影片
更多
2023-10-03
200 瀏覽
啲人成日話西貢係香港後花園，其實話係香港狗公園仲貼切，上次落車行一小段路，已經見到十隻八隻狗仔Say hi，仲有唔少Pet-friendly小店。呢間真隱世Cafe小店，位於西貢海傍，本身以為係啲打卡店，但嘢食真心估唔到咁高質，主打手工意粉同甜品，價錢完全唔貴，但好食過市區唔少。-🥞流心雲朵配竹炭多士、日本蛋黃、牛油果 ($68)一切流心蛋漿滿瀉，超Cute嘅雲朵由蛋白做成，微甜又空氣感十足，竹炭多士脆身，配埋牛油果同沙律醬汁，鹹中帶甜超正。🍝蜆肉配特製喇沙醬汁手工意粉 ($128)少有地用上喇沙做Fusion，無論味道定質感都濃厚，椰香十足，掛滿每條煙韌手工麵條，最正係非常惹味，食唔停口。🦐蝦蝦蝦蝦手工意粉 ($168)四種蝦分別係阿根廷紅蝦、櫻花蝦、蝦籽、龍蝦汁，可想而知鮮味幾濃，層次極為豐富，而且超級足料。-🍨斑斕味雞蛋仔 配 沖繩海鹽雪糕 ($78)🍵日本抹茶戚風蛋糕 ($55)兩款甜品都超有水準，前者斑蘭味出奇地濃香，外脆內滿，微微煙韌，後者戚風驚喜地鬆軟，睇相都見回彈力十足，茶香濃郁。🥂Cold Brew御茗寧茶 ($48)☕️Chai Latte ($45)Cold Bre
啲人成日話西貢係香港後花園，其實話係香港狗公園仲貼切，上次落車行一小段路，已經見到十隻八隻狗仔Say hi，仲有唔少Pet-friendly小店。
呢間真隱世Cafe小店，位於西貢海傍，本身以為係啲打卡店，但嘢食真心估唔到咁高質，主打手工意粉同甜品，價錢完全唔貴，但好食過市區唔少。
-
🥞流心雲朵配竹炭多士、日本蛋黃、牛油果 ($68)
一切流心蛋漿滿瀉，超Cute嘅雲朵由蛋白做成，微甜又空氣感十足，竹炭多士脆身，配埋牛油果同沙律醬汁，鹹中帶甜超正。
🍝蜆肉配特製喇沙醬汁手工意粉 ($128)
少有地用上喇沙做Fusion，無論味道定質感都濃厚，椰香十足，掛滿每條煙韌手工麵條，最正係非常惹味，食唔停口。
🦐蝦蝦蝦蝦手工意粉 ($168)
四種蝦分別係阿根廷紅蝦、櫻花蝦、蝦籽、龍蝦汁，可想而知鮮味幾濃，層次極為豐富，而且超級足料。
-
🍨斑斕味雞蛋仔 配 沖繩海鹽雪糕 ($78)
🍵日本抹茶戚風蛋糕 ($55)
兩款甜品都超有水準，前者斑蘭味出奇地濃香，外脆內滿，微微煙韌，後者戚風驚喜地鬆軟，睇相都見回彈力十足，茶香濃郁。
🥂Cold Brew御茗寧茶 ($48)
☕️Chai Latte ($45)
Cold Brew精緻在用香檳杯上，御茗寧茶由紅綠茶葉混和泡成，清香層次豐富，而且冷泡超清爽。
張貼
