Canadian Pizza (V Walk)

營業中

休息中

以Pizza專門店嘅水準來講， 絕對交足功課！每次必食兩款招牌Pizza:  🍕煙三文魚Pizza+ 🍕海鮮盛宴Pizza!!!  首先係餅底烘得好脆，唔會軟腍腍。煙三文魚份量，鋪滿成個Pizza，鹹香得來唔會過膩，搭配新鮮嘅紅洋蔥同羅勒，味道層次好豐富。茄醬嘅酸甜同三文魚嘅油脂感平衡得剛剛好，食多兩件都唔覺滯！另一款海鮮盛宴Pizza 都正，材料勁多：大蝦、帶子、魷魚、吞拿魚，紅椒、青椒、黑橄欖一齊食，配料多到差啲「瀉」出嚟，呢個價錢... 抵吧~!! 如果硬要挑剔，可能係Pizza邊可以再薄少少，但整體來講， 嘅水準已經叫好好。一定會再encore！Pizza即叫即焗，熱辣辣上枱最好食，但我叫外賣... 返到屋企都仲咁好味...質素叫高吧 🍕仲有... 佢$40 的價錢是已經一開二的份量比你, 方便share!  

之前食開紅磡分店可惜關門大吉～分店唔多之後就好少食佢哋嘅Pizza啦～今次經過梗係要食啦～大大片pizza好足料～又有好多款可以揀煙三文魚pizza～有:香濃茄醬、煙三文魚、紅洋蔥、紅椒～餅底厚度均勻唔會乾～煙三文魚大大片同其他配料好夾～仲有香濃芝士味海鮮盛宴pizza～有:香濃茄醬、大蝦、帶子、魷魚、吞拿魚、紅洋蔥、紅椒、青椒、黑橄欖～黑橄欖一向都偏咸～加埋海鮮食啱啱好～芝士份量適中～焗完出嚟同食材均勻溶埋一齊～食嘅時候D料都唔會甩晒

早前，平安夜及聖誕節 Staycation，我 Book 了一間位於南昌站的新酒店 Townplace West Kowloon 本舍，附近就是 V Walk！ 這個商場有不少餐廳，當晚天氣凍，所以，我走到 <Canadian Pizza> 買外賣薄餅返酒店食晚餐！Menu外賣等約5成分鐘店方已轉用環保的木餐具煙肉漢堡薄餅 $45薄餅好大塊，意想不到我食得哂！果然食量驚人！ 牛肉有點韌！起初以為會食唔哂，可先放入酒店煙肉，第二朝可以在酒店微波爐叮熱！

記得之前都幾鍾意呢間嘢 之前都食過幾次 但今次食發現難食咗好多 嗌咗個黑松露白汁意粉 又水又冇黑松露味 個意粉又淋 完全勁難食 勁失望幾肯定係罐頭意粉😂 食完嘢嘅時候 都聽到隔籬枱 講緊個意粉唔好食 仲有我哋嗌咗個Pizza 個Pizza係凍嘅 味道都係麻麻哋 仲有服務態度超差 d侍應黑口黑面 把聲勁西 呢個就係serve客人嘅態度？ 唔怪得越來越多人唔想喺香港食嘢…以後都唔會再幫襯呢間嘢 食物質素完全唔掂 態度又差 深水埗一定有其他更好嘅選擇

$40瑪格麗特 Margherita綠色的羅勒、白色的莫薩里拉芝士、紅色的茄汁同意大利國旗相近 味道豐富仲可以用新登記會員優惠減5蚊 整番熱辣辣比您好貼心 包裝📦乾淨整齊yummyummy 開心🥳就係咁簡單

星期六中午放工午餐的好選擇，叫咗煙三文魚腩和卡邦尼披薩，以為係細細件，點知每件全部都一分為二，兩個細食的女仔完全可以share，真係抵食，因為我中意食厚批，故惟一唔好嘅就係餅底偏脆，寒天仙草奶茶都好飲，落單時唔記得少甜少冰，飲起都唔係好甜，感覺比較健康

假日去行街 。本身諗住食牛角，由於要等太耐位就周圍行吓 我發現呢一間薄餅店唔需要等位 本身冇聽過呢間舖頭 見佢有啲好大件嘅Pizza賣，而且啲味道有啲特別。例如有肉醬意粉bolognese 口味，於是放棄燒肉，膽粗粗一試 。叫咗一個細批同埋一個醬燒豬仔骨加薯條。佢係半自助形式自己攞餐具自己攞碟 。侍應會送到你嘅枱。熱辣辣嘅Pizza真係好好食，比起連鎖嗰啲好食好多好多，尤其係佢落咗好多茄膏，雖然略嫌佢嘅牛肉比較少，但係個餅底已經足夠掩蓋呢一切 。 豬仔骨同薯條亦都整得好好。

🍕 Canadian Pizza在商場逛街時，發現了一間很多人排隊的Pizza店，而且他們的Pizza超級大塊😂像巨人族的pizza。有超多不同的口味可以選擇🫶🏻我們四個人叫了雙拼pizza，分別是海鮮盛宴和煙肉漢堡。海鮮盛宴滿滿海鮮餡料😍帶子、蝦仁和八爪魚等，搭配青椒和洋蔥，讓每一口都充滿豐富的海味及口感。煙肉漢堡則是各種肉類，餡料豐富，再配上濃郁的芝士，好邪惡！吞拿魚螺絲粉 🌟推介🌟 -絲滑濃郁嘅白汁再配上吞拿魚，螺絲粉裹滿了白汁，真系食唔停🤤小食拼盤-拼盤有薯角、魷魚圈、春捲，全部都即叫即炸，份量又多，和朋友一起share食，剛剛好🫶🏻他們居然還有各種奶茶可以選擇，叫了一杯芝上桃桃，味道完全不說外面的奶茶店

同阿女成班同學仔玩完，各位小朋友都想食pizza，見到間賣相唔錯就試下夏威夷pizza係小朋友最愛，成個批好足料，菠蘿同火腿、芝士係滿滿係個批到，味道方面食到個底係好重蕃茄醬味，之後加埋菠蘿既甜味、火腿鹹鹹到，批邊好脆唔太乾👍🏻另一個叫左芝士四重奏，芝士同樣係好重手，加上小小蜂蜜既甜味點綴，不過呢個食一塊就會漏🤣要多人一齊share先得呢個蘑菇雞肉白汁螺絲粉都好味，個汁幾濃厚，但唔會太重口味肉醬意粉就一般發揮，冇特別記憶點呢個雞翼都好味，脆口既程度係會介口，就會放凍左都唔會淋，味道也不錯👍🏻

可能是香港口味最多的pizza🍕了瑪格莉特、夏威夷風情、辣肉腸、煙三文魚、芝士四重奏、加拿大人、煙肉漢堡、野菜時蔬、波隆那風情、啖啖肉、海鮮盛宴、香辣狂蜂、泰式烤雞、D24榴槤菠雞、松露雜菌、卡邦尼等等各種口味的pizza🍕，素食葷食均可，海鮮肉類齊全，這麼多口味都可以雙拼，還有很多惹味小食

南昌站V-WALK商場，今日好想食PIZZA，看見這間店舖就入去試一試，餐具是自助形式，夏威夷批味道和黑松露意粉都Yummy。而且份量足夠2-3人(不包括大胃王)

今日得閒行街路過，見到有間pizza，好耐無食過就諗住試下。果然食物質素唔錯，樓面安排很好，一坐低就拎張紙卑我哋手機掃碼落單，好快手！！！👍👍👍 下次路過會再來幫襯！

今天下午經過店鋪兒子說要吃Pizza，於是想打包返屋企食，在櫃檯前叫了三次要落單無人理，店裡面當時有三四個人，全部都當聽唔到。終於落好單後以為好快，我就抱住2歲的仔企係度等，期間後面有客人落單跟我同款pizza，等了十分鐘後，店員將打包好外賣俾佐後面來的客人，我當時好奇怪就問點解我的單未好？兩個店員就打眼色，一個就回覆我打包緊，之後拿拿聲將塊pizza拎去加熱，漏佐單老實講態度好d我都覺得無咩，佢哋各種理由話打包緊，全程由落單開始佢哋一直掛住傾計都冇做嘢，我繼續等，我再次問究竟要幾耐？點解後面來的客人都拎走我仲要等，我仲抱住個小朋友係度。估你唔到一個男店員無解釋自己的過錯仲要講一句你自己唔坐低，簡直太好笑！回家打開pizza竟然係凍既，完全唔熱！！！今時今日的服務態度仲對得起客人嗎？

3-4人餐，3個人真的食唔晒，因為份量充足，薄餅及粉都滿佈芝士。雞翼，不瘦削，肉質嫩滑，外皮炸得剛好，酥脆果款，咬下還有點肉汁。薄餅是厚皮果種，但皮軟不鞋。雖然我獨愛薄脆底的薄餅，但這店都不錯，我都破例食左兩件。薄餅芝士味濃，但並不鹹，調味剛好。三文魚意粉，很creamy, 不少三文魚，我地都覺得比肉醬意粉好。那肉醬意粉份量真大，我其實它的味道不是差，充滿蕃茄味，還有許多肉碎。炸洋葱圈是另外加，非常香口好味。一家都話要再來。

叫左個焗肉醬意粉，送到黎既時候見賣相唔錯，諗住今次無中伏，點知一叉開層芝士就知道出事😵撥開層芝士之後，一陣濃烈既酸味撲鼻而來，全枱既朋友都聞得到😓放入口前一刻仲諗住啲芝士味可以平衡返個酸味，但食完第一啖之後我就知自己實在太天真🤦🏻啲肉醬除左酸到一個點之外，仲有一陣奇怪既苦澀味🤢感覺就好似用左啲濃縮意粉醬黎煮，不過唔記得加水咁🌚食左半路聽到隔離枱有人投訴碟肉醬意粉餿左同有怪味，碟意粉有冇餿到我就唔肯定喇，不過我肯定呢碟係我成世人食過最酸既肉醬意粉🙈