FOOD MAZE

營業中

休息中

位於屯市food maze的櫻木食堂我叫左天婦羅丼飯，係外賣非堂食，返到屋企10分鐘路程，全部天婦羅炸物已經淋哂！（因為個廚師將啲汁直接倒落去，冇分開）重點黎啦，我開始食隻天婦羅炸蝦，竟然係連殼炸！地獄廚神都唔會咁整啊！咁大個人第一次食連殼的天婦羅炸蝦😦（唔係講緊蝦尾，係全隻蝦的殼都冇拆，直接拎去炸）呢間店到底請左咩人黎做廚師？呢間店請intern/小學生做廚師？點解炸果陣都冇留意？點解會犯啲咁低級錯誤？

Food Maze 入面有好幾間餐廳，其中一間係花甲年華，今日叫外賣試一試。Order 左胡椒豬肚雞花甲湯鍋配白飯，加配豆卜、蓮藕肉餅、豬大腸，另加麻辣海帶絲。胡椒豬肚雞花甲湯鍋配白飯食食下發覺送漏左白飯 要讚個湯好夠味，外賣碗比較細，所以另外有個膠碗裝起啲湯。豬肚份量幾多，雞都有半隻細雞胡椒味好夠，但如果可以隔開/隔走啲胡椒會好啲，胡椒碎同粉絲混埋一齊，分唔開，如果要食粉絲就要慢慢夾出黎，少啲耐性都唔得要彈嘅係以花甲作招來嘅花甲真係太細粒呢個亦係想寫食評嘅原因豆卜加$6，得三舊一半，即係一舊半。豬大腸有大概四至五片，同個湯好夾。蓮藕肉餅有兩細舊，味道唔錯，如果送飯幾好，可惜又要再提，送漏左白飯麻辣海帶絲得少少酸味，無麻辣味，要自己加辣椒油調味😂本身無諗住寫食評所以一開始無影相，係食食下覺得需要分享胡椒同花甲問題，加上漏左白飯，忍唔住寫兩句😅

屯門市中心開了個FOOD COURT， 比想像中多選擇。本來還以為多數是集團分店，入到去一望，種類都豐富，亦有些比較少見的。令人有想試食的衝動！大眾化如兩餸飯，比較特色的有日韓式食物，泰式食品，甚至漢堡餐亦不乏，中式如花甲的套餐也有，當然也少不了甜品小食類的。暫時試了3間，感覺都是有水準的。最意想不到的是，連兩餸飯都比想像的好食！首先講兩餸飯，店門面雖然不大，但餸菜的選揀都算多，另外亦有即叫即炒的套餐，還送雞脾一件或小菜一款，又或是冷熱豆漿。價錢方面屬於正常茶餐廳價錢，最便宜叫個兩餸飯，都係$38，份量都算大份。外賣回家夠方便。另外有一間賣日式食品的，叫櫻木食堂。除了飯，亦有拉麵及小食。有馳名豬腩，吉烈豬扒，天婦羅，又有鰻魚等。小食方面亦多款式選揀，有雞皮餃子，炸雞，炸八爪魚球，煎豆腐，葱花牛舌等。掛住日本的香港人，可以食到日式食物，暫時舒緩無得去旅行的心情！而HAWA POKE，就可以食到夏威夷生魚飯。最特別是下單時，可將飯底改為半飯半沙律，或全沙律底。岩晒香港人健康飲食，或減肥的女士們。刺身厚切，沙律菜番茄青瓜亦很新鮮！值得推介一試！

屯門市廣場新開嘅Foodcourt 「Food Maze」，前身為馬莎，有成萬尺，都幾闊落，行咗個圈見到有本地姜，日韓泰、burger 及小食等一入去已經被「花甲年華」吸引，除咗因為佢排曬長龍，主打花甲粉，煲仔賣相都幾吸引Order咗招牌花甲粉同渝味湯鍋花甲粉系一種用錫箔紙包住食材，封閉式熬製而成，揀咗豬大腸花甲粉可以揀麵底和湯底，點餐嘅時候收銀員推薦粉絲，粉絲真係幾吸味，索晒啲汁花甲比較細隻，豬腸較少，配料有芫荽同金菇，叫咗香辣小辣配埋都幾惹味，份量如果系一個女仔食就ok，男仔應該唔夠喉反而水煮肥牛花甲渝味湯鍋有d驚喜，湯頭比較濃郁有層次，不過冇得揀辣度，相比起這只是BB辣，肥牛都幾多，都係配搭花甲，芫荽同金菇，但湯鍋配飯會比較滿足六至八十蚊，送埋飲品，其實幾抵食不過可能新開有太多人朝聖，有少少做唔切，排隊連等都超過45mins，希望下次再嚟已改善

其實幾鍾意去food court食嘢😆因為可以一次過食唔同種類嘅嘢😋依家屯門巿廣場開咗新嘅Food Maze 裝修幾靚我就傳統慣例食咗鹹嘢先😎去到泰潮食泰國嘢梗係食過船麵先啦！好正宗！🍜再叫埋蝦肉漲漲嘅蝦餅🦐唔夠喉叫埋BURGA 嘅酥皮龍蝦包🦞而家連個包皮都脆卜卜👍🏻配埋入面嘅酥炸嘅龍蝦肉真係好好食🤤最後梗係要個甜品嚟終結🥰Bove 嘅阿華田脆脆格仔餅🍫你睇吓漏晒出嚟就知幾足料！仲飲埋個兒童鴛鴦☕️大滿足！

屯門市廣場新美食廣場Food Maze，等左幾個月終於都開lu,以後係附近買完衫買完Lego行完Log On, 都有地方抖下氣食件雞蛋仔，又或者食個便飯，甚至食個日式鐵板飯都得，方便快捷。-美食廣場都幾大，成萬張張卡位，一家大細坐得闊落D 都ok, 而且可以望到出面輕鐵站，坐低食野都覺得舒適。新Food Maze各式食物都搵得到，想平想貴想快想japanese都okay, 想食泰國 海南雞飯可以去泰閣，想食健康菜單滿滿蛋白質，去hawa Poke就最適合， 大滿貫沙律菜帶吞拿魚三文魚牛油果，健康得黎唔洗自己整，超方便。---懷念韓國食物就可以去School Food，泡菜炒飯，炒年糕，有套餐有小食，紫菜包飯拼拼各種口味都有，魷魚飯卷同烤豬肉，麻油味讓人超上癮。--想要快千味家肯定係好選擇， 兩餸飯三餸飯自由搭配， -蒸豬肉餅蒸水蛋瑞士汁雞髀蒸鯇魚都有得揀， 蒸鯇魚超大一件，蒸蛋簡單得黎唔肥膩， 大蝦彈牙，肚餓唔想諗食咩，埋到去餐廳手指指就ok了。-另外櫻木食堂， 各種日式丼飯，也比出面的連鎖餐廳做得好， 牛扒丼飯即叫即燒，牛肉燒得juicy仍然帶粉紅色，肉質軟嫰， 流心蛋黃撈飯你我都愛

*Food Maze*係屯門市廣場新開美食廣場🥳。過萬尺食堂。有11間食府。集合多間本地、海外人氣品牌。屯門友你試咗未🤩？Burga 🍔軟腳蟹Burga 。大大隻軟殼蟹炸到金黃酥脆。沾上芥末醬非常惹味😋。+$18配埋薯條同汽水🥤👍🏻。泰潮原來*泰潮*連續多年成為米芝連食府。真係唔講唔知😮。值得一試係炸軟心芝士手打蝦餅❣️。蝦餅超級彈牙。一咬芝士流晒出嚟。個下真係好🧀味😋。Bove 食飽飽點少得食甜品。*Bove*雞蛋仔味道廣泛。有28款口味😲。例如。羅宋湯雞蛋仔😍。辣味蝦乾肉鬆雞蛋仔😍。。。。雞蛋仔外脆內軟。食完好滿足❤️。12月19號-23號喺Food Maze 消費滿$250 。憑即日收據即可免費獲得自家設計環保 Tote Bag一個 或 自家設計餐具連餐墊套裝一套。先到先得😬。

在免費交通日，正是屯門最大型美食廣場的開幕禮，真是選得好日子，我也善用這優惠，來一場「大掃場」行動。位置：在一幻拉麵的對面，以往MARKS & SPENCER的位置。環境：面積相當大，場內有八間食店提供韓式、日式、泰式、美式和港式的食物，提供多元化的選擇，真是花多眼亂！座位亦相當寬敞舒適，有卡座、吧台和窗口卡座，中間擺設了一些假的綠色植物，裝修顯得摩登時尚，是一個大型高檔美食廣場。午市：由於選擇太多，我們選擇了其中一些，可以推薦給各位美食家。花甲年華鮮甜花甲粉（中辣）$87這是招牌菜，可以選擇麵底和加菜。以粉絲作底，香辣湯，配娃娃菜、金菇、蟹柳和一盒酸奶。最精華就是香辣湯，夠麻辣香，我妹都喝了不少，蜆肉亦多，而且配料掛湯好，必食推介。Pepper Lunch季節牛排（走飯）$103我們怕吃不完，特意不要白飯，鐵板呈上是已切開一條條的牛排，未熟透，配粟米、西蘭花和蒜片。牛肉已醃製過和有黑椒灑在表面，再煎多一會兒就夠了，表面帶有焦香，中間有油脂，肉質嫩韌，所以只吃肉都飽了一半！Hawa Poke大滿貫（少飯）$108壽司飯上的配料很豐盛，有三文魚、吞拿魚、中華沙律、雜錦香菇、牛油果、蛋絲、

屯門市廣場新美食廣場Food Maze，完全是市中心一帶另一個讓人眼前一亮的新景點😍美食廣場佔地廣，成萬呎包保坐得舒服，全部卡位每張檯的距離都闊，玻璃引進陽光，坐低食野都舒服D。最重要係新美食廣場食物款式選擇多，一家大細係隔離買完lego去完log on,總有款式適合唔同年齡層的需要。--School Food專賣韓國食物，各種泡菜炒飯，炒年糕都有得揀，套餐包括了魚糕湯同飲品，想淺食輕嚐都可以，就好似我，買左兩條紫菜包飯拼拼mix and match, 墨汁魷魚飯卷，韓式烤豬肉，麻油味夠香口，魷魚煙韌，烤豬肉夠juicy, 兩條食晒加埋汽水其實都幾夠飽😍😍-長輩食少油蒸餸飯，千味家是好選擇，-各式蒸餸如 肉餅蒸蛋茄子 已經預備好， 豉油皇雞髀煎大蝦碌蒸鯇魚 也能夠隨時上桌， 方便快捷之餘也非常健康。-另外還有櫻木食堂， 各種日式丼飯， 雞牛豬都有選擇，牛扒丼飯，牛肉燒得粉嫰，咬落軟而帶肉汁， 流心蛋黃拌飯一流， 加配八爪魚丸小食， 我們日本道地味道。-除此之外， food court仲有其他食物選擇漢堡包 -專做花甲雞煲 也有，也不少得pepper lunch 吧， 牛肉鐵板上非常熱

Food Maze真係好大，有不同的本地同海外的地方料理美食及米芝蓮推介食府，難得去完donki ,見新開張就食野醫肚先千味家健康食堂令我有種享受住家小菜的幸福感，多款中式小菜，我選擇了滑溜的蒸水蛋，上面仲有蝦乾，提升鮮味。仲有南乳花生豬手，豬手處理得乾淨，仲好入味，豬手仲有陣陣的南乳的咸香，加$8 仲有瑞士汁雞中脾，又香又滑，仲要好抵食。櫻木食堂人氣天婦羅丼飯，蝦天婦羅夠吸引，食落都熱辣辣，夠大隻，仲有新鮮的蔬菜製成的天婦羅，酥脆可口，有茄子，菇菌，非常美味。仲有雞皮餃子，很考手工，皮脆，內餡係白菜豬肉，yummySchool Food 韓式紫菜飯卷一直是我的至愛外形像花一樣的擺碟很吸引墨汁魷魚加辣泡菜雞蛋 紫菜包飯拼拼墨汁魷魚大大粒，紫菜飯帶有鮮味，即係黑色都覺得很有型格，另一配搭是泡菜雞蛋，有蛋香，仲有惹味泡菜，真係增添食慾。環境算大，又有梳化位，近窗位，周圍有草隔住，很田園氣息，覺得坐落很舒服，唔覺得好逼。