Cova Pasticceria & Confetteria (已搬遷) 新店位置

生日買左COVA較為出名的Mango Mille Foglie, 諗住佢係酥皮千層同CREAM, 會比較有口感.切開蛋糕, 酥皮千層都被CREAM浸淋左, 無曬脆既口感. CREAM就真係好SOFT好滑好厚身.但食左2啖, 差D想嘔, 超級勁的"蘇"味由酥皮千層發出, 滿口都係"蘇"味. 極度失望!!!

臨近生日，電訊公司送左張生日卡，憑卡可換cova蛋糕一磅. 當然食得唔好嘥，去訂左個熱門既mango cream dome.Cova既蛋糕價格算高，大約$350一磅。近年坊間的貴價蛋糕品牌一一湧現，不過Cova始終係一哥。除左賣品牌，其內涵亦值回票價。蛋糕水準不變, 香滑鬆軟，依然高質。蛋糕面有少許生果及朱古力。朱古力香濃滑順，亦係Cova既賣點。夾在海綿蛋糕及忌廉之中，係帶酸既芒果肉，另到整個蛋糕不至太甜太膩。不過因為係忌廉蛋糕，有d heavy，食一件已好夠了。見到有raspberry favour應該係新出既，蛋糕紅噹噹好靚，下次試下先！

響附近工作未夠鐘, 為自己打氣, 一於搵個地方义义電嘆下, 呢度有位置堂食, 試試先.要左件黑白朱古力蛋糕, 朱古力味夠香濃夠滑, 蛋糕好鬆軟, 一層層夾雜, 配搭出唔同既朱古力味. 要多杯Latte提提神, 好熱好香濃, 咖啡夠滑, 確實貴得有道理.

中秋節當晚到親友家中BBQ兼賞月，順道補祝表妹的生日. 平時多數吃COVA的招牌芒果蛋糕，這次則初嘗COVA栗子蛋糕.蛋糕面層舖滿大量幼滑的栗子蓉，再以數顆栗子作點綴，愛吃栗子蛋糕的朋友必定很喜歡.蛋糕的忌廉很香滑，內裡的海綿蛋糕亦很鬆軟，再加上幼滑的栗子蓉，清新美味. 略嫌面層的原粒栗子較硬身，不夠軟稔香甜.