FOOD MAZE

營業中

休息中

「日式牛肉蕃茄湯烏冬」價錢$68連紙包飲品，算抵食。湯底蕃茄味幾開胃，幾濃郁，烏冬夠彈牙，份量足，而且配料有栗米海帶等都幾多，食完好飽肚。牛肉量比預期多，唔會太韌，整體性價比唔錯，可以encore！

今日同朋友約咗喺屯門，每次出嚟都系要食咗嘢再行街，今次就揀咗去FOOD MAZE，位置在屯門屯順街1號屯門市廣場1期2樓2253A號舖，呢個都系朋友帶我去，原來入邊有好多間美食鋪，可以滿足兩個人想食嘅嘢！ 佢比平時嘅food court裝修得靚好多，今次就選咗一個甜品和三餸飯！ 三餸飯選咗紅燒豆腐，咖喱雞，蒸水蛋，豆腐嫩滑，咖喱雞都整得几入味，蒸水蛋好滑，家常便飯的味道！ 甜品就選咗爆炸朱古力雪糕窩夫套餐，呢間在FOOD MAZE一入門口位！窩夫整得外脆內軟，配埋雪糕就是一個合格嘅飯後甜品！ 里面太多選擇啦，今次就揀呢兩個啦，下次可以再試埋其它！

夜晚趕睇戲唯有搵個地方快食啦入左foodmaze 揀左間叫「櫻木食堂」既咖哩吉列豬扒飯黎食頂佢 咖哩仲難食過即食咖哩十倍吉列豬扒乾既唔緊要 我預左食完無感但呢餐我食完係唔開心我仲加左個令我更加唔好開心既餃子小食未試過食咁難食既餃子 個皮煎完好似未熟咁入邊個味難入口到成個餐最好係罐裝維他檸檬茶完全係無期望但食完係絕望！如果係煮野食個位睇到唔該認真check下自己味覺但我都真心唔會再有下次好少煮食評但食完一肚氣意難平

見轉左新野 ：我媽的菜， 就諗住試下， 一路睇menu ， 個姐姐就一路熱情介紹， 仲介紹埋個待取餐係咩餐， 話好食， 見佢賣相勁好， 又菜又肉， 仲鋪滿哂連飯都見唔到， 就叫左個一樣既黎試。 好快有得取餐， 點知個樣差好遠， 少好多餸， 咁當出餐唔統一啦， 結果又凍又唔好食… 然後仲發現一開始我見到既飯都仲係放左係到， 到我食完， 過左45mins都係冇人拎！ 然後每個人黎考慮食咩既人， 都會介紹一下呢個咩飯， 中間仲拎去加熱， 又再放返同一個位， 食餐飯都要咁做”妹”法， 好差囉。

請注意！間餐廳係“櫻木食堂”，foodcourt入面既其他餐廳我都食過，全部都正正常常，有d仲above average，係呢間特別難食😥我叫左個特製雞白湯拉麵，好老實講，我已經唔係用日本果d拉麵做比較，同香港食開既標準都比唔上，仲要係差好遠果隻😫成個拉麵一眼望晒，得一片肉加一舊肉，片肉好薄舊肉又好咸，個湯底完全冇味，係真係冇味，好似用杰d既清水煮咁，係咪唔知咩係雞白湯？？麵質過淋冇口感，漿住一齊成pat野咁，食左兩啖已經想放棄，所謂特制仲要foodcourt都收69蚊碗真係得啖笑😡

粘乎乎的又爱住了韩式炒年糕🥘浓郁粘稠的辣酱将年糕和鱼饼深埋在其中，Q弹的年糕和软糯的小鱼饼都变得格外的入味，每一口还伴随着酱汁的喷涌💥，吃起来黏糊绵软🏠这边是一个餐厅集合的地方，就有各种各样的窗口，什么韩餐泰餐炒菜花甲米粉…一整个还挺经济实惠的

去咗屯門嘅food court食tea！套餐包括窩夫，心太軟加雪糕，樣樣有少少都幾抵食，適合同朋友仔share！望住店員即叫即整感覺好開心，不過比較多人排隊，所以等候時間都幾長吓，建議可以喺出邊兜個圈再返返嚟都得😂口味方面要咗抹茶窩夫、朱古力心太軟同雲呢拿士多啤梨雪糕！窩夫外脆內軟、心太軟爆漿、雪糕冰冰涼涼配住你食都幾唔錯！旁邊仲有個雞蛋仔，味道就一般般，不過勝在大件夾抵食！

係屯門市廣場行街行到有啲攰經過Food Maze門口見到有間甜品店比餐牌上既麻糬窩夫吸引左🥰🥰抹茶窩夫配MÖVENPICK雲尼拿雪糕朱古力窩夫配MÖVENPICK雲尼拿雪糕落單後店員即場整 大概等左十五分鐘左右熱辣辣 一咬落去係脆的😍窩夫中間係煙煙韌韌麻糬 加埋雪糕 滋味更上一層❤️味道食落有淡淡抹茶同埋朱古力味下次有機會再試埋其他口味👍🏻👍🏻👍🏻

今日打8號風，我同老婆喺屋企躲咗大半日，知道4點幾落風，就出去屯門市中心食野啦😀。行咗一陣，老婆突然唔舒服，所以打算隨便揀間餐廳食下嘢就返去啦。行咗陣，就喺Food maze揀咗間餐廳。我嗌咗個雙餸飯🍛，生炒排骨加涼瓜排骨🍖，38蚊嚟講算係ok啦，只係生炒骨好似無乜炸過。老婆嗌咗個燒味茶餐，燒鴨雲吞瀨粉配中湯油菜。雖然配搭有啲特別，但味道都幾好，燒鴨是脾的部位，啲肉都幾滑嫩。兩個人埋單唔使一百蚊💴，算係抵食啦。

依家我哋真係好鐘意去food court食野，因大家都可以揀吾同既野食，吾洗局限係同1間餐廳，呀仔吾食麵都可以食飯，比多啲選擇佢。婆婆揀左食日本野“櫻木食堂”，入到黎先醒起叫左辣野吾岩呀孫食，但無所謂啦，大把其他野食。炸雞辛味蒜油豚骨烏冬$65 ： 炸雞外脆內嫩，仲有肉汁流出黎，但吾會好油，烏冬上面好多配料，好味道。雜錦天婦羅拼盤$59：入面有四季豆，海蝦，南瓜，舞菇，粉漿吾會太厚，分量多。呀仔最鐘意食蝦，食到跳晒舞。

同朋友行咗大半日，對腳好似唔係自己咁，諗住係屯門市中心隨便搵嘢食完返屋企，見到呢個foot maze唔使等地方又大就入去坐低先慢慢睇有咩食，最後我叫咗麻辣豆腐花甲粉，麻辣味好足夠，可惜豆腐有點硬，但值得一讚是份量都幾足夠，朋友叫咗酸菜魚花甲粉，佢一見到就話好大碗好，味道一樣足夠，魚亦好夠滑。

今日一家三口來到屯門food maze 地方嘅闊落，擺埋bb車都仲夠坐，不過就冇bb櫈，每人可以選自己想食嘅嘢推介呢個芝士紫菜包飯，半條20蚊，小朋友食啱啱好，平靚正第一次食花甲粉，叫咗個冇骨魚片花甲粉，69蚊包埋嘢飲，都幾抵食，湯底好飲嘅，不過食完好口渴，應該好多味精pepper lunch 叫咗個兒童餐$52,牛肉煎蛋粟米飯，加野飲，呢間應該係食過最唔好食嘅分店，上碟牛肉已經燶曬可能太多人最後我哋外賣咗隻燒雞返屋企晚餐食，好鬼抵食，五十九蚊但係返到屋企發現好鞋，好似煲完湯嘅雞咁，不過呢個價錢算係幾好㗎喇

Food Maze地址 : 屯門屯順街1號屯門市廣場一期2樓2255號舖味道指數：⭐⭐⭐⭐抵食指數：⭐⭐⭐⭐環境指數：⭐⭐⭐服務指數：⭐⭐⭐等候時間：0-15分鐘星期五、六、日晚，屯門市廣場都非常擠擁，食肆水涉不通，突然間發現寶藏-Food Maze。個人很喜歡food court，因為不用遷就別人，可以各自選擇自己喜歡的食物。這裏還境舒適寬敞，只有不少梳化坐，面積龐大，所以不用花太多時間等位。這裏的food court有很多不同款式的店舖，有pepper lunch、櫻木食堂、泰潮、花甲年華、Bove、千味家、大雞大......Pepper Lunch已經試過幾次鐵板燒牛扒飯，熱辣辣，好好味，加20蚊，就有飲品和haagen dazs雪糕，非常抵食，正！大雞大我在這裏不是幫襯這店的雞扒，而是推薦邪惡芝士薯條，也是食過返尋味，吃過了好幾次。Bove試過這類的卡邦尼意粉，不過不失敗！下次我會嘗試它的甜品。櫻木食堂叉燒拉麵，大大嚿叉燒，和其他拉麵店相比，麵條比較粗身，吃落比較有質感。花甲年華每次經過又係大排長龍，雖然我沒有試過，但是朋友每次也要點這店的菜，看來應該非常好吃吧！

平時喺屯門市中心諗唔到食咩都會去嘅食堂，貪佢唔太貴坐得又舒服，食物選擇都多。今次同老公試咗兩間1）櫻木食堂-炸蝦天婦羅飯炸蝦天婦羅面衣比較厚，乾身咗啲，但成個飯熱辣辣係非常正嘅！！如果有蘿蔔蓉做天婦羅汁，可以點嚟濕下個口會加分。炸糖心蛋真心有驚喜， 一咬落去蛋漿爆曬出嚟，超級好食。下次會為咗糖心蛋再食過。2）泰潮-炒金邊粉成碟都好精緻，擺盤好靚，但比較乾身，略嫌唔夠鑊氣。椰汁冰同木瓜沙律不過不失啦。下次可以試吓招牌海南雞飯先。

諗返起屯市都有好多年無Food Court了，依家喺市中唔使再煩食咩好🤔嚟到Food court實有啱你👏🏻「Food Maze」佔地過萬尺，地方闊落，坐位超多，裝修豪華。有11間本地及海外食肆進駐，當中仲有米芝蓮推介嘅餐廳👍🏻總有啱你心水🥳🌟HAWA POKE呢間係食夏威夷魚生飯，個人最喜愛魚生飯就試吓。因唔想食咁多飯，店員就推介小波其烏冬套餐的小滿貫$88，係有少少飯+少少烏冬，分開上，材料非常豐富而且好colourful: 三文魚、吞拿魚、牛油果、蛋絲、蟹籽、山葵蛋黃醬、紫菜絲、木耳絲、黑白芝麻。全部好新鮮，山葵蛋黃醬唔會攻鼻，全部野撈埋一齊食好夾，美味又健康😋🌟Pepper Lunch終於唔使出到去都有得食Pepper Lunch，今次揀咗季節牛扒餐，來到香噴噴，仲要渣渣聲，牛扒份量大，我最愛加埋芝士落去炒，真係超級邪惡😈色香味多角度轟炸😋餐有飲品同Häagen-Dazs雪糕🍦🌟花甲年華見人人拎住一兜有個錫紙住包子嘅嘢，好似幾得意，都叫返個先。鮮甜花甲粉$59可選原味、胡椒和蕃茄，選了原味（小辣）。一打開錫紙啲香味湧晒出嚟😍粉絲完全吸收了花甲的精華，加上有少少辣，好惹味😋配菜有