Coti the Bistro (企業廣場)

營業中

休息中

先唔好講食物質素，我2:30pm坐低，成間鋪只有兩台客人，就我睇，至少有四個服務員，但我坐底足足15分鐘，都冇人過嚟落單，即使我舉手開口示意落單，佢哋就應一句好既，之後就冇咗一回事，明明佢哋就冇野做，唔怪得有評論話，呢間舖對一個人去食飯既極之不友好，我就真係唔明白邊個比佢哋嘅底氣可以咁樣Hea住做嘢，就以佢哋咁嘅待客態度，我連食都冇興趣食佢哋嘅嘢，即使到我走，佢哋嘅服務員都只係企住喺度得個望，完全唔會走黎問我點解要離開，可能呢個就係佢哋嘅目的？

去左食lunch，見多數人都係嗌雞扒蛋包飯同埋燴牛肉飯，咁我就揀咗雞扒蛋包飯。Lunch set有湯/沙律，湯個日忌廉湯唔錯，好夠夠熱，又唔係一pat粉開嗰啲忌廉湯，都有誠意，所以都對之後嗰份有啲期望。可惜個湯已經係接近最好既item。。。雞扒蛋包飯其實賣相唔錯，份量都多，但我食到一半先記得影相。有兩塊雞扒都幾大塊，煎得香脆熱辣辣，應該好多人叫keep住煮就好新鮮，旁邊半碟有沙律菜。可惜個蛋包飯就唔得了，啲蛋煎到薄到片紙咁，但好神奇咬落好乾好硬好似煮到勁熟咁，但係佢表面上又有啲生嘅蛋汁望落似Juicy。同埋成個飯，只有蛋下便有微微一pat汁，啲飯質素好差，冇飯味，食落好乾。朋友叫咗雞扒迪迪蛋熱香餅，當日冇熱香餅轉咗muffin，即係豬柳蛋漢堡嗰包。個包凍既勁硬，切開都好費氣力，雞扒就同我個飯一樣都係新鮮熱辣，個蛋好似唔錯係溏心我中意既生熟度，但就唔係平時網上睇開見到嘅流心流到瀑布咁嘅egg Benedict。份量偏細。另一個朋友叫咗辣味蟹肉意粉，佢話就係好普通嘅蕃茄蟹肉意粉，蟹肉好少撈撈下唔見晒。我特登加$24叫凍matcha latte，但唔係幾好飲，唔係飲開熟悉鍾意嘅小山園抹茶味道

因OpenRice食評特地過去嘗試，但因一人入座被歧視，被要求安排坐餐廳另一邊，環境、格調、氣氛完全不同😨本想輕鬆愉快渡過一頓午膳的時間，但興致全毁，簡直荒謬！難道一人用膳，價錢不同嗎？為何同樣價錢，需接受差別待遇？😡😡😡

今日想同朋友去有氣氛嘅西餐廳，偶然發現呢間西餐廳～人均大約$150，食物質素高，挺滿意的！😋😋.🤎明太子三文魚籽貓耳朵粉 $108最推薦的招牌菜色！好好味嘅西日菜式，貓耳朵造型的意大利麵，賣相十分吸引，貓耳朵粉上大大粒帶子，配上鮮味三文魚籽以及芳香四溢的明太子醬汁，口感層次既豐富又好惹味！💌.朋友點的鰻魚蛋包飯也挺不錯的！😚😚

由於朋友遲左少少放飯, 約莫15分鐘後先到, 前台侍應就係我坐低7分鐘之後, 開始比說話我聽, 問朋友幾時到, 出面好多人等緊.我再三交待係openrice booking, 叫佢幫手確認, 當下唔理我之餘, 到依家呢一刻都唔確認返黎.

今日lunch去左企業廣場嘅Coti the Bristro3個人叫左3個set一齊shareLunch set 有包湯/沙律 + 飲品我地要左湯 湯係羅宋湯味道都夠濃幾好飲 另外要咗杯少甜走冰嘅蜜桃茶對於唔鍾意飲甜嘢嘅我覺得好好 真係唔甜講返野食辣茄汁蟹肉扁麵呢個辣辣地幾開胃 同埋冇咁膩 如果蟹肉多少少就好啦芝士蘑菇燉意大利飯呢個芝士有dd帶酸 味道都唔錯 一個人食哂就太 heavy share食岩岩好鮮茄牛肋腩珍珠飯呢個鮮茄味唔錯 牛肋腩都夠腍 不過不失食完先見到周圍嘅人食嗌滑蛋雞扒飯 個樣好靚下次可以試下

見訂枱有七折，睇到師兄啲相今年二月份仲賣緊二人餐368，覺得好似好抵，所以同女友放一嚟試下。點之嚟到見到個二人餐變做480, 仲要啲菜式選擇仲少過二月份嗰張menu，已經知中哂伏，但都嚟咗就照食啦。叫咗個羊架配薯條（$178）同鰻魚蛋包飯（$125），羊鞍係正常水準，OK的；但蛋包飯就麻麻，條鰻魚有少少腥🤨。定價同食物質素唔多match，但個侍應妹妹由入去同叫餐都好有禮貌同笑容，所以呢餐飯都叫無咁嬲，當俾面個咁敬業嘅員工😌。環境因為放工關係全場得兩枱人，好靜，都幾好坐，可以傾下計。但應該無下次🤭

廚師推介係滑蛋雞扒飯賣相喺唔錯的個滑蛋唔係全熟嗰種，少少蛋汁但蛋味係一般。雞扒調味咸度適中，香口，但唔好幻想個皮會脆。Lunch有得揀沙律菜/湯，我就揀咗磨菇湯，揀沙律嘅話會得到菜x2，因為本身伴碟都有菜的。跟餐有嘢飲冷熱同價，叫涷飲個杯比正常餐廳少1/3左右。環境唔錯，侍應都有禮。總結係整體ok, 但加埋10% service charge就真係不能說抵食了。

牛扒over cooked,又唔問幾成熟, 無牛肉味，牛肉韌又多筋，雪藏牛肉都好食過佢，沙律汁勁怪味，全部食物過鹹，連杯咖啡都好難飲，紅湯又酸又鹹。未落單前上紅湯係咩玩法，之後又問要沙律定要湯，又想收回碗湯，薯條差過m記，得嗰幾枱都忘記下單，等了很久詢問下才知，侍應黑口黑面，成餐得包裝番茄醬同杯水ok 其餘比狗都唔食，個酥餅又難食，係超巿買塊酥餅自己煮都冇咁嬲，都唔知個廚師有冇學過煮野食。從來未吃過咁難食既西餐。總之一個字：伏！好評全部刷出嚟

新春期間在附近 Megabox 和家人hea 下，居然發現這家西餐廳在初一都營業，而且不設新春特別收費，也不限入座時間，一於試試。餐牌都有非常多自由配搭，主菜或甜品都有，而且還有餐湯和咖啡，咖啡味道比 Coffee academics 更優質，非常驚喜！未入正題，首先講下主菜.....牛扒和羊排份量不欺場，而且伴碟的意粉也極之 Al denti....高質抵食！貓耳朵意粉和黑松露意大利飯也是份量十足，上菜時香味四溢，小朋友非常喜歡！牛油果搭 parma ham 牛角包製作認真，擺盤也顯心思，未吃先興奮，味道一流！甜品也是驚喜無限，雖然我不是 cream lover, 但香脆的 croffle 配搭 cream 和果醬，即使吃飽了，看到甜品時也令人蠢蠢欲動！新春能夠不限時享受這樣的美味，簡直係五星級待遇！❤❤️❤️❤️❤️

今日公司請食午餐同事揀咗呢一間嚟食，都幾鍾意呢度嘅環境好舒服大家都坐得好舒服嘅 不過食平日午膳時間真係比較多人都需要等位 咁我哋就食咗紐西蘭肉眼扒配雜菌忌廉燒汁我自己覺得個牛肉好好味，我自己一個人都食得晒，而且薯條卜卜脆好味我同事就食咗夏威夷脆雞扒扒漢堡佢話入邊有菠蘿生菜蕃茄等等食材加埋個汁好好味，佢話食完下次都好想再嚟食 咁另外套餐都會包埋湯同埋沙律呢兩樣都不過不失冇乜特別 另外我同事仲嗌多咗個焦糖香蕉牛角窩夫我自己就覺得好好味好香同埋好脆口

好開心哥哥黎同我食午餐，我怕多人仲叫哥哥先搵位，好彩可以先入坐，原來中午嚟到嘅時候都唔係好多人， 大約去到一點就開始多人，始終都係寫字樓放飯時間😆其實我都幾鍾意呢度啲環境，都好舒服，嘢食又唔錯，飲品都好飲午餐 ： 雞扒蛋包飯，帶子明太子三文魚汁雲朵粉，有配湯或者沙律，仲有一杯自選飲品，當然要試吓呢度啲咖啡，我叫咗一熱一凍牛奶咖啡(Latte)，估唔杯熱Latte仲有拉花好靚呀食完再加$25 ，就有一個飯後甜品Lotus cream cheese cake，又好好未哦

叫左個大蝦日式尤魚芥末意大利飯，上枱，好細碟，唔緊要，好食就得。一食落口，乜味都無，一時間我仲以為失去左味覺，清過清水！我以為咁啱果啖無味，試多啖，無論個汁、飯、蝦、尤魚，都係完全無味道，唔知要過幾多次水先有呢個效果。個飯質地好似泥沙咁，感覺就好似在一個清潔的沙灘，食住一啖啖細沙，令人心曠神怡。我叫個阿姐尼，同佢講個問題，佢態度超唔耐煩，「你話咩無味？」「全碟野都無味喎。」當我正想準確啲形容，佢已經反白眼：「咁你想點丫？」一時間，我以為我去左澳牛。果時過左lunch time，餐廳一半人都無，絕對唔係忙緊。食肚氣食飽了，唔洗幫襯。

周末午餐時段用餐，門面看似很chill, 便試吓。在門口等－陣，以為有職員帶領進內，誰知職員話有位便坐，我冇所謂，自己搵位。坐低等咗5分鐘冇人理，舉手又舉手才有－個menu 掟落枱，真係當堂反白眼。落單時都係粗聲粗氣，唔似－間西餐廳的服務。等咗差不多15分鐘，食物送到係凍的，又冇乜味道，真係茶餐廳質素更好。快快脆脆食完走人，真係冇下次。午餐人均消費$150， 觀塘商廈樓上cafe 好質素大把，真係有更好的選擇。

♡ 寧靜隱世西餐廳 ｜Coti The Bistro ♡-今日同朋友去開九龍灣行街～就嚟咗好近MegaBox隔離嘅 食個brunch 好朋友最鍾意就係飲咖啡梗係要帶佢嚟品嚐下呢度嘅特色咖啡☕️-♡ 紐西蘭肉眼扒配雜菌忌廉燒汁 ♡ $178 五成熟嘅牛扒真係最正😆兩個人share食啱啱好～ 一切開就已經有好多肉汁仲配埋脆卜卜嘅薯條🍟 -♡ 夏威夷脆香雞扒漢堡 ♡ $98脆炸雞扒超級香脆，入面有菠蘿🍍、生菜、蕃茄等等材料加埋千島醬～ 我哋仲轉咗做套餐 ～包咗個湯同沙律 🥗-♡ 奶醬啡 ♡ $48呢個咖啡真係好特別朱古力醬同埋花生碎喺杯邊飲落去嘅時候 會飲到朱古力加花生🥜碎真係營造到奶醬嘅風味👍🏻😋-♡ 焦糖香蕉牛角包窩夫 ♡ $78香蕉上面有脆脆焦糖窩夫充滿牛油嘅香味味道不錯～-♡ 棉花糖朱古力 ♡ $42朱古力面頭上有忌廉 仲有朱古力醬喺入面一粒粒棉花糖慢慢溶化😍😝❥#⇢店鋪資料：Coti the Bistro (企業廣場) (九龍灣)九龍灣常悅道9號企業廣場1期1樓4號舖## 🔍尋找同區美食📍➾ #礦泥黃X九龍灣-#hkig #hk #hkfoodie #hkgirl #foodi