Cafe 103

營業中

休息中

一早預約了birthday lunch，兩日前已確定訂位，早一日通知訂位要取消，因為要緊急維修，沒有任何其他安排，你覺得我咁短時間仲可以搵到其他地方？對呢間酒店非常失望，我一定不會再光顧這品牌的任何餐飲服務！

食物款式OK而且都特別，飲品選擇都好多，除左自助早餐多數會有嘅中西式大路野e.g 煙肉、薯餅、腸仔、茄汁豆、蘿蔔糕、炒麵、粥etc⋯個人覺得比較特別嘅有咖喱魚蛋、雞翼、茶葉蛋等等⋯甜品除左waffle、pancake竟然連churros都有😳質素算幾平均，無邊個覺得特別好食亦唔算難食，除左凍肉試左幾款都覺得好難食☠️呢度食物感覺主要都係賣相精緻，特別係麵包類😍croissant、doughnut都好靚靚😍味道就正常😂-總結：食物質素平平，主要食環境、服務。-ᴘ.s. 因為無預先reserve坐唔到窗口位，cafe係103樓景色一絕，有機會食記得要reserve!

水果好早已經不refill, 水也不倒給你！位置也奇怪，沒有人但是並不給你窗口位！喑喑的，如果沒有窗口位，這個酒店是不值得一去的。因為食物質素不是太特別！最奇怪係未走嘅時候已經係喺你腳邊吸塵？？？？？？

之前book咗呢間嘅afternoon tea本身以為係坐窗口位因為之前有request但係去到之後發覺佢比張燈光暗，有冇景睇嘅角落頭位同佢講又話安排唔到，但係confirm booking嘅時候又冇講steiff teddy bear afternoon tea係期間限定，去到1月2號有四款鹹點、六款甜點同埋Scones 鹹點方面有麵包同三文治，自己最鍾意係佢個龍蝦忌廉tart，撻皮夠薄，都幾好食甜點方面有芝士蛋糕、蘋果撻、黑森林杯、迷你小餅同埋樹形蛋糕芝士蛋糕幾好食，唔會好甜蘋果撻賣相好靚，黑森林杯酒味都算重不過個焦糖蛋糕就超級甜Scone 比較扁身，有士多啤梨果醬同埋clotted cream牛油味唔算重，而且唔算好鬆軟個人覺得麻麻地整齊一般，加上環境同服務都比想像中差所以只此一次，唔會再去

店員服務好好，有禮貌！要求更換位置，都會盡量安排。鬆餅有四件，有兩隻醬，正常，冇乜特別出色嘅地方。甜品假擺設幾靚，但係無論鹽點或者甜點都係一般，正常發揮。包未算新鮮。

一行四人到Cafe103 afternoon tea, booking時已説明for congratulations 同埋window side。之前一日又要我回覆email confirm booking , 結果去到餐廳，我們被安排一張既不是window side又燈光昏暗的死角枱，我諗全場我這張枱位置最差。既然fulfill唔到我request，咁不如email講我知，我才考慮去唔去，好啦都算，食物質素方面亦非常失望。一般到不得了，沒有酒店水準。$1800，CP值極低，不會再光顧，物非所值

超級伏！一行人嚟食自助餐晚餐，海鮮吧都算多選擇，生蠔普通偏細，龍蝦鉗幾好，但開邊龍蝦、螺同蜆完全冇味 （冰但唔鮮）。去到sushi吧，差到一個點，仲難食過爭鮮，三文魚吞拿魚帶子北寄貝八爪魚，已經唔多選擇，唔係結冰就係魚肉霉，冇一件擺得入口。五星級酒店係serve呢啲嗎？Roast beef，好生又多筋，Turkey啲肉好「鞋」。熟食區唔多選擇，得10款左右，燒味幾好。甜品區係全個buffet入面最好嘅，有返多啲選擇同味道正常。綜合所有，呢間嘢真係可一不可再。未食過咁難食嘅五星級酒店自助餐！

很喜歡這裏103樓居高臨下用餐 感覺特別抒懷愉快自助餐食物質素很高雖然選擇不多 但個人覺得質素取勝個人最喜歡甜品🍮拿破崙100分冷盤也10分出色成日同阿仔慶祝生日

都聽過好多食友對此酒店評價但我以為是偏激及太負面直至自己親身體驗後。除咗「伏」真係唔知講乜好！咁嘅價錢畀咁嘅質素食物給客人食簡直影衰間酒店個名。我初時諗冇可能但真係太天真！

朋友生日，想同佢去食自助餐，諗住食好小小，就揀了呢間，卜了8:00,場好細，野食只有靠牆那2個長位，生蠔開定晒係雪櫃拿出黎。感覺不新鮮，顏色仲變了。刺身得4款，仲要更普通的。熱食蒸點心，仲要放2層，咁熱，地方又細，如何一個人拿起上面個層既籠，仲有手夾下面既點心呢仲有碗仔翅牛雜仲要硬到待應把刀都切到撻Q,心知不妙湯只有南瓜湯，炸魚柳，印度咖喱+飯。全場野食10只手指都數得晒俾成8百幾食啲咁既野。。。。連湯麵都無，突然好想食個套餐米線。所有野食都極普通。只有甜品係最滿意成晚

茶點配搭得宜，味道同口感都不俗。鹹點比例較少，尤愛“火龍果紫薯煙肉布里芝士撻”，紫薯混入煙肉蓉，外搭鬆軟撻皮，入口即化。甜點樣樣都好好味！鬆化程度及甜度剛剛好，鬆餅烘得微脆，裡面不會過乾。我們點了熱帶日落水果茶及有機香橙錫蘭紅茶。水果茶香氣濃郁，不甜，微酸，很適合搭配甜點飲用；紅茶的橙味很突出，茶味濃厚。

五星級果然係五星級，服務一流，食物滿分！由我泊車，入lobby開始, 就已經有員工幫我攞花同蛋糕!! 好熱心！而cafe 103，由於遲咗收工，佢哋臨時應變能力好快，幫我同壽星安排咗lounge 有海景嘅位置安頓我們可以繼續享用時間!呢個Teaset每一件都好好食，雖然個QR code用唔到，不過最重要係享受呢段時光，雖然短暫但好開心。所有嘅安排都好好👍本人非常注重Service！食物嘅質素同服務其他酒店真係比唔上！！慶祝活動只係一個儀式感，最重要係同咩人一齊食，當刻嘅感受好滿意，佢哋會care你每一個客嘅感受，最緊要係連嗰壽星都開心!!我諗我之後都會揀呢一間

事前朋友已經分享所以都已經冇期望，但真心無諗過會差到一個點。 價錢贵但食物質素差，款式少唔緊要但唔精就弊啦！冷盤龍蝦仔無味又硬，生豪賣相唔敢食，熱盤除碗仔翅同羊類款式唔錯之外都冇其他好食。甜品更失望，一間咁高級嘅酒店，另一個普通芝士蛋糕，味道都不及小型甜品舖。現成嘅有芝士有movempick 雪糕可取～座位環境都可以不過如果要有view 唔係好多張枱可以享受到，所以食view 真係去102 afternoon tea好了。

首先晚餐先係麗斯卡爾頓酒店入面食buffet冷盤海鮮特別好食，有龍蝦、海螺、蟹、海蝦🦐等不過其實熟食不太好食所以沒有吃很多最好的其實是甜品我拿了很多甜品其中一個芒果千層酥最好食😋不過其實黎食嘢都係為咗睇個景

今個月爸爸生日，所以就帶佢黎103食午餐，諗住啲人話靚景，就當黎睇景啦，睇食評就一早預左食無野野食，同食物都唔會太大期望， 尋日早左到，但佢地要十二點先放人入去，服務都唔錯嘅，幾有禮貌，野食比預期多，因為真係以為無野食😬 至於景就其實無咩睇到，因為玻璃有窗簾同其他野遮住，唔係窗口位基本上無咩景睇，不過廁所個景幾靚，大家去可以欣賞下😹 個人記為如果睇景，自助山會比較好個玻璃比較開陽， 同靚，食物亦好食好多，價錢比較便宜， 103 午餐都要差不多5百一個，如果有滙豐Signature , Platinum 等有85 折，不過但我無帶，所以比正價😐 海鮮有小龍蝦， 青口，蝦，蜆，我無食，因為對呢啲海鮮真係無咩興趣，我覺得麵包最好食，因為其他都係一般般，無咩特別， 食一次就夠🥰