CoHee

今日與同事進行午餐聚會，整體體驗遠超預期，堪稱一次難忘的饗宴。👍🏻從踏入餐廳開始，服務團隊便以真誠的笑容與恰到好處的關懷，營造了舒適愉悅的用餐氛圍。菜餚的風味與品質皆屬上乘，而真正的亮點則是咖啡。咖啡師不僅精通萃取，更將拉花提升至藝術層次，特意為我們創作了多款「Chiikawa」主題拉花，造型可愛療癒，足見其匠心獨運。🥳😋此次聚會在咖啡香與驚喜中完美收官，強烈推薦給尋求優質餐飲與細緻體驗的食客。❤️❤️…查看更多

十號風球後的下雨天～唔多人，地方大，可以舒舒服服坐一陣😌😌近排好流行嘅開心果，原來用嚟做咖啡一樣咁好飲，開心果味道濃得來又唔會遮咗咖啡味，平衡得好好，最重要係杯邊嘅開心果碎，鹹甜鹹甜，好想舐晒成個杯邊😂😂😂見隔離嗌咗個蒜香大蝦扁意粉，啲香味傳到過嚟，原本都唔諗住食嘢，聞到香味之後覺得餓餓哋，忍唔住又叫一份，好彩冇令我失望😋鍾意食蒜香嘅話，真係一流，個蝦味亦都好突出，詢問之下店員話除咗蒜頭之外，佢哋仲用蝦頭油去煮個汁所以好惹味，啲蝦都新鮮，爽嘅，有四大隻，加上幾粒車厘茄，濃得來又冇咁漏，非常滿足嘅一餐🥰🥰…查看更多

好耐冇嚟粉嶺～聽聞呢度咖啡OK就嚟試吓！呢度嘅咖啡好特別，定期會轉唔同嘅豆，今日有哥倫比亞嘅單品咖啡，可以叫Combo set，店員介紹一個價錢可以有兩杯飲品，可以試到咖啡豆未加牛奶之前嘅味道，同埋加咗牛奶之後嘅味道，呢種咖啡好啱我口味，明顯帶有桂花香味，甜度亦都好高，有啲哈密瓜味，牛奶咖啡口感好順滑，咖啡上枱嘅時候會有一張咖啡豆嘅介紹卡，一路飲一路睇就可以認識吓呢隻豆～咁遠嚟到又冇理由淨係飲嘢，叫咗個蒜香大蝦天使麵，好香濃嘅蒜味，啲蝦都新鮮彈牙嘅，非常之惹味，天使麵亦都好滑，最重要係好夠熱，最怕食啲唔熱嘅意粉～份量亦都好足，幾飽吓～有機會一定會再嚟，平日午餐加甜品仲有半價！正👍🏻…查看更多

First of it, we was searching the coffee place at Fanling. This coffee shop was looking good for me. But the location is quite difficult to find. So I was trying to call there and ask the direct address, then the woman answered my phone, sounds is not nice at all actually. Then we found the shop anyway. Then the door was no sign and don’t know where is the door is. When step in, no one trying to serve. Then one woman came by, asking, were you guys reserved or not. We were told her I just want coffee. Then she point up the tiny spot which is quite horrible. Then we asked to change to the bar seat. Then we ordered two coffee, one cold brew and one ice latte, then I saw people keeping coming in, they ordered after us. Then we were sitting there over 20 mins, another people was ordered after us, their coffee and meals were show up earlier than us. So after 20 mins, the coffee were served, my boyfriend got little sip of the coffee, it’s totally terrible coffee taste, and then my ice latte, my coffee was burnt it up so hard! I didn’t even can take a sip at all, those drink were Un-drinkable, honestly, I never got a coffee taste like shit, OMG! Then we pissed and we paid and walked away! Well, I never recommend this coffee shop to anyone at all because my honest! This is the worst experience of the coffee! So please don’t try to believe those fake reviews and we never go back anymore! This is my truly opinion and unhappy experience of this shop!!! And I wasted my $122 and I feel mad how come I had to pay 10% services charge, I didn’t get any services at all!!! It’s pretty ridiculous! …查看更多

早幾日打左過去問清楚話係寵物友善，稔住帶小動物見人，已經問得好清楚邊種類型既小動物哥唔可以帶去職員話因為果到係青協管理，所以如果經過到青協閘前既管理處，佢俾我哋入嚟嘅話，我哋就可以帶入去餐廳入邊當日入到餐廳之後職員話唔可以拎出嚟，仲話令到佢哋好難做，我哋同職員講話訂位之前已經打過電話嚟問清楚，你哋同事話可以能夠帶入嚟如果管理處比既話，而且佢話寵物友善只限於一日，其他日子都唔係寵物友善所以我哋認為餐廳管理非常之有問題，而且希望佢哋同事可以搞清楚先好回答客人嘅問題，唔好令到客人有咩誤會🙏…查看更多

假日去參觀bookmark多年的前粉嶺裁判法院😆 行程另一重點，係去埋隔離間Cafe食嘢😋 餐廳環境光猛舒適，午市時段訂唔到位，walk-in 得返吧枱。睇食評見到熱飲有靚靚拉花圖案，點咗杯🍵Hojicha Latte，拉花圖案係Chiikawa，十分可愛😍 茶味亦濃郁😋主食點咗🦐大蝦蝦油揚豆乳湯烏冬拼溫泉蛋，擺盤精美，味道亦鮮甜，好好味😋 另一款主食點咗🥯🥗貝果+雜菜沙律，貝果配煙鴨胸、牛油果、柚子醬，鴨胸肉爽脆，配上柚子醬味道清新😋 貝果口感偏紮實，再食的話會揀吐司🍞 甜品點咗🧀燒乳酪芝士蛋糕，餅底以Lotus 餅乾製成，蛋糕表面有燒熔的焦糖，好好味😋 不過趕住去參加導賞團，食得比較趕急🥹 參觀後再過嚟食甜品會比較理想…查看更多

Had a lovely meal at Cohee — a warm, minimalist café with thoughtful food and dessert options.🥗 The smoked salmon & avocado salad with sourdough was light, fresh, and nicelybalanced.
🍝 The black truffle pasta wascreamy and fragrant without being too rich — satisfying comfort food.
🍰 The highlight is Yogurt Basque Cheesecake — super smooth, slightly tangy, and incredibly addictive. Definitely a must-try!
🍎 Also had the apple crumble with ice cream and chocolate brownie with ice cream — both warm, classic, and comforting. …查看更多

呢間餐廳環境真係好優美，空間感十足，開陽又舒服，坐低就已經覺得好chill，超適合同朋友慢慢傾偈。食物質素一流，意粉超Creamy，每一啖都好滑。帶子煎得啱啱好，外層微焦，內裡鮮嫩。雞翼皮炸到香脆，咬落去肉質超Juicy，完全停唔到口。咖啡方面都好有驚喜，開心果Dirty香氣四溢，飲落去層次豐富，令人一試難忘。最後嘅開心果巴斯克芝士蛋糕，口感細滑，開心果味濃郁，為成餐畫上完美句號。辛苦完一個星期，嚟呢度食餐好嘢同放鬆下，真係一大享受！😋…查看更多

今日去開粉嶺做野，知道CoHee就係附近，人生路不熟，都係搵d comfort food食穩陣Dirty中深焙既House blend豆由巴西+哥倫比亞+埃塞俄比亞混合而成，nutty中帶點甜感，整杯奶同espresso既比例唔錯蘑菇、炒蛋、巴馬臣芝士貝果Bagel烘返熱後好脆身，但略嫌脆左d，有失bagel本身既煙韌口感，蘑菇炒後好再刨上Parmesan cheese咸咸香香，味道好夾食物同啡都有質素，環境本身是不錯，但食食下廚房突然傳出滅火筒既聲音🧯，應該太大煙既關係連警鐘都響起，情況有點兒狼狽，見廚師頭髮都有d燒燶左，最緊要人無事🙏🏼…查看更多

位於粉嶺法院入面嘅呢間咖啡館，就好似城市入面嘅隱秘花園，一踏入就感覺到一種恬靜嘅氛圍。四周圍滿滿係綠色植物，彷彿置身石屎森林入面嘅一片綠洲，真係好適合想要逃離繁忙生活、靜靜享受一杯好咖啡嘅人。自家製鬆餅配忌廉芝士同果醬—鬆軟嘅質地好似雲咁輕盈，配上絲滑嘅忌廉芝士，真係喺嘴入面融化。果醬嘅酸甜平衡得好好，令每一口都充滿層次，食完真係想一口接一口，停唔到手。淡香醇嘅Latte —每一口都好似一次心靈之旅，帶你返到嗰個悠閒嘅下午，忍唔住閉上眼，享受呢份簡單又純粹嘅美好。有空會再來 …查看更多

Lunch放飯得一個鐘，比呢間野嘥左我半個鐘！我得10分鐘時間倒哂啲嘢落肚就要趕開工，胃都痛！我未夠1315已經落單，隔離有位小姐遲我少少落單，到1324我驚趕唔切食，就追幫我落單嘅小姐，佢隔一陣就話追左，但我見到佢心慌慌走去㩒落單嗰部pad, 都心知不妙，然後另一個職員竟然話我張單係比隔離個小姐遲落單！追左幾次最終於啲食物要1339先比到我！我得10分鐘倒哂落肚就要趕返公司！等出餐要等半個鐘！好明顯漏咗我張單求其㩒返，又唔出聲同人講話漏我單！ 不知所謂！掛個牌喺出面話人知等餐要半個鐘吖嘛，等我以後都唔使去吖！又貴又慢嘥人時間！…查看更多

1️⃣蕃茄羅勒大蝦扁意粉🦐🍅🍝($98)扁意粉食落彈牙，蕃茄醬略嫌有啲淡味，可以再濃蕃茄味多啲，大蝦非常彈牙之餘唔使剝殼，方便入口，意粉中間仲有一塊塊蒜片，食落更惹味✨2️⃣蘑菇牛油果忌廉芝士bagel🥯🥑🍄‍🟫配沙律🥗 ($78)Bagel質感非常煙靭，烘得剛剛好，包上面搽咗cream cheese，夾咗滿滿嘅蘑菇同埋牛油果，比較欣賞蘑菇調味適中，連埋bagel一齊咬啲菇汁係咁流，好Juicy，配埋沙律食更加fresh✨3️⃣炸芝麻雞翼🍗 ($68)推介⭐️芝麻雞翼炸得非常香脆，中間熱辣辣，咬落仲流住啲雞油，好好食✨4️⃣炸蕃薯條🍟🍠 ($58)份量都唔錯，條條番薯條都算粗大，咬落外脆內軟，入面唔係空心薯條，係充滿番薯蓉，點埋茄汁更加開胃✨5️⃣餐廳位於粉嶺舊裁判法院，感覺非常寧靜舒服，而且Cafe環境設計木系為主，部份位置仲有榻榻米，非常輕鬆寫意✨…查看更多

與太太在聖誕節🎄行山輕鬆😎，之後黎咗COHEE午餐，無期望下來了美味😋驚喜。我們點了煙鴨胸牛油果柚子醬沙律🥗、油揚鰹魚烏冬、自家製鬆餅拼忌廉芝士&果醬，全部都好好好👍🏻美味，為假期添上喜悅😁…查看更多

朋友推介去試CoHee，整體感覺唔錯！環境文清有feel，地方唔迫，啱晒想搵個靜靜地嘆咖啡嘅人。🍝 蕃茄羅勒大蝦扁意粉蝦夠大隻又鮮甜，扁意粉煮得啱啱好，吸晒香濃醬汁，好滿足，推介！🍳 All Day Breakfast三文魚份量唔少，味道鮮美，加埋牛油果切得好靚，係加分位。不過成個All Day Breakfast無煙肉，感覺少咗啲豐富感。加上$140嘅價位，雖然質量唔差，但同中環嗰啲餐比起來性價比就唔算高。🍰 芝麻Cheesecake & 焦糖布丁甜品方面，焦糖布丁好滑溜，焦糖味香濃得黎唔會太甜，幾有驚喜。芝麻Cheesecake反而稍遜，質地比較實，無咁滑，但芝麻香味唔錯，唔算完全失色。☕ Dirty & Mocha咖啡部分穩陣，Dirty濃郁又順滑，飲完好醒神；Mocha帶少少朱古力香，酸度低，咖啡香味依然突出，易入口。小結：甜品同咖啡絕對係亮點，環境舒服，地方唔迫，適合慢慢Chill住嘆下午茶。不過All Day Breakfast性價比一般，$140呢個價位有啲高，如果純粹想試咖啡同甜品會更加值得。推介咖啡迷過嚟試試，影靚相同時放鬆一下～ 😊…查看更多

天氣開始轉涼，就約埋一班鄰居出嚟踩單車。啱啱開櫃所以就近近地走轉上水。上一首之前都嚟過食嘢，不過呢間就未試過，又可以泊低架車。所以決定是呢一間。因為要看車所以坐出室外天氣涼涼地坐室外都幾舒服，不過最好就帶定蚊怕水。鄰居就嗌咗All day breakfast ，我就嗌咗明太子小龍蝦意粉同叫咗Expresso Macchiato。試咗一件All day breakfast 㗎雞胸，都幾嫩滑唔算鞋亦鎖到肉汁。而我個明太子小龍蝦意粉，個龍蝦真係似大蝦米。個汁整得幾好，雖然係cream但係唔會食到勁膩口嘅感覺。掛汁亦都好好可以保存到個溫度。意粉份量較少，但踩車又唔好噤飽。個Macchiato都唔錯，有輕輕回甘。…查看更多