DPD Deluxe

今日晏晝同屋企人嚟食飯叫咗三個嘢食全部都係pasta好咸、好濃味屋企人都食唔慣不過叫咗啲waiter幫我哋去再整一個新嘅，好少少啦地方都大、唔迫人裝修都好靚好attractive幾有stylelove this very much服務有禮貌不過好似啲鹽唔使錢咁，搞唔掂食物都大碟（隻碟）啲三文魚好少好少好少138蚊都係得個撕開撕開既夾埋我諗得半條嘅sashimi三文魚呀性價比有啲低下下次都唔知會唔會再嚟呢間黎食…查看更多

朋友生日苦惱要揾一間又就腳又好味嘅西餐廳😝咁啱有一朝經過試咗呢間嘅早餐都幾吾錯，於是拍板係呢度開Party🎉由訂位到食物安排餐廳嘅經理都好好同我傾同安排❤️是日晚餐頭盆～越式香茅雞翼凱撒沙律意式沙樂美腸焗脆包前菜～香煎北海道帶子（每位）黑松露意式小雲吞湯～龍蝦湯/蘑菇湯主菜（四選一）香草焗鱸魚香煎黑毛豬鞍香烤安格斯牛柳炭燒美國西冷牛扒所有朋友都滿意到不得了我呢個攪手都當然大滿足啦！❤️❤️…查看更多

黑松露安格斯牛柳粒炒飯 $118炒飯炒得幾乾食，唔會太濕或者太多油👍🏻不過黑松露味唔係好特出，只係得好淡好淡，唔難食，但呢個價錢，性價比麻麻，整體比較一般。招牌蕃茄焗日本黑豚豬扒飯配日本九州太陽蛋 $138對比炒飯呢個真係好食好多😋可能用左品質好啲既豬扒，所以豬扒食落唔會乾，仲幾淋😙蕃茄配蛋炒飯底真係好香🥰個太陽蛋就冇乜特別，加落去仲特登寫埋出嚟好似係想話比食客知佢地用日本蛋？🤔越式牛油蒜香雞翼（4隻）$68食落去d牛油好似煮燶左咁🤢邊食邊有陣苦味走出黎😵‍💫 而且超級無敵油！雖然係牛油雞翼，但對比其他餐廳佢太油，我地淨係每人食左一隻已經頂唔順😵不推薦！…查看更多

今日同啲好朋友嚟咗北角嘅 DPD Deluxe食飯，呢間餐廳好多人推薦，話呢度嘅黃金蝦球同泰式吉品鮑魚燴飯好好味，今日終於可以試下。食到第一道菜嘅時候，我已經係肚餓得唔得了。啲黃金蝦球外脆內軟，香口十足，每一口都飽滿咁。佢哋係用啲新鮮嘅蝦肉裹上麵粉，炸到金黃，真係啲蝦嘅鮮味完全留低喺度。我同啲朋友一邊食一邊嘆，哈哈，好開心嘅氛圍。跟住上嚟嘅泰式吉品鮑魚燴飯更加驚喜！啲鮑魚燴得好軟滑，啲湯汁入味，好多香料嘅香氣喺啲飯裡面，每一口都有驚喜。飯底係用泰國香米，啲飯粒鬆軟，啲香氣咬嘅出嚟，好啱啲湯汁同埋鮑魚味道。啲鮑魚同啲香料嘅組合真係一絕！食完嘢之後，我哋一班人都開開心心咁坐低傾計。嗰陣候，我諗起啲舊時同呢班朋友一齊食飯嘅日子，真係好感慨。佢哋嘅菜式亦都新鮮美味，絕對係個食得舒心嘅地方。…查看更多

在炮台山的 AIA Tower ，有一間名叫《DPD Deluxe》(大牌檔) 的餐廳。因為名字而令我產興趣在門口先看看。這原來是一間比較 high end，中西合壁的一間 find dining 餐廳。當我在北角既工作已經進入倒數階段了，開始約些北角好友來聚一聚，食個靚飯仔道別時，舊同事就選擇了這一家餐廳，大家去食一個6、7年都未食過既 lunch，傾一個成6、7年都未傾過既計。聚會的過程不說了，只評中午的套餐。套餐的話，一定有一個濃郁的餐湯。而是日的濃郁西湯，又是可愛得黎兼非常之大眾化的蘑菇忌廉湯。這一個湯，正確的名字應叫野菌蘑菇忌廉湯。即是以蘑菇為主，再加入不同的菇類再把味道增強了。舊同事來了一份招牌蕃茄焗日本黑豚豬扒飯配日本九州雞蛋。這等同快餐店的焗豬扒飯，多了隻煎蛋，其茄味也更濃郁。所以，味道上就是偏重鮮茄味。用在焗飯內的日本黑豚豬扒是厚切的，肉質非常之好，味道夠鮮。我點的也是豬，是西班牙黑豚豬胺，露斯瑪莉紅酒汁。這一個帶骨的西班牙黑豚豬胺扒，相對來說，肉質比較硬，但入口有獨特的豬肉香。配上一個以甜為主的露斯瑪莉紅酒汁，原來更能夠突顯豬肉的香味，而且又是一個極厚身的豬扒，吃後很滿足。可以是因為這餐廳名叫《大牌檔》的原固，餐後的咖啡也十足一一杯茶餐廳咖啡。然而，這的確是一杯唔錯的 "大牌檔" 咖啡，夠香滑夠奶味，我沒想到錯有錯著，飲到一杯出色的 "大牌檔" 咖啡。雖然是一間價錢比較貴的餐廳，但食物是有質素，服務也是很好的。而，這絕不是一間《大牌檔》，是一間《Deluxe》餐廳更是正確。間唔中的中午要獎勵一下自己時，這是一個好選擇。…查看更多

去大排檔食飯一啲都唔失禮， 因為呢度係豪華大排檔 ，中西菜式， 各適其適， 中菜晚飯套餐包括三個餸， 有老火湯，仲有白飯， 都算豐富，而且價錢實惠， 唔使400蚊 。我哋今晚揀咗水晶雞半隻，🐔麻香炒蝦球，🦐🍤啫啫生菜煲 ，🥬🌶老火湯係節瓜紅蘿蔔煲章魚瘦肉，🥕🐙火候都幾好， 不過個湯就唔夠熱， 扣曬分， 熱湯係最基本嘅要求，但係好多時啲餐廳都做唔到 。幾個小菜都不過不失，水晶雞個樣就好靚， 皮黃肉白， size不小。 麻香炒蝦球有5粒大蝦球，用麻辣調製， 加左好多雜菇，好惹味，但係都幾辣，因為有落咗花椒又落咗辣椒， 食到有啲噴火。🔥幸好啲蝦都幾新鮮， 所以都收貨啦。 最好食就係啫啫生菜煲，生菜好嫩， 有啲蝦醬味，令到煲菜夠曬鹹鮮惹味，而且用瓦煲上夠曬熱。 三個小菜兩個人食應該係幾好嘅配搭，仲有其他菜式選擇，鍾意食肉多啲又得，食菜多啲又得。呢度最優勢嘅就喺人比較少，好安靜，坐得幾舒服 ，感覺就係喺西餐廳食中餐， 如果啲湯可以熱啲就會好啦。…查看更多

長假期冇得去旅行就食餐好既獎勵下自己，睇過有介紹呢間DPD Deluxe 既海南雞飯非常熱賣，今次就試試佢! 未上菜就睇下環境，餐廳地方好企理光猛，用餐area係同區坐得好舒服闊落。好快就上菜有得食， 海南雞飯的精髓當然係份雞啦! 一食啖雞就食得出雞皮爽彈仲有層皮同肉之間的啫喱，雞肉無骨非常嫩滑! 油飯色澤好靚一食入口就知唔簡單，有落足心機煲飯，飯帶啖啖香茅和黄姜風味， 同海南雞非常夾，點埋三色醬汁仲更加夾! 之後番Office同同事傾計先知原來呢間餐廳既師傅曾經於五星級酒店中菜部工作，練得一身好功架，仲有其他西餐睇落好靚仔，可以Bookmark !Lam 脷指數: 4/5番兜指數 : 5 /5服務指數: 4/5  (午餐時間經理好快手有禮)就腳指數: : 5 /5 (非常近炮台山MTR出口)…查看更多

今日早上到炮台山開早會，路經這間餐廳，見到環境相當唔錯，見時間尚早，不如食個早餐先去開會🤭入到餐廳侍應有禮貌地遞上餐牌， 點了雪菜肉絲米粉，個湯熱騰騰，米粉很爽口，雪菜肉絲很入味，同有小小辣，很惹味！ 而多士烘得很脆口，牛油均勻地塗滿整塊多士，再加上蛋味濃郁的日本蛋，大滿足！  杯熱奶茶都有驚喜，茶同奶既比例剛好，同埋很夠熱的，呢個值得一讚餐廳環境及食物質素中上，而價錢又合理，雖然要加一，但坐得舒舒服服，是可以再來的🤤…查看更多

第一次寫食評，因為家人去呢度，想請朋友食一個豐富嘅all day breakfast, 11:00入座，揀咗lunch menu 裡面第一選項嘅all day breakfast, 點知食食下，去到11:30，個waitress走嚟話早餐時段已經結束，因為佢哋食嘅係breakfast, 所以要盡快食完埋單然後離開… 其實唔知係咪屋企人誤會咗個供應時間，但如果餐廳喺lunch menu 都有offer 呢個餐但又將佢歸納成限於breakfast 時間食完，咁就未免少少奇怪囉… 不過供應時間嘅問題都係其次，但waitress 態度真係… 冇嘅，咁冇下次囉…查看更多

上星期六幾個人來吃早餐，分別點了營養早餐、特色早餐和美式早餐，食物質素不錯。但整體服務由經理到侍應都不夠專業，我們坐下15分鐘，舉手了4次請侍應落單，她們回應點頭後又繼續執檯、抹檯、招呼其他客人…，最後我們要強調問其中一位:「請問幾時可以落單!?」然後才成功落單！我們的檯不是位於角落，是兩邊都可以很容易出入的，經理上其中一份早餐時，站在檯的一邊伸長手將餐放在另一邊😅，如果這家是茶餐廳當然不能有什麼，但這家是DPD Deluxe喔，是大集團的中檔餐廳，應該有西餐餐飲服務的基本訓練吧？這樣「跨檯」上菜真有點…，經理都如此，也很難對他的團隊有什麼要求了。…查看更多

#北角 #oopsie港島 #oopsie北角名為大排檔既餐廳 並不大排檔級別小編朋友返工附近既餐廳🍴夜晚就同朋友一齊黎試下☺️裝修非常別緻 好似高級餐廳咁我地每人叫左個dinner set●炭燒美國頂級西冷牛扒｜燒汁● （7.5/10）好重炭燒味😋叫左Medium rare，但肉質唔算太軟，勝在都重牛味🐂，旁邊有薯蓉做配菜。前菜配左個餐湯，最後甜品叫左椰子🥥雪糕，個雪糕yumyum，好濃椰子味！💰188+$20●香烤黑豚豬鞍｜蘋果富士汁● （8.5/10）朋友叫左依個，我試左少少🤏好厚好大塊既豬鞍🐷肉質超軟熟🤤肥瘦適中，個人鍾意依個多d！食物：⭐️⭐️⭐️⭐️環境：⭐️⭐️⭐️⭐️⭐️價錢：⭐️⭐️⭐️推薦：⭐️⭐️⭐️人均：$2xx📍DPD Deluxe (北角)北角炮台山電氣道183號友邦廣場地下10B-13號舖#炮台山美食 #北角美食 美食 #香港美食 #香港搵食 #foodiehk #foodiehkig#葵芳美食 #葵廣美食 #香港美食 #香港搵食 #foodiehk #foodiehkig…查看更多

約咗朋友食晏 ，要坐得舒服， 又要食得精緻 ，就揀咗呢度。爐魚餐最吸引 ，138蚊， 份量不大 ，但都幾精致， 有餐湯 ，有飲品 ，塊鱸魚好新鮮 ，切開啲肉白雪雪， 煎得金黃色， 外脆內軟， 配菜有薯蓉蕃茄彩椒， 非常和味 ，仲有餐湯， 薯蓉湯， 夠香濃。👍餐後仲有一杯香濃嘅咖啡， 坐在陽光充沛的窗邊， 曬得暖暖的， 非常愜意。 兩個人東一句西一句， 傾得不亦樂乎， 一個長長的午餐 ，沒有人打擾， 催促， 時間好像不存在， 有的只是陽光， 美食， 香濃的咖啡， 偷得浮生半日閑 ，非常感恩。🥰…查看更多

習慣返工前食喺餐廳食一份早餐，今次經過DPD Deluxe，見幾闊落就入去試一試入面啲位都闊落同算好坐，白色為主嘅裝修都幾優雅，餐廳入邊仲有一陣淡淡嘅香味，店員都好熟手同有禮貌今日點咗沙嗲牛肉米，配太陽蛋同多士，飲品就點咗茶走食物質素屬於正常發揮嘅水平，份量算大，要讚一讚塊多士，啲牛油搽得夠多同均勻，杯茶走就細咗啲，但味道都唔錯，唔算好滑，但都唔會好鞋口Overall個環境同食物質素都ok，唯一嘅扣分位係要加一…查看更多

我從未想過一間有一定規模的食肆（似乎還叫自己做集團經營）可以對其顧客做出如此無恥的事，如果不是親身感受，不會相信香港飲食業有這些敗類！話說我先生今個月17日生日，早在兩個星期前（11月26日）已經打電話訂了他們唯一一間VIP房，打算在16日晚與親朋好友食飯慶祝。接電話的女士說會找負責訂VIP房事宜的同事與我先生跟進。但直到12月10日都完全沒有任何消息，於是我先生在那天再致電，聲稱負責VIP房事宜的另一位女士後來覆電話，然後以WhatsApp傳來菜單。我先生說會與太太商量再回覆。整個過程中，對方從來沒有提過要落訂或要於某個時間答覆。今天（12月12日）下午2:43，我先生收到DPD來的電話，但因為正在搬傢俬，並未有接聽。2:46就在WhatsApp留言，問是否16號確實要VIP房，因為有其他客想訂。當我先生還未反應得過來，有一男人在2:50再來電，當我先生接聽，聽到的竟然是：「我剛剛有客想在16日要房，我打電話找不到你，已經在五分鐘前收了另外一個客的訂，16日不能給你留房。」我們聽到簡直晴天霹靂，我們已經約好所有朋友，怎麼辦呢？由我先生訂房到上星期六（12月10日），從來無人打來跟進，從來無人跟我們說要落訂，傳菜單來只是兩日前，亦沒有說要哪天前確定，對方竟然在電話說我們一直沒有確定菜單，所以他接受其他客落訂！當我接過電話跟他理論，他竟然說因為現在他們多客，較忙，所以我們未確定就給落訂的客，言談間不停搶住講嘢，不停說菜單傳了給我們又未回覆，打電話給我先生又找不到等等，總之就是想說問題全在我們身上，他打一個電話找不到我們就可以當我們放棄訂房。他究竟有沒有想過我們訂房，一定是一班人聚會，好可能是慶祝某些重要事，怎可以在毫無諮詢的情形下單方面取消？事前從來未提落訂，現在立刻去收訂？這種只顧眼前利，丁點都沒有站在客人方面想的不專業做法，任你的食物如何好吃，都不會值得光顧！垃圾！…查看更多

想搵間坐得舒服嘅西餐，選了這間。炮台山地鐵站行五分鐘就到。去到冇咩人，地方大，宜家set一個人$198 加一，加多$20 食牛扒，五成熟。牛扒好味，不過份量少。如果個餐湯有面包會更好…查看更多