Coffee Art

營業中

休息中

Coffee Art餐廳走簡約風, 座位寬敞, 俾人可以好放鬆咁食下野飲下咖啡!Deluxe All Day Breakfast<牛奶滑蛋, 煙三文魚他他, 牛油果, 英式豬肉腸, 香草雜菌, 雜菜, 香草牛油法包>好豐富, 牛油果原個切片, 豬肉腸都有兩條, 煎到好香! 其他配菜就正正常常, 最突出係煙三文魚他他, 好濃味好好食!原隻龍蝦尾香濃芝士龍蝦汁手捲粉呢個好就特別, 手捲粉唔係周圍有得食! 佢比長通粉仲要再長, 口感十足! 龍蝦尾開左邊, 方便食用, 龍蝦肉好爽口, 勁香芝士味, 十分推薦! 如果龍蝦可以再大隻d就好喇, 太好味唔夠喉呀! +$25 追加黑松露忌廉雜菌湯建議加錢飲埋個湯, 勁多菇, 超香濃菇味, 好好飲餐飲係茶包茶 另外加錢可升級特色咖啡整體野食十分唔錯, 想搵餐廳同朋友傾計, 呢度係個好地方

呢間cafe已經黎過2次，每次既拉花都好靚！！igable coffee!! 名符其實係coffee art!我第一次黎果時係獨角獸，拉得好神似，一眼就睇得出😍我朋友果杯就無咁易睇得出，我地細細聲講，可能咖啡師聽到就即刻出黎解釋，話係試新畫，畫左個仙女🧚‍♀️望下望下又係喎 (要上下調轉睇)我第二次黎果時係swan 一樣非常靚同神似！🦢🦢🦢睇得出咖啡師好比心機畫！All day breakfast 個三文魚他他好好食！平時既all day breakfast 通常比煙三文魚就算，好心機少少就捲下花，但呢度係用心整三文魚他他，下面有薯粒墊底，配搭得好好。不過炒蛋同牛油果就欠缺調味，希望可以主動提供salt and pepper或落下調味。個包2次食都係凍腍脆，烘一烘成件事會好好多，希望改善下

無影煙三文魚意粉，比靚拉花mocha 咖啡吸引左，心情即刻變好😆。意粉有水準，但份量只夠女生飽肚。埋單時問朱古力味會否太濃味，唔會啦，沖得好好，下次會再嚟食🙂

約咗好耐冇見嘅同學仔, 經過時間嘅流逝,漸漸由同學仔已經變成靚媽， 唔只係靚媽媽仲要係👶🏻👶🏻👶🏻三胞胎嘅媽媽 😍。。。 Woo 巧勁呀～為咗慰勞靚媽媽平日照顧 👶🏻👶🏻👶🏻揀咗呢間日光寫意小清新Cafe ,小清新裝修舒服又寫意～ relax 下💛柚子雜菜沙律🥗🍴🌶蒜香蜆肉意粉🍝蒜香辣招惹味，金黃色的香酥蒜配🌶 微辣, 蜆肉 脹卜卜 ，冇沙👍🏻Deluxe all day breakfast😍牛奶滑蛋🥚煙三文魚他他🐟牛油果🥑英式🐽豬肉腸香草雜菌🍄香蒜牛油法包🥖

與友人交收，順便食埋晚飯，搵搵新都城有咩好食先😋最後選擇咗佢地💛Coffee Art 新都城💛環境舒服，可以傾下計😍食物水準都唔差，幾好食喎😋法國有機豬架配白酒杏脯汁，唔錯，個汁好特別，配埋個豬架一齊食，正😋牛小排香草忌廉汁意大利飯🤤呢個好好食呀，超鍾意食，可惜我只食到幾啖，因為......比我女食哂😔焦糖雞翼同黑松露醬薯條都ok朋友食咗個安格斯手打牛肉漢堡，果隻太陽蛋靚到呢😂😂😂好吸引，但因為我晏晝已經食咗另一間漢堡，所以晚餐就放棄咗啦仲有個三重蟹肉意大利麵，一上枱就聞到好香好香...又係好吸引😋好喜歡係度食野，舒服、野好食，服務態度亦都好好👍🏻#西餐 #coffee #cafe #將軍澳 #新都城 #CoffeeART

位置將軍澳新都城一期地下的cafe 好方便好容易搵～Cafe設計好簡約，座位寬躺，坐得好舒服仲有落地大玻璃，環境好清幽一共叫左2個下午茶：Mini All day breakfast $48入面有牛奶滑蛋、牛油法包、雜菜沙律一個配香草磨菇，一個配煙肉蛋好滑但略嫌有小小淡要加小小鹽或黑椒美道更佳～法包好外脆內軟但略嫌牛油太多，好油膩😣如果轉係蒜蓉包會更佳😆雜菜沙律既醬汁好讚係柚子味，酸酸甜甜，同沙律好夾😋至於磨菇都係有小小淡要加小小鹽或高鹽煙肉味道剛好，都煎得好均勻另外，我地仲加左$25焦糖雞翼（3隻）個焦糖醬好好味～雞翼都好入味～甜甜地好推介👍🏻各自叫左杯野飲熱伯爵紅茶茶咪好濃，不過不失友人叫左latte 個拉花拉得好靚！係一隻兔仔圖案好驚喜！

帶了小狗去美容，等的期間就同友人吃個午餐😊。 來Coffee Art 都預了會食cake，所以慣性於入坐前看一看門口的甜品櫃，選定今天的心水蛋糕😋。 今天難得這麼早便有不同款式的芝士蛋糕，提供多些選擇👍。我們大約11:35am 入座，碰巧廚房有些工程未完成，我們可以坐一會，先聊一下，大約12:00，店員就逐一幫我們落單。朋友最近每次來這裏，都會點香煎龍脷柳南瓜汁意大利飯，跟我一樣。 今次的魚柳比較薄身，但仍跟以往一樣嫩滑。 今次的南瓜汁不太濃，味道仍可以。 因為之前已經影過多次相，所以今次沒影了! 但今次來個前菜沙律close up😁。柚子汁滴在新鮮的沙律菜上面，看見都流口水了!吃完主菜，先上我的cake😋。友人怕膽固醇高，不吃cake。 我獨享😁!上個星期分店經理告訴我，將會推出新款的青蘋果味芝士蛋糕，叫我到時試下。 怎料今天就見到，當然要試下啦!賣相幾好! 面層的餅碎跌在碟上，為cheesecake 點綴一下😄。 餅底軟硬適中，芝士蛋糕軟滑，青蘋果不酸，整體來說味道不錯。 但相對於其他味道的芝士蛋糕，這款就甜了些少，配咖啡應該很不錯。最後就上我的至愛熱朱古力😋! 70% 比利時朱古

如題：💛漢堡好食，咖啡好飲可能因為疫情少左人，唔使排好耐隊服務比以前好左。食過好多次，頭一兩次啲服務都一般，今次進步左啦👏🏻👏🏻👏🏻由於唔食生蛋，特登要求翻煎熟個蛋🤣今次好nice ,有求必應👍🏻今次仲有個勁靚嘅拉花，所以特登開post 讚揚一下🤣🤣🤣😍😍😍

Deluxe All Day Breakfast⁣望落好豐富，有牛油果、炒蛋、香腸、炒蘑菇、蒜蓉牛油包、沙律菜同埋重點既三文魚他他，三文魚他他分開三文魚碎同薯仔沙律兩層，都幾飽肚，炒滑蛋就夠晒滑，其他嘢都發揮正常水準，不過最大問題係個牛油果太生，完全未熟，仲係好硬，令到成個all day breakfast跌晒watt，希望呢方面可以改善下啦。 ⁣⁣黑松露帶子藍芝士忌廉汁手造薯仔粉⁣薯仔粉真係粒粒手工做唔同size唔同形狀，係手工同心機，抵讚。個芝士忌廉汁亦都非常creamy濃郁，黑松露味香得黎又唔會話太突出，調較得岩岩好。帶子就正常水平。不過d薯仔粉略嫌有d大粒，咬落中間會冇咩味咁，如果細粒少少會比較好。 ⁣⁣錫蘭紅茶櫻桃芝士蛋糕⁣見到店舖門口有個凍櫃放滿唔同口味嘅cheesecake都幾吸引，忍唔住叫咗一件，呢個錫蘭紅茶味既cheesecake口感偏向啫喱既感覺，茶味要食多一兩啖就會慢慢滲出，個蛋糕一啲都唔漏，不過櫻桃只有1粒，好似孤寒咗少少，如果多返d就更好啦。 ⁣⁣人均消費：$150⁣推介指數（10分為滿分）：6.5分

去年在這裏幫朋友慶祝生日，今年也在同一地方 ，幫同一人慶祝生日😄🎉! 但其實我們早一、兩個月才來過，為另一位朋友慶祝生日， 好地方是不會厭倦的😊。Lunch我通常叫香煎龍脷柳南瓜汁忌廉汁意大利飯。 朋友上次試過覺得幾好，今次也叫同樣的。龍利柳很大塊，味道可以。朋友說她的龍利柳鹹了些少。 意大利飯汁料夠，不會乾身，軟硬度適中。跟餐我們要沙律，不要湯。 柚子沙律很清新， 沙律菜新鮮、爽脆。慶生啊! 叫個前菜😁。紫薯牛油果三色藜麥他他。其實不知道他他是什麼，還以為有麵包跟，原來是沙律😝。賣相都很美，食材新鮮。 廚師很細心地將牛油果切成小粒。紫薯蓉是凍的。 這天天氣冷，我們先吃熱的主菜，最後才吃這道前菜，吃的時候溫度就剛剛好了! 紫薯也新鮮，甜度適中。來這裏當然要喝70%比利時朱古力啦! 可愛的拉花😄。過了1pm都很多人，我們自動自覺結帳離座，讓位給其他客人了😊!

食物一般，尚算合格，可惜服務態度好差，職員遞餐過嚟時，我想再叫野飲，佢即時回答「等我放低D野先得唔得？」語氣極硬，放低沙律時力度過大！我冇同佢哋過唔去喔，亦都冇比麻煩佢哋，點解會咁唔耐煩？本人已光顧第二次了，感覺一樣！保證唔會幫襯第三次！

抱住支持的心態去光顧，換來含淚投票支持的感覺，一份178元的西班牙紅蝦（5隻）配龍蝦汁薯仔粉，原來只是本地白灼蝦濫竽充數而已，而且 蝦的 size 細得可憐之餘，肉質亦好霉，粉的份量亦不足，不過，僅以撈龍蝦汁食而言，粉多亦無謂，個人絕對討厭「廿蚊張」，但有一句說話，諷刺也好詆毀也好，佢講得有道理，要人幫襯，食品都要好食（就本人而言，唔難食、合理）先至得，碟粉未到前本想食完再試蛋糕及咖啡，不過，算了，無謂了...

佢係新都城感覺相對無咁多人，所以等咗一陣就等到窗口位😆窗口位真係好舒服，又無乜人會經呢條路，如果有時間建議等👍🏼·Egg Benedict配煙三文魚牛油果法包荷蘭汁。好好味，法包唔會好硬，夾埋嚟食正😋Mini All Day香草雜菇。雖然係tea set，不過都好大份👍🏼Mocha。個拉花好靚呀😍😍Flat White。好香濃，好岩我，不過如果大杯少少就好喇😝·我下次都要叫mocha先，拉花好靚😍

姊妹團今日行完寶琳站附近的小夏威夷徑，浩浩蕩蕩走去新都城一期搵食。呢間咖啡店去過觀塘那間，記憶中非常好。既然開了分店，點都要幫襯一下。蜆肉意大利麵（微辣）蜆肉不少，辣度比想像中辣，我本人可接受。惹味。整體調味過於鹹，於是乎向店方反應，立即幫我們重做，今時今日呢種服務態度真係好好。柚子汁沙律柚子汁清新開胃。沙律菜擺放太耐，表面己起生銹顏色。蘋果芝士蛋糕中規中矩，芝士味不太濃，蘋果粒多。Mocha採用比利時70%朱古力，味道濃厚，略兼溫度不夠。

唔好食 今日食左個Tea Set 比起平時食既cafe 差好遠 其實都唔知自己食左啲咩蛋係炒得唔錯但係無咩蛋香咖啡又唔係好熱如果用咁既價錢有好多好食過佢既cafe 唔值得去食