影片
更多
2022-12-21
1236 瀏覽
早前有同事同我介紹呢間法式可麗餅嘅午餐，當時小編心諗甜食當午餐真係不了，但後來再睇過餐牌後發現原來餐廳有好多法式可麗餅選擇，所以就決定去試試佢！———————————————🌟California Chicken $148 加州風情雞肉法式可麗餅由於午餐set只有一個可麗餅選擇，所以小編就直接選擇咗佢地嘅特色可麗餅。上碟時個擺盤都好靚，成個可麗餅睇落都唔細，餅皮本身比一般厚身少少會韌啲，如果就咁咬個皮都有少少蛋香味。入面餡料唔算多，符合返可麗餅份量，成個配搭連同面頭甜甜地嘅調味食落都唔錯。.🌟Classic Carbonara $168 卡邦尼意粉意粉上碟嘅時候同碟相比好細份，但愈食愈會發現原來份量唔少，意粉煙韌度都ok，味道亦都好濃郁，不過一個人叫呢個食真係會有少少膩，同朋友仔一齊share就最好喇！.午餐仲會另外有一個餐湯同飲品送，飲品+$28仲可以升級雪糕奶昔，非常適合打卡😍湯本身係粟米忌廉湯，湯唔算濃，味道不過不失。.🔶整體評價🔶餐廳內部裝修都好靚，相對都會有少少高級餐廳Feel。午餐嚟講選擇比較少，如果可以多啲選擇，特別係再多幾種可麗餅就會更好！小編都未試到佢甜食嘅可麗餅，見
———————————————
🌟California Chicken $148 加州風情雞肉法式可麗餅
由於午餐set只有一個可麗餅選擇，所以小編就直接選擇咗佢地嘅特色可麗餅。上碟時個擺盤都好靚，成個可麗餅睇落都唔細，餅皮本身比一般厚身少少會韌啲，如果就咁咬個皮都有少少蛋香味。入面餡料唔算多，符合返可麗餅份量，成個配搭連同面頭甜甜地嘅調味食落都唔錯。
.
🌟Classic Carbonara $168 卡邦尼意粉
意粉上碟嘅時候同碟相比好細份，但愈食愈會發現原來份量唔少，意粉煙韌度都ok，味道亦都好濃郁，不過一個人叫呢個食真係會有少少膩，同朋友仔一齊share就最好喇！
.
午餐仲會另外有一個餐湯同飲品送，飲品+$28仲可以升級雪糕奶昔，非常適合打卡😍湯本身係粟米忌廉湯，湯唔算濃，味道不過不失。
.
🔶整體評價🔶
餐廳內部裝修都好靚，相對都會有少少高級餐廳Feel。午餐嚟講選擇比較少，如果可以多啲選擇，特別係再多幾種可麗餅就會更好！小編都未試到佢甜食嘅可麗餅，見到好多都好似好好食又好適合打卡，下次去一定會試試佢！另外都留意到openrice定期都有啲預約優惠，建議大家如果食晚市經operice book👍🏻
.
🔸味道：7/10
🔸環境：8/10
🔸服務：7/10
🔸打卡指數：7/10
———————————————
🍵Crepe Delicious (Urban Cafe) (南豐大廈)
📍上環德輔道中173號南豐大廈地下G-6號舖
Shop G-6, G/F, Nan Fung Tower, 173 Des Voeux Road Central, Sheung Wan
———————————————
👉🏻#hkchiller美食地圖_上環
👉🏻#hkchiller午餐推介
👉🏻#hkchiller西餐
張貼
