Cafe Addict

營業中

休息中

呢晚出到黎佐敦想靜靜地搵間Cafe坐低思考人生，行行下就入左黎呢間黑色外牆既型格CAFE 🤭唔只係外牆，入面連牆花、枱櫈都係用黑色做主調望住清晰又簡單明瞭既menu, 小妹好快就睇中左心頭好玉子燒早餐最近腸胃都唔係咁好所以想食light d, 呢個日式All day breakfast 絕對岩哂小妹想輕食既心意，食材包括沙律菜、厚燒玉子、+$28轉慢煮雞胸肉、黃金炸蟹餅、麥麵包、雜菌等，當中雞胸小妹覺得醃得相當出色，每啖都滲發出鹽香，mix埋面頭既和風紫菜粉真係好好味😋醬汁方面係清新柚子醋🥰黑松露牛肝菌汁雜菌蝴蝶粉朋友揀左呢個主食相當出「汁」，佢話牛肝菌汁味極香濃，比煮到軟硬適中既蝴蝶粉吸收哂啲精華，面頭既香草碎散發出陣陣香味creamy、爽、林口感全部有哂，好食到停唔到口甜品：栗子撻、烏龍草莓撻貌相可愛，迷你size 嘅一口撻，款式多元化，cream 有d甜，不過一口撻食多件都唔怕啦飲品ice latte: 奶啡比例6:4，好香既全脂奶味，正mocha tonic : 抹茶🍵+Tonic 水既組合，前調先有抹茶香，後勁有Tonic 水微酸味，口感清新特別，飲完無哂罪惡感

我friend話佐敦有間cafe想食，於是我哋搵日放工就嚟試試佢🙌🏻全間店裝修係雲石風，簡潔乾淨，第一印象不錯😻而且有好氣濃咖啡味充斥着成間店～夜晚有set dinner，包括主食、餐湯、飲品同埋小食，呢個價錢來講都算幾抵，咁豐富嘅套餐😳餐湯係南瓜湯加烤過嘅方包南瓜湯好香滑，呢個份量啱啱好，飲咗準備食主菜😛香草雞胸肉羅勒醬長通粉雞胸肉望落去好淺色，心諗會唔會唔係幾好食😣似做gym嗰啲人食嘅煮雞胸，食落好滑好入味，好有驚喜，香草羅勒醬好香好重味，又唔會過鹹😛下次來我一定會encore呢款虎蝦球鮮茄醬蝴蝶粉虎蝦煎到好香脆好靚，一碟有好幾隻🙌🏻茄汁味相對上唔係好濃，不過都啱食，唔怕食完好口渴~兩款小食包括芝麻雞翼&唐揚炸雞非常出色嘅小食，味道啱啱好，炸得好有肉汁唔會乾爭爭，必點必點必點！燕麥莓果奶昔有種燕麥嘅香味，飲落唔會好甜好滯，雖然係奶昔但係口感都幾清新👏🏼玫瑰烏龍花茶朋友揀咗呢款花茶，佢話玫瑰味好濃郁，Cafe都唔一定要飲咖啡☕️😂😂店員嘅態度非常之友善，呢個價錢食套餐真係好抵食，必定會encore😚😚

今日係佐敦經過見到呢間好似係新開嘅cafe就入左去試，啲野食質素都唔錯Tamagoyaki Breakfast首先叫左玉子燒早餐，其他地方好少見有玉子燒嘅all day幾特別～其他配料都豐富，行fusion路線有sourdough、南瓜薯餅、豬肉腸、炒雜菌etc 薯餅又係日式唔係美式個啲，集齊曬我中意食嘅野於一身Mentaiko Scallop Strichetti呢款日本刺身帶子明太子蝴蝶粉明太子味好濃，微辣，配埋櫻花蝦惹味～蝴蝶粉係有咬口唔會因為煮太耐變淋，而且刺身帶子係中間先切開一半再輕輕煎左，所以keep到半熟半刺身口感Japanese Fried Chicken with Mayonnaise啲唐揚雞一離到勁熱又勁脆，即叫即炸👍🏻雞肉都嫩滑有少少juicy，同埋估唔到份量都幾多，呢個價錢抵食Iced Earl Grey Orange香橙earl grey好fresh，飲得出係用新鮮橙汁整，而且唔需要叫少甜都唔會好甜，earl grey同橙味balance得幾好兩隻味都出

呢間餐廳係佐敦MTR 附近 非常方便😁 見到佢既裝橫好摩登時尚 😈於是今日try try佢👏環境都幾舒適😼 同埋員工態度都不錯 為是此用餐加了不少分🤞🏻我地點了 2個意粉 跟2個小食第一個意粉是香草雞胸肉羅勒醬長通粉 🥣朋友同我都好鐘意食青醬🤞🏻而呢個羅勒醬長通粉冇令我地失望！😍食落口唔乾又清新👏絕不重口味😼 開頭以為個雞胸肉會好鞋冇咩味 但食落又幾驚喜🥰 好有雞既鮮味 同埋 易入口！ Overall 係幾好既菜式😁另一個意粉係 虎蝦球鮮茄醬蝴蝶粉🍅呢個蝴蝶粉真是好開胃👏且虎蝦球都幾大隻 總共有5舊咁多 😍酸酸既鮮茄醬令我食慾大增😙此外 2款小食都是大推 第一個係 唐揚炸雞 🍗配沙律醬炸雞新鮮炸起 好酥脆香口😍再點埋沙律醬真係滿分既小食 仲有4舊咁多 同朋友share 就最好不過了芝麻雞翼同樣地要讚下 😙外皮煎得好香脆 而雞翼肉都鎖汁 夠嫩滑 搵唔到缺點呀😋野飲我就揀左玫瑰荔枝烏龍 🌹好解膩又養生 且可以狂加水添飲 十分滿意朋友則飲紅燕麥奶昔 莓味很香 同埋好健康😋個湯同餐包同樣地好出色！最後我地都點了甜品 - 芝士蛋糕🍰每食一啖都散發勁香濃既芝士味 同埋 好細滑😼 所有野都好滿意 期

佐敦新開左呢間暗黑設計嘅cafe，聽說咖啡質素都不錯，所以一於嚟試吓！晏就有lunch set，包沙律/湯 + 1主食+飲品 今次嗌咗鮮帶子櫻花蝦明太子醬長通粉（$128)好惹味辣辣地，帶子都煎到好香口，但一啲都唔老！香草雞胸肉羅勒醬長通粉 ($118) 一樣都係超夠味，有成4大塊雞胸小食方面，都嗌咗個甜番薯條配梅子粉($78), 炸原味雞軟骨 ($48)味道正常，但相比起來，主食出色好多

作為咖啡迷，緊係要周圍試啡！今日嚟到位於佐敦嘅Cafe Addict，見到呢度咖啡種類多，又有自家烘焙嘅豆，即刻入去試下！呢度裝修都好有心思，又有好多同咖啡有關嘅飾品！如果有飲開咖啡嘅，呢度都有烘焙豆買。我哋叫咗兩個主食，一個係「 明太子日本刺身帶子長通粉」（$108），明太子味道好出，通粉入面有少少芝士，撈埋好好食。刺身帶子口感較實淨，有六片，份量足夠。另一款叫咗「 輕玉子燒早餐」（$98），可以揀配柚子汁或者芝麻沙律汁。玉子厚厚一條，切開一啖填滿口腔，十分滿足！配埋蘑菇片，味道就更加豐富。我哋揀咗芝麻沙律汁，用嚟撈 沙律菜，味道濃郁，十分開胃。飲品方面， 我哋叫咗一杯Latte，一杯Cappuccino。（$42一杯）個人覺得咖啡味道比較fruity，豆亦新鮮。 同埋兩杯咖啡喺杯Size同埋奶泡厚薄上真係做到分別，比好多咖啡店都專業！整體嚟講，呢間餐廳都係一個 食brunch好去處！

平日放假出走閒逛西九區，喺繁忙嘅彌敦道遇上呢間型格日系cafe, 就試一試呢到all day breakfast 日式玉子燒早餐，好吸晴熱辣辣嘅滑蛋玉子燒，同埋配上香口嘅南瓜蕃薯餅，南瓜香甜外脆內軟，令整體個早餐非常之醒晨！朋友仔就點左日本帶子刺身明太子長通粉，明太子惹味，口味既新鮮又特別，輕輕煎過嘅珍寶帶子好搶鏡😋呢到位置鬧市地段，好方便偷閒🤓咖啡控當然試埋Hot Flat White同埋 Cappuccino，質地比較厚嘅中度烘焙豆，咖啡味濃厚剛剛好☕️

🍝雜菌黑松露牛肝菌汁蝴蝶粉 $88🍀🍀🍀🍀🍀🍀🍀🍀🍀🍀一上碟就聞到濃濃既芝士味，賣相都幾吸引，除左有蟲草花仲有芝士碎做topping，雖然意粉偏淡但加埋啲菇🍄醬汁食就有黑松露味、亦有陣陣既黑椒味，而菇既口感好爽🍮Kraken tiramisu $68🍀🍀🍀🍀🍀🍀🍀🍀🍀🍀依個tiramisu 既size 岩岩好，建議同朋友share，食側邊既口感無中間咁濕，口感較creamy ，不過中間先係重點，食完個aftertaste 好重rum 酒味😋亦唔似其他餐廳咁甜☕️Dirty $45🍀🍀🍀🍀🍀🍀🍀🍀🍀 Dirty做到有漸層效果，有啲餐廳整完出黎係變左普通咖啡☕️既樣，打唔到卡😂，佢地整既dirty 味道較重奶味🍵Matcha latte $48🍀🍀🍀🍀🍀🍀🍀🍀🍀 頭大身為抹茶控都要飲返抹茶系列既飲品🤣matcha latte 味道唔會好甜，較甘甘地，鍾意甘啲既食貨可試🌼🌼🌼🌼🌼🌼🌼🌼🌼🌼☀️整體而言，地點都易搵，環境好有feel ，加埋燈光配合下，影食物照都鮮豔左🤣餐廳都供應酒比客人

佐敦呢間cafe addict係正地鐵站站附近，一出地鐵站沿彌敦道行就會見到，非常方便。今日就去咗食個靚all day breakfast。叫咗個玉子燒全日早餐 $138 +$20香草豬肉腸轉咗煎雞胸整體早餐賣相吸引，份量亦充足。沙律菜食落唔苦，配帶點酸味嘅日本柚子醋同車厘茄好開胃。酸種麵包即口感軟熟。炒雜菌有好多唔同嘅菇類提供，落埋啲黑椒一齊炒帶點辣辣地嘅味道，配埋其他食材令味道唔會咁單一。玉子燒非常厚切，煎得略為熟啲，味道帶點甜味。南瓜薯餅嘅份量好充足，睇得出用左非常多嘅南瓜，唔會一切就散，滿滿嘅南瓜帶點甜味，配埋香脆嘅炸薯餅面頭好吸引。煎雞胸肉非常香口入味，肉質鮮嫩，煎過嘅雞胸肉令味道更突出，令人食指大動。

今日有事，要到彌敦道，經過一間型格咖啡店，咪入去食個lunch，但估唔倒有一個喜出望外嘅收獲。Cafe一般食物質素平平，d人主要嘆杯咖啡。所以，店舖重點一般都只放在飲品上。Menu食物選擇不多，比西餐廳少，因為早上11點，我😍見附近d人都叫玉子All day breakfast，望上去賣相都幾吸引嫁。但我想食粉，所以，經過一番選擇困難症後，都係叫左明太子帶子長通粉🍝，然後配以杯伯爵茶，感覺都幾chill。我要讚長通粉煮得軟度適中👍👍👍。而帶子好出色，下面煎香了，又是剛剛好。配以明太子攪埋，超好味。要俾like.🌟🌟🌟🌟🌟至於，個伯爵茶☕就真係好一般般啦。但值得一提，呢度無加一嫁。所以，價錢都算👌。經過佐敦，可以嚟試吓。💗💗💗

之前係佐敦搭巴士留意到呢間暗黑cafe係近彌敦道恆豐中心對面今日去佐敦買嘢咁啱朋友仔又想飲咖啡就諗起呢間暗黑Cafe落單要自己去收銀處放心有店員送餐的👍🏻有套餐同散叫我沒有留意有套餐散叫後先發現原來有套餐😅👉🏻輕玉子燒早餐😋(玉子燒+炒什菇+蔬菜沙津+酸種包)玉子燒好滑蔬菜沙津有二款醬汁選擇(柚子醋/芝麻醬)最特別係用酸種包😱味道有啲酸酸地但係好煙韌好特別👍🏻另外一個大份量玉子燒早餐係多咗一條香草腸+南瓜薯餅👉🏻雜菌黑松露牛肝菌汁蝴蝶粉未食已經聞到好香牛肝菌汁好認真有好多不同類菌菇👍🏻而家👉🏻芝麻薄炸雞翼👍🏻😋真係好香脆入味一份有三隻的👉🏻 ice latte 😋套餐好抵食

呢間Cafe 座位都幾闊落，都可以坐得比較耐，幾舒服！上網見人推薦呢到既玉子燒All day Breakfast，就叫一個試下！大家可以係相入面見到都幾足料，除左個特色既玉子燒之外，仲有炸番薯餅以及健康嘅薯仔蕃茄菇，而唔係平時All day breakfast 既致癌組合！個玉子燒唔會過熟，而食落去都有甜甜嘅醬汁襯托幾好味！另外叫左個青醬雞胸長通粉，有驚喜！係街外既雞胸好少煮得咁嫩，而且個肉既份量都比想像中多！青醬較易入口，唔會有一種苦青既羅勒味，而係偏甘香清新！最後叫左個炸雞軟骨，估唔到小食都有沙律照附上！沙律醬配七味粉，點沙律食或者點個雞軟骨食都得～整體黎講係幾好既體驗！

西式早餐就食得多,日式得黎又帶有西式感覺既早餐就未食過。我叫左個早餐,有厚厚既玉子、沙律配柚子醬、酸種包同埋mushroom。咁樣既配搭有新鮮感!平時食開既包都係原片上,佢切細左都另有一番滋味。甜品餐有桃芝士蛋糕加咖啡,有簡單既拉花。芝士蛋糕有桃果肉同面頭係jelly狀,都幾特別。呢度係自助order既形式。感覺上都幾多特別既食物同飲品,都會想試下加左梅粉既番薯條,可惜果日好飽食唔到咁多野,可以再encore。

今日去完九龍公園游水，游完水梗係要搵正野食下，保返啲體力啦，就係附近搵咗間型格Café出面招牌黑色襯白色字，望入去餐廳裝潢好舒服我同朋友大約6:30到，都有幾枱客人一入門口職員好有禮貌安排坐位，點餐係出面點，另外有位置可以自助斟水今次就試下二人晚餐(玉子燒早餐、意粉/飯、甜品、餐飲)🍳招牌玉子燒早餐超豐富，沙律可以揀柚子醋或者芝麻沙律汁，另外有啲黑椒炒雜菇、有件炸南瓜餅、酸種麵包、豬肉腸、當然有主角玉子燒，all day 有玉子燒已經好新奇，仲要甜甜地好好味另外一個主食叫咗碟-🍝黑松露牛肝菌汁雜菌蝴蝶粉牛肝菌汁掛哂係啲蝴蝶粉上面，粉亦唔會煮太淋，係屬於偏彈牙🍰仲有兩件甜品，揀咗桃肉芝士蛋糕、原味芝士蛋糕，兩件芝士味都好濃郁，桃肉口味除了有桃果凍仲有粒粒桃肉🍑🍑🍑🍹☕️兩杯飲品就叫一杯Latte，同埋加錢叫余夏，個名好特別，好有意境，係桃味加梳打，最特別係又有真桃肉係入面整體呢間餐廳環境同食物質素都好好，真係會想去完又去

呢日響佐敦想搵間cafe坐下，同朋友傾下偈，食個簡單嘅晚餐。咁啱見到呢間走型格路線嘅cafe，感覺好舒服，入去食咗個晚餐。 個人去cafe最鍾意食下All Day Breakfast，呢間有個玉子燒早餐，真係啱晒我。朋友叫咗dinner set - 羅勒醬雞胸長通粉, 包埋小食唐揚炸雞同飲品。 玉子燒早餐( $98) - 有日本蛋製玉子燒、沙律菜、車厘茄、雜菌同酸種麵包。玉子燒蛋香濃，入口好滑，加埋各類蔬菜，感覺好健康。 羅勒醬雞胸長通粉 （set dinner $148) - 呢個絕對係健康之選，雞胸整得嫩滑，唔會鞋口，配合羅勒葉味道好清新，開胃好味。另一個必食推介係唐揚炸雞，真係好有驚喜，炸得香脆可口，點埋沙律醬堅好味。餐飲補差價點咗杯燕麥雜莓奶昔（+$16）- 入口好creamy, 勁香雜莓同濃濃嘅燕麥味，味道有層次感。 Cafe食物質素幾好，坐得舒適，好啱同朋友食下飯傾下偈。除咗咖啡之外，餐廳仲有不同嘅酒提供，手工啤酒仲做緊全日買一送一優惠。仲不設加一服務費，抵食呀。