CoCo壹番屋 (希慎廣場)

營業中

休息中

好多年冇食過coco curry，實不相瞞呢一日本身係諗住食food court，但係因為冇晒位，所以改咗嚟食Coco Curry🤣咁多年幾來，餐廳嘅感覺都差唔多🤭，都有少少日本家庭餐廳嘅感覺😆 當然價錢就唔係日本咁平😛咁我就揀咗吉列豬扒咖喱飯，表現就係普普通通咁啦，不過呢個價錢嚟講呢其實就唔係好抵🤣 因為佢真係一粒野菜都冇，係有啲悶，埋單連加一都要$100一位🤔 同埋食物份量又唔算真係好多，太餓嘅話有機會會唔飽🫣整體冇咩大問題，不過性價比比較低😛 但係好容易搵位👍

因為food court全部嘢都要等位…想快, 而且以前食開好多分店…所以, 就直接入咗嚟唔使等位嘅CoCo咖喱屋…秒決叫咗我哋各自嘅例牌一如以往 好快有得食的啱曬趕時間嘅我地玉子牛肉咖喱飯吉列豬扒奄列咖喱飯估唔到……而家嘅豬扒 變得好細塊 仲要好薄添…..Cut course都唔係咁呀 :’(曾經嘅忠粉表示 - 傷心值得一提嘅係如果黎呢間分店可以嘅話坐出啲我哋坐咗近最入嘅枱入邊樓底比較低所以回音比較大自從我哋隔離嘅中學妹妹入咗黎開心心傾得興高采烈我哋兩個都頭痛耳仔痛盡快排完個飯就即刻走了

經過銅鑼灣希慎廣場，本身打算去food court搵位食飯，點知好多人就決定去食CoCo.蔬菜咖喱薄餅套餐（$66）對上一次食已經成四五年前，打開Menu見到出咗好多新嘢就試吓佢地，趁嗰日冇乜胃口，整試吓薄餅餐🫓.個薄餅唔算好正宗偏厚身，但係牛油味就好香。咖喱我嗌咗小辣，有辣嘅咖喱先至好食，蔬菜都好足料有好多我最鍾意嘅薯仔🥔.今次嗌蔬菜咖喱比我預期中同以前比好🤣如果希慎food court冇位大家都可以去試吓😛.📍 CoCo壹番屋 (希慎廣場) (銅鑼灣)銅鑼灣軒尼詩道500號希慎廣場11樓1106號舖

Hysan Place 的 food court 有很多選擇，這家Curry house 是在側邊自成一角的餐廳，食物味道不錯， 蛋包飯、焗飯、naan 餅配雞絲 crazy spicy，咖哩唔夠辣，驚喜是有三款的炸雞🍗籃，$77 大份）😋😋。美中不足是餐廳地方淺窄，6人檯要排隊半小時，等拼檯，還要擠在牆角，不如在food court坐大檯來得舒服。價錢有啲貴， 套餐要加$21 才有飲品、湯或雪糕、沙律（選二樣），份量細，一球雪糕下加早餐谷墊底。 6人晚餐加雞籃共$720，收加一服務費，以120 元個餐是比外面food court (例如pepper lunch)貴！要用手機下單，碌上碌下，若有選擇困難症者會花不少時間，還好上菜速度快，趕及九點鐘last order！服務質素一般，全塲欠杯清水！

以前食過好多次，今次叫外賣，一打開見到呢個狀況，仲以為係鉛筆粉，即刻拎返去同職員講，職員只係講咗句”鑊燶嚟，唔好意思” 完全冇換嘅打算，今次係最後一次食，唔會再幫襯

好耐冇食日式咖哩飯😂心癢癢 又懶得自己煮 所以就黎coco一番屋海鮮奄列咖哩飯🍛海鮮種類頗多 有蜆肉 蝦 魷魚😆蜆肉偏細隻 冇咩味🥴魷魚切成圈圈 然後蘇炸過 再落左啲調味粉🤥本身當前菜魷魚圈食系ok 但佢咁整完再放入個咖哩飯到 即刻林曬😵‍💫個炸醬同魷魚分離 好似就咁食炸粉咁😮‍💨好奇怪好彩大蝦方面都好新鮮 爽口彈牙😂奄列非常滑溜 但蛋味吾夠濃🥚如果落返多啲奶🥛同牛油🧈煮 應該會再好啲🙈咖哩汁方面 冇咩驚喜 同一般日式咖哩飯差吾多 平平無奇 不過不失😃可以加$21 轉套餐 有湯同飲品🫕☕️但個湯冇面豉味 好似飲緊水咁😔當食下海帶算啦😂飲品有好多野簡 吾想飲氣水 可以簡橙汁飲😂吾洗加錢 出面餐廳比較少有鮮橙汁飲😄轉左套餐後 要$105💰 感覺偏貴 因為成個飯都冇咩驚喜 特別令人記得 CP值一般😩

一向都鍾意日本料理，最鍾意食甜甜嘅日本咖喱。所以CoCo壹番屋一直都係我的最愛名單之上。今日同老友做完文化人，就食個好味午餐。吉列豬扒庵列咖哩飯 標準設定係少辣，味道偏甜幾香。豬排炸得脆，麵衣唔算厚。炒蛋薄得黎夠嫰滑，蛋味幾香，不錯。焗雞肉咖哩飯 焗飯係200g所以幾細碟。望落唔錯可惜出品非常失望。飯好濕，痴得一舊舊。而咖哩粉亦撈得唔夠勻，一半飯食落無乜味，自行加辣粉。幸好面層忌廉芝士夠多，雞肉亦可以，撈飯都無問題。兒童餐 有甜咖哩蛋包飯配漢堡、腸仔同薯仔，係小朋友最愛嘅配搭。都係正正常常食番咖哩飯，味道係唔錯的。

This is definitely my favorite Japanese curry joint in town.  Menu is extensive and it gets a refresh from time to time.  You get to choose the spiciness of the curry, the rice portion (at an extra cost) and additional ingredients which means you'll get a custom curry at your liking and walk out with satisfaction.Brought my son along this time and ordered from the kids menu.  Food from the kids menu is pretty much the same as the adult version just that it's smaller and comes with jelly which my

想起食咖喱豬扒，就會唸起呢間的日式咖喱吉列豬扒蛋包飯呢度的咖喱可以選擇個人口味的辣度同甜度，係一間做日式咖喱非常專業的餐廳！咖喱汁非常滋味，豬扒炸得外脆內嫩～ 配搭埋蛋包飯，真係正

上一次食一番屋差唔多係兩年前啦。初時諗住食咖喱漢堡扒飯，但係打開餐牌，先發覺已經冇咗呢一個選擇，望吓望吓咁就叫咗個咖喱牛肉飯。再望吓望吓個餐牌，見到有一個新選擇。咖喱除咗可以揀辣度之外，仲可以揀甜度。大少就叫咗個甜辣咖喱豬扒飯。餐牌上介紹，甜辣咖喱汁，係將蜜糖加咗上去咖喱汁裏面。甜度同埋辣度亦都有得選擇我試咗一啖，可能因為我鍾意食甜嘅原因，所以我覺得呢一個汁好味過普通咖喱汁。闊別兩年，雖然個餐牌冇咗我想去嘅漢堡扒但係我覺得味道仍然可以接受，仲有新嘅甜辣咖喱汁，價錢唔貴，性價比高。

星期五晚上，市面暢旺，大家都好似唔將疫情當係一回事，紛紛外出食飯。當我哋上到希慎廣場嘅美食廣場見到周圍都係人好難搵位，咁反正都要等，就去有得排隊攞飛嘅日式咖喱專門店。我哋攞飛結果大約等咗15分鐘。我記得呢度嘅炸豬扒唔好食，但炸雞球就相當唔錯，於是就叫咗炸雞球奄列咖喱飯$74，將雞同雞蛋兩母子一齊食落肚。日式咖喱唔辣，所以加咗辣都依然只係剛剛好，食得好舒服。炸雞香脆，不過就等得算係幾耐。朋友嗰一碟差唔多食完，我呢碟都未到。由於好想食啲甜嘢，所以就+20蚊叫咗飲品同雪糕。唔使$100而且坐得尚算舒舒服服，我覺得相當唔錯。

疫情期間，好掛住呢度嘅咖喱，所以外賣自取回家。叫了一個咖喱茄子豬扒滑蛋飯。喜歡呢度嘅咖喱，富有甜味而濃郁嘅口感。茄子 — 喜歡佢嘅切法，比起中式的切法較幼細，亦滿有日本嘅風格，每一塊彷彿都size長度差不多。豬扒 — 炸得香脆，雖然沒有好新鮮好juice嘅感覺,但整體也不賴。滑蛋 — 我覺得係成個飯嘅靈魂之一，滑蛋配日本米，令人回味。呢個飯瞬間K.O.， 飽足！

疫情下想同朋友食下重口味既野 就想到食咖哩飯了 來到希慎既food court 就選擇了coco而家要減少聚集 所以都要等下位先可以開餐 大概15分鐘後由店員幫手量好體溫同消毒雙手後 就可以入座了 發現左新既餐單所以就決定試下 叫左芝士漢堡扒咖哩飯 咖哩汁要1甜1辣 飯要200g 加21蚊要左是日例湯同沙律配走油沙律醬餐湯是清爽的質地 入面有洋蔥同海帶 微咸可以在食正餐前清下腸胃先沙律既菜食落好清甜 但個走油沙律醬就幾咸下 感覺有點似豉油膏 下次還是選回芝麻醬比較好食左兩個前菜後 幸好自己叫左減量既200g飯 不然大概會浪費左食物飯是珍珠米 食落煙韌咁 好好咬牙 個汁少少甜少少辣 惹味得來又唔會太辣 好開胃牙 個漢堡扒入面既芝士是流心架 食落就可以一啖肉一啖芝士 好享受牙

Weekend 我同朋友睇戲前醫下肚，就㨂咗呢間日式咖哩連鎖店。我選了忌廉雞肉奄列飯，咖哩味道選不辣，上菜時間大約10-15分鐘。這裏的咖哩飯都是出名多汁，日式咖哩汁混合忌廉汁撈飯食，味道不錯的。奄列蛋煎得軟度適中，剛剛好包得住所有飯，賣相精美。可是雞肉只有兩、三小塊，對於想多吃肉的朋友，這款飯未必會是閣下的選擇。另外想表揚一位說英語的男職員，他非常細心，主動為我同朋友調校窗簾，而當時陽光比較猛烈。👍🏻👍🏻👍🏻

一貫水準的日本甜咖喱🍛如果有更多不同種類食材可以選擇就更好👍🏻咖喱汁可以的話 選擇小辣會比較有層次雪糕夠凍👍🏻可能因為是樓上店 所以用餐時段也不用等位薯條未夠水準 沒有什麼味道 要努力