Cobber Coffee and Tonys Pastry (裝修中)

今晚喺觀塘玩boardgame 所以就黎呢間cafe 食✨法國活青口白酒忌廉汁意粉$138超多隻青口 超肥美新鮮 好好味🤤🤤 意粉嘅忌廉汁味好濃 好掛汁 推薦👍✨蕃茄辣肉丸（10粒）$68蕃茄汁酸酸地 肉丸點住啲汁黎食就啱啱好 或者用啲包點個汁都好好食 啲肉好脆好正😋😋 話係辣肉丸但都唔係好辣 肉丸口感都好好 ✨黑芝麻配豆腐疏乎里班戟 $138超好食🤤🤤 個黑芝麻汁超香 爭啲想奶埋隻碟食埋啲汁🤣🤣 個黑芝麻汁香得黎又唔會蓋過疏乎里嘅蛋香味👍同埋個疏乎里都好柔軟 👍 配埋個豆腐一齊食都好好食 雖然大家嘅味都好出 但又唔會蓋過大家嘅味👍仲有中間個Halloween 南瓜係曲奇黎 都好好食🍹Honeycomb Latte $52Honeycomb 就咁食有啲甜 但撈埋落杯Latte 度就有啲蜜糖味 好飲👍總括黎講味道都非常好👍係高質嘅cafe QR code 自助落單 入座一小時內截單 兩個鐘要交枱 建議早啲黎食 我地6點黎就唔洗排隊 晏左之後就開始要排🙈🙈味道❤️❤️❤️❤️❤️抵食❤️❤️❤️❤️💔服務❤️❤️❤️💔環境❤️❤️❤️💔💰晚餐人均～$218 (收+1)

環境好靚，意粉好有特色，味道方面同周圍嘅工廈餐廳比較， 呢度明顯更好味，海膽飯一般般，太咸，waffles 最有surprise 。不過中午時間好多人，出餐較慢，要等好耐。

長期要我位既cafe, 閒日放工去食飯， 朋友想食呢間， 7點半左右去到都要等15張枱， 大約等左半個鐘左右就可入坐。我地叫左個蟹肉意粉， 蜜糖介未雞翼，再叫左個甜品同2杯野飲。 先黎左蜜糖介未雞翼， 介末味較重，味道ok, 但個汁都較多同有啲炸，同埋每隻雞翼都幾大隻，有6隻咁多。 蟹肉意粉好好味， 都好多蟹肉， 有少少辣味， 幾好食同惹味，食落唔覺油， 幾好食。 飲品就揀左雜莓smoothies , 好有莓味，好足料，同埋椰子咖啡沙冰, 個蜜糖脆脆好好食，又好好味。甜品揀左培茶班戟， 個cream 好creamy, 個班戟底好鬆軟，夠晒空氣感，好好食！

今次嚟到位於觀塘工廈呢一間嘅餐廳，下晝四點人唔多，終於有機會朝聖到佢嘅疏乎厘班戟。今次叫咗一鹹一甜。首先上菜嘅係蕃茄辣醬海蝦意粉今次叫咗小辣，覺得辣味唔出建議帶返中辣以上，入口酸酸甜甜海蝦嘅數目都有六粒係幾開胃。主菜一定係呢個疏乎厘班戟，今次嚟到冇得嗌抹茶，所以選擇咗芝麻豆腐味。芝麻醬好似食緊芝麻糊咁，班戟口感鬆化，而且食落都幾飽肚，旁邊嘅忌廉係豆腐味，唔會太甜，整個甜品都非常出色。走嘅時候大約星期日5:30。見到已經開始排長龍。

【觀塘•人氣Café 驚喜好食😋】Cobber Coffee and Tonys Pastry📍駿業里8號世貿大樓1樓第一次去可能有小小難搵，DM我教你易啲既路( ´▽｀)👅9/10Cobber Noodles (辣蕃茄忌廉大蝦意粉）濃郁的辣蕃茄忌廉醬汁，香氣撲鼻，辣中帶甜，搭配鮮美大蝦+硬度岩岩好既意粉🍝！正！黑松露忌廉蘑菇雞肉燉飯黑松露與雞肉的鮮美味道融合，忌廉與燉飯相融，吸收了所有風味，口感綿密濃郁，濕潤而軟硬適中。Oreo 忌廉碎冰大大杯！味道就正常發揮(⁎⁍̴̛ᴗ⁍̴̛⁎)

多年前已經食過，當年喺樓梯排隊嘅畫面仲喺腦海😂早兩日再黎到食個下午茶，主菜選擇都算少，當然主打嘅甜品都有供應嘅1️⃣蒜香牛油雞翼 💰68雞翼算好大隻，每隻上面都加咗蒜粒，香味夠而且雞翼仲好juicy!!2️⃣焗肉醬意粉 💰88叫呢款純粹係選擇真係唔多，但係味道好驚艷喎！上碟時焗到熱辣辣，牛肉味香濃，番茄醬甜甜地好好味😋3️⃣法國活青口白酒忌廉意粉 💰138雖則上枱時覺得青口比較細隻，意粉又無乜色水，但食落調味又好好食喎😭相信係用咗煮青口嘅水去溝個忌廉汁，仲有少少蒜同洋蔥香，食落比望落驚喜🤣4️⃣Flat White💰38咖啡味唔算香濃，勝在落單時可以選擇加熱，貼心🥰整體而言食物質素的確好好，難怪老闆都話選擇少唔緊要，最緊要精！🤣

菜單上的選擇非常多樣化，包括各種類別的食物，從咖啡到甜品再到正餐，應有盡有。 我們點了幾道菜式，其中最推薦的是他們的蒜香蟹肉意粉和飲品😋😋😋👍❣️❣️ 甜品的選擇也很多樣，我們選了招牌甜品疏乎厘，味道都非常好。 疏乎厘鬆軟而濕潤，草莓的酸甜和奶油的濃稠度相得益彰。 焦糖軟曲奇則是入口即化，焦糖的香氣和曲奇的酥脆非常搭配。 整體來說，晚餐體驗愉快。 他們提供的食物優質美味，服務態度也非常出色。 是一個不錯的選擇，但需要提早排隊🥲

呢間位於觀塘嘅CAFE超級人氣😍😍當日平日18:30去到都已經坐滿全場，walkin等咗一個鐘🥹🥹不過好彩食物質素好高😍😍值得等待！—————————————————————————Cobber茄粒醬雜錦海鮮Pizza 8吋🍕（$128)Pizza餡料特別豐富😍竟然有比目魚係入面，仲有非常彈牙的鮮蝦，再加埋墨魚片、洋蔥、芝士等等，食落去口感非常豐富🤩松露薯條（$68）薯條送到嚟嘅時候仲熱辣辣😍滿佈松露醬薯條，仲額外比多一份醬😋份量超多，食落十分香口🍟🍟🍟蒜香蟹肉意粉（$136）落單時選咗小辣🌶️，意粉偏向幼身🍝蟹肉份量好足❗️❗️加埋啲蒜香令成個意粉都好惹味😍😍😍👍🏻👍🏻Matcha Tonic($52)好特別嘅配搭✨濃郁嘅抹茶配梳打水中和咗抹茶嘅甜膩，令到杯飲品更fresh更易入口😋————————————————————————今次兩個人去叫三樣食物已經好夠飽，因為份量好足！當日見到隔離枱枱客人個個都叫咗甜品，下次回訪一定會試下😋😋😋🍰推薦指數⭐️⭐️⭐️⭐️⭐️📍 Cobber Coffee and Tonys Pastry (觀塘)📍觀塘駿業里8號世貿大樓1樓

好食評價：🌕🌕🌕🌗🌑CP值：🌕🌕🌕🌗🌑•辣蕃茄醬大蝦意粉•$98🔥蕃茄迷表示 真係出色！！！呢個蕃茄煮出嚟 真係甜甜地酸酸地又有蕃茄肉食到 蕃茄汁又有唔會過酸！#蕃茄迷 必點啦！大蝦係冰鮮 爽口個啲！意粉就幼身偏硬！仲有得揀辣度 好唔錯👍🏻•蒜香雜菌炒意粉•$96🌱鐘意BBQ 金菇多蒜蓉嘅呢碟啱到飛起 濃到爆炸！真係好蒜香！個口食到好濃烈！真係好勁😂😂😂 唔食肉 食雜菌其實都幾唔錯 仲好多菇類！呢個都係有得揀辣度！意粉都係幼身偏硬啲•意大利芝士溶岩•$98🔥推推推推推推！！！好食好食好食！超creamy!!!!咖啡味有！朱古力有！芝士唔係咸個種！但好滑！如果啲cake可以再鬆軟啲就好 食到一粒粒乾身咗嘅口感！但整體係好好食！P.s. 所有時段都係超多人 所以愈夜愈有機😂😂😂20:00入去 真係等10mins 就入得 但21:00就last order 真係變咗快食咁

觀塘人氣Cafe-Cobber Coffee and Tonys Pastry觀塘Cafe有好多間，呢間都算唔錯😀可以假日黎Chill下，平時好多人要排隊㗎，可能今日落雨等咗一陣就入得啦😅overall 食物質素都唔錯，都坐得舒服，假日要早少少黎排隊啦😗鹹蛋黃雞翼: 極邪惡，濃濃既鹹蛋黃味🤤每次必點蒜香蟹肉意粉: 蟹肉好足料架☺️蒜蓉控必試Nutella 焦糖香蕉雪糕 Waffle 🧇 香蕉表面用左火槍燒到焦糖脆脆咁，好有心思，不過說好的Nutella 醬去左邊😅鮮奶油咖啡: 咖啡就比較遜色，味道唔夠香濃，如果連咖啡嘅quality都改善埋就prefect🤣

之前去過幾次都無開門 一係就太多人等位今次食到喇！ 我覺得Cobber 最出色係佢嘅甜品梳乎厘 入口即溶化梳乎厘 味道方面就各有千秋 我食過芒果同伯爵茶都唔錯意大利芝士熔岩Tiramisu，一拉起膠片忌廉湧出入口有濃郁咖啡及酒香明太子忌廉大蝦燉飯Creamy 但又唔會膩飯粒有少少咬口 唔會太軟熟嘅飯飯都算多份量配蝦仁🍤唔錯

同屋企人去食下午茶三大一小 822埋單熟食還好係個明太子大蝦意粉偏咸 唯獨呢碟野唔值呢個價錢飲品都OK窩夫個雪糕可以選擇雲呢拿或者朱古力建議選擇雲呢拿 我地叫朱古力雪糕但原來個甜品本身已經有好多層次既甜 配朱古力雪糕反而OVER左初開業時黎過一次今次再黎 個TIRAMISU蛋糕都仲係好好食

🎈 建議場合：#即興食飯 👤 建議人數：4人（最多可容納6人檯）💸 人均消費：$100-200【3個人食咗啲咩？】- 明太子忌廉大蝦燉飯 $148- Cobber Noodles （辣番茄忌廉大蝦意粉） $96- 一番宇治抹茶梳乎厘班戟配牛奶麻糬 $138- 朱古力燒棉花糖雪糕窩夫 $86⭐⭐⭐「50%機會係好食 50%機會係伏」由落單到上菜用左足足45分鐘。。。雖然餐廳滿座，但係45分鐘真係有啲太耐。個明太子燉飯雖然賣相有啲 ‘特別’，但勝在好足明太子味，幾creamy，一個人食可能太膩，建議幾個人分黎食，大家都可以試試個味～ Cobber Noodles真心好味！辣辣地好開胃，加左少少忌廉去中和翻啲辣同埋番茄嘅酸，成蝶意粉3嘅味道平衡得好好，啲蝦亦唔會好老，尼蝶菜大推介！至於個抹茶pancake啲料好足，滿滿嘅抹茶cream，麻糬同埋香濃抹茶醬。Pancake中間亦夾住左啲紅豆～ 唯獨有啲奇怪點解佢個雪糕係杯裝分開另上。。。？最後不得不提嘅就係佢個窩夫，係！生！嘎！實在未食過咁難食嘅窩夫。。。個外皮又硬又韌，裡面就係生嘅麵團，好好奇佢係點做到嘅@@ 如果黎食嘅朋友仔，建議點主菜食會

朋友約食晏，知道這裏人流很旺，因此決定避開正常午膳時間。下午茶時間，食店依然車水馬龍，人來人往。幸好餐廳面積大，感覺也不是太差。另外每枱都有飲用水，相當不錯。意粉硬度適中，蒜香和菌香也突出，油膩感相比其他沾滿濃厚醬汁的意粉輕得多。蘑菇的份量多，意粉的硬度同樣適中，蝦的大小不錯而且彈牙，只可惜蝦沒有蝦味，忌廉醬汁又偏甜，松露的味道也不突出。多甜少酸的乳酪碎冰很解暑，如果轉成少甜多酸則更合口味。就是很正常的醇白咖啡，不算獨特。

食物方面我覺得呢間餐廳十分好，佢的食物成量都算大，同朋友約食飯，大家可以 share。 今次我地食咗佢的明太子燴飯，個飯的明太子味好重，仲有好多隻蝦，蝦肉都彈牙。小食就選咗黑松露薯條，好大份，三個人都食唔曬，而且佢會額外俾多一份醬，唔怕食到底下無味。至於甜品，我地選咗兩個：抹茶麻薯疏乎厘 同 楊枝甘露疏乎厘，兩個都好味。抺茶個個，會附上一些濃味抹茶的忌廉，好帶有甘苦味。而楊枝甘露個個芒果味十分重，偏甜。 疏乎厘本體都是偏甜，空空的，軟軟的，蛋味沒有很出。餐廳唯一唔好處，是不可以訂位。雖然店內環境大，但等候空間十分細，而且，太多人，當日排了40 分鐘左右。