EXP

營業中

休息中

咁啱要去九龍塘上堂，所以lunch就要喺又一城商場解決。lunch時間四圍都好多人，最後就選擇左係溜冰場旁邊的EXP，貪佢座位多，坐得舒舒服服。Set lunch係包一個主菜+一杯果汁，以商場價黎講$98都可以接受。我點左照燒汁牛扒烏冬，本來以為都係普通烏冬應該無咩特別，不過估唔到都幾好食。個牛扒已經切開左一塊塊，肉質好嫩滑，照燒汁放埋落個湯底，令到成個烏冬湯都係照燒汁味。烏冬最有驚喜，估唔到咁彈牙咁Q彈，好似日本手打烏冬咁，口感非常好。配埋杯鮮榨果汁，感覺即刻fresh左。

係EXP叫左個SET LUNCH,好抵食又好健康呀!佢D果汁全部都係用新鮮既水果榨既,我叫個芒果橙PINEAPPLE汁,都幾好飲,唔太甜,可惜芒果味唔重。試左深綠,用KALE,CELERY榨出來,都幾清新。我地仲試左新出既韓國PORK BELLY PIZZA.見到佢師傅係OPEN KITCHEN即搓面團,好正呀!上碟時好滾燙,真係新鮮即整的。好中意PIZZA上面D洋蔥,中和左PORK BELLY既油膩。食食下,發現PORK BELLY底有KIMCHI,感覺個PIZZA好有層次。不過一個女仔食成個PIZZA有D多。下次可試下叫其他SET LUNCH例如LAKSA, SHARE下可以試多D唔同既野。我地坐既位近溜冰場,好開揚,食下野又睇下人溜冰都幾嘆!留意佢既用餐時間係90 分鐘。

2人行食個lunch先～好彩今日唔使等位叫咗個lunch set有鮮果汁+主食～上次食過煙三文魚pizza都幾好食～今次叫韓式雞肉pizza先～有：韓式烤雞肉、蔥、辣椒粒、芝士～雞肉食落都幾辣～焗得過耐個邊又硬又燶有苦味跟餐叫咗杯ABC～係青蘋果、紅菜頭、甘筍、檸檬打嘅新鮮果汁～紅菜頭嘅顏色比較凸出～睇落成杯以紅色為主～入落冇乜檸檬味～反而飲到紅菜頭同甘筍味～健康之選芝士焗薯塊配煙肉牛油果醬～縷紋薯塊配以煙肉、蔥花、水牛芝士、sour cream、牛油果醬～Sour cream配牛油果醬一向都係好夾～再加上焗到好香嘅水牛芝士味道好正又一城嚟講lunch依個價算係咁

好耐都無同姊妹敍下，因為佢有張 Pizza優惠劵所以就約去嚟試下。唔洗等好耐就有位。我叫咗嘅呢杯香茅蔗汁一到，我已經有清涼嘅感覺，正!呢杯姊妹 Order 嘅 Go Green。呢個係 Mangorange。軟殼蟹意粉，好似食緊日式炒烏冬咁。Buffalo Wings 炸粉比較厚，都唔係好特别。呢個牛肉肉汁很夠，再加芝士薯仔配 Kimchi ，味道配搭相當不俗，好特別。呢個Parma Ham Pizza 好香口，皮夠軟。總括嚟講，依間餐廳食物不過不失，有幾道菜有驚喜，但嘢飲餐牌選擇多而且幾好飲。

由於今日比較晏食飯，所以就去左九龍塘食少少野。咁就可以唔洗咁餓。但由於我同我既同行太心急。掛住食。冇點影到相。pizza 唔吸引。但可以接受既。因為我個人中意多啲蕃茄味。但佢偏淡。佢個甜品都幾出色，唔知係咪佢呢間野特別出名甜點。我見好多人都有叫。餐飲叫左杯咖啡，都幾好味。咖啡奶係另上，可以因應自己喜好落。但唯獨是佢地啲員工勁無禮貌，叫勁耐都冇人黎。之前佢地細聲講大聲笑，仲嘈過啲客人。感覺上佢地係度玩咁。都唔似係番緊工！

#EXP 九龍塘達之路80號又一城UG層23號舖-----讀cityu ge朋友仔對exp一定唔會陌生😝價錢中等 環境又唔錯 據說好多cityu仔仔都中意約女仔黎呢度首次約會🤭 B仔參加完朋友仔畢業禮 就黎左呢度食下午茶 我地叫左一個喇沙韓式年糕（$64）同埋一個大蝦牛油果醬pizza($98)～喇沙年糕真係第一次食 雖然好有新鮮感 但係可惜個喇沙整得好鹹 比起喇沙更似蝦醬味😕仲要係好鹹ge蝦醬......然後個大蝦牛油果醬pizza亦非常普通 蝦係普通冰鮮蝦 牛油果醬無特別調味 就係普通牛油果 再加d碎蛋 同蝦子 自己係屋企都整到 雖然味道還可以 但真係非常普通～個pizza有個位仲非常燶..☹️98蚊黎講都算幾唔美觀☹️如果cityu ge朋友仔想帶女仔黎約會 B仔就唔建議叫呢兩款食物啦～-----B仔整體評價：7/個👍🏻B仔抵食程度：6.5/10個👍🏻B仔環境評分：8/10個👍🏻B仔味道評分：7/10個👍🏻B仔回頭機會：6.5/10個👍🏻-----Ig:swallowhongkong跟住我一齊吞食香港啦！#swallowkowloontong

🧡香橙朱古力Pizza 鍾意食香橙朱古力的朋友有福喇🤭🤭今次比個朋友拉咗我去試呢個甜品。天氣凍咗都唔想食冰冰涼甜品，但呢個即焗pizza又幾特別喎。賣相相當吸引，一片片如花瓣的香橙🍊，份外吸睛👀👀一切開就會有少少流心。一啖咬落去，厚厚的批底加上朱古力🍫🍫和芝士🧀，好滿足丫。🧡炸軟殼蟹意粉🍝🦀呢個意粉好有日式feel，加了木魚點綴，令意粉更入味。可惜軟殼蟹炸粉比較多，食不到軟殼蟹原本的味道。🧡大C Cup （左）呢間有好多不同水果配撘的鮮榨果汁，味道好濃郁，一次過食到3種水果。我今次就揀咗奇異果🥝、橙🍊、士多啤梨🍓，味道好清新，即刻覺得成個人都健康咗😂😂🧡翡翠 （右）故名思意，呢杯一定係綠色啦。裏面有提子、青蘋果🍏、紅蘋果🍎、西芹。本身我都不太鍾意食西芹，但呢杯甜甜地，不會太蔬菜味，容易入口。飲完咗呢杯營養價值起這杯營養價錢高，又可以清熱排毒👍🏻👍🏻👍🏻

一向都有幫襯，但食物質素越來越差之外，份量又變小⋯⋯價格當然反升啦。最過分是服務人員由下至上（不用穿製服，以為自己係主任經理嗰啲呀），又冇禮貌又態度唔好。可以唔去又唔好去。真係想寫信去美心集團投訴....不過唔知美心集團啲人係唔係一樣理得你，食就食、唔食大把人食。其實一粒星都唔想比，如果可以，又一城真係大把選擇，唔使比錢睇人面色，呢個問題多年都冇變，即係冇人出聲啦，香港人真係好包容及忍耐。今時今日咁嘅服務態度係唔得嘅！

Exp咁多年都屹立不到，係又一城黎講價錢平，夠貼地。👍🏻👍🏻每次必點大蝦牛油果醬pizza，酸酸地夠開胃，除左蝦有碎蛋、蟹籽、千島醬，雖然佢厚，但焗到個邊脆脆地，裡面又好軟棉棉，食完一件再想繼續食落去！🤤🤤🤤重有軟殼蟹沙律，好大份！堆到成座山咁！不過夾起黎有啲狼狽😅😅軟殼蟹新鮮炸起，不過凍左就keep唔到咁脆，無九龍城間昭拍耶既軟殼蟹做得咁好，凍左都重脆。沙律除左菜，重有車厘茄、花生、青瓜，配埋個酸辣沙律汁，正呀！兩個食完兩樣野都已經好飽，甜品都食唔落，真係大件夾抵食！

總共叫5樣野. 5個細食既人食. 整體滿意. 坐得舒服.首先係個帶子墨魚汁忌廉意粉唔錯. 都幾大碟. 個汁好濃好稠. 都幾好食.仲叫咗個三文魚Pizza . 感覺都唔錯. 有6塊, 如果可以再多啲餡就最好. Pizza皮有啲太厚.芝士泡菜豬肉炒飯對我黎講有少少重口味. 不過辣既程度岩岩好. For我依d去譚仔食10小既人.蘆荀泡菜手指. 個菜式令人有少少難以理解. 唔係好夾.不過最唔夾既係個朱古力香橙迷你Pizza. 純粹好奇張橙放喺pizza到係咩味. 結果真係唔得. 朱古力同橙係甜既. 但係仲有好多芝士喺個底到. 又鹹又甜. 超怪星期六13:00到. 唔洗等位. 坐等都舒服又闊落. 上菜都Ok快. 不過會限時食飯時間90分鐘.服務都幾好. 人手足. 唔會話食得好飽. 每人唔洗$100.

又一城位於人流頻繁的九龍塘站上蓋，作爲一間服務鄰近住宅商廈及大學的唯一商場，所提供的食肆也具多元化。 適逢聖誕假期，加上已有多年未有來到又一城逛街食飯，特意出來尋找用膳地方。 知道EXP在又一城開業多年，口碑良好，加上位於溜冰場旁，位置便利，並提供多樣化食品，於是決定入内進餐。 午餐主要提供六款主食，菜色偏西式，同時有日式和星馬菜選擇。是日點了豬腩肉Pizza和日式咖喱滑蛋豬排飯，飲品方面點了個不知什麽名堂的芒果混混果汁和青檸僵蜜。 芒果果汁應該混合了芒果，香橙和其他蔬菜而成，顔色吸引，味道是refreshing清新健康的。 至於僵蜜，僵味很重，蜜糖和青檸調和適中，加上本身冲調得夠熱，整體是充滿暖意的。 談談第一項主食，滑蛋咖喱豬排飯。飯粒軟熟，咖喱汁帶微辣亦帶甜，炒蛋略覺得太細份，雖然滑溜。 至於豬扒，肉很足，有咬口感覺，可能是即炸的關係，豬扒熱辣辣，皮還夠脆，可惜皮有少少厚身，整體還好，分量亦足夠。 韓式豬腩肉Pizza全餐最滿意的一道菜，豬腩肉香噴噴，沒有雪味，調得入味。Pizza的麵糰是即猜的，亦是即時入爐烘熱的。麵糰香軟跟具層次的，加上添加了芝士令Pizza口感豐富。泡菜為P

拿了下午的假行街美甲，陪母親大人看診後再會合好友已近三時，肚子餓得咕嚕作響，得先填飽才有力氣去血拼。 來了中學時期已屹立在此的EXP，午市套餐有六款選擇，一飯一意粉一湯麵一冷麵兩薄餅，全部劃一收費，價錢包括一杯鮮榨果汁。勁果薑 (跟餐)用上鮮橙、甘荀和生薑製成，整杯以橙味作主導，薑則完全嚐不出來；聞說沒額外加糖，但甜度還是頗高。 韓式豬腩肉薄餅 $98薄餅新鮮熱辣，餡料用上泡菜、豬腩肉、京蔥和芝士，口味配合得來又挺創新。 燒雞肉茄汁意粉 $98意粉煮得彈牙入味，雞肉煙燻過，惟那醬汁不知為何帶點罐頭食品的感覺，扣了少許分數。 可能早兩日吃過相近但較高質的食品，這兒不過不失罷了。不過食物不是重點，吃飽和好友辦正經事逛街去。

點了一點意粉，叫什麼芒果喬麥麵什麼的，但是醬汁偏酸，令這道菜有點苦，令我和友人都不能把它吃光，不會再叫了。另外，滑蛋咖哩吉列豬扒，一般吧，好吃就是好吃，炸粉薄，肉也是足夠的厚，可惜就是沒太大的驚喜吧！

同妈咪两个人一起食晚餐，六点半到既时候要排位等咗一阵，埋位既时候服务员话用餐时间系90分钟。我哋叫咗一个牛扒汤乌冬同埋墨鱼意粉，味道都OK，但系算不上好好味，觉得唔系好值得这个价咯

星期日既又一城真係好多人 好多餐廳都full晒要等位 離遠見倒呢間EXP仲有空位 所以去試下餐廳大多數人都會叫pizza 望落去幾吸引 但因為朋友已經食飽所以無叫到我叫左一個日式咖哩豬扒炒蛋飯 個人覺得一半 咖哩味有d奇怪 不過豬扒熱辣辣炸起😋😋朋友叫左芝士蛋糕🍰配柚子味雪糕 建議先食雪糕因為芝士蛋糕味道較重 所以之後食就食吾到柚子味 飲品方面我地叫左一個蘋果寶寶同埋一杯果茶 蘋果寶寶係蘋果汁加肉桂 但肉桂味好重 完全飲吾倒蘋果汁🍹味道最後叫左一個焦糖布丁 🍮味道都ok