euro go go

營業中

休息中

星期日12點左右在葵芳, 想找間Cafe飲咖啡食少少嘢, 見這Cafe開了一排都未試過, 而且店內頗靜, 正好讓我在這裡Hea下......Order 了Cafe Latte $16 和粟米雞肉意粉$45, Order 坐下有人將食物送到. 食物方面, Latte 都OK, 以這個價錢來說都唔錯. 個雞肉意粉即叫即焗, 大約要等15分鐘. 意粉的汁和芝士都好香, 唯一唔好是雞有雪味, 所以味道扣了分.總括來說, 環境和食物都ok, 雖然不是超好食, 但本人最愛在Cafe Hea 下睇下書, 這裡不失為一個好地方. 下次都會再去.

Euro go go周圍都有舖，這次是試衫前順路輕食打底：　芝士蒜茸飽($22)-新鮮烘起的蒜茸飽還很熱，上面蓋了一層不少的芝士，令本來已經香口的蒜茸飽更顯滋味，比此店出品的pizza襟吃。　hazelnut cake($26)-榛子蓉輕柔而香甜，中間酥皮夾層又鬆化，如果把海棉蛋糕層都去掉，真不失為一件美味甜品。　茶市時段還包一杯飲品，寒冷的天氣揀熱朱古力飲，都幾暖胃。價錢相宜，選擇又比delifrance多，相信會繼續幫襯。

今天約左青檸先生在Kwai Fong等，其實上個星期經過都想試試，可惜無機會。今個星期終於可以試到。我地叫左辣味雞翼同埋garlic bread。個garlic bread好好食，但因為我地兩個都係garlic怪，所以如果再多d garlic就好了。我地叫左走，聰明的我，知道d倒汗水可能令到個包會淋，所以第一時間就食左落肚，哈哈哈哈！至於個辣味雞翼，d雞翼本身好食，但唔知點解好地地，要淋sause上去，個sause好難食，係日式叉燒汁味，好怪，同埋一d都唔辣。今日天氣好凍，多謝他together with me。

同朋友去左葵芳呢便行下, 上次試過euro gogo之後今日又幫親啦,,今次食:蘑菇肉醬意粉($29)>好味*可能因為我鐘意食肉醬,蘑菇分量都足夠辣肉腸,火腿,煙肉意粉($34)>朋友鐘意食,我試左少少,個味都唔錯不過個白汁我覺得杰左dd蜜糖雞翼($25/5隻)>上次食過已經覺得好好好味"雞翼都大隻同埋好重蜜糖味,但等左好耐差唔多食曬pasta先到, 不過見佢夠熱同個皮都脆脆地就冇所謂啦2杯凍蜜桃茶($18/杯)>幾好飲,唔算太甜同埋有幾塊蜜桃,但$18杯就好似有d貴,,本來好想食埋芝士蒜蓉包不過已經夠曬飽喇"服務方面都可以接受既,幾有禮貌不過我地入到去坐時d侍應好耐都未幫我地執檯,到我地叫佢地執時點知執到1半又去左做其他野,可能人手真係唔夠吧,不過總括來講都會再幫親!下次要試下蛋糕先*

今晚經過新都會時, 看到早陣子一直封著的側門重開, 便從這裡進入新都會, 更發現這家新店, 看看地方新淨環境還不錯, 便決定試試這家新店.單看店子名字也知道是西菜, 但實際上這應該算是西式快餐\. 先在Cashier購票然後食物弄好便會送到你座位上. 菜牌上有意粉, 薄餅, 小吃, 糕點等, 我就點了一份菠菜龍利柳意粉, 外加一客香辣雞翼, 共盛惠$61($36+$25).約5分鐘後意粉先到, 再過5分鐘雞翼才到, 兩者都是以錫紙盤盛載, 估計都是即點即焗的, 好. 先說菠菜龍利柳意粉, 分量適中, 不會過大或少. 醬汁不獨有濃香芝士, 而且菠菜的味道也沒有被搶去, 兩者配搭得頗好. 但龍利柳的外層卻焗得有點韌, 內裡味道還可.香辣雞翼, 表皮焗得脆香, 淋上燒烤醬汁, 香味的確很吸引人, 而醃味也足夠. 但缺點是香有餘而辣不足.整體評體係不過不失, 如果價錢可以再便宜些更好, 畀佢\B+啦!