COMEBUYTEA (悅來坊)

今日嚟開呢頭上training，買杯廢水撐住是正常吧😆見「柴茶鮮奶小芋Q」係Xmas Limited Edition即係聖誕限定，喜歡試新嘢嘅肥美即衝👍😆店員態度極好，問有冇飲過柴茶，肥美印象冇就答冇店員即刻拎個小罐出嚟比肥美試聞下，睇下啱唔啱味先，啱味先需要付款聞落個味好特別，肥美就唔識形容，只係好奇好想試肥美朋友1️⃣表示似泰式拉茶，香料味肥美朋友2️⃣表示有玉桂味，好香好好味叫左之後，肥美同朋友1️⃣2️⃣齊齊試，大家都覺得個茶底好好味喲😉至於肥美，試埋個小芋Q就好似super baby湯圓（即係勁細粒嘅湯圓，湯圓餡就係芋頭碎），就咁啦…查看更多

當時全場得我一個客叫一杯珍奶，等咗20分鐘，兩個店員起勢整咗成廿杯外賣平台都唔整我嗰杯，等候期間有個攞外賣平台嘅速遞員攞完都走埋，兩個店員整下一張外賣平台單都唔整我嗰杯，第二個速遞員都嚟攞完走埋都唔整我嗰杯。我話可唔可以快啲趕時間，一名店員望一望我去攞個杯整茶，我以為佢終於整我嗰杯，原來整完放落外賣平台個袋。喂，連基本禮貌都無喎，完全當我透明，我仲以為自己去問人乞梗食。呢間嘢，無下次！…查看更多

極度無良僱主，長期唔夠人手都唔請人幫手，本身在場員工已超級繁忙，今日人客都已不算多，等候時間都需要超過30分鐘真係太離譜，再唔改善情況嘅話，咁就祝你顧客日漸流失喇…查看更多

店長態度惡劣 上次叫珍珠比錯左芋圓 本人唔食芋頭 成杯嘢飲都唔想飲 打電話黎話下次比返杯我 隔左個禮拜 返黎攞返 有個自稱店長既男人 用質問既語氣問我「邊個話比返你架」「男人定女人呀」首先我點會知你地員工叫咩名 同埋隔咗成個禮拜 我點會仲記得聽電話嗰個係男定女 我作為一個顧客 你地員工既出錯 仲要用啲咁嘅態度同我講嘢 真係唔會再幫襯你哋 …查看更多

嚴重人手短缺，order  顯示14:45可取後，仍再等30分鐘，直至3:15才取！本來是還未到我此杯，但觀察很久後，才再詢問可否取消，因我沒有時間再等！但因店員要手續太繁複，所以才優先處理我這杯！收到打開後，發現少了我加錢的寒天！但已不能再回去，也不想再增添店員的工作！希望店舖能明白店員既工作實在太多，能夠的話，能增聘多一點的店員，一來前線既員工工作壓力少一點，二來買既客人等候時間減少，都會增加回購既機率！。…查看更多

因為位置方便，最近買左3次Comebuytea，每一次都唔好飲。之後寧願唔飲奶茶，都唔會幫趁 💔😢.裝修再靚，杯野唔好飲，都係冇用。奶味、茶味都唔出，反而甜味最出 .而且佢個pricing system，想簡單飲杯珍珠奶茶，要比奶+茶+珍珠3份錢，已經要$35。貴都算，質素完全對唔住價錢 😞…查看更多

垃圾，貴公司有個好高既女職員態度差到死，唔會再幫襯。唔鍾意做唔好做啦，唔好攞啲客人黎出氣叫左杯柴茶難飲到好似飲屎水咁，其他分店都無咁難飲，你依一間真係可以執左佢…查看更多

「柴茶珍珠奶茶」=「跌打酒珍珠奶茶」極度超級無敵難飲，極度推薦鍾意飲藥油嘅人飲。真·藥油加奶茶，我買佐兩杯，一樣味，真心想嘔，絕對唔會再幫襯呢間嘢，唔知間嘢仲有幾多伏嘢。大年初二仲要每杯加3蚊。…查看更多

睇餐牌試新野見到限定，柴茶但拎嘅時候係印度柴茶？_？ 拎完趕住走，買完即走點知一試，飲左一啖 ，嘔返出黎印度香料味 好奇怪 完全接受唔到！再飲多啖 藥油味咁！！成杯扔左真係浪費左$33…查看更多

Comebuytea比起普通comebuy算係走高級路線，不過悅來坊呢一間係冇座位嘅。有幾大座睇落去好勁嘅機器，記得店員有同我介紹過，不過我已經忘記😆反正就係用啲茶葉會勁啲，用完呢部機個味道又會勁啲。根據店員介紹我揀咗炭培烏龍+香醇鮮奶，$25，烏龍味又真係幾香，炭培即係有一隻類似燶燶哋嘅味道，都幾特別，其他地方冇飲過咁樣嘅。…查看更多

見到有間飲品店可以坐下，就和朋友一起來飲杯飲品和坐一坐休息， 在收銀後面有餐牌可自選或有幾款是已配好的飲品，本來想飲霸氣爆款，點知八點已經賣晒， 唯有選了第五位的紅柚烏龍蘆薈Q，價錢三十五元，飲品要了小甜冰就正常，比完錢就在另一 邊可看到即時見到沖法，都幾香茶味，而且很快飲品就可以取。飲落去有西柚香，不太甜不錯 ，茶味都有但如果再濃點更好，都幾清新。入面有不少蘆薈不過有點甜，入面有少少冰都幾凍 ，味道的確不錯，價錢都可接受，可以坐下休息飲杯茶幾舒服。…查看更多

食完個午餐，想買杯嘢飲下，見這個店好多人排隊，就想試下點咗炭焙烏龍，再加咗芋圓，可以揀茶的甜度，我就要少甜入口烏龍茶茶味好濃，好香，芋圓細細粒，煙韌度可以，但味道就真係好唔得，好甜兼好重粉味…查看更多

呢間悅來坊嘅come buy tea有d似旺中的那一間come buy tea，唯一不同係呢一間的come buy tea係無位坐的！不過仍然都買左一杯桂花烏龍黎試下~~桂花烏龍的茶味好香，但桂花味就唔係好飲到...叫左少甜，淡淡地其實又幾好飲！…查看更多

佢餐牌其實幾有創意，有啲match左俾人揀，有啲就3 parts 俾客自己mix & match，但老實講咁就有啲危險，我地自己揀未必一定match。個杯唔係透明又冇乜特別所以冇影，叫左杯厚奶+炭焙烏龍+黑糖晶球。一句講晒，奶唔特別香，烏龍陣茶味又俾啲好甜既晶球蓋過左。成杯飲落好甜，好辛苦先飲得晒 🙈Comebuy tea價格較貴，應該茶會高質啲，可惜唔夾黑糖晶球，嘥左杯野飲 😭下次如再有機會就叫淨茶好了。…查看更多

今日早了過來就行一陣，見到有間以茶為主題的comebuytea，之前去過旺角飲茶類覺得不錯，而這間的裝潢不錯，而且仲有位坐，就決定買杯飲品坐下，見到收銀位同旺角一樣都有排位榜，其中有杯都幾吸引又有圖，叫鳳梨茉莉椰果Q，而且是由台灣產地新鮮直送，價錢$35少少貴，都決定買來試，好快就可以取，座位不多但都幾乾淨，飲品第一口飲落去已叫少甜都幾甜，味道有點假，茶味可能同鳳梨不太夾，鳳梨肉好少而且十分甜，椰果正常如多點會好點，但在這裡坐不會有人趕都不錯，不過下次來飲寧願飲茶類加料會更好。…查看更多