Cha:rm

營業中

休息中

主打黑白時尚的裝潢，吸引年輕少男少女光顧。 先說蓋飯，充足的韓國辣醬，辣味十足，淡淡充滿驚喜，而且只是＄55一碗，韓國菜來說算是便宜，今次品嘗了魷魚作餸，頗彈牙，也有魷魚味，配上少許爽口配菜，蓋飯整體不錯，值得一試。 再說飯卷，CHARM裡足足有9款飯卷，其飯卷清新的口味為速味十足的蓋飯作出不錯的平衡，而且飯卷餸不少，吃下去挺滿足，能飽肚，不錯！ 最後是什錦炒菜，其實是少量什菜炒粉絲，當看見實物可算是「中伏」，但驚喜十足，整個餸菜淡淡的，不太油，甜甜的，可以不斷吃，也挺飽肚，只是＄50，頗為經濟。 最後提提：前菜的泡菜又酸又無味，吃了幾口就放棄了，其敗點只有這前菜的泡菜。 對於愛吃韓國菜又要經濟的價錢，可以一試CHARM，真的不錯。

店舖寬敞 座位唔多 所以都等幾耐下三個人坐二人檯都唔覺迫最鍾意間鋪簡單得黎又有少少心思前菜得泡菜 店員都好樂意幫我地無限refill第一次食炸雞夠熱粉薄外脆肉嫩 配上佢隻醬 好好味重點係可以叫半份 三個人分岩岩夠午餐肉紫菜卷就正正常常雜菜炒粉絲好大碟 意料之外而且竟然有肉@@調味適中 少少甜 無好油反而呢個芝士蛋卷我就覺得唔抵只有視覺效果 味道無驚喜芝士味食唔出 蛋味亦唔香濃 好處只有滑overall 呢餐都幾滿足如果晚市有得訂檯就更好小店加油

 表妹在附近工作，為了遷就她放工時間較遲，故先來等位~可能是新開張不久的緣故，七時多來到已有不少人在輪候，最後待了30分鐘才有位子，幸好表妹也只是剛好下班來到~甫坐下，服務員就先給我們熱茶和泡菜，泡菜爽脆、微酸，辣味愈食愈出，個人很喜歡，不過表妹不大吃得辣，故淺嚐即止~這兒的選擇不算少，我們二人想了良久才拍板點了牛肉紫菜飯卷、餃子年糕湯和泡菜薄餅~牛肉紫菜卷一份10件，紫菜仍微脆，餡料豐富，不似外邊某些韓式餐廳的飯多餡少，牛肉燒得剛好不會靭，配著卷內的甘筍青瓜醃菜雞蛋等同吃，中和了油膩感，配搭得很好 餃子年糕湯份量不少，餃子有4隻，但年糕盛得滿滿的，好像吃不完似的~ 餃子皮軟滑，餡料應是豬肉菜餡，有肉汁，不錯~ 年糕是切片楕圓那一款，滑滑的，煙煙靭靭，很喜歡這種口感  蛋花湯看來很清，但有鮮味~ 比起附近的Cafe Sxxxx的牛骨湯更出色~泡菜薄餅同樣不小，煎得外表香脆，泡菜酸辣味剛好，不會太辣，表妹也能吃得到  不過本人愛吃較辣一點的~因為點的全部都是飽肚的，飯卷、年糕、薄餅... 份量又不小，即使好吃，也吃不下了，剩了少許年糕和小半個薄餅，下次不可再眼闊肚窄了

太和呢一區近月開左2間新嘢食，一間係台灣小食，另一間就係韓國菜cha:rm。韓風近來hit到爆，不過個人對佢印度象就好一般，school food唔覺好出色；另外啲烤肉店貴又唔飽肚，不過呢間就幾平衡! 睇openrice知道呢度有一位韓國侍應，今日都有幸撞到佢，大家記得用用英文落單!雖然係午餐，不過都叫左份炸雞。可惜下午只可以試到原味，冇酸辣味試有少少失望；另外冇半份又係敗筆，因為一份個size真係太大，加埋有成20件雞都有。炸雞粉薄，外脆內嫩，另有2個汁附上，分別冇芥末同酸辣烤汁，都好夾口味，正另外叫左個紫菜牛肉卷，入面卷有肥牛、醃蘿蔔、蛋等，軟軟稔稔幾好食，而且可消一消炸雞的滯膩感。

門口等咗勁耐先有得入，原來係因為出菜慢， 等到頸都長嘢食都仲未嚟。我見隔離台仲慘， 疑似漏單， 見佢哋前後催咗3次其他嘢食晒個紫菜卷都仲未嚟。 我哋都有嗌紫菜卷，係吞拿魚味果隻，又係等勁耐。唔知係咪周末，師傅包紫菜卷包到雙手冇力，個紫菜卷鬆泡泡的，一夾就散，仲有啲吞拿魚係就咁唧啲吞拿魚沙律醬上表面。成個卷冇味，好似食白飯咁，明明外皮有芝麻但完全冇芝麻香。講返開頭果碟泡菜，睇得出係自家制，一食就知係新醃嘅，出晒水，唔酸又唔辣。我已經係唔食得辣嘅人都覺得佢唔辣，真係冇眼睇。年糕餃子湯量少，得4粒餃子，個湯底我唔識形容，好似調味粉加水咁。千祁唔好嗌炒雜菜粉絲，大伏嚟。可能係唔啱我口味啦， 兜粉絲超甜勁多油:最後仲嗌咗個泡菜煎餅， 又係冇味㗎，又唔咸又唔辣，想點？到講吓環境，場內疑似滿佈小蒼蠅。我哋一路食一路撥空氣， 我見侍應周不時也有撥佢哋兜泡菜。枱與枱空間太窄，根本不能通過， 次次有人出入都要移動張枱。廁所唔算污漕，但係勁窄，若坐底會頂腳呀。

新開的食店總是人潮洶湧, 所以知道了這店一段時間了, 今天才第一次去. 8點多到, 店鋪外還是有幾組人在排隊.幸好我們只有兩個人, 剛好有枱~!店鋪尚算寬敞, 裝修簡單, 感覺很整潔.手繪MENU, 很韓風, 可惜忘記拍下照片.. ^^''MENU選擇好像很多, 但不知道是否每樣都可以order. 或者是剛好我們點了 "部隊鍋" 沒有準備而已...沒有部隊鍋, 我們點了豆腐鍋和芝士炒年糕.  泡菜沒有特別好吃, 有點失望... 究竟夠辣夠蒜的泡菜在哪裡? 豆腐鍋樣子很不錯, 但味道強差人意.. 完全沒有海鮮味... 超勁味精...  芝士炒年糕芝士完全沒有“姑寒"! 愛芝士的人有褔了!味道有點像pizza....  是芝士的錯覺嗎? ^^''很好吃, 很惹味! 我會因為它再來~ !總結, 新店嘛~ 要給它多一次機會~反正芝士年糕還是可取的, 還是會再來!

這間以白色主色的簡約韓食店，昨天約1點後才去，還是有8成滿，它有固定的lunch可供選擇，但注意只是價錢比正價便宜，沒有包湯包飲品。我是心血來潮想食炸雞，所以先去的。Menu上有幾款炸雞，原味、辣味等……$138一份，menu上沒有圖片，但太想吃了，而且也不算很貴，所以就拍板了。怎知當我落單時，親切的侍應小姐話我知有半份叫，應該夠2個人食，價錢$78。另外，叫了lunch的年糕餃子湯，原價60，午餐優惠價50。最後，怕唔夠飽，再叫多左份牛肉紫菜卷$48。聽侍應講，食物都是即叫即做的，所以要預等候時間。等緊時可食住kimchi白菜先，味道ok, 我覺得辣味比較重。而且這是免費refill的，侍應都很樂意幫我們添，不過我們肚子沒位了，所以只添了1次。先來年糕餃子湯，或者我完全無idea呢道菜係咩味，見係白湯底，已經很喜歡。那應該是牛骨湯底吧，喝著有股淡淡的牛肉味，有幾舊牛肉(腩)，4粒餃子(普通豬肉同kimchi豬肉各2粒)同年糕。我地都覺得普通豬肉餃比kimchi的好食，不過d肉打得比較碎，所以入口即溶，無左食肉的咬感。炸雞， 是無骨的雞件，有薄薄的炸粉包住。雖然同之前喺韓國食嘅有d唔同

平日午市時間唔駛等位直接入去，十二點幾未有其他客人，樓面有2個男待應叫我們隨便揀位坐，其中一個係韓國人，所以講英文，兩個都好nice,主要係講廣東話個後生仔serve我們。另外那個韓國男仔應該係老闆，他主要負責同相信係他媽媽的阿珠媽係廚房煮野食。店面唔算大，全店26個座位，但枱與枱之間好寬鬆，唔似附近的首爾cafe咁迫。白色的牆身配黑色的地板同黑色的碗碟，簡潔明亮，沒有太花巧的佈置。餐牌以文字為主配以少量的手繪插畫。款式幾多，單是紫菜圈便有幾款選擇，價錢由$4x-5x左右，頗為大眾化，只是最近的大熱的炸雞就要$15x，雪梨汁亦只是$12，價錢算合理！前菜有一小碟kimchi，分量頗細，略嫌味唔夠濃同切得比較碎，但好明顯係自家製，唔係街外貨，辣味係慢慢滲出。侍應主動俾水同添水又提我們他們有午餐供應，good!午餐都只係around $4x，午餐不包飮品。午餐主要都係韓式豬肉飯，雞肉飯同牛肉飯。我們食緊的時候就見有個太太坐低睇完餐牌，因為午餐唔包飮品就走左。其實唔包飲品都唔係咁大問題，因為他們個飯portion都幾大。我們2個人無叫set lunch反而叫了一客韓式牛肉紫菜圈$48同一客芝