Chullschick

Chullschick 是香港首家專注秘魯烤雞（Pollo a la Brasa）的餐廳，由土生土長的秘魯大廚 Abel Ortiz Alvarez 創辦，於 2018 年在中環 Soho 開業，2022 年在灣仔月街開設第二分店。這裡的菜式以秘魯傳統食譜為基礎，強調新鮮食材（部分從秘魯空運），主打簡單卻回味無窮的街頭小食和烤肉。平均消費約 HK$200-300/人，性價比高，尤其在中環這區。主菜
這次我點了三道完美展現秘魯菜的酸辣鮮香既菜式🥑Pulpo AI Olivo 牛油果烤章魚（或類似海鮮），搭配綠色醬汁、洋蔥和紅椒碎，旁邊有半個萊姆和一堆酥脆的玉米片（可能是秘魯風味的 cancha 或類似炸玉米片）。這道菜風格鮮明，帶有海鮮與辛香料的結合。🐙Peruvian Grill 呢個係秘魯signature 菜式包含一塊烤牛排，雞肉，表面塗有秘魯風味的 chimichurri 或 ají 醬。下方有勁多薯條和新鮮沙律，沙律裡有粟米和紫洋蔥，淋上醋醬。整體呈現出豐富的南美風味，適合搭配啤酒或雞尾酒。🍨甜品 Chocolate Rice Pudding 巧克力飯後甜點外觀誘人，奶香濃郁，巧克力味平衡甜美，米粒柔嫩帶嚼勁，香料增添溫暖感。外觀精緻，口感舒適，味道溫馨，完美適合飯後享受。秘魯風味用煉乳提濃，暗藏肉桂與可可香，地道安第斯風情。🍸飲品 Drinks 精心製作的拿鐵咖啡，奶泡上有心形拉花。適合唔飲凍飲既人☺️Cusqueña Golden Lager 啤酒這是一款來自秘魯的知名啤酒，與秘魯菜搭配非常合適。💁‍♀️服務我們坐到靠窗戶外位，望著街景邊吃邊聊，氣氛超 chill。服務員熱情親切，英文流利，還主動幫忙拍照。從點餐到上菜只需 15 分鐘，效率一流。音樂播放拉丁輕快曲，增添異國情調。✨環境餐廳環境充滿南美風情：彩色壁畫、羊駝公仔和國旗裝飾，吊燈由竹編製，讓人彷彿置身利馬街頭。座位輕鬆隨性，營造出熱情又活潑的氛圍，背景有酒瓶和裝飾品，顯然是一家注重文化特色的餐廳。適合午餐快閃或晚餐聚會! 總結
Chullschick 讓秘魯菜在香港變得親民又難忘，無論是烤雞的經典魅力還是小食的創意。如果你厭倦了中式或西式，來這裡絕對是新鮮體驗 ！…查看更多

首次食秘魯菜~ 充滿獵奇嘅心態🤩 點了秘魯豬肉粽 Pork Tamal $108賣相係有D醜😂 外層是粟米蓉 口感是豆蓉 夾雜住香蕉葉和香料嘅味道 內餡是豬肉比較瘦 ~ 秘魯生漬魚 Ceviche Clasico $160海鱸魚切角 加上脆脆粟粒有口感 👍 魚肉是用 “tiger’s milk”- 用魚,檸檬,蒜頭製成的酸汁 來醃製 ~ 味道酸酸的 微辣 很開胃🤤🤤½只燒雞配沙律&蒜香飯 ~ 煮得剛好👍 肉還是滑的 👌 還有秘魯汽水 Inca Cola ~ 這個和忌廉沒有太大分別 😂😂七點前有happy hour ~ 朋友點了秘魯的house white & red wine ~ 紅酒有點蜜糖香氣 挺有驚喜的 👍 …查看更多

下班後和好朋友到日、月、星街附近搵餐廳食飯。路經月街這一間秘魯菜，感覺好特別，就決定嘗試。這裏環境很chill, 餐廳雖然唔算大，但有戶外，感覺就像外國一些小餐廳。餐牌上有很多菜式都好吸引，但我們只有兩個人，不敢隨便亂叫。最後我們點了一個冷盤（秘魯生漬魚）及一個主菜（秘魯慢燉牛肋骨）。冷盤嘅生漬魚用咗海鱸魚，未想過海鱸魚也可以生漬！仲有啲好脆嘅粟米，整個組合恰到好處。燉牛肋骨好腍，非常入味。整體份量充足。亦嘗試咗佢哋一個飲品叫做Pisco Sours，酸酸地好清新。好想試佢哋一個芫荽飯，可惜今次太飽了，希望下次有機會再嚟試吓啦☺️…查看更多

Chullschick是一家專注於秘魯菜的餐廳，這裡的環境舒適，裝潢充滿南美風情，非常適合好友聚會或家庭聚餐。我今次嘗試了他們的 Pork Tamal 和 Peruvian Grill 拼盤。Pork Tamal 是秘魯獨特的豬肉粽，外皮用玉米粉製作，口感柔軟，內裡的豬肉餡料鮮嫩多汁，帶有一股獨特的香料味，讓人一口接一口，根本停不下來。接下來的 Peruvian Grill 拼盤更是讓我驚喜，拼盤上有多種秘魯特色的烤肉，包括雞肉、牛肉和香腸，每一種肉類都經過精心醃製，烤得外焦內嫩，肉質鮮美。特別是雞肉，表皮香脆，肉質滑嫩，搭配店內特製的醬汁，味道更上一層樓。整體而言，Chullschick 的菜品不僅美味，還充滿了異國情懷，是喜愛探索新口味的食客不可錯過的地方。如果你在灣仔，記得來試試他們的秘魯美食！…查看更多

今日同一班朋友黎試下秘魯菜，環境佈置得有氣氛，侍應服務態度好好，上菜速度合適。今日我哋點了四個菜式，一定要試嘅秘魯拼盤，入邊有烤雞、腸同埋扒，搭2個配菜。烤雞吾乾，整體味道不錯。跟住我哋仲試咗個秘魯豬肉糭，口感好得意，要沾配佢既醬先有多啲味道，吾係本身就咁食會無咩味，未試過可以試吓。見佢個lunch set幾抵，所以叫左煙燻豬肉三文治配蒜香飯，佢個飯有蒜香好正，三文治入邊除咗豬肉仲有番薯，咁樣夾埋有幾好食。最後我哋叫咗個甜品Churros，炸得剛剛好，滿足的一餐。…查看更多

灣仔月街嘅 ChullsChick 主打正宗秘魯菜，招牌秘魯烤雞遠近馳名。趁午餐時間想試新口味，點咗 秘魯烤雞，配薯條同沙律，以下係試食感受。環境：南美風情，輕鬆隨性ChullsChick 店面細巧，門口秘魯風壁畫搶眼，店內木枱配彩色裝飾，掛上羊駝公仔同國旗，滿滿南美街頭 vibe。中午人流適中，搵到位靠窗，坐喺戶外枱望街景，氣氛 chill 又啱打卡。座位略密集，空間感稍弱，但整體乾淨舒適，適合快閃午餐。食物：烤雞香料濃，嫩滑惹味秘魯烤雞係招牌，四分一隻烤得金黃薄脆，香草同微辣嘅秘魯香料入晒味，雞肉嫩滑多汁，唔乾柴，配青醬（似 chimichurri）酸辣開胃，咬一口好滿足！網上食客讚香料調味正，今日試食真心唔錯，份量啱一個人午餐。薯條脆口但普通，沙律新鮮卻偏少。鍾意濃味烤肉嘅朋友，呢道菜係必試！下次想試 Ceviche 或 Lomo Saltado！…查看更多

之前逛日月星街，已經留意到呢間秘魯餐廳，今次過開海，一於試吓。午市套餐有餐湯、主食、飲品。是日餐湯係蘑菇湯，有蘑菇味，唔太creamy，事頭婆飲到有少少輕微酸味，唔知係啲菇將近變壞定係佢真係落咗啲酸味調味料（用餐當日之後整天沒有異狀）。飲品可選汽水或檸茶，或加錢要咖啡/Chicha Morada。汽水會用金屬飲管。招牌秘魯烤雞［半隻］（$160）可選兩款配菜，有四款可揀：雜菜沙律、烤蕃薯、薯條、蒜香飯，揀咗薯條及蒜香飯。份量比預期中及餐牌相片多。巨量薯條，粗薯條，夠熱又脆；蒜香飯有調過味，香蔥炸蒜洒面，味道可以；半隻烤雞分開上下身兩件，調味香料味濃，外皮烤得幾香，但不是脆皮嗰隻，雞肉嫩身，髀位滑，胸位還可以唔太嚡，黃辣椒醬帶酸唔辣，點雞肉食提升味道層次。秘魯特色牛肉餡餅（$150）可選一款配菜，揀咗烤蕃薯。烤蕃薯有三件（一件半個），稍稍烤焗過，頗香，軟身，勁甜；牛肉餡餅有兩大件，好似一個加大碼嘅角仔，外皮十分鬆化脆口，牛肉餡料好濃味，除咗免治牛肉碎，裡面仲混和咗洋蔥粒及烚雞蛋。餡餅淋上阿根廷青醬，酸酸甜甜辣辣，中和濃味餡料。店內裝修有異國風情，空間不算太大但唔會太侷促。除咗室內座位及吧枱位，另外仲有室外座位。…查看更多

平時食厭西餐，日本菜，泰國菜。今次經過門口見到係秘魯餐廳，有新鮮感up! 入到去餐廳見到每台都叫咗招牌秘魯烤雞，所以係必點菜式✨餐廳室內氣氛很好，天花板貼滿了彩紙充滿了節日氣氛。牆壁和裝飾都擺放了有很多代表秘魯的草泥馬公仔，非常可愛。至於食物方面，相當有驚喜，原本以為價錢貴份量少，點知完全食唔晒🤣仲可以打包添極力推薦半隻烤雞配甜番薯同蒜香飯，半隻燒雞份量充足，甜番薯的蜜汁味平衡烤肉的味道，另外煙鴨胸芫荽飯都非常出色。…查看更多

見到pair草泥馬守門口，先知原來係秘魯國寶，佔全球總數70%😂 失敬！店內佈置佢都係主角，仲有售毛公仔$888/隻坐低叫咗杯白酒，被menu的秘魯特色烤爐拼盤所吸引，店員捧烤爐上枱真係大大份沙律菜同酸菜cover住開邊烤腸我鍾意脆腸，所以覺得佢淋咗D最like係牛扒，外面焦香內裡粉紅而且調味好正，多多香、少少辣唔通係秘魯特製嘅？輪到燒雞，我中伏太多，戰戰兢兢試脾先肉少嫩、皮好香，放心咗食到雞胸都可以，唔算鞋，收貨！如果計份量，薯條之多變咗做主角😂不過一邊飲酒傾計一邊食薯條其實係唔會嫌多嘅就係咁，KO咗我哋呢個late dinner!…查看更多

讚-燒雞係唔錯 皮入味 肉夠滑 香腸燒得皮脆 炸餃子唔油膩 餡料夠豐富 醬汁開胃 呢兩樣都做得幾好-好多羊駝擺設 好得意彈-第一次係餐廳見到有職員瞓覺 不過間嘢又真係好無客 星期五都靜到咁-醃魚生啲魚肉有啲乾…查看更多

嗰度地方好細 要去嘅話記住要早啲book位‼️雖然地方唔大 但係好有氣氛 🥳場內有好多秘魯嘅裝飾 例如草泥馬公仔 同埋秘魯音樂 🎵但係氣氛都係其次 重點係嘢食 😋鍾意食大嚿肉嘅朋友千祈唔好錯過‼️因為佢啲雞真係烤得好香好嫩滑 牛扒又好juicy 🍗🥩包你一試難忘 🙂‍↕️小食方面 我自己好鍾意食蘑菇脆片配牛油果蓉 🥑脆卜卜又香口嘅脆片 配上creamy嘅牛油果 真係冇得頂 令人食唔停口 👍🏻不過甜品方面就唔係好推薦啦 🥺Churros偏硬 同埋原本諗住係配雪糕 點知原來只係醬汁 鍾意食churros嘅朋友都係去返葵廣食 @bunnychurros 啦 價錢方面 可能因為香港比較少類似嘅菜式 咁都係比較貴嘅我哋琴晚9個人食 人均大概$230（唔計切餅費） 💸💸不過個人都係覺得值得一試嘅 👍🏻如果你都鍾意試吓其他國家嘅食物 🤤不妨嚟試吓啦❣️…查看更多

My friend and I were walking around the area and we had no time what to eat. We happened to see this Peruvian restaurant in the hidden alleyway. Therefore, we gave it a try to dine in here since I am quite familiar with Mexican food so I have no idea how is the taste of Peruvian food. We ordered one beef empanada, one Peruvian grill with Iced lemon tea. The portion of the food is good but it’s a bit salty in HK standard. I found the taste of the beef quite similar to beef taco. The iced lemon tea was quite expensive since each costs HKD 48. I love to try different cuisines but I didn’t find any wow factor in this restaurant.…查看更多

同事推介月街秘魯菜門口見到兩隻草泥馬，好得意！毛嘅質感超級軟熟！🥰餐廳裝修好色彩繽紛，好似去咗外國咁～見到牆貼咗poster有賣草泥馬公仔！lunch set 包 main dish（可以揀配沙律/飯），餐湯或嘢飲份量驚人！7個人食5個餐啱啱好～炸蘑菇芝士餅三文治 $148一切開有芝士拉絲🧀蘑菇芝士餅好脆口，夾埋沙律菜，中和咗芝士嘅膩三文治嘅麵包唔係平時食開嘅鬆軟麵包，有啲嚼口🍞秘魯特色牛肉餡餅 $148餡料係免治牛肉、洋蔥，肉味好香，冇牛嘅騷味面頭配搭阿根廷青醬，中和返牛肉餡餅嘅重口味😚招牌秘魯烤雞半隻 $158烤雞肉質嫩滑，但雞胸肉位置都係比較乾，用香料醃製，有新鮮感！🍗香脆魚三文治 $135炸魚好脆，但個炸皮比較厚秘魯烤雞配莞茜飯莞茜飯好綠！飯質地比較濕但莞茜唔係我哋認識嘅莞茜，係另一種特別嘅香料整體而言，全部菜式都係平時少食到嘅香料味，但每碟嘅味道都有啲相似。🤔 份量嚟講都幾抵食！配菜推介蕃薯條，軟熟而且甜，特別在於面頭加咗肉桂粉…查看更多

入去餐廳見到星期一至四 3-6有個A La Brasa Sandwich 買一送一，當時時間係5:52，咁我就即刻問個店員可唔可以叫呢個，佢猶豫左一陣，之後再去問人，最終俾我叫呢個買一送一優惠（其實我唔明點解要問，因為真係未夠6點）。咁個menu寫住個A La Brasa Sandwich 係$98，到埋單時竟然見到張單寫$168，咁當然問返點解個價錢同menu唔同，佢就答我地係side dish錢。嘩大佬，首先我地冇叫過side dish，再者個side dish只不過係一堆薯條，會唔會值70蚊呀？！喺香港食飯服務差食物難食嘅餐廳就遇得多，咁樣呃人錢嘅真係好耐未試過，大家入去時真係要三思。…查看更多

位於灣仔Chullschick 喺香港人氣高企嘅秘魯餐廳，經常full booking，鍾意新嘗試㗎你就唔好錯過啦🤩，呢間食物質素超高，前菜到甜品都冇令小編失望，門口仲有兩隻可愛草泥馬🦙❗️-1️⃣「煙燻鴨胸芫荽飯🦆🍀 ($229)」呢個係當日嘅MVP，超好食！首先鴨胸同埋鴨髀都煮得好好食，鴨胸肥美鮮嫩，而個飯好creamy有輕微嘅芫荽香味，撈埋啲醬係要食越上癮~GREEN DUCK RICE👍🏻-2️⃣「秘魯特色芝士餡餅🥙($129)」呢個係芝士控一定要食，中間餡爆哂芝士🧀️，外邊酥脆硬硬地咁，而且係超飽肚～CHEESE EMPANADA 👍🏻-3️⃣「招牌秘魯烤雞半隻🐓($158)」佢哋嘅lunch set比單點抵食✨，不過雞肉只有部份地方係嫩，雞胸部份比較乾～POLLO A LA BRASA （HALF）-4️⃣「秘魯芝士春卷($80)」想冇咁飽肚但想食芝士可以試呢個，外皮脆卜卜但唔會好油膩，少少煙靭～TEQUENOS👍🏻CHURROS WITH CHOCOLATE SAUCE🍫🇪🇸呢個西班牙油炸鬼勝在唔甜，炸得香脆鬆化，而朱古力醬質感醇厚～👍🏻-5️⃣「秘秘魯油炸鬼配朱古力醬🍫($68)」居然有Churros!! 麵團得比較蓬鬆口感鬆軟，配朱古力醬～PERUVIAN CHURROS WITH CHOCOLATE SAUCE👍🏻…查看更多