café bar on 8

營業中

休息中

尋日見到個網上promo 448蚊2人hightea, 睇落去幾正， 網上book仲有10%off discount, 慳返加一。真係幾平既， 即管試下。location 唔係咁就腳， 係動植物公園對面， 但如果去完公園過黎歎下午茶都幾唔錯。環境都幾開揚，今日唔多人， 可以坐到window seat。咸食有4款：mini burger 個size都唔細，食落去就普通。mini 龍蝦包就幾驚喜，4xx蚊都有龍蝦食，汁醬多左少少。煙3文魚青瓜唔算過咸魚子醬蕃茄toast ，蕃茄酸酸甜甜幾開胃甜品有太多款，重點介紹。侍應係我地面前開個盤，下面有乾冰都靚。cream brulee 上面焦糖脆， 下面既蛋唔太甜， 我覺得好夾心太軟就冇咩朱古力味macaroon 啡色個個好正，好濃郁咖啡香味雪糕球有唔同味， 上面d 貼紙顯示左隻味道waiter服務好好,走個下都同我地講byebye

舊年我們也是來這裡吃聖誕午餐semi-buffet, 熱鬧非常。今年-2020則因為疫情只能一半座位當然感覺好鬆動。 氣氛會比較清靜。連枱的都間上阿克力膠板。還好的是食餐的安排同食物質素依然係物有所值。 主菜有火雞胸肉/ 羊膝/ 牛肉眼。擺碟做得最好的可算是羊膝了。甜品方面, 估佢唔到最出色嘅係樹頭捲蛋蛋糕。海綿蛋糕濕潤但沒有過甜, 蛋白牛油忌廉只是簿簿一層不覺有油膩感。服務態度友善,

話說小編工作在附近, 於是就去這間餐廳試一試, 結果一坐低見到中環ifc景觀, 藍天與白雲, 景觀又開揚, 我已經覺得這一間餐廳坐得好舒服, 渡過了一個美好下午。我就點咗一個西班牙海鮮risotto, 首先第一樣想讚個飯煮得剛好軟熟, 唔覺得好硬身的飯, 再配上蕃茄的醬料, 灑上芝士的, 如果你喜歡西班牙飯係juicy多汁, 我覺得這一個飯是適合你, 再配上青口, 蜆肉, 蝦, 既鮮甜新鮮又有咬口, 非常之好嘅配搭最後甜品貌似tiramisu, 但其實係一件朱古力蛋糕, 令我驚喜的就係一件小小嘅蛋糕, 不甜的, 食落去好舒服, 蛋糕鬆軟的, 甜味剛好。畫上一餐完美嘅句號其實仲有一杯咖啡餐飲是Latte, 拉花的 pattern都好有heart, 但係我忘記了影相真係好對唔住, 是一間值得推薦嘅餐廳, 這一間餐廳是位於半山一間的service apartment入面的餐廳。

朋友來過這餐廳說食物不錯,所以帶我一齊試下tea set。餐廳都算干淨，有個靚view,落order就算把啦,無聽錯當中獎。Tea set 來到感覺豐富,份量都幾多,好彩個日我餓底,食落比想像中好同份量,尤其是個burger同蝦沙律包，睇得到有心機做嘅。甜品creme burlee都唔錯。其他食物都唔錯，以呢個價錢來講就唔錯啦。不過侍應是咪應該train下呢？！價錢抵食，值得來試下其他野，如果唔係疫情，應該會再多人啲嘅。

位於中半山嘅呢間餐廳，環境可以話係一流。餐廳嘅裝修幾新，坐得好舒服，店員都好有禮貌。由於位置有啲偏僻，所以嚟嘅客人唔多。呢一日我哋被安排坐咗係窗邊枱，可以望到中環嘅甲級寫字樓，同朋友食住下午茶閒聊下真係好好嘅享受。🍴 Afternoon tea menu for 2 ($238) ⭐️⭐️⭐️下午茶嘅擺設望落幾高級，可惜質素就一般，食落正正常常。但係以呢個價錢，配上呢個景觀同埋餐廳嘅環境，我覺得係值得嘅。上層有葡撻、macaron、蝴蝶酥，中層有煙三文魚芝士三文治，同埋底層嘅迷你burger、scone同埋crème brulee。唔可以話好食，但有應有嘅味道，唔會太甜同難食！..............................café bar on 8地址📍: 半山麥當勞道2號8樓總評分: 7.2/10..............................味道😋: ⭐️⭐️⭐️環境👀: ⭐️⭐️⭐️⭐️💫服務👨🏻‍🍳: ⭐️⭐️⭐️💫衛生🧹: ⭐️⭐️⭐️💫抵食💰: ⭐️⭐️⭐️💫

同朋友一齊嚟呢度諗住食tea，不過發現質素真係好一般。首先係地點上，一啲都唔近地鐵站。本身預咗好多時間慢慢行上去，但係地鐵站行過去有好多斜路。如果真係想嚟食，建議可以由地鐵站搭的士或者巴士上嚟。好辛苦嚟到，嘢食就真係好普通。我地用半價優惠叫咗個tea set。本身就包咖啡或者茶，但係因為行到上去好熱，就另外加咗$10要凍嘅嘢飲。Tea set入面有迷你漢堡包，燕窩蛋撻，法式燉蛋，馬卡龍等等，蝴蝶酥同埋細細地嘅三文治。講真真係冇邊樣係特別好食，唯一叫做仲唔錯嘅就係迷你嘅漢堡包🍔，同埋一個好細嘅芝麻味馬卡龍。我自己覺得燕窩蛋撻真係好唔掂，本身仲覺得佢個名好吸引... 好彩嘅係我哋有用到半價優惠，兩個人都只係用咗160到，叫做享受下環境同埋服務。唯一滿意嘅就係餐廳環境，枱同枱之間好多空位，好彩嘅仲有梳化椅，如果好多時間可以上嚟同朋友傾吓計chill下，不過就唔好期望嘢食質素好高。餐廳嘅服務態度都唔錯，坐低就好快會過嚟同你講我哋嘅半價優惠可以用係邊啲menu到。地點偏遠，如果唔計優惠，食物真係唔值呢個價錢。如果有優惠嘅話我覺得都可以試下嘅，不過冇嘅話就真係唔值得行咁耐食呢間餐廳。

如果大家都同我一樣，由細到大都鍾意食焗豬扒飯，但又怕肥膩又怕味精的話就不妨嚟呢間試一試。豬扒夠嫩、汁多加埋（蛋）炒底 = 👍🏻環境的話之前好多食評都已經講過，絕對一流，中環來講以咁嘅價位有咁嘅景色非常難得。今次仲試埋佢個銀雪魚，味道亦都唔錯。食飯有免費泊車，坐的士又可以claim車費，食住飯望住香港公園同中環景色，食完飯仲可以去香港公園散吓步，香港冇乜呢啲餐廳仲要係中環地段喎。

和同事相約下午茶聚舊閒聊，她選了這間位於中半山很幽靜的餐廳，她說這裏的環境氣氛我一定會喜歡，加上我又有一鋪下午茶集郵癮，縱使位置不便，我也想一試！由於餐廳位置偏僻，據聞由中環灣仔等地打的到餐廳，餐廳會付的士費，但我忘記了取的士單！！！🤦🏻‍♀️我們約下午4點到達，毫不猶豫選擇了下午茶set。餐廳外的景色確是一流，遠眺中環一帶，有高高在上的感覺。用餐當日雖然下著毛毛細雨，但不減美景的分數。食物擺設，是傳統的下午茶三層架。但食物質素就很一般，只可說能飽肚，不能說美味。坦白說，我不介意餐廳收貴一點的價錢去換更美味的食物。若未試過這餐廳的朋友，我覺得為着這美景也值得一試，但不用再試！😅

Tried their chicken wings and mock tailsIt is very oily with no flavour at allMock tails is alright with soda mix juicesDon’t know how to appreciate the draft beer It is very bitter in taste and it lingers for quite a long time Environment is however quite comfy

無意中得知這酒店, 亦無意中得知佢直接入網頁book 位更着数, 以聖誕節26號午市計應該係好扺食, 其實太多種類嘅野食都只係睇多過食, 這裡有聖誕帽送, 中段有聖誕老人出場同大家的小朋友, 大朋友影下相, 景觀這裡是開陽的, 只要唔落雨, 交通可以在中環搭一架巴士兩個站就到轉角位, 餐廳內坐位寬敞空間感夠, 中午及下午茶係食西餐但晚餐係做中菜可能同入住的客人關係吧, 純屬個人猜測, 沙律吧的菜都是一般的青菜/罐頭荳/粟米粒粒/烚薯角/ 豆腐/ 菁芽菜/ 紅菜頭/ 炒雜菇/ 蕃薯/車厘茄之類, 主菜(Rib Eye & Lamb shank)兩個都好足份量, 汁醬好標準的紅酒燒汁配薯茸/ 雜菜, 傳統的做法傳統的味道, 甜品可能係呢度比較一般的款式,唯有食雪糕返本, 咖啡或茶就當然係自助啦,

想遠離繁囂鬧市食個tea, 到左半山區動植物公園附近平日下午機乎可包場餐廳有一面係全玻璃，而且樓底好高，感覺好開揚2人 tea set共有3層甜點比例較多，食哂其實真係好飽好少見份量咁多既tea set價錢合理，唯Tea set欠缺特色食物如果想揀個安靜地方過一個休閑下午係幾適合的

食晏個陣過咗嚟附近搵野食，行耐咗就隨意入咗嚟了，係半自助餐廳，人流並唔多，點咗個西班牙辣肉腸薄餅和龍蝦義大利飯，然後係沙律吧揀咗小小沙律，睇落都幾新鮮的，種類唔算多，但應有的都有齊，有海鮮、蔬菜、甜品、麵包之類，主食個薄餅要趁熱食，微微焦的餅底好鬆脆，搭配埋上面微辣的肉腸味道都唔錯，個龍蝦義大利飯就麻麻地了，龍蝦唔係好彈牙，個飯有小小硬了，味道可以，但係口感唔好。

上星期四，約了舊同事，食返個中午Semi Buffet由於在半山，要在金鐘地鐵站，C出口，轉乘12 A巴士😢11點準時到達，服務員有禮貌，安排座位給我們，當時一個客人也沒有🤣我們坐着卡位，看到窗外風景由於天氣十分之晴朗，場內佈置簡約，藍色椅子，配襯當日天氣，就感覺藍天白雲伴着我😊，感覺良好食物至到2:30pm， 但我們傾計傾到3:00才離開😂，服務員也沒有催促我們🤣自助吧，冷盤有新鮮蝦，花甲，青口👍👍👍油炸鬼，豆腐花，雪糕，少量甜品cake，新鮮水果，竟然有朱古力噴水池棉花糖😊煙三文魚，沙律，芝士自助 奶茶咖啡三個人，一共消費$540

朋友相約在半山麥當勞道2號8樓吃午餐，我們沒有預先訂座，但在頗寬闊的大堂坐下不久便安排到入座。用餐的地方雖然不算大，落地玻璃望出去是花園道及動植物公園，樹木及自然光線令視野開揚感覺舒適。半自助午餐每位為$138，自助形式包括沙律、芝士、凍海鮮及甜品。若是另加亞洲或西式主菜，則另加$20-$60。另再加一服務費。沙律bar,新鮮沙律菜配不同醬汁。餐湯是中式的選擇，老黃瓜排骨湯和荷葉冬瓜茶，味淡普通，亦沒有喝到靚湯的味道。凍海鮮包括青口、沙白及蝦。比較做得好的是凍蝦，肉爽彈口。甜品小蛋糕做得頗精緻，小煎堆則比較油膩且實得硬崩崩。除了西瓜、蜜瓜、菠蘿等水果，還有豆腐花、棉花糖、啫喱等選擇。豆腐花做得滑也算不錯。比較上吸引的是movenpick 的雪糕，共吃了三款不同口味，清涼哂！整體來說，食品一般，環境則適合三五知己悠閒吹水之地，不過要注意半自助午餐是由中午十二時至下午二時半止。

星期日去食個semi-buffet價錢和食物也算成正比 選擇是少 但勝在夠飽重點是main dish等了一個鐘也還未上服務也需待改善 例如遲遲不收碟服務員回答很敷衍但總體來說 食物算中上 環境也舒服 可一試