影片
港鐵銅鑼灣站 A 出口, 步行約2分鐘
電話號碼
55010697
開飯介紹
菜餚融合意大利和日本風味，如獨特的花雕雞油蟹肉墨汁意粉也適合配雞尾酒；裝潢以黑色為主題，型格又充滿現代感，適合約會、聚餐及派對活動。
營業時間
今日營業
17:30 - 03:00
星期一
17:00 - 01:00
星期二至四
17:30 - 01:00
星期五至六
17:30 - 03:00
星期日
全日休息
公眾假期
17:30 - 03:00
以上資料只供參考, 請與餐廳確認詳情
有關獎賞計劃
影片
相片
TUNA TARTARE
Tuna Tartare
+3K
+206
食家推介
今日同朋友去左銅鑼灣樓上嘅意大利菜Fusion餐廳 Ciclo食晚飯，餐廳就係地鐵站附近，非常就腳。前菜叫左Icura Lobster Arancini 龍蝦炸飯糰Lobster Risotto 配上mozzarella同 sour cream， 芝士有拉絲，味道濃郁。香脆嘅外皮配上三文魚籽，食落更有口感。主菜Crispy Beef Short Rib 牛小排醬汁用 山楂汁夾青醬 青醬淡香配埋山楂汁嘅酸甜好啱配肉類。牛小排熟成度啱啱好，肉質嫰滑之餘，油脂分佈都啱啱好。燒牛油薯蓉好出色，帶有牛油香味但食落一d都唔膩。質感幼滑綿密，配上肉汁味道天香濃。野飲叫左一杯Golden Hour由幾種唔同嘅酒 Gin, Whiskey, 麝香葡萄酒，白酒 製成嘅cocktail, 入口酒味濃烈，飲落乾身，餘香帶少少甜味。餐廳氣氛幾好，幽暗黑灰調好舒服，餐枱之間都有d距離好好放鬆，同朋友傾下計。店員都好nice，需要推薦都可以問下店員介紹下menu。
繼續閱讀
朋友推介哩間有情調的fusion菜餐廳，菜式係日本mix意大利style的，一出lift就見到餐廳招牌, 牆上的招牌設計簡約而不失品味，個環境氛圍好靜謐同神秘，燈光柔和，令整個空間顯得好有質感。Menu有介紹到餐廳嘅故事呢度嘅菜式全部都係自己研發的，佢哋嘅Combination都好特別前菜叫左 shaved cauliflower, 呢道菜10分有創意，花椰菜切得薄薄的，口感清脆，非常爽口，配上核桃芝麻醬，仲有少少檸檬醋汁，帶來一種濃郁的香氣，加上 bonito 魚片，增添咗海鮮的鮮味，整體味道層次分明。本身道菜係for素食，不過有得加錢加兩隻鮑魚，我哋加咗兩隻鮑魚，味道非常之出色！第二道菜點少得tuna tartare. 喺OpenRice見到好多人叫，張相亦都好吸引。道菜有吞拿魚粒，牛油果，紫菜脆餅同米餅餅.,仲mix埋香港嘅辣椒醬.其實我平時真係唔會點樣食生嘢，尤其是嗰啲生魚片，但係佢咁樣絞碎咗吞拿魚MIX埋牛油果，再加埋個辣椒醬，放喺米餅度食真係好好食，好新鮮，Tuna入口即溶，如果牛油果加埋辣椒醬好開胃，完全冇諗過呢一個組合👍👍第三道菜係我嘅最愛-Nduja Cavatelli Pasta. Nduja 係辣肉腸嘅一種，呢度菜將意大利粉配上濃郁的 Nduja 香腸醬，每一啖食落都有少少香辣嘅味道，正！佢意大利粉嘅形狀都非常特別，細細粒好似貝殼咁。上面有粉紅蝦生魚片，勁新鮮，亦都有燒炙的比目魚鰭邊英川魚（engawa）為道菜帶來了獨特的煙熏風味，整體口感更加立體。鍾意食海鮮嘅你又點可以Miss呢道菜呢😜我哋仲嗌咗兩杯Asa hi，happy hour叫每一杯都只係$48😊整體嚟講環境非常之優雅，同埋舒服，食物擺盤都望到好高檔同花心思，最特別嘅係全部都係自家菜式，唔係出邊可以食到，有少少似Fine dining! 員工都非常之Nice，用心解釋每一道菜式同推薦！下次會再嚟
繼續閱讀
好朋友帶左我去霎東街一間樓上餐廳晚飯。餐廳設內設計得好型格，暗暗燈光好有格調。主打日、意fusion，所有菜式都好美味。Tuna Tartare一道食法豐富嘅拖羅他他，首先拖羅刺身肉質鮮甜爽口，非常新鮮。調味方面以比較西式風味生伴海鮮味道為主，配搭自家製米紙海苔脆片，超級夾。另外擺盤賣盤亦都夠高級，好有水準。Hokkaido Scallop Ceviche帶子新鮮肉厚，味道本身已經好鮮甜。夾搭三文魚子進一步加強鮮味，配搭特製酸汁10分開胃，可以同海鮮味有一個平衡，特別在加咗尖尖辣椒，酸酸辣辣，刺激味蕾。Crispy Beef Short Rib牛味十分濃烈之餘，我最欣賞係整條牛肋肉嘅完成整同口感，外脆內軟，外面夠香口但肉芯係入口即溶，真係好好食。Drunken Crab Pasta呢一度意粉係全晚最驚艷嘅一道菜，完全突顯到餐廳fusion菜嘅創新度，濃郁雞湯嘅味道再配合中式花雕酒嘅香氣配埋蟹肉嘅鮮味，完全係味道嘅極致享受。我強烈推薦你呢度食飯一定要叫。Pistachio Lemon CreamCheese Dessert比較少食到嘅一款Soft cheese cake口感類似Tiramisu但味道並無Tiramisu咁強烈唔太鍾意咖啡Baby走嘅朋友，但又鍾意Tiramisu嘅口感可以嘗試試吓呢款甜品。
繼續閱讀
最近又發掘到一間高質又浪漫的西餐廳大家一定要bookmarked啊♥️餐廳Ciclo位於銅鑼灣店內裝潢以暗黑做主調 型格又充滿現代感菜式混合了意大利和日本的風味如大家在為任何慶祝活動的晚餐而苦惱建議大家可考慮一下這餐廳啊上菜時店員都會介紹一下菜式煮法有刻會以為自己在高級餐廳進餐 儀式感滿滿每款食物煮法都挺特別，味道亦很高質♥️TUNA TARTARE牛油果🥑迷必點‼️呑拿魚辣辣的，配上牛油果🥑蓉和炸了的海苔片，非常有口感。🧡HOKKAIDO SCALLOP CEVICHE帶子很新鮮，配上奇異果粒、三文魚籽和墨西哥辣椒，味道醉酸甜甜的非常開胃💕♥️CRISPY SHORT RIB牛扒是用慢煮方法保持肉質嫩滑，醬汁是用了話梅配紅酒燒汁 牛扒配這帶點酸酸味道的醬汁和意大利香草醬，又意外的匹配。而伴碟同上的薯蓉更有意外驚喜，薯蓉十分香滑😍🧡DRUNKEN CRAB PASTA墨魚麵用了紹興酒煮，所以會有點中式風味，而且麵質又很彈牙另蟹肉是用了雞油煮，每口蟹肉都帶點雞味，味道特別又好味♥️SALT BABE可能有人會覺得像鹹檸七，但卻截然不同。這飲料是加了陳皮Gin酒和梨酒，味道又挺清爽。加入了的蜜糖亦為這飲料增添了甜味。飲時配上杯邊的鹽，味道亦豐富了酒的味道🧡SAKE SOUR這雞尾酒🍹以檸檬汁、菠蘿汁和蛋白調配，味道酸酸甜甜，口感很順滑
繼續閱讀
餐廳環境暗黑系，裝修比較工業風，座位好闊落坐得好舒服，好適合夜晚同朋友嚟飲酒chill吓。Tuna Tartare吞拿魚粒混合咗蛋黃醬，個自家製紫菜脆餅一定要連埋吞拿魚粒同牛油果醬一齊食，成件事口感好豐富，餐廳好大膽嘗試將牛油果同辣椒油結合，味道出奇地夾，食落辣辣地好開胃。Crispy Beef Short Rib慢煮牛坑腩外皮燒到好香脆，肉質好淋，配埋香草醬一齊食味道好夾，可以中和返牛肉嘅油膩感，而旁邊嘅薯蓉打到好幼細入口即溶，最底部嘅醬汁用咗山楂食落酸酸甜甜好開胃。Miso Cacio E Pepe意粉好特別用咗日式味噌、芝麻油、cream cheese、仲有少少黑椒碎，味道好濃厚食落好Creamy，意粉口感彈牙唔會過淋，日式味噌同意粉呢個配搭好夾。Truffle Fries黑松露薯條炸到外脆內軟，面層嘅醬汁係餐廳自家製嘅黑蒜汁食落好香濃，再配埋巴馬臣芝士真係成件事好邪惡，會食唔停口。Golden Hour鍾意飲威士忌可以試吓呢杯Cocktail，味道比較甘甜，係用咗威士忌、檀香木浸泡金酒、麝香葡萄利口酒。Upside Down呢杯mocktail好易入口，味道唔會太甜好似飲緊泰式奶茶，職員將泰式茶打成泡沫，再加埋椰奶、椰子水、鹽水溶液，飲到停唔到口。
繼續閱讀