Dough Bros Pizza & Doughnuts (樂富廣場A區)

好難得樂富有這間手工pizza小店，可以為區內帶來多一個pizza嘅選擇。除了Pizza，這間小店亦出名冬甩。這次外賣選了黑松露意大利煙燻火腿薄餅。十分欣賞pizza的餅底，是酸種麵團製成的，所以特別煙韌。配搭着黑松露和火腿嘅香氣，批底外脆內軟，不會烤得過火。價錢適宜，很適合開party跟朋友一齊分享。另外，加添了黑松露蜜糖雞翼。單骨雞翼香脆可口，再配秘製黑松露蜜糖醬，少少微辣，好惹味。雖然沒有堂食，只提供外賣。但都很值得買來吃吃，與家人朋友一同分享。…查看更多

外賣平台 X Dough Bros 推出限時優惠，指定薄餅買一送一，只要 $168 就有兩個10吋大嘅手工酸種薄餅​。咁啱去朋友屋企打牌，咁就啱哂嘞。指定薄餅有四款可揀：意大利辣肉腸薄餅​、夏威夷薄餅​、燒烤醬雞肉薄餅、黑松露薄餅。揀咗前者兩款。意大利辣肉腸薄餅：10" pizza 開六件，都有番咁上下大細。辣肉腸份量都多，茄醬底及水牛芝士味濃，手工酸種餅底好有咬口。夏威夷薄餅​：有火腿、脆皮腸、菠蘿，份量足，茄醬底及水牛芝士同樣味濃，手工酸種餅底𡁻勁一流。另外買多兩個爆醬冬甩，$38一個，有勁多醬可以揀，而且可選擇肉桂糖/白砂糖。Nutella 榛子可可醬：冬甩唔算好大個，同女士嘅拳頭差唔多。表面洒上大量肉桂糖，外層微脆，內裡十分鬆軟，中間唧咗不少醬，榛子可可醬味道濃，不錯。港式奶茶：港式奶茶醬味道唔太濃，比甜味冚哂啲味，麻麻。兩個薄餅 + 兩個冬甩，連埋其他手續費，又用埋啲優惠，都係$180，好抵食。…查看更多

終於試咗呢間專做手工Pizza同冬甩嘅Dough Bros！果然名不虛傳，由餅底到配料都充滿驚喜，絕對係近期試過最印象深刻嘅Pizza店！🍕 Pizza：超有驚喜嘅高質製作！一上枱就聞到濃濃香氣，餅底係關鍵！佢哋係手工薄底，烤到邊位脆口帶焦香，中間卻保持煙韌有嚼勁，麵粉香好出。我今次試咗招牌嘅雙重芝士配意大利辣肉腸，芝士量多到拉絲，辣肉腸鹹香惹味，同新鮮蕃茄醬好夾。最驚喜係食落一啲都唔油膩，餅底夠乾身，食多兩件都無負擔！🍩 冬甩：邪惡得來好滿足！食Pizza點可以唔試埋佢哋嘅冬甩？外層灑滿糖霜，麵包體鬆軟得來帶點空氣感，一咬開入面係流心餡料！試咗朱古力同雲尼拿兩種口味，甜度控制得剛好，唔會死甜，餡料爆漿效果滿分。…查看更多

新鮮即炸Donut - 樂富Dough Bros之前話呢間Donut好食😂經過附近就諗住試吓，有好多款式架，但都想食Nutella🤤同埋奶茶味，係新鮮即炸架，所以仲熱辣辣，加左糖係表面好邪惡😜已經即刻想試，建議大家都係即日食比較好🙂Nutella 醬真係無得輸，好濃既榛子味🤤相反奶茶口味就比較普通，醬比較稀，甜味蓋過茶味😅都想試開心果白朱古力，下次試吓先…查看更多

曾品嚐過「Dough Bros Pizza & Doughnuts」的 Pizza 太感滿意及驚喜，今天於外賣平台點選其招牌冬甩及脆脆雞一試究竟；準時準點送達，包裝完好-🔹Doughnut $98/3個點選港式奶茶、榛子可可醬及開心果白朱古力，配肉桂糖冬甩面裹上薄薄的肉桂糖，惟肉桂味道未算出眾；外層輕脆，內裡鬆軟，口感不俗港式奶茶味道未算濃郁，無論奶及茶味均較淡薄；榛子可可屬穩陣之選，開心果白朱古力開心果味道同樣不重每一個口味皆做到爆漿效果，質感順滑細膩，甜度不高，但未算驚喜，價錢略高-🔹BRO'S 脆脆雞 $108/10件加配蒜蓉及香草醬 $10每件脆脆雞的體積比麥樂雞略大，做到皮薄肉滑又多汁，味道調得恰到好處，蘸上濃稠的蒜蓉及香草醬好滋味，有驚喜，惜定價太高，性價比一般…查看更多

Dough Bros Pizza & Doughnuts📍樂富聯合道198號樂富廣場A區UG2樓L232號舖好耐無嚟樂富，發現呢度啲舖頭變咗好多，原來仲開咗DOUGH BROS嘅分店🤤正呀！DOUGH BROS開咗好多分店，緊有一間喺左近咁呀😋DOUGH BROS所有食物都係即叫即整，夠晒新鮮熱辣。佢哋嘅爆醬冬甩令人念念不忘，除咗有多款口味，連上面嘅糖都有得揀要白砂糖定肉桂糖。Pizza有唔同size選擇，醬料都好多種，DOUGH BROS 精選嘅醬料有招牌蒜蓉香草醬、獨特嘅黑松露醬、煙熏燒烤醬同甜辣醬。佢仲有一人餐，啱晒想獨食難肥嘅朋友仔🤭今次Pizza我嗌咗The Carbonara，芝士煙肉咸香、薄餅薄脆，呢個份量兩個人食啱啱好。冬甩就貪心啲，揀咗3件裝🤭自選3款口味，揀咗士多啤梨、柚子、Oreo，真係全部都用料十足，超爆漿😋揀肉桂糖嘅話會多一陣好香嘅肉桂味。…查看更多

呢間手工薄餅小店愈開愈多分店，而且價錢相宜，有時候簡簡單單嗌佢個一人餐都十分好食又飽肚💯🌼 Half n Half呢個自選合併薄餅叫咗BBQ醬烤肉+夏威夷口味落單之後喺櫥窗見到店員即整即烤Pizza，保證全部食物都係新鮮制作; 而佢嘅酸種餅皮超級有咬口每款Pizza都會送上招牌蒜蓉及香草醬，食嘅時候記得蘸！🌼香脆雞翼/脆炸雞翼配秘製松露蜜糖醬單骨雞翼炸到外脆內嫩，帶有微辣口感，好惹味🌼 蒜香牛油酸種波一開盒就蒜香味撲鼻😝酸種波超級煙韌🌼三款冬甩+肉桂糖螞蟻人必試呢款爆醬冬甩🍩糖霜有得揀普通白砂糖/肉桂糖我就揀咗肉桂糖加添香味，不過個人覺得糖霜灑得有點多🤭…查看更多

今次同朋友一齊嗌咗個分享套餐（3-4人），total $448，可自選2款Pizza 同3款Doughnutsヾ(●゜▽゜●)♡#### 1. The White King Pizza- **評價**：呢個 The White King Pizza味道係好食嘅，唯獨係Pizza鹹咗小小，鍾意配搭忌廉醬一齊食，食落無咁濟(*´･д･)#### 2. The Maui Wowie Pizza- **評價**：The Maui Wowie Pizza 嘅菠蘿同火腿好夾，甜中帶咸，味道獨特，食落去有種夏日嘅感覺( ﾟ∀ﾟ)o彡ﾟ#### 3. White Chocolate Pistachio Doughnut- **評價**：白朱古力開心果 Doughnut 偏甜，味道正常(≧∀≦)ゞ#### 4. Nutella Doughnut- **評價**：Doughnut內裡充滿濃郁嘅 Nutella，外層粉糖嘅甜味搭配得啱啱好，食完讓人心情大好！ρ(・ω・、)#### 5. Custards Doughnut- **評價**：Custards Doughnut 口感滑順，內餡嘅香蛋奶味道濃郁，外層嘅 Doughnut 軟綿綿σ(´∀｀*)…查看更多

姐姐🧍‍♀️放假，屋企人想食Pizza,揀咗Dough Brother第一☝️次試。app叫咗夏威夷🌺pizza $148同三個Donut(榛子🌰、oreo朱古力同custard)$98, app外賣自取，要25分鐘，搭shuttle bus落山啱啱皓，攞完就上返車。返到屋企凍咗，蕃茄pizza唔酸，有火腿腸同菠蘿，不過皮邊我食慣芝心，食返普通唔慣。Donut塞哂落個盒度，好彩都分到味，攞咗個custard試，都鬆化，cream好食…查看更多

夜晚去食pizza嘅時候，撞正大家食飯時間，超多外賣單，所以店員同我哋講大概需要等半個鐘。咁我哋就攞住個提示去附近行吓，點知可能行得太遠，個提示器原來失去咗聯繫，亦都唔知時間，大概九個字嘅時候我哋先返去。返到去個店員話響咗好幾次都冇回音，啲嘢食凍晒，我哋就話唔緊要，因為的確係我哋問題。點知個店員就話凍晒唔好食不如整過個，最初聽錯以為幫我哋放入焗爐焗一陣，整返熱，點知佢係成set從頭搓過，整多一份！收到嘅時候超級愕然，完全係有個免費pizza同兩個冬甩，原來佢仲以為我哋叫咗兩個冬甩！！！咁用心、真心想客人食得好嘅服務態度一定要比好評啦！希望佢哋長做長有好好生意！Pizza嘅質素就一定係好㗎啦！喺店裏面望住佢手搓薄餅即焗即食// Parma Pizza佢哋出名就係專用Sour dough酸種麵團去搓個Pizza餅皮，所以會特別鬆脆易消化、外脆內軟、唔會有食滯嘅感覺。Pizza嘅蕃茄醬加Parma Ham同火箭菜，能夠提供濕潤、鹹味、清新，係一個十分經典嘅Pizza配搭！另外佢特別提供咗啲Sour cream同自家製辣椒粉粒，超級推介食pizza嘅時候點埋，少少嘅酸可以解除膩感；少少辣可以提供多元味刺激感。小小嘅醬料，能夠令到經典嘅Parma Ham pizza與眾不同！// Biscoff Donut簡直係超正嘅甜品，冬甩外面可以揀肉桂糖或砂糖。內裏嘅Biscoff醬料冇得輸，一定係嗰個牌子嘅味道，鹽味焦糖味。本身嘅冬甩兩面都炸得脆，內裏包嘅質地十分鬆軟。…查看更多

樂富呢間應該轉咗手以前係啲印巴籍人士做職員 而家轉晒香港人 以前冬甩啲餡爆漿而家好孤寒 啲餡少到睇唔到 好過分檸檬嗰款 我爭啲以為佢比錯原味我$34一個冬甩完全唔值呢個價唔推介！…查看更多

傳聞呢間係一間比pizza 耽誤左既冬甩店，今次就試試佢係咪真。我地揀左一個pizza ，2個dount. Pizza 揀左truffle同sophisticated.(half half) Donut 要檸檬同泰茶.Pizza既Truffle 食落去有黑松露味的，基於我唔係太好黑松露，個味幾好的，咸度適中可以一試，如果係黑松露愛好者有機會覺得淡左dd. 不過總體黎講幾好食的。Sophisticated 睇個介紹得素食無肉，如果睇完覺得佢無料到唔好食，咁恐怕令你大受驚喜。呢個味食落去幾特別，唔識形容，但所有野包括芝士，洋蔥，紅椒同埋個醬出奇地夾，我覺得比黑松露更出色。諗唔到揀邊個好既話強烈推薦呢款.Donut 檸檬味幾好食，可能同個人鐘意酸味野有關，個味酸得黎又帶甜同檸檬香。Donut 質地正常，但覺得餡料小左dd. 泰茶普通，茶味唔係好夠，甜味比較重。整體上個價錢對得上質素，行開又諗唔到想食咩可以試下呢間Ps 私心推薦sophisticated！！！…查看更多

Ordered a pizza was told it would take 25 minutes and given a pager to collect food when it is ready. Waited 50 minutes and still no page on the pager. Went to counter to check it was ready all along. Understanding it was busy but pizza was ready and no staff to page customer the pizza was ready until check. Also notice one of the cook was taking out cardboard trash and was using their large pizza flipper to keep in from falling. Wouldn’t go back there. …查看更多

一路拎番屋企已經聞到好香… 阿媽本來唔想食Pizza, 但係食完一件又一件，完美解決咗今晚本來要我煮飯嘅煩惱 😂. 而且素食選擇多，又有特色，一般肉食餐廳只係hae住出兩味敷衍選擇，而且用料一般仲要收貴啲😠 出餐亦快，大約10分鐘（預計15分鐘）。阿媽話個紅椒Pizza 酸酸地好好味，個黑松露Pizza 有好多黑松露⋯⋯ 樂富以往嘅素食餐廳全部都結業收場，雖然你唔係全素食，但希望你生意興隆！可以一路做落去！💪唔好意思，掛住食，唔記得開餐前影相…😅…查看更多

8月2號晚上面經外賣平台叫了一個2-4人餐，怎知送來卻少了一個Pizza。呢個餐係包括兩個Pizza，三個冬甩，及兩杯飲品。通知店主少了一個，他們不承認，及不肯送回給我。推說是外賣平台問題。這是我第一次叫外賣所遇到的極不快樂的事情！大家叫這間店要小心…查看更多