食物，黎個亦唔例外。叉燒飯，肉質嫩滑，好軟身，用$60可以食到出面茶樓既質素，好抵食。其次，呢種food court式既擺設，有自助購物vending machine,仲有洗手盤係左緊，同埋有比較隱蔽既餐桌，設施周到，好滿意。