COMEBUYTEA (屯門市廣場1期)

營業中

休息中

每次經過都好多人排隊，所以通常用外賣程式外賣，自取會方便啲如果唔係就要企喺度等好耐。台式飲品係唔錯，可以自己搭配，不過真係要叫左先去拎，或者買完周圍行吓，再去攞

9:40左右來收銀枱，睇住前面嗰位顧客落單，嗰位收銀嘅店員就即刻離開個收銀枱，睇到還有客人在後邊亦不顧。我哋就站在櫃檯前等，也很體諒佢哋要幫手沏茶等嘅其他工作，所以沒有叫喚同催促佢哋。等了大概7，8分鐘，有一位着黑衫的女店長吧，不知是否店長，不過與其他店員的制服不同，對我們說我們收了，不再接受order。我話見家都未夠10點，佢就話對上一個客人已經是最後的一個，我很疑惑咁同佢講，點解一早唔講俾我哋聽！等我哋等咗咁耐！我仲好體諒你地要做其他嘢，響度等咗好耐！而且你哋如果已經閂門，收銀枱亦應該馬上放上關閉嘅提示牌，而且之前果位店員收完上一個客人嘅order，見到我哋想落單，行開之前點解唔同我哋講等我哋響度等？其實你係咪想玩我哋？咁你係咪響度玩緊啲顧客？搞到同行嘅小朋友十分之吾開心，跟住嗰位肥店長立即黑面！對住我講我哋不會再接order，態度10分惡劣，而且囂張。唔好講今時今日咁嘅服務態度，就算你唔接order，態度誠懇耐心解釋, 我哋雖然有少少失望，都唔會甘吾開心！請着呢啲咁嘅員工係咪幫老闆倒米？祝你好運。態度惡劣囂張，好似淨係得佢一間手搖茶店甘，此店永不再幫襯！

終於到最令人心情愉快振奮嘅星期六🥳！同老公睇完早場，食完午餐之後，當然要直落買返杯珍珠奶茶🧋慶祝一吓啦！好開心屯門市廣場有ComeBuyTea，佢可以算係全港數一數二我最愛❤️嘅珍珠奶茶舖頭。以前最近都要去到荃灣廣場，宜家唔使喇！今日叫咗佢哋嘅第一位☝🏼杯—凍重乳烏龍厚奶芋（炭焙烏龍、皇家厚奶、漂浮奶霜加小芋圓）。奶茶甜度適中，質感好厚滑，奶味香濃，烏龍茶味清香，芋圓味道好，不過有少少嚡口，要扣少少🤏🏽分。沖茶嗰女職員好有型，好有效率，手勢乾脆利落👍🏽

Comebuytea！真不敢相信自己嘅眼睛！等咗咁耐，終於喺屯門開分店！其實自疫情開始，我已經好少喺台式飲品店買嘢飲，成日要戴口罩除口罩，太麻煩了，如果拎到返屋企先飲，味道又會打八折。但⋯今日竟然見到屯門有Comebuytea分店，諗都唔使諗，立即買返杯支持！第一次飲Comebuytea係喺荃灣分店，嗰時覺得佢哋部茶機好扮嘢同時又好專業，舖嘅裝修亦好令人難忘，一個個透明膠桶嘅茶葉真係未飲都覺得好香醇好新鮮好正宗。仲好記得第一次同老公一齊飲嘅時候嗰種感動滿足嘅感覺，真心好飲，無可挑剔！今日試咗佢哋嘅No.1飲品—重乳烏龍厚奶芋（炭焙烏龍、皇家厚奶、漂浮奶霜及小芋圓），$40，唔算特別貴。今次一飲，再次有感動滿足嘅感覺！烏龍茶好香醇唔苦澀，仲帶有淡淡炭焙嘅香味！皇家厚奶同漂浮奶霜都好正，口感好滑好厚身，奶味亦好香濃，並帶有少少鹹味，夾埋烏龍茶一齊飲真係極致，甘香味十足。芋圓細細粒，好煙靭同有咬口，奶茶嘅最佳配搭！今次真係不得了，會定期光顧，準備變肥婆！