Daap

最近朋友生日 帶左佢去中環Daap慶生🎉🎉餐廳座位以吧枱為主 可以欣賞主廚準備食物而且餐廳食物款式特別 創新 擺盤又精緻吸睛當日朋友食完都覺得好滿意\ 🌰烤栗子湯配香煎羊肚菌 /個湯飲落好香滑 有好濃既栗子甜味 🌰🌰而又帶有堅果香氣 飲完非常暖胃湯裏面嘅羊肚菌🍄‍🟫 事先香煎過🔥 咬落去外皮有少少微脆 入面依然保持到菌類特有嘅韌勁同彈牙口感非常好 而且羊肚菌本身就好索汁將成碗栗子湯嘅精華全部吸收令味道同層次更加豐富🆙🆙🆙\ 🦪 辣菜脯日本蠔仔肉鬆意大利飯 /飯身煮得好creamy 日本蠔仔細細粒但非常鮮味最特別係入面嘅辣菜脯 鹹鹹地又有少少辣食落去口感好豐富 非常有驚喜 😋😋\ 🐮澳洲穀飼和牛腱扒配豆豉牛油汁/牛腱扒厚身 煮得啱啱好 食落好淋 最特別係佢個醬汁 估唔到豆豉同牛油可以咁夾 鹹香得嚟又好惹味 新奇但又好食嘅配搭🤩🤩***Daap菜式有創意 將熟悉既本地味道 好似菜脯同豆豉 融入西餐入面 而且效果出奇地好 食完更有高級既滿足感 值得一試…查看更多

# 【食評】中上環後街驚喜小店 —— Daap 今日陪媽咪行街，行到中環想搵間地方輕鬆食個 lunch，無意中入咗一條靜靜地嘅後街，見到呢間好有型嘅小餐廳 **Daap**。門口唔大，但一望入去就feel到氣氛幾chill幾舒服。 我哋差唔多兩點先到，以為應該好易入到，點知佢 full booking！仲有幾個客喺門口等位。最後我哋好彩比人叫入去坐吧枱位，近近地就見到主廚忙到冇停手，但個樣又好冷靜。 ---## 🍞 前菜 我哋兩個都揀咗唔同前菜。 **焗栗子湯配羊肚菌** 呢個真係驚喜位！栗子味香濃，焗完出嚟有層焦香味，質感又滑。平時飲開忌廉湯飲到怕怕地，呢個版本又特別又唔膩。羊肚菌加落去提升咗香氣，食落仲有少少菇嘅回甘。擺盤超靚，睇得出用心。 **皮蛋檸檬酸汁冰菜沙律** 呢個配搭一睇就好創新。冰菜爽脆，皮蛋香滑，配埋檸檬酸汁非常開胃，齋食都唔覺悶。份量唔少，兩個人share都OK。 ---## 🍝 主菜 媽咪嗌咗 **澳洲和牛配豆豉牛油汁**。 呢個組合一開始聽都覺得好特別，原本以為會唔夾，點知超出期待。豆豉味淡淡地滲入牛油香入面，反而幾搭。牛本身火候控制得幾好，中間保持嫩粉紅，邊位微焦，香氣十足。只係尾段有啲位置稍韌，不過整體仍屬高水準。 我就揀咗 **阿根廷紅蝦配蝦醬手工意粉**。 紅蝦肉爽甜，師傅幫我哋全部剝晒殼，食落好方便。醬汁入味得嚟唔 heavy，啲蝦醬香但唔鹹。手工意粉偏厚身啲，咬落有彈性，口感一流，估唔到咁細間鋪都可以做到咁認真。 ---## 🍋 飲品 嗌咗兩杯凍檸茶，表現中規中矩，唔算特別，但勝在解膩同清新。 ---## 🧑‍🍳 小店氣氛 其實最令人佩服嘅係個主廚全程一個人 handle 全場，吧枱位睇佢由前菜到主菜全部親手整，速度唔算快但井井有條。佢會不停擦檯、整潔廚房，睇到真係 respect。味道保持一貫高水準，完全見到佢用心。 ---## 💰 價錢 兩個人 set lunch，埋單 **$537（連加一）**。 以中上環呢啲地點，加上質素、服務同環境，我覺得性價比好高。 ---## ⭐ 總結 - 氣氛舒服，適合同朋友或家人輕鬆坐一餐 - 每款食物用料真材實料，調味準確 - 主廚專業又細心，睇佢煮嘢都係享受 - 栗子湯、紅蝦意粉超推介 👉 如果鍾意食手工意粉或者鍾意試啲特別 fusion 菜式，**Daap** 絕對係中上環區值得試嘅高質小店。無論味道、氣氛定價錢，都令人食完有驚喜，有溫度。…查看更多

「Daap」位於中環永吉街，這家餐廳近兩年有多人氣，相信都不用多介紹，由曾任多間米芝蓮餐廳，有多年豐富的入廚經驗大廚主理，無論在食材挑選和菜式方面，都非常有創意，保證你用平民價錢，就可以食到驚喜創意料理🫰今日同朋友星期日嘅午市嚟到朝聖，都一樣係座無虛席，每位客人都期待Chef 的一人表演，他號稱啦全香港最忙碌的廚師，一個人同時招呼咁多位客人，都可以準確無誤，而且好快出餐，現場所見所有食材都係即點即整，真係好有水準👍✨烤栗子湯配香煎羊肚菌整晚MVP，烤過既栗子打溶之後，味道特別香甜，入口有濃郁奶香，再配上煎過的羊肚菌及松露油，我只能說一句「好·有·驚·喜」✨冰菜皮蛋咸檸檬甜酸汁爽脆嘅冰菜好有口感，配上港式風味的溏心皮蛋和醬汁非常特色，有點像飲緊鹹檸檬蜂蜜咁，整個組合酸甜清爽，令人好開胃✨脆皮三黄雞卷配芝麻人参汁現場睇住件三黃雞卷入焗爐，焗完Chef切開嘅時候見到流晒雞汁，已經流口水，雞卷雞皮香脆肉質鮮嫩，而且有濃濃嘅雞味，而且仲有煎過嘅蔬菜，配上濃郁嘅芝麻醬汁，意想不到咁夾，味道超出色✨慢煮黑毛豬黑松露印度長米焗飯好有誠意，個飯都係睇住印度米由生米煮成熟，厚厚嘅黑毛豬扒喺我面前煎香，再加上芝士和乳酪，放入焗爐焗香，再加上我最愛嘅燶邊太陽蛋和細香蔥，上枱嘅時候香到黐線，食嘅時候首先要篤穿個太陽蛋黃，撈勻落啲飯度，連埋豬扒一啖食入口，肉質軟腍彈牙，印度米飯特別煙靭，醬汁難以形容咁好食，都係嗰句一定可以驚艷到你🫰✨自家製酸種菠蘿包配奶茶雪糕冰火交融嘅甜品，菠蘿包焗到熱辣辣，菠蘿皮酥脆麵包鬆軟，包住冰凍嘅奶茶雪糕，港式情懷好味道…查看更多

今次嚟到位於中環創意fusion餐廳daap，餐廳以綠白為主調，座位以吧枱為主。高質中西fusion菜色大受食客歡迎，長期都係中環人氣餐廳之一，中午時間更加係座無虛席。餐廳由主廚一人主理，主廚Luke曾經喺多間米芝蓮餐廳工作，糅合咗多國風味菜式同埋使用中西食材，餐廳採用開放式廚房，可以睇住主廚嘅烹飪藝術，每款嘅fusion菜式都非常創新。頭盤烤栗子湯配香煎羊肚菌入口順滑，烤栗子嘅甘甜味道同香煎羊肚菌嘅香氣完美結合，味道非常濃郁，湯底更帶有奶香，加上橄欖油，提升咗湯底嘅香氣同埋層次感，令人回味無窮。主菜澳洲穀飼和牛板腱扒配豆豉牛油汁主廚主理嘅牛板腱火喉控制啱啱好，外層煎至焦香，仲帶有香脆口感，內裹非常嫩滑，中間肉質粉紅色好Juicy，口感帶有少少嚼勁，而牛板腱扒用上澳洲穀飼和牛，牛味好濃郁，配上豆豉牛油汁，味道鹹香，味道好特別，有解膩嘅作用。甜品自家製酸種菠蘿包 配奶茶雪糕最後嚟一道非常港式嘅甜品，酸種菠蘿包外脆內嫩，溫度微暖，配上冰凍嘅奶茶味雪糕，有冷熱交融嘅口感，雪糕嘅奶茶味好濃郁。Iced lemon tea其他客人點嘅菜式，幾精緻。…查看更多

餐廳位於中上環小街內，位置較為隱蔽，食物質素出色！我同朋友試咗佢嘅午市套餐，十分滿意。Ice Plant, Preserved egg, Chinese Salted Lemon Sweet Sour Sauce冰菜皮蛋鹹檸檬甜酸汁：冰菜爽口新鮮，醬汁特別，加了檸檬及皮蛋，惹味又口感豐富。Roasted Chestnuts Soup w/ pan-fried morel mushroom烤栗子湯配香煎羊肚菌：充滿栗子及蘑菇香！Crispy Skin Three Yellow Chicken Roll w/sesame ginseng sauce脆皮三黃雞卷：雞肉嫩滑，皮脆；芝麻醬汁香口惹味。Argentinian Red Prawn (3 ways) Pasta阿根廷紅蝦蝦醬蝦乾手工意粉：非常喜愛佢嘅醬汁，充滿蝦味，意粉亦al dente 。Freshly baked Sourdough Pineapple Bun w/ milk tea ice cream自家製酸種菠蘿包配奶茶雪糕：香脆菠蘿包，配上奶茶味雪糕，我同朋友都好喜歡。…查看更多

今日和朋友在上環DAAP共進午餐，主廚Luke化身為味覺魔術師，把熟悉的食材變得出乎意料，令每道菜都充滿驚喜與創意。首先登場既係冰菜皮蛋咸檸檬甜酸汁，冰菜的爽脆與皮蛋的咸香形成鮮明對比，咸檸檬的酸香與甜酸汁的平衡，讓人瞬間胃口大開。緊接著既烤栗子湯配香煎羊肚菌，湯底打得綿密香甜，栗子的溫潤與羊肚菌的焦香互相交織，帶來一種秋日的厚重感。主菜方面，澳洲穀飼和牛板腱扒配豆豉牛油汁是亮點之一，和牛肉質細嫩，肉香入口衝擊味蕾，豆豉牛油汁咸香濃郁，既有西式牛排的優雅，又帶著中式靈魂的深度。另一道慢煮黑毛豬黑松露印度長米焗飯，米粒分明，黑松露的幽香與黑毛豬的獨特風味，口感奢華而不膩，令人一口接一口。壓軸登場的甜品係自家製酸種菠蘿包配奶茶雪糕，菠蘿包焗到外脆內軟，夾住香滑既奶茶雪糕，既懷舊又創新，完美呼應香港的飲食文化。這一頓午餐，不僅是味蕾的享受，更是一場魔術表演，將傳統與創意融合，讓人沉醉其中。…查看更多

這間中環「daap」主題餐廳主打創意Fusion菜式。前菜冰菜皮蛋沙律，菜葉爽脆帶微鹹，配皮蛋味道又唔錯😙栗子湯配羊肚菌香滑濃郁，入口有明顯鮮甜栗香👍主菜選了烤犬牙南極魚鮫配白蘿蔔扒蝦子味啥荷蘭汁….魚鮫焗得皮脆肉厚，魚肉細膩嫩滑，蘿蔔伴碟吸收了味噌荷蘭汁，味道鹹香中帶甘甜🤭🤭🤭阿根廷紅蝦蝦醬蝦乾手工意粉🍝醬汁夠濃，每啖都食到蝦肉鮮味，意粉口感彈牙👍甜品菠蘿包加奶茶雪糕，外脆內軟融合港式風味，不錯🥰🥰…查看更多

多謝朋友帶我黎既佢口袋寶藏茶廳係中上環既巷仔食到FINE DINE既口味,宛如巷弄中的職人茶廳，綠白簡約吧枱設計，融合中西創意菜，星期日大概1點半到已經有幾樣SOLD OUT, 而且幾乎滿座，建議早訂位。最佩服主廚全程一人操盤，從吧枱前菜到主菜親手把關，井井有條，還不忘擦枱清潔廚房，宛如現場表演，職人精神滿分，讓人看得入迷。開胃推焗栗子湯配羊肚菌：栗子焗出焦香濃郁，滑順不膩，遠勝忌廉湯；羊肚菌添菇香回甘，擺盤精緻用心，絕對驚喜位！主菜阿根廷紅蝦配蝦醬手工意粉：紅蝦甜美爆汁，醬汁入味不重，蝦醬香而不鹹；厚身手工麵彈牙一流，小店認真度超標。壓軸澳洲和牛配豆豉牛油汁：神來之筆，伴碟油麥菜香港味十足，豆豉淡淡滲牛油香，意外搭襯；牛肉中嫩粉紅、邊微焦，火候香氣完美。…查看更多

聽朋友講呢間小店味道出色，價錢合理今日經過上環，順便黎食個lunch週末有set，包一個appetizer 同mainOpen kitchen 所以郁係圍住chef坐，全程睇住chef煮👍前菜我同朋友都要左烤栗子湯配香煎羊肚菌，因為聽講呢個最出名，本來覺得栗子湯會好膩，但呢個完全唔會，飲落去都幾驚艷，用烤過既栗子打成，香甜而不膩，飲落順滑creamy，配上羊肚菌，蔥粒同忌廉點綴，令味道更上一層樓，會為左呢個湯而encore!澳洲穀飼牛板腱扒配豆豉牛油汁牛板腱熟度剛好，完成唔會韌，牛味突出，豆豉牛油汁又幾特別，好fusion既感覺，本身唔太好豆豉，但呢個汁同牛又幾夾！阿根廷紅蝦蝦醬蝦乾手工意粉紅蝦好彈牙爽口👍份量都唔少，手工意粉夠煙韌，係我鍾意既口感，而且好掛汁，啖啖鮮味！…查看更多

- 冰菜皮蛋鹹檸檬甜酸汁 — ★★★★☆ 冰菜爽脆多汁，帶輕微鹹冰感；皮蛋滑而不腥，口感同香氣處理得乾淨。鹹檸檬甜酸汁酸鹹拿捏到位，收口清爽醒胃，作為開胃前菜好稱職。- 烤栗子湯配香煎羊肚菌 — ★★★★☆ 湯身呈絲滑質地，烤栗子帶煙燻堅果香，甜度自然不膩。羊肚菌煎到乾香，菇香同油脂感與湯底相互呼應，口腔留香耐飲。- 犬牙南極魚鮫配白蘿蔔扒蝦子味噌荷蘭汁 — ★★★★☆ 魚鮫煎封均勻，外層微脆、內裡油脂豐厚而無腥；白蘿蔔扒到入味，仍保留清甜同水分。蝦子味噌荷蘭汁屬創新路線，鹹鮮與奶油感平衡得宜，帶微微海味回甘。- 澳洲穀飼和牛板腱扒配豆豉牛油汁 — ★★★★☆ 板腱五成熟火候準確，肉味濃郁且帶筋膜彈性，咬感滿足。豆豉牛油汁把中式鹹香同西式奶油感拉埋一線，與牛味並行不搶戲。味覺節奏更完整。- 自家製酸種菠蘿包配奶茶雪糕 — ★★★★★ 甜品壓軸最有記憶點。酸種麵包帶微酸麥香，外層菠蘿皮脆而不硬，糖粒感適中；奶茶雪糕茶韻厚、奶香順滑，融化後滲入麵包縫隙，像把茶餐廳靈魂升級重演。甜度拿捏剛好，食到尾都不覺膩。…查看更多

這陣子看到這間餐廳變了熱點想起早前去吃時，體驗確實是不錯的當時到訪前看一看Google review還心存疑惑因為好壞評語參半，深怕是只能打卡的餐廳想不到有驚喜!開放式廚房設計讓客人清楚看見每一道菜的製作過程由湯品到燒雞，食物質素都相當出色從來不太好栗子的我，竟然改變了我對栗子湯的看法滿滿earthy感美味，再加幾滴特級初榨橄欖油，香氣更提升不過真的要說的話，就是bone marrow份量有點少吃過澳紐餐廳的bone marrow總覺得在香港吃的都不夠油香肥美哈哈整頓晚餐體驗都很滿足!期待之後再來嚐一嚐新菜式…查看更多

🌱 前菜• 菜灑上脆皮蛋碎，佐以鹹檸檬製成的甜酸汁，口感層次豐富——冰菜自帶露珠清脆，皮蛋碎鹹香酥脆，鹹檸檬汁酸甜醒胃，完美融合新派與傳統風味！🍲 湯品法式濃湯・烤栗子湯配香煎羊肚菌• 法國栗子炭烤後磨成茸，加入雞高湯慢煮成絲絨質地，搭配鑲入雞肉慕斯的煎羊肚菌。湯面點綴焦化栗子片與煙燻乳酪碎，濃郁堅果香中透出松露油香氣，每一勺都是秋日風味的極致享受！🍗 主菜脆皮三黃雞卷 配芝麻人参汁$198：雞皮烤至玻璃脆，捲入野菌餡，醬汁用韓國人蔘+黑白芝麻磨製犬牙南極魚鲛：取自南極深海的「白色黃金」，魚皮烤至焦脆如紙，魚肉呈蒜瓣狀紋理，油脂豐潤帶淡淡堅果香• 白蘿蔔扒：將白蘿蔔慢煮3小時後煎香，模仿牛排口感，中心保持清甜多汁🦐 靈魂醬汁▫️ 蝦子味噌荷蘭汁甜品• 菠蘿包配奶茶雪糕：冰火組合，酥皮復刻茶餐廳版本🧊 飲品• 凍奶茶$25：nice hk taste• 凍檸茶$25：港式茶底，檸檬厚切片…查看更多

餐廳設計開放式廚房可以得到大廚一個人既忙碌既身影不停炮製唔同既菜式有條不紊 每一道都係匠心之作🫕烤栗子湯配香煮羊肚菌聞上去已紅香氣十足上面有忌廉 香草同橄欖油提味值得一提係微煎既羊肚菌增加層次感味道恰到好處🐤脆皮三黃雞配芝麻人蔘汁雞卷外脆內嫩 簡單既調味突顯雞既鮮味一般用黎配沙律既芝麻醬加上人蔘汁係加倍既濃郁🦐阿根廷紅蝦蝦醬蝦乾手工意粉意粉係個人最鍾意既寬身粉 非常掛汁紅蝦 蝦醬 蝦乾 既fusion昇華左蝦既鮮味依個粉絕對每次必點 🍮自家製酸種菠蘿包配奶茶雪糕冰火既配搭🧊🔥特別既係用香濃既奶茶雪糕 唔係一般既雲尼拿味🍨自家製包外皮香脆 軟糯好邪惡最多食完再減肥😈…查看更多

lunch booked but given a table next to toilet poor service and long waiting time for each dish to serve, it takes around 25 mins for the soup show on table (what a magic) and 30 mins for the main appears on table after finnish the soupeven menu have 3 soup for u to choice , but all are not available and forced u tk order cheaper soup , the chestnut over roasted and taste bitter, small is 2-3 small spoon onlymain chicken ..... disaster , too much japanese style sesame space, sweet and sour in month and the chicken roll is ....normal . too much seas make spice 原樽咁倒好難食，蓋過曬雞味when i want to order drink, all beverage aldy added sugar /syrup, all are pre made …查看更多

朋友轉左新工當然要賀一賀佢！中上環好多隱世小店，今日就黎依度搵食。Daap 睇個介紹，係一人主理既高質小店，當然要黎試下。 冰菜皮蛋咸檸檬甜酸汁 - 依個配搭相當開胃，冰菜爽口清甜，加埋咸甜酸汁非常過癮，加埋皮蛋又估唔到幾夾！唔錯。 烤栗子湯配香煎羊肚菌 - 依個高質！栗子湯好濃郁，好重既nuts 奶香味，飲飲下仲有朱古力既回甘。羊肚菌本身煎過味道都好出，好味！ 烤犬牙南極鱼鮫 配白蘿蔔扒蝦子味噌荷蘭汁 - 朋友同我都一致讚成依個魚鮫係超水準！烤到皮脆肉嫩，本身魚皮帶有少少脂肪，甘樣烤完反而好香。另外佢既白蘿蔔本身已經有調味，吃落完全無筋，真係好正，推介！ 潤腸肉醬蕃茄汁千層麵 - 本身好少食潤腸，但加落肉醬度又幾夾。潤腸既加入令個肉醬多左層次，吃落咸香仲多左陣香味呢！而麵條係相對粗身及彈牙，好掛汁，都好好味。 整體出品好滿意，而且坐bar 台可以近距離睇住大廚作業，真係有種現場版既黑白大廚feel。一定會再黎幫趁！…查看更多