CHICKEN FACTORY (置富第一城)

營業中

休息中

晏就食到好飽，夜晚又唔知食咩好，於是係chicken factory 🐓買個輕食下午茶，夜晚當晚餐食。迷你海南雞飯 （$29，另跟野飲）呢間係用油飯，食落去好香，但唔知點解，雞肉冇以前咁滑，雞皮有少少肥，但勝在啖啖肉，冇咩骨，仲有d乾蔥係面，食落都幾惹味。另外，我地驚唔夠飽，仲加配$12焗薯🥔同埋$18瑞士雞翼🐥。先講瑞士雞翼，$18共有三隻瑞士雞翼，味道正正常常，甜甜既瑞士汁，都幾開胃😋。另外一定要推介就係佢地家既焗薯🥔，必點👍，焗薯連埋皮一齊焗，所以食落去有兩種口感，外皮焗到焦香，再加少少鹽點綴，簡簡單單，十分好食，令你忍唔住一啖接著一啖食唔停，十分推介😍。

用openrice app落單，超時15分鐘都未有得攞，問佢才入去搵，竟然仍放响廚房入面？！想點😓最後仲要買半隻海南雞變咗海南雞飯（連醬汁都冇添）！返到屋企打開先至見到，唔通次次外賣都要打開嚟睇咩！😫碗仔翅好似水敢，下次唔會加喇！我都係第一次打食評，其實已經幫襯過佢好多次，只係今次輪到我哋變晒樣😢原來呢間店經常俾漏俾錯野人，今次真係唔寫唔得😠

Chicken Factory第一城分店由八月起更改了餐牌，取消了原有的特價時段$48烤雞🐔(再沒有平雞買😢😢)，只剩下$58原隻烤雞 (900g)🐔，以及新增多一款"增量版烤雞"$88 (1600g)🐔。下單後只需等候數幾分鐘就能取食物了，這次已是我第二次購買"增量版烤雞"，兩次水準相約。(之前都多次幫襯購買原隻烤雞，水準平穩)拎到返屋企仲熱辣辣 (是辣手的程度，熱到難以徒手撕開😝)，增量版烤雞的size真的很大 (跟標準版比較)，撕出黎既雞肉真的有 好 多 ！😱 (有沒有足料1600g我不知道，但就真係多肉過標準版好多)2人吃(當一味餸)是吃不完的，份量多得要留待下一餐再吃。面層的肉是醃得很入味，惹味非常。唯一要彈就係香料去唔到內層雞肉 ，導致有部分雞胸位會無味(就只有雞味)，因為雞實在太大，肉太厚。(店家會另外俾一盒醬汁，無味就點下醬汁，所以都OK啦)盒醬汁味精有點重，我好少會點黎食，平時就咁食烤雞都好夠味。有d雞胸位肉質會鞋d ，但大部分位置肉質都得嫩滑。Overall 增量版烤雞都好滿意，要是價錢可以再平多少少，相信會吸引到更多人購買。以下圖片是比較標準版同增量版size，真

經過見到排長龍被吸引咗，原來係特價時段$48原隻烤雞，好多人買外賣返屋企加餸，於是就決定坐低試吓～我哋叫咗：✿無骨海南雞飯(跟例湯) $48估唔到呢個平價海南雞竟然有驚喜，真係雞有雞味，無骨啖啖肉最啱懶人🤗️加埋特製醬汁(炸蒜蔥油等)別有風味，鍾意傳統可以配返薑蓉，旁邊嘅醃青瓜&蘿蔔又能夠解膩。例湯都有誠意，唔係味精水，係紫菜蘿蔔粒雞湯，飲落清甜可口😌✿皇牌烤雞餐(半隻) $50烤雞餐都抵食，醬汁有 (牛肝菌汁 / 咖喱汁 / 麻辣汁)可選，仲可以選兩款配菜(雞油飯 / 烤雜菜 / 焗薯)，今次試咗牛肝菌汁+烤雜菜+焗薯。烤雞半隻份量都多，但肉質偏淋🥲牛肝菌汁冇乜味，啲汁本身已經淋咗上面，令烤雞變得好濕，建議汁另上會好啲。最好食係啲配菜：焗薯一啖一舊，焗得好香口，有種韓國街頭小食嘅感覺～烤雜菜落咗啲類似孜然粉嘅調味料，食落又係好香，好快清晒😋✿檸檬洛神花冷泡茶 (跟餐)✿手工檸檬茶(加配$12)烤雞餐可以免費跟冷泡茶，正😋檸檬洛神花酸甜開胃。加錢配手工檸檬茶，飲得出有分別，好好飲好有檸味，兩款飲品都非常解渴👍價錢十分相宜，質素都唔算差，$50就搞掂晚餐又抵食又方便，啱晒快食/糧尾人士😆堂

我都從來冇打過食評，但係今次太嬲，都唔想再有人中伏。本來叫左個海南雞湯米線外賣，送到得湯同米線，成個海南雞冇左！本身覺得可能一時比漏，諗住打個電話問下可唔可以送翻個雞比我就算。咁我係用落外賣嘅電話打去。點知打去通左但冇人講野，咁我就以為都可能係收得唔好，打多幾次去，佢又係通嘅，喂極都冇人應，收線再打唔通，好明顯係直情放起左個電話，之後打去已經冇人再聽。其實叫個咁簡單嘅外賣都漏都算啦，個處理方法同態度都差到咁，仲要岩岩睇食評見有位人兄都有類似經驗，我下次唔敢再幫襯。

今日嚟到第一城搵食，見到新開嘅烤雞店(我唔知開咗幾耐😅)我揀咗烤雞+焗薯雜菜，買外賣。打開外賣盒，望落去唔錯😋烤雞味好香香草味，皮仍然脆，肉有汁溜出嚟😋雞半隻都唔算少，夠飽。雜菜味道好好，焗薯仲正，牛油味濃👍🏻CP價高，有回頭！

$68隻，如果係3、4點或者五點買就$48，一模一樣嘅，會抵好多～～買返去嘅途中聞到好香好吸引返到去食都仲係熱辣辣！佢真係用爐燒嘅！雞皮燒到有少少趣，薄薄地、非常香口雖然食得出唔係新鮮雞（呢個價錢其實一定係啦），肉質林林地定但係都不失口感佢啲雞髀位都有好嫩滑嘅感覺！好好味😋就連仔空位都會覺得好鞋～同埋佢有黑椒粒喺面，有極輕微嘅辣辣地添加非常之香口吸引其實同斬料燒味舖頭相比，我會揀呢度嘅燒雞！因為非常抵食呀

之前叫咗個餐加配咗個小食 比咗小食但係盒雞唔見咗踪影 因為係外賣 返到屋企先發現 廢事追究但係今次又係咁 雞係比咗 但係小食冇咗各位真係要check清楚麻煩可唔可以執嘢食執齊啲 只係叫一個餐加樣嘢都可以執漏係想點

經過呢間食雞嘅餐廳，睇嚟唔錯，於是乎入去食個下午茶試試。見到呢個全日餐（$48）都唔錯，包半隻烤雞、醬汁三選一、配料三選二、飲品。烤雞熱辣辣，肉嫩有肉汁，香草味醃得唔錯，加埋牛肝菌汁，更夠味。雞油飯正常，但雞油味不重，撈埋牛肝菌汁食就好味啲。焗薯好味，焗得夠淋，香草味又夠。

【沙田•Chicken Factory】—————————————————————————每次都見到有人排隊 今次試吓Openrice叫定不過都要等30分鐘😳有啲誇張 🌟麻辣無骨雞飯HKD48之前試過海南雞湯麵 不過湯底好清淡 都係食飯啦黃油飯配海南雞 啲雞係幾嫩滑 旁邊備有麻辣汁雖則唔係特別好食 但T小姐覺得不過不失啦個份量就女士okay 男士可能唔夠食個飯係配咗碗湯 入面係有蘿蔔粒其實唔知個湯撈飯定飲 因為非常鹹 我放棄咗。整體嚟緊 味道係okay 但唔特別見到好多人排隊買燒雞 唔知係咪特別好食 不過佢啲燒雞又真係算平 原隻HKD68係限定時間買只需HKD48 屋企加餸都得服務質素：😊😊😊😊食物味道：👅👅👅性價比：💰💰💰💰人均消費 HKD48✨✨✨✨✨✨✨✨✨✨✨✨✨#nkiki沙田 #nkiki西式🏠 Chicken Factory📮 沙田置富第一城地下G37,G38及G38A號舖

其實呢到幾抵食! 50幾蚊就可以食到半隻雞，仲有配菜，雖然自己冇食過，但見到人地食，都真係見到幾大份下! 呢到係自助形式，自己點完餐再去拎。我就叫左麻辣海南雞飯，本身以為佢係調左味既海南雞，但原來佢個麻辣汁係分上，都幾好，又可以試下原味，又可以試下麻辣。雞係無骨雞，所以食落好方便。麻辣汁幾香，不過點得多食到最尾會咸。側邊D配菜幾好食!酸酸地，又幾開胃。 仲有個蘿蔔湯，成個餐都幾夠飽，可以encore!!!

見到第一城開咗一間專食雞嘅餐廳，裝修尚算企理，而且有個自動點餐機，比較方便。今次就叫咗一個佢哋招牌嘅燒雞套餐，成間餐廳都係用即棄嘅餐具，所以堂食或者外賣都冇乜分別。見佢堂食有位置，就坐咗喺餐廳度食。半隻燒雞份量都比較多，一定會飽肚。可惜係冰鮮雞，所以雞肉沒有那麼滑。雞肉可以加自己鍾意嘅醬汁，建議加，因為雞肉比較乾。個套餐都會有飲品送，可樂就唔需要加錢。套餐可以配油飯和時菜，兩樣配菜感覺都比較油膩。但整體性價比都係高嘅！

Cp值極高，一個女仔食，食雞都會飽。個雞入曬味，同埋估唔到雞胸位都唔鞋口，勁淋啲肉。薯仔係用新薯😍 已經有調味，唔洗點汁都好食。跟餐有兩個配菜，揀飯有油飯仲要唔洗加錢。本身跟餐有野飲，我就加多$2飲豆漿，豆漿就正常。

之前新開張見佢日日都排長龍，今晚想加餸，見無乜人排隊就一於俾次機會試一試佢。佢由下午三點開始到晚上八點，每個鐘頭整點都會出一次爐，賣$48特價原隻烤雞🐔🐔$48定時出爐限量烤雞🐔購買程序：⏱18:50到達，係門口排定隊，等派籌⏱18:55 呀姐出黎派籌，我係第七個✌🏻 繼續排住隊等出爐買雞⏱19:09 新鮮焗好，燒雞出爐，排隊俾錢兼即時拎埋隻雞走🐔🐔 唔係講笑，呢袋雞都有啲重量🍽🐔開餐😋食評：自己拆件，隻雞一啲唔難起肉，我唔係好識都好輕易起到肉，求其見到肉就撕出黎😂，直到見骨為止。一打開見隻雞焗到金黃色已經好驚喜，百里香烤雞都幾入味，唔洗點佢附送既醬料都夠味道。(btw, 感覺跟餐送嗰盒醬料好味精，係好味但少點為妙。) 肉質幼嫩，一啲都唔鞋口，以$48黎講，性價比好高，非常抵食。👍🏻下次屋企唔夠餸，絕對會再幫襯買呢個特價原隻烤雞。😋至於店家其他食物掂唔掂就唔sure，見好多人都話好味精，所以我都有啲保留唔係好夠膽買。

新開舖，朋友推薦，好多人試，我當然要試下！皇牌烤雞（半隻）($48),配雞油飯，焗薯，麻辣醬(可選) 好香好吸引，份量夠，食完好滿足海南雞($68)，朋友推薦，話好好食！今日食左名不虛傳，雞好滑，配薑蓉醬好正！