EXP

營業中

休息中

同班🐢🍯一齊 去邊都係咁開心 今日我地睇戲前去左EXP食野呀😍🤩😋🤤Lunch都幾多人等位 但係好快就有位了🙂😛芝士泡菜豬頸肉炒飯 🧀🐷🍚一上枱就那經好吸睛喇😍🤩哩個飯係辣嘅 但辣得嚟都幾好食丫 啲芝士🧀🈵️滿的散佈在飯粒上 材料勁足夠 有泡菜 豬頸肉 青瓜🥒 成個飯都好好食大蝦牛油果醬薄餅 🍤🥑🍕呵呵 小妹都係無揀錯 即叫即製作 個薄底係厚批 食起上嚟好軟熟好好食 焗得真係好好 我其中一個🐢🍯唔鐘意食🍕都話好好食 所以真係正 材料方面 又係好足料嘅 有大蝦🍤 牛油果醬🥑同埋蟹籽粒 勁正水牛城雞翼 有四隻 雖然真係少左啲 但真係好好味 食嘅時候 仲食到係脆嘅 佢個sauce都係辣辣地🌶🌶好開胃同埋真係好好食 Encore!!!

今天在九龍塘又一城維修電話，順道食午飯。今次去的餐廳位於溜冰場旁邊的EXP,這間餐廳面積非常大，午飯時段有八成滿座。首先，坐在這間餐廳，我感覺好凍好凍，穿了長䄂外套都好凍，不知道店鋪空調大，還是近溜冰場的關係。一行三人叫了泰式豬頸肉炒意粉，日式豬扒咖喱炒飯配炒蛋和大蝦牛油果醬薄餅。泰式豬頸肉炒飯果然是泰風味，食到好重香料味，加了好多洋蔥和乾蒜片，少少辣很惹味，但偏甜。意粉很幼身，口感偏硬。豬頸肉炒得算爽滑，可以一試。大蝦牛油果醬薄餅造成長方形薄批，切開可以分到六格，我們三個人，每人兩塊剛剛好。上枱時熱辣辣，餅皮焗得幾脆但有少少燶，餡料有烚蛋，蟹子，牛油果醬和大蝦。蝦份量比例較少，得四隻，但蝦肉爽口，幾好味的。欣賞店家加了蟹子，口感幾好。芝士味不是太香濃，牛油果醬好滑，但不夠香。豬扒咖喱炒飯配炒蛋，這一碟不太推薦。豬扒是非常超級大塊，好厚身，但個肉質好奇怪，咬下去不像食豬扒，肉質非常稔，稔到過了火，無豬肉味。餐牌寫是炒飯，但真的食不出是炒飯，飯粒好濕。店員有好多名，都勤快，落單，加水，要牙籤都好快有人幫忙。衛生就一般，剛拿來的碗，還有乾了的菜蹟。

其實自己一個港島人 好少會過去九龍塘今日就想重溫下以前食過嘅EXP入到去覺得裝修靚咗好多 Menu都換晒同我想像中有好大分別 我哋叫咗個軟殼蟹意粉 啲意粉都炒得幾乾身跟住再叫咗個parma ham菠蘿Pizza佢啲Pizza係長方形既 當係一個X板上面。一份大概有六七塊 加埋啲芝士有拉絲嘅效果仲有叫咗個薯塊芝士 薯塊好多芝士亦都好多 已60幾蚊來講性價比很高 侍應有啲忙 有時候睇唔到我哋叫佢 不過都好好禮貌總括而言 都係一間幾好食嘅餐廳呀

今日收工過左泥Apple整電話，整電話又要等，甘就當然去食個晚餐先啦。一直都知道EXP好出名，又多人食。甘今晚一於去試下啦。去到門口，仲未算好多人位。大概15分鐘就可以入去啦。其實入面都好大好大位。仲可以望到溜冰場添。一入去就見到幾個女仔整pizza，即場整即時焗，熱辣辣！見到個場啲員工都跑泥跑去，好忙喔！我地就點左份牛油果醬大蝦pizzaizza好大個，切開6件，不過就焗得太濃啦。我問個職員可吾可以換過，個女仔，着住紅色T-shirt 答我，換過都一樣，係正常吾算燶！甘算囉🤷‍♀️。其實pizza個個味好好食，賣相都好令，好味！可惜太燶，我地都無食條邊。真係吾算燶🤔大家可以望下韓式泡菜漢堡：一份有3個，等左成40分鐘先有，送到上泥，仲要係凍既，包吾熱，炸雞吾熱。可能太難整掛🤷‍♀️。梳乎厘pancake：呢個好好食！送上泥熱辣辣好香！紅豆蓉吾會太甜，pancake好香蛋味，好軟綿賣相又令，正！餐廳入座限時90分鐘，不過見到啲員工好忙，無乜禮貌，加水都叫左3次先有人應。不過呢餐真係有啲失望😫☹️無下次😐

睇戲之前搵餐廳醫肚甘啱係戲院格離又唔使等位就試一試一人叫咗一個意粉我試雞肉蕃茄意粉男朋友就話想試下大蝦冷蕎麥面因為見到好多枱都叫左我個個好正常 不過不失 如果份量再多少少就更好但男朋友就話佢個個馬馬地個蕎麥麵整得唔太好食另外仲叫大杯水果沙冰估唔到又幾有驚喜 幾好飲 不過唔記得影相🙈🙈

約左兩位朋友一齊喺九龍塘又一城食飯，出乎意料地星期六嘅下晝一點零唔算好多人，等咗唔算好耐位 呢度啲位都坐得幾舒服，上菜速度頗快，唯一係pizza要等一等，但可以邊食住小食同意粉邊等。 喇沙韓式年糕呢樣小食似fushion菜，新加坡菜mix韓國菜，煙煙韌韌嘅年糕，配上辣辣地嘅喇沙醬都幾好食，仲有魚串同埋半隻蛋。喇沙醬有啲沙嗲味，唔算好辣，幾惹味，但年糕略嫌細條，大約2cm左右，應該係將一條長年糕剪開到勁細條，如果年糕能夠長啲會更好。 溫泉蛋肉醬意粉呢一碟意粉送上嚟嘅時候仲標緊煙，真係新鮮滾熱辣! 流心嘅溫泉蛋煮得啱啱好，賣相幾吸引，輕輕用叉一吉，蛋黃汁就流出嚟，我地即刻將佢同啲肉醬同意粉拌勻，食落口感都幾滑溜。而肉醬都唔會過鹹，意粉亦唔係太淋，所以整體唔錯。 巴馬火腿菠蘿薄餅仲未上菜嘅時候已經有個木架放左係枱，後來先知係專登用嚟放pizza。上菜嘅時候pizza已經切好左六份，我地三個人分，所以每人兩塊啱啱好，而且每塊pizza都分到一塊巴馬火腿。Pizza嘅芝士味頗濃，做到拉芝效果，仲可以捲埋塊薄餅嚟食，如果多D菠蘿嘅酸甜中和巴馬火腿同芝士嘅鹹味就會更好，令味道更加平衡。 最後三碟餸埋

今晚嚟到九龍塘又一城有咩好食推介呢，位於溜冰場隔離嘅EXP係相對抵食之選，環境好開揚，好似去左EXP 嘅 food court 咁，而且呢度非常滿座，職員亦都好熱心咁介紹唔同飲品嘅分別。我哋今次有四位朋友，所以叫咗唔少嘅款式可以大家一齊試下，首先我哋帶咗大蝦西柚蕎麥麵，你一個係冷食嘅蕎麥麵，雖然份量唔係好多，但係每人都試到一小撮，佢健康嘅原因係仲有西柚同埋橙。另一樣我哋叫咗牛柳粒，份量都係較小，牛味都好濃郁，但係朋友覺得佢比較硬。之後我哋仲叫咗牛油果大蝦pizza，佢個Pizza係會擺喺枱上面凸起左嘅英文字母上面，咁就比較慳位，呢個Pizza好好食，配料都係非常之健康嘅牛油果，而且焗得火候適中！最後我哋再叫左一個吉列豬扒咖喱蛋包飯，黎到呢個時候我哋都已經好飽啦，所以食唔晒所有飯，不過佢嘅咖喱味好香濃，唔會太辣，配合埋滑蛋真係好好食！另外我哋每人都叫左唔同嘅飲品，有啲已經唔記得咗佢嘅名堂啦，我自己就叫咗以芒果為主題嘅茶，據說佢嘅茶包係用左超過二十四小時黎炮製㗎，另外朋友就叫咗紅菜頭嘅果汁，所以佢嘅飲品都係好健康㗎！

星期六要在Festival Walk吃個lunch都不容易，在EXP等了好久才進去三個人點了三個菜一起share：巴馬火腿菠蘿pizza熱辣辣的pizza應該是即烤，所以需要等待一段時間。芝士味很香濃，拉絲效果強勁～配上巴馬火腿的鹹香，味道不錯。菠蘿的甜味已經被芝士蓋過，沒有甚麼特別。喇沙年糕這個作為fusion菜有點不倫不類的感覺，年糕不是很多，又切得很細。喇沙的味道不錯很濃郁，但配上年糕就變得奇怪，看來還是一般配粉麵會較好。這道菜最好吃的反而是沒有預期過會有的雞蛋...溫泉蛋肉醬意粉拮破溫泉蛋的流心效果很治癒～肉醬意粉的味道偏甜，較為普通，個人覺得肉醬太油膩。最後賣單時不知為何等了很久，整頓飯的水準普普通通，不值得等那麼久

九龍塘想揾間唔貴既餐廳食飯，EXP係一間性價比高既選擇，所以會時不時黎以到揾野食。今日唔太肚餓，所以叫左一個沙律，一個小食，同pizza。沙律係柚子大蝦沙律，蝦好鮮，柚子都好甜，不過份量少，兩個人食幾啖就已經清碟燒牛柳粒好正，外面微焦，內裡好嫩好juicy，加上蒜片脆脆地，好好味最後係Pizza，以到d pizza係手拉pizza，加上open kitchen，睇住一個個pizza放入爐焗，好似會特別好味咁我地個pizza係菠菜煙肉，料足，而且pizza皮好q彈，唔會得個硬字，大件夾抵食！如果係2-3個女仔黎，叫一個pizza加2樣小食，已經會飽啦

EXP 是美心集團旗下一個餐廳品牌，走的是年青活力、輕鬆的路線。考考厨師的功力，今次試了蝦汁魚柳焗飯，雖然是焗飯，但也不用等得太久。濃厚的芝士外層包著熱騰騰的焗飯。芝士厚到可以大大啖的開懷嘴嚼，魚柳完全沒有雪味，啖啖厚魚肉，没有炸粉，伴隨著豐富多汁的鮮茄，滋味無窮，令人回味。環境方面，可能是由於星期六，四周頗為嘈雜，連隔離枱的人講什麼也完全聽不到。(雖然我也不想聽)但始終食物質素最重要，這個價錢，都算值得!

好多時去九龍塘既話，都會黎呢到食飯既~呢到環境幾relax，仲可以望住啲人玩花式溜冰，不過相對都會嘈啲嘅~最鐘意佢個軟殼蟹沙律，今次仲叫左燒豬頸肉、意式腸pizza個沙律份量係好多架，堆到成個山咁高，啲菜仲好新鮮，仲有啲薄荷葉喺入面， 好清新架~個汁係酸甜既，食落勁開胃，配埋個熱辣辣又香脆嘅軟殼蟹，個軟殼蟹仲要喺啖啖肉既~第一次叫個豬頸肉，估唔到水準一般，唔太香口之餘佢陣味有點似蠟腸~Pizza嘅水準就一向都好好既，即叫即整，熱辣辣，啲芝士仲溶緊架~餡料足，個pizza有兩款意式腸，一個濃味啲一個淡味啲，味道都幾特別。

今日經過又一城，其實大部份嘅食物都係連鎖店嘅，相信大家都好認識這間餐廳呀，可以一邊坐喺溜冰場隔離睇住人溜冰，一邊進食！這間餐廳環境氣氛唔錯，而且食物富有香港的特色，西班牙的菜色也有，但亦都屬於快餐類型，唔會坐得好耐！推介這個生果餐，裏面有士多啤梨藍莓雜莓及薄荷葉，酸酸美味好開胃，茶味唔係好濃，10分開胃，又有得食又有得飲，推介！這個炒意粉我覺得比較鹹，所以唔推介俾大家啦！ 這個很特別哦，屬於甜品，用上了Pizza的外皮，但係中間隔着嘅係朱古力同埋香橙，一切開出嚟就係朱古力嘅醬，好好味啊！這個海鮮焗飯亦都唔錯，熱辣辣的，比起連鎖店快餐嘅味道好食好多，但係價錢係連鎖店快歺的一陪呢！這個Pizza味道亦都唔錯，超級多芝士，而且熱辣辣上枱，不過上邊的火腿就比較乾啊，如果選用一啲肥啲嘅巴拿馬火腿就好啦！

朋友介紹話EXP的pizza幾好食，就約埋一齊去食! 我地收工時間都早，未到7點就去到，所以唔洗等位。原來餐廳之前裝修，今次係裝修後第一次食。呢度的野食種類都好多，有西式意粉、韓式、泰式麵飯等等。當然仲有推介的pizza!朋友話D野食份量都幾大，所以我地只係叫左一個炒飯同pizza。芝士泡菜豬肉炒飯唔知點解突然間想食泡菜炒飯，所以就叫左。炒飯好快就上菜，上面白色就係芝士醬喇! D芝士仲流晒出黎，真係好吸引。炒飯有少少辣，加埋芝士味道岩岩好，惹味之餘又唔膩!菠菜煙肉pizza重頭戲pizza黎喇! 呢度的pizza唔係圓形，而係長形的。所以兩邊頭尾會變左好大舊皮，有咩餡咁。不過唔緊要，因為個Pizza個皮都好好食! 佢唔係香脆的果一款，係好軟熟的質感。而且pizza係新鮮焗起，熱辣辣。中間餡料又夠多，真係幾好食!POP黎到呢度點可以唔買杯野飲! 呢杯POP其實係菠蘿、橙加熱情果果汁。飲落酸酸地唔會太甜! 而家外賣仲有儲印仔送飲品，買5送1，除番開一杯廿幾蚊，其實都幾抵! 可惜好少經過呢邊，難D儲喇!

買咗戲飛喺又一城睇戲，晚餐就決定去佢隔離嘅exp用餐～雖然都幾多人排隊，但可能我哋係兩個人嘅關係，好快就有得入座。打開餐牌，見到張圖寫住喇沙韓式年糕😲兩樣都係我喜歡嘅食物，不過將佢哋搭配埋一齊真係好少見，所以就點左佢黎食。出奇地煙煙銀銀嘅年糕，點上辣辣地嘅喇沙醬都幾好食，而且味道都幾夾～雖然佢算係一款小食，但係份量都唔少㗎👍🏼大蝦豆角炒飯呢個炒飯都係有少少辣，不過值得讚嘅係佢唔算好油。大蝦都有三至四隻，用豆角嚟炒飯，令到成碟飯味道更香。而且份量都係幾多，我哋兩個人食平均都會食到兩碗。😋軟殼蟹炒麵呢個就有啲失色，令成餐飯扣左少少分。雖然軟殼蟹炸得香脆，但係炒麵就好油，味道酸酸的，食落奇奇怪怪，同軟殼蟹唔係好夾。建議可能嗌下其他Pizza會更好。

一路都聽聞EXP嘅tea set好抵食，但上次嚟又一城嘅時候EXP裝緊試唔到 難得今日4點幾同朋友嚟到九龍塘，梗係要試吓啦！佢Tea set都有幾多選擇，我同朋友就點咗Laksa湯麵同埋綠茶窩夫雪糕，連埋野飲每位都只係四十幾蚊個Laksa湯麵幾入味，唯一美中不足嘅係d麵淋咗少少綠茶窩夫雪糕就無得彈，個雪糕好濃味！不過佢2樣野食一齊上，因為驚雪糕溶所以要食咗甜品先