Chill Sweet

營業中

休息中

上次食過一次，覺得幾足料，今次再次透過平台買外賣，質量下降了..椰皇雪燕桃膠鮮奶+ 桃膠西米露（自行兩溝）同樣地點返上次食過嘅椰皇雪燕桃膠鮮奶& 桃膠西米露，個人覺得「椰皇雪燕桃膠鮮奶」味道唔錯，份量都幾足，但「桃膠西米露」味道偏淡，所以將兩碗兩溝埋一齊食就啱啱好啦，口感同味道會豐富好多。另外，「紅豆沙紫米露配小丸子」就有少少失望，比起上次稀咗好多，幾乎冇乜食到紫米….而小丸子係冇乜煙韌度嗰種，質感軟爛嘅，無咩咬口，唉..要保持水準真係咁難嗎..？..

估唔到葵涌廣場有間外賣糖水舖咁足料，價錢又抵，網上外賣平台叫外賣仲有滿$180打7折，性價比超高，希望水準可以一直保持落去啦！椰皇雪燕桃膠鮮奶：好足料，有椰香，鮮奶味濃郁，啖啖都好豐富，滿足！桃膠西米露：西米露超多，桃膠份量還可以冰糖燉雪燕桃膠：味道偏甜，個人覺得椰皇雪燕桃膠鮮奶好味啲紅豆沙紫米露配小丸子：甜度剛剛好，唔會太甜，食落有啲似酒樓飯後甜品配送嗰款紅豆沙，但加咗紫米咬口會更好，小丸子份量比較少，再多啲就好啦

叫咗黑白雙重奏外賣，強烈建議有液體嘅甜品喺面唔好再用下壓式嘅蓋，開蓋就會㩒到啲芝麻糊，一路開一路瀉哂出黎，開完都無咗1/4，成個袋都係芝麻糊偏甜，兩者唔係好襯，食唔到芝麻糊以外嘅味

Chill Sweet係一間桃膠甜品專門店，冬天緊係滋潤下食返個桃膠甜品先~就到聖誕節佢哋都推出聖誕主題樽仔甜品系列，分別係薑餅人同雪人造型，仲帶哂冷帽頸巾，好可愛.樽仔甜品有多款選擇，有招牌椰皇雪燕桃膠、楊枝甘露、黑糖桃膠鮮奶、士多啤梨鮮奶等等，聖誕裝係增量裝可以同朋友share一齊飲(雪兒500ml) (薑餅人600ml).椰皇雪燕桃膠 $48有薑餅人同雪人造型，由於係自家製所有唔會甜，椰子味道濃郁，雪燕增添咗甜品嘅層次感，桃膠美容養顏，健康又滋潤.黑糖桃膠鮮奶 $47桃膠口感滑嫩，黑糖味好香唔會太甜，奶味夠，黑糖嘅濃厚再配搭桃膠同鮮奶嘅細膩，係絕配~.芭樂甘露 $39試飲價$29佢哋新推出台灣風味芭樂系列，有三款選咗分別係芭樂甘露 、芭樂麻糬同芭樂樂園。我第一次飲芭樂汁，加左雪燕同西米口感豐富，味道清甜順滑.D24皇牌桃膠 $65入面有椰皇雪燕桃膠鮮奶+榴槤肉，超足料！由於我唔食榴槤，朋友話好正好香榴槤味，仲有勁大嚿榴槤肉，食完好滿足

比我係葵廣見到呢間Chill Sweet有薑餅人同雪人造型嘅滋潤養生飲品💕原來佢哋叫薑仔同雪兒，造型超可愛，買比朋友做聖誕禮物或者開Party都好啱🎉今次就試下2款特色飲品同2款糖水❤️☃️楊枝甘露☃️士多啤梨奶楊枝甘露好足料，啖啖都食到新鮮芒果🥭味道又唔太甜士多啤梨奶同樣足料，入面滿滿果肉，奶香味好出😊☃️仙草凍5號 仙草凍好滑嫩，再加芋圓、芋泥球同小丸子，食落有口感之餘仲好滿足😍☃️D24椰皇雪燕桃膠鮮奶 估唔到咁有驚喜🤩食落一啲都唔普通，啖啖都有雪燕同桃膠之餘個榴槤仲好大一球，味道好香濃，值得一試👍🏻

今天去左葵芳葵涌廣場一間外賣糖水店叫Chill Sweet，主打王牌桃膠等美顏糖水，啱哂一眾貪靚又要健康女士薑仔椰皇雪燕桃膠 $49雪燕和桃膠的口感彈牙，椰皇的清甜加上軟糯細膩雪燕和彈牙桃膠，清甜潤喉，溫和順滑，是一款養顏美容又滋味無窮的甜品，加上聖誕薑人🧑‍🎄造型，十分可愛😍薑仔楊枝甘露 $49芒果的清甜和椰奶的順滑, 口感濃郁幼滑，薑餅人的造型精緻可愛，色澤誘人，令人賞心悅目、美味可口的聖誕甜品🥰椰皇雪燕桃膠鮮奶 $48清甜淡雅的椰皇，配上Q彈爽滑的雪燕桃膠和濃郁的鮮奶, 口感細膩綿密😋楊枝甘露配小丸子 $45楊枝甘露配小丸子，冰涼爽滑的楊枝甘露配上軟糯Q彈的小丸子，口感豐富層次，清甜香濃😛🎇Chill Sweet (葵涌廣場)🎈葵富路7-11號葵涌廣場2樓潮流廊2017號舖

之前見有foodie介紹經過見冇人排就試下，點知普通人買就係伏到痴線！！兜嘢就咁係雪櫃拎出嚟，舊麻糬已經雪到一啲都唔煙韌，其他配料都好普通個底係啲普通椰奶。個芒果布甸正常。完全係智商稅

#20240203 💛📍 Chill Sweet @chillsweet.hk 葵芳葵富路7-11號葵涌廣場2樓潮流廊2017號舖 🍽️藍田匯景道8號匯景商場5樓27號舖➖➖➖➖➖➖➖➖➖➖➖➖➖➖➖➖➖#榴下來的人 $48 🫧 #D24榴連肉 #小丸子 #愛玉 #椰汁西米露💭 一碗睇落個樣有啲普通既西米露糖水，食落就覺得一啲都唔普通🤩小丸子即叫即整，所以暖暖地，同冰凍既椰汁好強烈對比🍡愛玉同西米露都正正常常🥥最驚喜係pat榴連，大到成個雪糕球咁大😱第一次見咁誇張，真係抵到爛🤑.#葵芳美食 #葵芳黃店 #🐷在葵芳 #🐷_食

有日路過 見到menu有個「chill牛芋圓」有芋圓 有牛奶布甸 有芒果 有西米露集合人見人愛嘅食材於一身諗住可以一次滿足哂n個願望點知order完見到店員一埋位就吱糖水打底…牛奶溝糖水 目測溝稀到1:99咁😂然後分別加入西米露、芒果、芋圓、牛奶布甸一放入口.. 簡直係難以形容嘅難食牛奶可以完全冇奶味西米露係粒粒分明 非常爽口 完全冇味道好似食緊齋西米咁😂牛奶布甸係啫喱 (我認知中嘅牛奶布甸應該係creamy口感)芋圓…普普通通 冇嘢挑剔芒果係酸嘅 不意外完全突破左甜品難食嘅境界我好少上openrice留食評今次真係太難忘可能佢其他桃膠係正常 但我唔會再犯同樣錯誤twice呢個真係太伏比大家參考下

朱古力窩夫係即叫即整 食落外脆內軟 加上朱古力醬令到朱古力更濃郁 芒果好甜 配料好充足 食完2舊窩夫仲有好多配料 食完好滿足 不過Oreo應該灑落窩夫上面 食落窩夫同配料分離左咁 食到尾就咁食忌廉同埋Oreo碎有啲膩同單調

因為散水餅所以認識Chill Sweet，主打桃膠糖水，另有窩夫、心太軟、梳乎厘等甜品，是超多元化的甜品店😍🌇裝修：主要做外賣，但藍田店入面都有一張枱仔俾客人堂食用 🫶桂花雪燕桃膠 $27(275ML) / $33(420ML)🫶椰皇雪燕桃膠 $29(275ML) / $40(420ML)🥤兩款甜度都啱啱好，完全無人工的死甜🥤椰皇雪燕桃膠是招牌，用椰皇熬製，加上桃膠、雪燕、紅棗和圓肉，十分足料，牛奶和椰皇都好夾🥤桂花雪燕桃膠同樣好足料咁有好多桃膠和雪燕，再加上淡淡桂花香味，清甜滋潤🥤散水糖水仲附送有趣心意卡🥤散水糖水仲有其他選擇，如黑糖桃膠鮮奶、菠蘿雪燕桃膠、楊枝甘露、士多啤梨鮮奶、白桃雪燕烏龍茶😙⚠️桃膠有平民燕窩之稱，普遍認為滋陰養顏，但其實並不是人人適合! 桃膠含大量纖維，可以提高飽腹感，亦可以清熱止渴、潤腸通便；但因為桃膠是高纖、高蛋白質，所以消化能力較弱者不能進食過量，對胃部未必好，更不適合患有腎病人士，孕婦、來經期間者都不建議食用!🎆整體：散水餅收到糖水都幾開心! 多數3點幾派散水餅，好多時食完lunch再食cake會好飽好濟，所以今次收到滋陰糖水好開心，好味又無負擔感。糖

近來桃膠成為了女士們喜歡的的天然保健食品😙 價錢抵又做到燕窩的效果👸🏼@chillsweet 係主打滋潤桃膠飲品和滋潤養顏的糖水，還有巴斯克蛋糕🍰天氣咁熱要食番啲滋潤嘅補一補~🔸士多啤梨西米露鮮奶 $40呢個係好有口感的，個底有好多西米露同士多啤梨🍓西米露係Q彈的，而且滿滿士多啤梨🍓果肉，好濃士多啤梨味🔸雪燕桃膠鮮奶 $40桃膠同雪燕份量多多🤤每一啖都會都到桃膠同雪燕的，好足料！呢個甜品好飽肚的😍 正正👍呢個都好適合做散水禮物🎁

葵芳店裝修終於重開作為葵廣人氣爆燈嘅甜品店，主打清涼滋潤桃膠飲品及手工滋潤養顏糖水，呢個盛夏時間最岩就係嘆下凍冰冰消暑開胃甜品啦😋為迎接夏季到臨，店主特別推出「D24榴槤系列」，將佢加入招牌人氣桶裝Chill Come撈中。D24榴槤Chill Come撈$36+$18推介:⭐️⭐️⭐️⭐️⭐️糖水底揀左爽滑自家製班蘭河粉配椰汁底，另有西米露、仙草或愛玉配花奶/鮮奶/椰汁自選配料提供有19款選擇，當中大球D24榴槤肉係今次小編重點推介😍，另外三款配料就選左愛玉配料、招牌桃膠及芒果布甸，一打開蓋榴槤樸鼻就一定😆食落就真心絕對驚喜👍🏼將本身榴槤嘅香甜再加上糖水香甜，再加埋其他配料增加口感嘅時間，榴槤再溶落椰汁底到產生特別化學作用😍形容唔到有幾正情況下，大家直接去買黎試試比較好🤣榴槤果肉系列還有"榴住你心" & "榴槤奶凍" 榴槤控認真萬物錯過👏另外要留意店內嘅420ML超足料糖水飲品:椰皇雪燕桃膠、桂花冰糖雪燕桃膠、楊枝甘露、黑糖桃膠鮮奶、士多啤梨鮮奶、白桃雪燕烏龍茶招牌必試椰皇雪燕桃膠，用上新鮮椰皇熬製，足料桃膠、雪燕配紅棗和圓肉，滋陰養顏，加埋濃郁的牛奶及陣陣椰香，雪凍後更加冰涼可口👍🏼桃膠嘅含

因為喺社交媒體網站見到foodie話好食，所以諗住試吓。我嗌左碗牛奶底嘅西米露，加左小丸子、爆球，同一球雪糕。食嘅時候第一啖已經知好伏，成碗嘢好稀，完全冇牛奶味，好似溝左水咁。每一啖都淨係得d爆珠嘅酸味，就咁食完全唔覺得有牛奶。。。價錢貴左少少，呢個質素收四十幾蚊真心唔值。

今日喺呢間買咗兩碗糖水，兩支特飲兩碗鮮奶底甜品一打開好似溝水咁一支特飲係草莓牛奶 又係好淡四個朋友食完冇耐輪住肚痛唔知點解咁多社交平台 foodie話好好食所有材料現成都可以整到咁收人$40一支特飲