Dirty Skillet

營業中

休息中

中午在這兒吃午餐，每度菜，非常好昧。餐廳職員好貼心，推介的食物，有特色。我最愛吃炸墨魚條。好彈牙。還有，餐廳環境，好舒服，好多位置，可以拍照留念。到筲箕灣，不要錯過這餐廳。

呢日黎到筲箕灣呢間Dirty skillet, 入到黎就覺得好岩打卡~ 裝修得好靚!我地叫左一個homemade won ton, 鐵鍋牛骨髓燉飯, 我地仲左個芒果拿破崙做甜品添! 野飲就叫左個fresh grape apple yogurt soda 同埋一個dragon hat!Homemade won ton勁正, 擺盤靚得黎又好食, 真係好脆卜卜, D 餡又夠多! 鐵鍋牛骨髓燉飯好誇張, 店員會係張枱隔離炒, 炒到好香好吸引, 而牛既份量超多, 食極都仲有, 呢個燉飯既份量真係好多, 4個人食都得! 芒果拿破崙好吸引, 因為係朋友既生日, 事先落定order叫店員加happy birthday! 完全係做到冇甩碌! 賣相勁好,又好食! 朋友超開心!

筲箕灣有間裝修得好得意嘅西餐廳，好似去咗遊樂園一樣咁，除咗佈置好有趣之外，嘢食都一流，有好多選擇揀，飲品都好得意，有酒精同非酒精飲品😌意大利風腿芝士焗西蘭花山 🥦 呢個西蘭花真係超大個，成個用芝士焗真係好好食，保留返西蘭花原本個樣😛 佢仲有啲意大利風腿點綴，少少鹹鹹地幾好食🤗脆皮德國豬手伴酸紫椰菜及自家製蘋果醬 🐷 食豬手一定要係食德國豬手，個皮整得好脆口，好似去咗德國咁咁正宗，當然肉質都唔錯啦😌 仲配埋自家製蘋果醬甜甜地嘅開胃 🍎 震震下梳乎厘奄列 🍰呢個係佢嘅招牌甜品，好適合生日同朋友過嚟慶祝，梳乎厘真係超大個，咬落去好鬆軟，又唔會太甜，值得一試😍Duck Island 🦆 個可以揀酒精或者飛酒精，都係一個比較清新嘅選擇，有菠蘿青檸味啱晒夏天飲 🍍 Fresh Grape & Apple Yogurt Soda 🍹呢個青提蘋果乳酪梳打幾好飲，甜甜酸酸幾唔錯，仲有好多提子可以食添 🍇

Dirty Skillet筲箕灣筲箕灣道393號形薈地下G12號舖經開筲箕灣，老友推介高質fusion西餐，環境舒適，食材新鮮，果然冇介紹錯。😽日式鐵鍋牛骨髓、鵝肝、雞蛋、牛柳飯大廚準備了主菜，現場即炒，加了紫菜、香蔥、香草和粟米提升層次，牛骨髓的精華融入飯中，香氣四溢。鵝肝口感鬆軟，鵝油豐富，牛柳五成熟，肉汁豐富，口感嫩滑，飯底焦香味濃，大滿足！😻BURRATA CHEESE PIZZA大廚選用了頂級的水牛芝士，奶味香濃，口感嫩滑，Parma Ham 口感煙韌，鹹度適中，面層加了酸酸甜甜的意大利香醋，好有層次，餅底香脆煙韌，推薦！🤤特色炸茶樹菇蛋黃醬即叫即炸，炸油新鮮，又香又脆，茶樹菇夠 juicy，配 Creamy 蛋黃醬好快畀我清哂。😋Baked Alaska Fire Dessert侍應加了酒精，烤香了面層的忌廉，內層是香甜的果仁雪糕，配藍莓、士多啤梨和龍珠果中和甜味，好Chill。😍菠蘿帽子原塊焦糖菠蘿，配雪碧和菠蘿汁，攪勻飲，好 fresh。😚台灣水果茶新鮮番石榴、青檸和橙，茶膽香濃，甜度適中，飲完好舒暢。😺Dirty Skillet 環境舒適又夠Chill，食材新鮮高汁，

我媽又襯我返學同朋友去食好嘢，話下次一定帶埋我同爸爸去食，餐廳環境夠晒闊落採光度十足，中間係旋轉木馬造型座位好夢幻，Menu以漫畫形式設計，盡見心思係呢個咁靚嘅環境下梗係要食個二人份Tea Set☕✨沙樂美腸意大利包意大利包用牛油烘過好香口，清新蕃茄仔同紫生菜火箭菜平衡沙美樂腸嘅油脂感，沙樂美腸鹹香味令整個包味道昇華✨煙三文魚青瓜吐司3種唔同質感嘅食物，柔軟煙三文魚、脆卜卜吐司同爽脆青瓜，味道幾夾✨脆墨魚條配泰式辣醬微脆外皮包住軟彈墨魚滑同爽口墨魚肉，蘸泰式辣醬好惹味✨迷你安格斯牛肉漢堡漢堡包脆得嚟鬆軟，夾住蕃茄生菜仲有Juicy安格斯牛肉加埋微甜黑椒酸辣汁，好好味✨蒜香牛油雞翼皮脆肉嫩，但蒜蓉味唔係好食到✨芒果拿破崙一拎上手已經感覺到有幾脆，香甜芒果加自家製吉士醬整體嚟講甜而不膩，我媽唔太鍾意食拿破崙都話呢度出品唔錯👍🏻✨法式歌劇院蛋糕 層次分明嘅蛋糕，海綿蛋糕好軟熟，食到咖啡濃郁嘅香味✨藍莓忌廉芝士撻呢個味道就好似食緊藍莓芝士蛋糕咁，分別係呢用酥脆餅底✨Pineapple Hat有原塊燒焦糖菠蘿係杯頂果然似一頂帽，雪碧加菠蘿汁夠醒胃，仲有少少爆爆珠喺底，多一份口感✨Dirty Co

特色主題餐廳豐富嘅下午茶餐環境食物餐具好吸睛All Day Breakfast $99 炒蛋薯餅豬肉腸煙三文魚啡菇車厘茄意大利包以上都係我喜歡嘅 All Day 配搭特別要讚係啡菇車厘茄，煮得恰到好處Beef Burger $99 麵包烘得外脆內軟，薯條香脆有薯味手打漢堡牛味濃，但有點乾同柴配埋溶岩芝士同隻煎蛋增加口感層次同滿足度焦糖洋蔥同個sauce 好加分 將成件事連繫左 Dirty Cookies ＆ Cream 原價$58 (跟餐半價)面層 朱古力醬同Cream好好食底層 朱古力牛奶沙冰好好飲天氣熱遇到真係爽，但又要留意敏感牙齒出現餐廳好適合打卡，慶祝聚會，筲箕灣少有嘅特色餐廳

筲箕灣呢一間多國菜餐廳嘅裝修非常得意，充滿住好多歐美童話風格嘅圖案同裝飾，俾人感覺好似置身於童話世界，非常適合喺度影相打卡。餐廳嘅菜式都相當吸引，以下係我推薦嘅幾款美食：### 蟹粉焗有殼扇貝伴忌廉薯蓉（3隻）扇貝新鮮多汁，焗到金黃嘅表面香脆可口，搭配滑順嘅忌廉薯蓉，一啖食落去超過癮！### 日式鐵鍋牛骨髓、鵝肝、雞蛋、牛柳飯呢個飯絕對係又好食又好睇，服務員會在客人面前現炒，過程中香氣四溢，未食已經流曬口水。牛骨髓的濃郁口感與嫩滑的牛柳搭配，加上鵝肝嘅香味，好邪惡但係真係好好食。### 熱台式水果茶呢個熱水果茶果味十足，好適合用嚟解膩。飲落唔會太甜，平時唔鍾意飲熱飲嘅我都忍唔住飲多兩杯。### 青提蘋果乳酪梳打呢杯嘢飲都係好適合用嚟打卡，上面用青提子鋪到一座山咁，青提蘋果同乳酪梳打嘅結合出乎意料嘅夾，推薦大家試下。### 芒果拿破崙層次分明嘅酥皮同香甜嘅芒果內餡，口感超好！特別嘅係，底部有一個轉轉音樂盒，童話感十足，非常適合打卡放ig。Dirty Skillet係一間充滿特色嘅餐廳，非常適合一家大細過嚟食，一邊享受美食嘅同事可以欣賞下佢哋嘅裝飾，快啲帶埋你嘅朋友過去試下啦！

偶爾經過形薈發見，在筲箕灣區，很少見到如此充滿夢幻色彩的餐廳今日特地同朋友來打卡午餐相信很多來用餐的食客，都是被餐廳的佈置所吸引而來餐廳環境雅緻，很多打卡位坐位寬敞舒適，靠窗位可望街景，12點半人流漸多，食客大都是OL，融融細語，不喧嘩嘈吵價格略貴，筲箕灣區少有收加一两人分別叫了一個全日早餐及鐵鍋蒲燒鳗魚，珍珠米飯食味不錯，但不算太突出包餐飲總結：餐廳環境食物質素👌

Spectacular😋😋 隱世名廚做的嗎？怎可以如此美味?! 事先聲明：我沒有收取任何用餐款待或試食優惠架😌製作時間耐一點也值得😊 焗酥皮三文魚批超讚👍🏻👍🏻脆脆的酥皮包裹著一層濃香的芝士菠菜，中心的三文魚既不腥又不柴，又滑又熱，值回票價👍🏻海鮮飯也不弱，大蝦、帶子、魷魚、蜆、青口…每樣海鮮都很新鮮，每口飯都吸收了滿滿的海鮮汁，還有還有….熱呼呼的👍🏻配以芒果熱情果特飲，正😋餐廳環境寛濶，落地玻璃增加空間感，舒適開揚，環境餐具也衛生乾淨👍🏻

▫️一入到去就少女心爆發嘅旋轉木馬主題餐廳💖 餐廳中間位置有旋轉木馬造型座位，仲有多款打卡able野食🥰 岩晒閨蜜們黎打卡或者約會慶祝😚🦀 蟹粉焗有殼扇貝 伴忌廉薯蓉 $138▫️期間限定嘅蟹粉menu！扇貝好大隻，好多蟹粉好香🦀 仲有香水樽裝住醋，滴落去好有儀式感🤣🧀 火焰芝士配杏脯醬 蒜蓉意大利包 $98▫️店員係面前煮，啲火燒得勁高好震撼！芝士加左杏脯，熱溶再加落蒜蓉包到食真係超邪惡😈🐷 脆皮德國豬手伴酸紫椰菜及自家製蘋果醬 $288▫️豬手好大隻😆 烤得好脆身而肉質依然軟滑，店員仲會幫手切好～ 配上蘋果蓉同紫椰菜仲可以解膩😛🥗 凱撒沙律 $78▫️為左食多啲菜！清新爽甜😋🥭 芒果拿破崙 $78▫️放上旋轉木馬碟上超有驚喜🤩 仲識播音樂好有feel😂 拿破崙好酥脆，芒果又夠甜好好食🥹 仲可以寫上祝福字句，慶祝一流🥳🐉 Dragon Hat $58▫️靚到唔捨得飲😂 火龍果加菠蘿汁，幾fresh唔算太甜🍍🍪 Dirty Cookies & Cream $58▫️係cookies & cream沙冰，吱左滿滿嘅cream，鐘意cream嘅朋友實勁開心😂🫖 Taiwanese Fruit Tea $5

裝潢色彩繽紛，吸引人又有打卡氣氛，棒，食物質素亦很出色。環境有故事感覺，旋轉木馬作裝修主題，有用心思，杯杯碟碟很繽紛。日式鐵鍋牛骨髓，鵝肝飯首先將牛骨髓混入米飯入面炒，加上香濃之雞旦，紫菜絲和牛柳，最後煎香鵝肝。滿滿牛骨髓油香，啖啖滿滿香氣和牛柳肉汁，鵝肝感覺嫩滑，豐腴口感，滋味無窮，邪惡又美味Fresh Grape & Apple Yogurt Soda 效果美味，提子做出了花花。Pineapple Hat酸酸甜甜很開胃，清新中帶甜味，非常不錯鮮梳乎厘厚班戟朋友生日之分享，最愛吃，即叫即做甜品。精緻之半熟梳乎厘厚班戟配新鮮藍莓。朋友很喜歡，大叫美味呢，甜品碟放上一個會旋轉木馬裝置，播住生日歌，棒吃著甜品，人也變快樂，魔幻感覺呢

一早睇中呢間餐廳，趁朋友生日特登book嚟慶祝，只可以講句喜出望外。成間餐廳好fancy, 舉起手機處處都係打卡位，server態度親切服務周到，食品飲品都係睇得又食得。 ✦ 墨西哥脆餅配四川麻辣手撕雞 Taco Sichuan Chili Shredded Checken HKD78 ✦非常夾嘅fushion菜式。微辣嘅手撕雞配上脆卜卜嘅taco皮，加清香牛油果醬同毫不吝嗇嘅生菜。酸酸辣辣，味道好平衡，份量好充足。超級開胃。 ✦ 秘製Dirty屠夫牛扒 Dirty Steak HKD398 ✦開完胃就要食大餐。睇餐牌話選用咗美國牛嘅罕有部位，經蔬菜整晚醃製，慢煮十二小時再烤製。果然，五成熟嘅牛扒，肉心微微帶粉紅，外皮烤得啱啱好。肉質鮮嫩，簡單調味已經感受到滿口肉香。另外配菜都好有心機，熱辣辣嘅粗薯，加大大粒烤蒜。特別想讚粒烤蒜處理得好唔錯，外皮微焦、內部柔滑，好好解膩。 ✦ 震震吓梳乎厘奄列 Fluffy Souffle Omelette HKD118 ✦最surprise係呢個Souffle(!) 放喺播住生日歌嘅迴旋木馬上面，朱古力手寫靚靚happy birthday, 夢幻感u

這家店位置方便，地鐵站幾分鐘可到。餐廳環境舒適美觀，裝修，裝飾都有點少女風。無論主菜飲品，甚至餐湯沙律，所有食物擺盤精美，令人賞心悅目。星期六中午也有中午套餐，那天點了鱈魚意粉和豬鞍扒，意粉質地彈牙，份量足，醬汁豐富，而醬汁內亦含有鱈魚粒，有點驚喜。豬鞍扒熟度剛好，肉質嫩，與燶邊脂肪同吃非常美味。加$35就可以選餐湯或沙律和$58以下的特飲。餐湯那片香草麵包的質素也很高，沙律份量不少，加了幾片巴馬火腿，感覺滿足。台式果茶正常發揮，熱飲的開心選擇。整體非常有驚喜。唯一小缺點可能是店內沒洗手間，要借匙卡往商場樓上的洗手間，如果下雨會稍有不便。

Dirty Skillet筲箕灣有間打卡一流的餐廳,餐廳位於港島筲箕灣筲箕灣道393號形薈地下,餐廳裝修族新,夢幻童話設計,任何一個角落和食物都適合打卡,餐廳主打多國菜,服務員招呼熱誠有禮。前菜炸茶樹菇廚師用椒鹽炸茶樹菇,第一次食有意的驚喜,微鹹,食落香脆,越食越惹味。主菜袋布水牛芝士薄餅上桌後服務員隨即切開袋布芝士,分佈在每件薄餅上,袋布芝士味微濃,配埋濃味的辣肉腸和火腿,加埋煙煙勒靭的餅底,口感和味蕾非常豐富。蟹粉焗有殼扇貝伴忌廉薯蓉(3隻）扇貝下面有忌廉薯蓉墊底,表面有蟹粉,蟹粉提升左扇貝的鮮味,三種味道和口感在口腔內爆發。甜品震震下梳乎厘奄列上桌一大驚喜,生日必叫的梳乎厘,外型會旋轉木馬,上面剩載著巨大的梳乎厘,寫埋happy birthday和點著一支蠟燭,仲會發出音樂,梳乎厘食落有香濃的香味。飲品台式水果茶水果茶內有菠蘿粒,香橙和菠蘿,香濃嘅茶包配埋新鮮生果熱飲開胃消滯。芒果青檸梳打上桌好搶眼,廚師張半個芒果製作成一朵花放在杯頂上,鮮甜芒果再加青檸梳打酸酸甜甜好醒。

呢間餐廳有多款午餐套餐，$88起。我同朋友一人叫咗一個set，再加咗甜品同特飲。我叫咗個「手切美國板腱牛肉番茄湯米通粉」($88)，個牛肉切得幾薄，但係唔會韌，而且好嫩滑！番茄湯底酸酸甜甜，好開胃，米通粉淋身吸湯味。配埋煎蛋同牛角酥，一個set已經好飽肚！朋友叫咗個「蜜糖燒厚切煙肉、炒蛋、裸麥飽」($88)，佢話個煙肉燒得脆卜卜，蜜糖味又夠香，炒蛋都幾滑，裸麥飽口感紮實，配埋一齊食，味道幾夾！我哋兩個都加咗$35叫咗特飲，我揀咗椰子咖啡，朋友揀咗菠蘿特飲。椰子咖啡咖啡味濃郁，帶有淡淡嘅椰子香味，幾特別！菠蘿特飲就酸酸甜甜，好解渴！最後，我哋仲加咗$48叫咗個芒果拿破崙，酥皮鬆脆。