影片
以上資料只供參考, 請與餐廳確認詳情
行過土瓜灣，呢個area有d驚喜！就喺加太賀附近，成條街佈置都幾有心，好有日本feel❣️呢間cafe店內環境屬型格工業風，型到爆，又chill，店員全部都係靚仔靚女，個個型格有禮，服務態度又好，有日本餐廳嘅細膩感，主動幫你添水、換碟，感覺好貼心！ 成個日本型格咖啡店咁！有lunch set，不錯💗🍝蒜香柚子牛油魷魚八爪魚意粉 $148🍝明太子醬溫泉蛋蟹肉意粉 $128lunch set除左沙律、面包，較飽肚有意粉選擇，呢兩款意粉各有各好味。蒜香柚子清新！魷魚同八爪魚份量多，仲有蝦乾提鮮，柚子同牛油嘅香氣好夾，入口清爽唔膩。明太子嗰款就啱濃味控！明太子醬香濃微辣，配上溫泉蛋同蟹肉，口感滑溜又豐富！明太子同飛魚籽多到每啖都卜卜脆！😆 兩款意粉各有風味，但質素同份量都係滿分，幼意粉掛汁一流😋 抵讚！ ☕ Latte (Hot)lunch set包野飲。Latte啡底應該係用左深炒豆，香濃厚滑。🍹 LauLau LingLing唔飲啡嘅朋友可以揀呢個，日本柚子蘋果梳打，清新微酸，仲有粒粒番石榴，飲落好爽口，夏天好啱！🌟 單價$78,lunch set +$28only!
繼續閱讀
繼上年北角新開嘅時候到訪，今日再去啟岸呢間新分店，店內店外座位較多，裝修亦貫徹其他分店特色一樣，以水泥牆、藝術家畫作，木枱、皮椅，加上大型盆栽，環境舒適，座位闊落，非常好打卡。🦑🍝Yuzu-Garlic Butter with squid & Octopus Pasta $128～蒜香柚子牛油魷魚八爪魚意粉，結合了海鮮的鮮美和柚子的清新，蒜香和牛油的味道令整道菜更加豐富。🦆🥖Roasted Duck Break with Spicy-Garlic Crispy Snallot Vinaigrette in al turkish Flatbread Brap $108～香烤鴨胸肉配麻辣蔥蒜酥醋汁土耳其三文治包，味道豐富，層次分明。💜☕️Nothing $67～熱情果咖啡特飲，熱情果本身帶有明亮的酸味和自然的甜味，濃縮咖啡提供了濃郁的香氣和深沈的風味，與熱情果的清新形成對比。🩶☕️Hot Chloe $68~芝麻咖啡特飲，黑芝麻帶來濃郁的堅果香味，濃縮咖啡的味道與黑芝麻的香甜，增強飲品的層次感。加入牛奶更加柔滑，口感細膩。
繼續閱讀
weekend想同朋友搵地方Hea傾偈，揀咗去土瓜灣新開嘅到dozy, dozy有幾間分店都係以水泥裝修、綠色植物, 感覺好舒適，而且十分寵物友善，近門口outdoor位置狗狗都可以一齊坐，店員都好歡迎狗狗，另外無用餐時間限制，可以同朋友嚟 hea 、傾偈十分適合食物方面，點咗蒜香柚子牛油魷魚八爪魚意粉，楓糖蘋果燕麥美式鬆餅，意粉份量好多，足夠同朋友share，雖然係蒜香柚子味，食落去覺得似咖喱魚蛋味，係好食嘅；pancake 似蘋果批味， 上層有一啲合桃、中間有蘋果，餡料都好多，連埋雲呢拿味雪糕一齊食，好好味。 飲品叫咗Mocha，matcha latte，一邊傾偈一邊飲，過咗一個悠閒嘅週末。
繼續閱讀
位於土瓜灣啟岸的Dozy 是一間風格獨特的cafe，入面有不少植物🪴🌿，係灰色tone 的環境裡很特出。呢間cafe 唔止有各種精緻嘅咖啡☕️，pasta🍝 & salad 🥗 都唔錯。Dozy 特製雞扒牛油果配香橙芥末汁沙律🥗🐥真係耳目一新，雞扒大塊又嫰滑，最重要係調味一流，用咗好多牛油果和新鮮蔬果，醬汁都好好味。韓式辣醬混花生醬炒松阪豬意粉🌶 ，醬汁非常惹味，花生味好出🥜，松阪豬好香口呀。我哋仲叫咗有拉花嘅mocha & dozy iced chocolate ，歎杯靚飲品，真係好滿足。
繼續閱讀
帶仔仔去土瓜灣玩，順便搵間靚靚cafe食lunch！去咗啟岸分店嘅DOZY，Cafe走工業風設計路線，水泥牆身、木制傢具、皮製梳化配上大型綠植，型格之餘同時令人感覺舒適。木枱木凳唔會太高，加上座位闊落，意外地baby-friendly！平日Brunch set（9:30am-2pm Mon－Fri except PH）超級抵食，包埋咖啡／茶，仲要冇收加一！店員服務都非常好，感覺友善，笑容親切！Orange Mustard Dressing with Dozy Signature Chicken Thigh & Avocado Salad （$128）沙律以食用花點綴，賣相好靚！雞扒好大塊，雖然唔會好似慢煮咁嫩滑，但入口都唔會覺鞋。沙律菜新鮮爽脆，加上甜甜酸酸嘅orange mustard dressing及酸甜爆汁嘅粒粒石榴，味道特別清新！牛油果熟度恰到好處，口感軟滑，新鮮健康又好食！明太子醬溫泉蛋蟹肉意粉($128)意粉掛滿蟹子及明太子醬，鹹香十足，蟹肉份量慷慨，更添鮮味。非常足料，超級推薦！呢度嘅咖啡好高質，Dirty嘅奶香及咖啡味道好平衡，冷熱交融。Mocha嘅拉花都打得好靚，奶泡厚身綿密。
繼續閱讀