Cull ’N Pistol Hong Kong (已結業)

傷心🥲今日突然間好想食burger，嚟到呢度坐低咗叫咗一個burger，點知waiter同我講埋晒happy hour叫咗啤酒，呢度happy hour比蘇豪東其他舖頭稍為貴少少，不過因為今日有promotion，生蠔$12/隻，所以尚算幾抵食生蠔好鮮甜，size OK唔會太細，太大我都唔鍾意🤣而且好似冇限住叫幾多隻🤔冇得食burger，揀嚟揀去都揀唔到食乜嘢結果叫咗Buffalo wings，算幾好食，多醬，夠辣佢嘅雞翼係單骨嘅，Menu寫係6隻，嚟嘅時候有10條，我搞唔清楚到底6隻係講緊12條單骨定係6隻完整，但係總之個數就唔啱啦，老實講，見你寫6隻，如果你俾單骨我覺得你應該俾返12條我…今日有被騙嘅感覺☹️…查看更多

【英倫風餐廳🏴󠁧󠁢󠁥󠁮󠁧󠁿，渡過good weekend｜龍蝦包🦞+青口，不快都溜走🌬️】推薦指數： 🌕🌕🌕🌕🌑*:.｡..｡.:*･*:.｡. .｡.:* ･*:.｡. .｡.:*･゜ﾟ･*📍HK #西灣河 - Cull ’N Pistol Hong Kong餐廳座落海邊🌊，加上開揚嘅格局，即使喺室內都感受到海風徐徐。加上嗰日去食個early din，唔算太多人，恬靜而舒適嘅氣氛真係難忘。尤其係最近好忙就更加令人懷緬呢種感覺(*´∇｀*)野食大大份，我嗌完野食之後waitress仲打趣問朋友自己打算食咩，好在無加XD！食物質素都唔錯所以評分係4/5，值得一試。【𝗥𝗲𝘃𝗶𝗲𝘄 食評 💬】◐ 龍蝦包配薯條｜9/10 $208 麵包搽咗好多牛油🧈再烘，開啓咗邪惡大門。加上龍蝦🦞肉量足夠，又唔算太碎，配上適量蔬菜。口感分明又滿足！點樣辨別薯條🍟嘅好與壞？大概就睇你同friend清有幾快，呢碟係7分鐘內就住都食曬，有triple cooked嘅感覺同埋好熱身！這是正式錄用的comfort food！💆‍♀️◐ 蒜香白酒忌廉汁青口鍋🥣 (1 lb)｜8.5/10 $168由於有得嗌2lb，所以開頭都有諗1lb會唔會唔夠，疑慮好快釋除！青口屬於中-大size，肉身幾juicy，忌廉汁都幾厚。食埋配上嘅幾塊麵包🍞就滿足了：）◐ 意大利芝士蛋糕｜7.5/10 $88酒味唔算太重嘅Tiriamisu，幾香奶味。份量足夠，兩個人share 都還可以！ 🍰◐ Strawberry Shakes🥤🍓｜6.5/10 $68 啲長輩好鍾意用”唔甜“去讚美甜品/本身suppose係甜嘅嘢，一直覺得呢句係廢話嘅我今日就有所感受喇。呢杯士多啤梨奶昔第一啖係可以，幾creamy，但有啲太甜。估計係液體嘅density嘅差距太大，最底嗰層糖水攪極都唔勻，搞到越飲越甜。最後我哋兩個人都飲唔曬一杯。。。。*･゜ﾟ･*:.｡..｡.:*･*:.｡. .｡.:* ･*:.｡. .｡.:*･゜ﾟ･*Cull ’N Pistol Hong Kong🥢 @cullnpistolhk🚶 西灣河站A出口步行約4分鐘📍 西灣河鯉景灣太康街55號蘇豪東A期地下GA1-3號舖🏷️地區：#laymao_西灣河 #laymao_SaiWanHo分類：#laymao_英式 #laymao_british*･･*:.｡..｡.:*･*:.｡. .｡.:* ･*:.｡. .｡.:*･゜ﾟ･*…查看更多

西灣河鯉景灣附近有個蘇豪東餐廳林立 今次就揀左其中一間西餐廳試吓揀左靠街外的位置 一邊飲酒食野 望住海景都好寫意不時仲會見到放狗人仕經過添叫左我最鍾意食嘅炸魚薯條份量好大炸魚個炸粉好薄身啲魚肉就好厚同埋好Juicy薯條超級香脆 加埋啲沙律中和一下個熱氣好refreshing虎蝦燴飯個虎蝦燴飯好大份兩隻虎蝦同個碟一樣咁大呀加埋西班牙辣肉腸一齊煮啲飯粒唔會好腍身 有返啲咬口蕃茄醬加埋煙燻紅椒粉 酸得來又有少少辣 仲帶有牛油香另外仲加咗蒜泥蛋黃醬 好開胃食炸魚薯條當然唔少得整番杯啤酒叫左 Yau - Bor Yau Lager 帶有麥香 唔會太苦 易入口更埋同海鮮好夾既Hipi Sauvignon Blanc 酸度較高 飲落帶啲花香味真係一個好chill 既體驗呀…查看更多

這間餐廳位於西灣河鯉景灣海濱 地理位置方便 半開放式設計令餐廳更開陽空間感十足🌅可以邊感受海邊情調邊欣賞以海鮮作主題的美食好有氣氛 好適合情侶或同三五知己來淺酌一聚🍻平日晚上有各式驚喜優惠都好吸引💯✨生蠔 Oyster $48每逢星期二及星期四新鮮即開生蠔有優惠🦪每隻只是$12😍要了4隻試試 不算好大隻不過都夠厚身 食落海水味重好鮮味 ✨慢煮豬頸肉松露馬鈴薯丸子 Slow Cooked Pork Neck & Truffled Gnocchi $178慢煮處理過的豬頸肉帶一絲絲口感👍🏻份量十足好足料🥔馬鈴薯丸子口感好煙韌 配上濃郁黏稠的芝士忌廉醬 整體配搭好特別值得一試🥰✨牛舌意大利飯 Ox Tongue & Zucchini Risotto $168牛舌鋪滿大碗好足料🥓厚切夠入味 口感軟腍柔軟 意大利飯加入意式青瓜及南瓜茸🥒帶有清甜味道味道清新不膩 口感夠creamy細膩😋✨西岸芝士牛肉漢堡 West Coast Burger $178牛肉漢堡有驚喜🍔要了medium的牛肉漢堡扒 煎得焦香重牛味又多汁🧀加上濃郁半融芝士無得輸🍟配菜有炸得熱辣辣好香脆的薯條以及酸甜清爽的沙律好豐富🥗✨焗芝士通心粉 Mac & Cheese $78以side dish加購性價比好高😍表面焗得焦酥 拉絲的芝士和奶油味道好香濃🧀還加入了煙肉碎 整體也不會太鹹✨意大利芝士蛋糕 Shore Tiramisu $88提拉米蘇的蛋糕底比較綿密入口即化🍰cream的奶香味濃郁軟滑 整體甜度適中😍咖啡味道不太重📍Cull ’N Pistol Hong Kong (西灣河)西灣河鯉景灣太康街55號蘇豪東A期地下GA1-3號舖…查看更多

假日食飯，想人少少，找個寧靜嘅地方。這一個地區很適合，旺中帶靜。我行到去呢條街嘅盡頭，見到依間幾合眼緣，就入去試下。可以坐路邊位置，天氣又唔太熱，非常舒服。Tiger Prawn Paella虎蝦燴飯，西班牙辣肉腸，番茄醬，煙民紅椒粉，蒜泥蛋黃醬，牛油。蝦係新鮮的， 燴飯非常掛汁，帶有辣肉腸嘅鹹香，又有番茄醬嘅鮮味。飯有幾個層次嘅味道好正。Mussels 青口鍋-香辣番茄醬青口算鮮甜，肉嘅大細都適中。有附送兩塊麵包點汁，完全可以吸曬醬汁的味道。飲品pineapple 菠蘿汁-小小酸，都唔錯。Cranberry蔓越苺汁- 味道有些似利賓納。…查看更多

西灣河海邊有間chill爆既英式餐廳餐廳入面座位闊落而且有半露天座位都好舒服先叫左starter開下胃Fish taco同埋帶子tacoFish taco魚柳新鮮熱辣辣，而且超大塊配番茄莎莎超match又唔會膩帶子taco 都好好食，因為配紫菜同番茄莎莎海鮮感覺更突出汁煮青口鍋青口份量多，而且粒粒飽滿個汁都好creamy送麵包好好食巴西盧魚柳配椰奶番茄燈籠椒個汁有小小似葡汁，椰味香配菜甜煎到脆口的盧魚味道再提升最後叫左duck &rice個名好個好簡單但其實材料豐富個飯係芫茜燴飯但唔食芫茜的我都覺好香好食鴨腿係慢煮，更加顯得又林又有鴨香加埋流心煎蛋，一啲都唔簡單…查看更多

今日同屋企人想係海邊食下野，吹水，黎到蘇豪東區食飯，貪呢度環境靚。我地叫左1️⃣oyster 4隻💰48生蠔做緊優惠，每隻💰12，都幾抵，食落海水味重，都幾大隻、厚肉，12黎講好抵食👍👍2️⃣clams half(white wine)💰168白酒🍶煮蜆有淡淡白酒味，蜆肉大粒厚身，完全冇沙，食落都幾鮮甜。仲有幾件脆多士俾我哋點醬食，多士脆身調味過，都幾好味。❤️3️⃣Barramundi stew 💰178海爐魚柳煎到好香，魚皮好香脆，就咁食都好味，魚肉份量都多、兩個人食唔曬，我鍾意下面個汁係椰子，加埋燈籠椒、蕃茄一齊煮椰汁味更加香甜😚4️⃣Pork gnocchi💰178慢煮豬頸肉松露馬鈴薯🥔丸子，豬頸肉好軟腍，正。😋我最鍾意馬鈴薯丸子，口感煙煙韌韌，配埋濃郁嘅松露醬，成碟我清晒😛5️⃣passion apple💰68一杯有齊熱情果、蘋果、桃🍑、士多啤梨，好濃郁果香味，香甜美味🤤6️⃣minty grape💰62裏面由薄荷、提子、蘋果汁同蜜糖柚子組成，飲落有薄荷清香提神嘅感覺，幾特別😍消費價錢：2人💰777，人均💰388.5結論：（10分為滿分）味道：8.5/10性價比：8/10回頭指數：8.5/10餐廳名稱：Cull ’N Pistol Hong Kong 餐廳地址：西灣河鯉景灣太康街55號蘇豪東A期地下GA1-3號舖…查看更多

我最近與朋友去到位於西灣河蘇豪區的一家西餐廳食晚飯。我只想用兩個詞來形容——好味道和招呼周到。 首先，酥脆魷魚圈外皮炸得非常酥脆，咬下去時發出一聲脆響，魷魚圈本身鮮嫩有彈性，搭配著青檸蛋黃醬汁，簡直是完美的組合。 接下來是波羅伏洛芝士西班牙辣肉腸多士。這個超級美味，濃香的芝士非常吸引，多士與芝士和辣肉腸完美融合，特別值得一讚。菜式以熱盤子上枱，以保持芝士的熱度，服務人員還送上紙巾，提醒我們小心燙手，讓我感到非常貼心。 蒜辣大蜆意粉亦是我特別喜愛的美食。大蜆的肉質鮮嫩，搭配上蒜辣的味道，令人垂涎欲滴。意粉煮得剛剛好，彈牙又入味。這道菜不僅滿足了我的味蕾，而且餐廳的服務人員也時刻關注我們的用餐體驗，隨時提供飲料和餐巾紙。 而西岸芝士牛肉漢堡則帶我另一個驚喜。牛肉漢堡的肉質鮮美多汁，口感極佳，生熟程度亦按我們的要求，烹調得剛剛好。加上濃郁的芝士醬，讓整個漢堡更加美味可口。食用這道菜時，服務人員提供了熱騰騰的薯條和清爽的沙拉作為配菜，使整體的用餐體驗更加豐富。 最後，我們還品嚐了士多啤梨奶昔。奶昔的口感順滑，士多啤梨的香甜在口中散開，令人愉悅。 總之，在這家餐廳享受的每一道菜品都是絕佳的美味，尤其波羅伏洛芝士西班牙辣肉腸多士，讓我回味無窮，未來一定會再次光顧！…查看更多

#MC帶你去西灣河.位於西灣河海旁嘅蘇豪東區一向多西餐廳、酒吧，而且大部分餐廳都面向維港🌊，並設有露天座位，環境寧靜之餘，仲可以對住海景食飯😍！✨ Cull ’N Pistol Hong Kong主打多元新派海鮮風格，餐廳裝潢以海藍色為主調💙，配以純白牆壁、檀香木地板與航海主題互相呼應😉。半開放式嘅用餐環境更有開揚感覺，與毗鄰西灣河海濱，營造出海邊休閒渡假嘅感覺😎，充滿悠閒愜意嘅英倫風情😜。🥢 Tuna & Avocado Tartare $148吞拿魚牛油果他他🥑，細嫩嘅肉質配以酸豆、芝麻、芥末蛋黃醬，口感軟滑而清爽🤤，無油膩嘅感覺。另外仲可以配埋碟邊兩片香脆多士一齊食，口感十分豐富🥰。🥢 Caesar Salad $118開胃菜之選嘅凱撒沙律，清甜爽脆嘅羅馬生菜🥬，配以新鮮番茄🍒、香濃巴馬臣芝士🧀、惹味煙肉碎🥓同鬆脆的麵包塊🍞，口感爽脆，酸甜開胃👍🏻。🥢 Mojo Clams (300g) $158西班牙辣肉腸煮蜆，白酒煮蜆就食得多，西班牙青醬煮蜆就少見啲🤔，食落肉質鮮甜，蜆肉大粒厚身😍，一啲沙都無，醬汁好Fresh😋，配埋炒香咗嘅辣肉腸粒，口感豐富😝。薯條就另上嘅，有少少辣椒粉喺薯條表面，即叫即炸，食落香脆可口🫶🏻。🥢 Slow Cooked Pork Neck & Truffled Gnocchi $148慢煮豬頸肉松露馬鈴薯丸子，煙韌嘅馬鈴薯丸子撈勻芝士松露忌廉汁，口感好特別，同濃稠嘅芝士忌廉醬好夾🥰。另外，經過慢煮處理嘅豬頸肉，食落好嫩滑軟腍👍🏻，而且每一塊都幾厚肉，大約9-10塊，十分足料，食完有少少飽膩🤭。…查看更多

鯉景灣蘇豪東沿海有不少食肆酒吧，看著大海景吃美食特別chill，而且聖誕節來臨，沿途都是聖誕佈置，非常有氣氛~餐廳以藍色設計為主，裝修有格調，充滿外國風情，景觀開陽，員工服務態度良好；餐廳主打英國菜，選擇很多，價錢合理，更可以帶寵物放鬆一下~豬腩肉Taco $48 / 帶子Taco $48兩款Taco都有驚喜，雖然是mini size但配料豐富，有牛油果醬、蕃茄沙沙、墨西哥辣椒醬，十分足料，醬汁酸酸辣辣，十分香口開胃Taco餅皮微脆，豬腩肉炸得好脆口，腩肉及帶子肉份量多，加上蔬菜的清新中和油膩感，口感好豐富，好滿足龍蝦包配薯條 $208份量很多，最後要打包帶走龍蝦包包表面脆口，龍蝦肉份量多，超足料，幾乎每啖咬落都有，甚至有龍蝦膏；龍蝦包醬汁微辣，相當惹味配料有新鮮沙律菜及薯條，薯條即炸，炸得熱辣辣又香脆牛舌意大利飯 $168份量很多，同樣打包帶走牛舌厚身，質地淋身，口感軟嫩，多汁又有嚼勁，風味絕佳意大利飯黏而不軟，口感硬中帶稔，帶點香甜的南瓜及青瓜味，綿滑飽滿，感覺好fresh曲奇忌廉奶昔 $68賣相打卡able，質地杰身，Oreo味突出，入口香濃，口感細膩橙汁 $38新鮮無死甜味-總體評分-環境：7.5/10 食物：8.5/10 服務：8/10 抵食：8.5/10-Cull ’N Pistol Hong Kong📍西灣河鯉景灣太康街55號蘇豪東A期地下GA1-3號舖…查看更多

西灣河海旁都有好多餐廳今次就去咗Cull ’N Pistol 💕因為近海 所以環境都唔錯😆- Appetizer platter小食拼盤係二人份量 但每樣都好多一上碟都怕會食唔晒😂脆炸辣肉腸醬飯團丸子 食落煙靭脆口而辣肉腸炒蝦香脆魷魚 上面嘅脆粉亦都占咗好多😆脆卜卜- Taco's & FajitasCrispy Pork Belly Taco裡面除咗仲放咗好多腩肉同蔬菜仲加埋啲醬汁 配上墨西哥夾餅酸酸甜甜😝味道非常之豐富😍Baja Cali Fish Taco香脆魚柳夾餅 魚柳亦好香口 💕配埋啲醬汁食落好開胃Seared Scallop Taco入面好多帶子 而且帶子鮮甜- Ox tongue & zucchini risotto 牛舌超好味😝 而且十分入味個飯亦都唔會好淋 軟硬適中好有咬口☺️…查看更多

一到12月，蘇豪東海旁沿路餐廳都會充滿聖誕氣氛，今晚帶埋狗狗一齊去同朋友聚餐，我地揀左呢間英國菜西餐食飯，吹住海風同朋友傾下計，真係幾chill。我地一人點左一個main course同小食，🥢肉眼牛扒雜菌意大利飯，份量好大，肉眼牛扒整到我理想嘅7成👍🏻食落肉香軟腍，意大利飯煮得Creamy，又都好多雜菌，睇返價錢，性價比幾高。🥢巴西海鱸魚柳、椰奶、燈龍椒、蕃茄，魚柳用熱pan上，夠哂熱辣辣，幾鍾意廚師咁樣整個椰奶湯，食落椰奶味唔會太重，又可以食到配菜本身味道，而海鱸魚柳好大件，肉質鮮嫩。🥢薯條、巴馬臣芝士碎、松露醬薯條炸得香脆，黑松露碎同芝士碎直接鋪滿係薯條上，滋味十足👍🏻…查看更多

同朋友星期四晚嚟到SOHO 東食飯，貪佢靜靜地又可以望住街。一坐低，服務生已經同我地講今晚做緊生蠔優惠，每隻$12，真心抵！見到有幾枱都有叫咗好多隻，無奈我同朋友都唔食生蠔，就無叫到～望吓個餐牌先：我地就叫咗虎蝦燴飯($298) 、西岸特色三文魚刺身($158) 同香煎帶子taco ($48)一齊share 食～虎蝦燴飯：虎蝦好大隻，肉質爽彈，仲帶有輕微檸檬味！好清爽！推薦！第一次食半生熟既三文魚，難得高蛋白質的前菜～重點係個烤粟米好好食！細TACO都唔算細，幾足料！加埋紫菜食口感好豐富！PS. 佢地既HH係3-7pm，想飲就早D叫啦～…查看更多

鯉景灣蘇豪東區沿海有不少食肆，適逢萬聖節,沿途都是Halloween佈置，很有氣氛！這次選了以藍色設計為主的主打海鮮西餐廳Cull’N Pistol, 看着海景吃着美食真的很Chill!Tuna & Avocado Tartare:即是吞拿魚牛油果他他，配以酸豆、芝麻、芥末蛋黃醬，清新可口。碟邊附上兩片多士，整到十分開胃，是我最喜歡的一道菜式。Clams with white garlic cream:蒜香白酒忌廉汁煮蜆，蜆肉好鮮甜，個sauce都好香濃，用多士沾汁好好味！Tiger Prawn Paella:虎蝦燴飯，配西班牙辣肉腸、蕃茄醬、蛋黃醬及牛油等，虎蝦肉質彈牙，燴飯軟硬度恰到好處，份量亦足夠二人分享。…查看更多

🍽️龍蝦包配薯條 $208龍蝦肉都幾多，仲有啲龍蝦膏😋個醬汁有少少辣，幾惹味，食落有啲刺激感👍🏻薯條炸得幾鬆脆。🍽️法式多士 $108法式多士有好香濃嘅玉桂味，質感鬆軟☺️個忌廉好輕盈，同埋佢落嘅糖漿份量唔會好多，感覺上健康啲😋🍽️烤雞腿伴炸米粉 $198炸米粉好得意：本身炸得脆卜卜，點完醬，又會有部份慢慢變腍，一次過咬，口感豐富😍🍽️脆豬腩肉Taco $48Taco嘅餅皮微微脆，包住好多蔬菜同炸脆咗嘅豬腩肉。醬汁酸酸辣辣，加上蔬菜嘅清新，食落幾開胃😋😋味道😋 7/10性價比💰 6/10 (有+1服務費)環境🔎 7.5/10服務🫶🏻 8/10打卡指數📸 7.5/10٩(˃̶͈̀௰˂̶͈́)و 推薦指數🥰 7.5/10…查看更多