BTS美食站

營業中

休息中

九龍城向來都有「小泰國」之稱，除咗有泰國雜貨鋪之外，都有唔少泰國餐廳！其中以泰國地鐵BTS為主題嘅BTS 美食站餐廳就十分有特色，仲充滿泰國風情😚✨ 泰式千炒豬肉片河 ($98)炒河賣相色澤均勻，份量十足！河粉採用寛條狀，每條都佈滿醬汁，食落乾身有鑊氣。豬肉片份量都幾足，每片都大大舊，有口感得黎又唔韌😋 而配料有芥蘭、紅蘿蔔、蛋，令成個炒河口感更豐富🫶🏻✨ 冬蔭公湯<S>［選用原隻虎蝦］($148)細嘅冬蔭公湯份量都幾多，足以夠2-3人享用！而且個湯會有蠟燭係底保持湯熱滾，好加分👍🏻冬蔭公湯酸酸辣辣🌶️ 仲有大量菇菇，每舊菇都吸晒湯底嘅精華，好惹味！最驚艷係有兩隻大虎蝦，食落彈牙爽口。成個湯好多辣椒，嗌咗小辣都覺得有啲辣🤣✨ 牛肉沙嗲串燒；雞肉沙嗲串燒 ($22/1)兩串串燒都燒到焦焦地，食落都有焦香感，好香口。雞肉保持嫩口，而牛肉都好有牛味，兩者都唔會過韌！沙嗲汁好香花生味，點串燒黎食令成件事昇華咗🤩✨ 椰皇沙冰 ($42)質感好綿滑，唔會有沙粒感。嗌咗少甜，甜度適中，飲到好濃嘅椰子味。除咗消暑解渴之外，用黎解辣都唔錯🤪———————————————————————🌼評

平時去開九龍城沒有什麼想法食什麼時通常都會到這裡食，口味同食物都十分地道，有如身處泰國🇹🇭嘅口味感覺！串燒就點了珍寶腸沙嗲串燒，搭配上特製沙嗲調味，加上炭烤的獨特風味，口感嚼勁十足。泰脆炸豬手是泰國美食中的一道經典菜肴，豬手表皮炸得十分酥脆，內裡卻仍然保持著柔軟的肉質。這道菜肴的味道帶有濃郁的肉香味，入口後的香脆口感十分吸引人，配上特製的醬料，更加提升了整道菜肴的風味。甜品就係椰汁西米糕拼泰式千層糕，椰汁西米糕以椰漿、糯米粉和西米等原料製成，質地柔軟，口感滑順，帶有椰香的味道；泰式千層糕則以綠色椰漿和糯米粉製成，口感綿密，味道香甜。飲品就係咖啡沙冰，入口擁有濃縮咖啡味道，滑順口感完美融合，喝起來清爽又不失風味。這款飲品通常是夏日消暑的好選擇，也是咖啡愛好者的最愛。在這區絕對是泰式口味必選之餐廳！

今日放工約左朋友食泰國菜，好想黎啤啤佢！我地叫左個泰式乾炒豬肉片河，豬肉好大塊，而且唔會好乾，微濕潤，十分香！而且佢仲有芥蘭，新鮮，唔會老！之後想食下串燒，試食一串牛，牛味香濃，燒得金黃香脆，好嫩，因為有d飽，所以就無再叫多幾串，下次再食過。之後想叫一個小食，就叫左一碟蝦餅，蝦十分彈牙，炸得好脆，好大舊，一碟有3件，真係好值得食！最後，仲叫左一枝象啤，大支裝夠晒兩個人飲，好重麥芽味，好香，唔會太濃苦澀味，好飲，想飲多枝！下次真係要再埋成班朋友一齊又食又飲，啤啤佢！

今日同朋友食泰國菜，再食呢間BTS 美食站，因為選擇多，大份又抵食。環境乾淨整潔，值得加分！今次試左呢個小曼谷炒飯，好足料，份量夠3人食用。蛋包飯做得好好，蛋夠香，有蝦、蟹柳，扎肉，而且用左d咖喱等既辛香料，太好味啦！之後叫左泰式原味烤薄餅，烤得剛剛好，香脆美味！之後叫左黃咖喱牛腩，黃咖喱夠晒濃郁，極度香，牛腩入味又夠軟身，真係好夠火候！食左咁得咁惹味既泰國菜，個人都好口渴，即刻叫左杯青檸梳打，爽晒，好fresh既感覺！真係試過就會再想黎食，下次一定再食！

出了地鐵站，近近地去了間門口幾搶眼的吹氣公仔的餐廳- BTS, 招牌名食住泰國地鐵，營造正宗的氣氛。九龍城很多泰國餐廳，避開選擇困難症，走入這間餐廳試下。點餐前已經睇左食評，好似幾好。點了菠蘿雞肉炒飯，唔駛三分鐘已經上碟，已經心知不妙，食落無獲氣，餸菜之間與醬汁沒有好好製作成一道美味的小菜，與在街邊食碗拿渣車仔麵無異。環境算乾淨，音樂算好聽，為何唔播泰國地道音樂，在營造泰國的感覺失分。附帶一題，食評不可盡信，打3折差不多了。

去九龍城食嘢，泰國菜嘅話，都唔一定好貴或一定食閃閃書推介嘅。地道得來又貼地嘅，都有選擇。喺正地鐵站出口，步行距離唔多過1分鐘，就有#bts美食站。未入門口就見到好大個吹氣公仔喺度揮手，感覺都幾得意。平日嘅夜晚唔算好多客人，可以靜靜地食餐飯。值得一讚，上菜速度好快。◾︎泰式拼盤嗌咗細嘅，份量其實都夠四個人。全部都係即叫即製，拼盤所有食物都係熱嘅。最好食係蝦餅，彈牙爽口，春卷都好唔錯。◾︎豬肉串燒 ◾︎牛肉串燒師傅燒得好香口，但係唔會太乾。沙嗲醬唔係幾辣，入邊有花生碎，微辣得來有啲甜。◾︎黃咖喱牛腩 ◾︎蒜蓉包泰國嘢要食咖喱是常識吧！揀咗黃咖喱，相對甜而冇咁辣。的確對嗜辣嘅我而言，完全係唔辣。咖喱汁相對稀身，配手抓餅或者蒜蓉包都正。蒜蓉包勁香蒜蓉味，而且好脆口。◾︎海南雞半隻唔係去骨版本，食嘅時候要小心。肉質都嫩口。不過太多嘢食，海南雞就失色咗少少。◾︎肉碎生菜包分量超多，食到最尾幾乎食唔晒。肉碎比起其他辣，有檸檬葉，香茅嘅味道。價錢來講其實唔貴，人均消費都唔過200。而且喺地鐵站附近，搭車嗰啲都好方便。

搭港鐵去宋王臺食泰菜超方便，其中一間我最鍾意的就係BTS美食站，招呼周到，乾淨企理，餐牌製作漂亮，款式選擇豐富，每次必食串燒、沙律、小食、船粉、泰式甜品，應有盡有。牛丸牛肉船粉河粉傳統泰國美食，值得推介！船粉湯底特別濃郁，飲落香甜有泰式風情，配搭河粉掛湯度高。配料份量都好多，有牛丸、牛肉、配菜好有驚喜，調味加埋船粉食一流。蝦片香脆可口，送啤酒一流。泰式鐵板蠔餅泰式鐵板蠔餅炸得好香口，蠔肉嫰滑仲好多汁，加埋泰國辣椒醬， 夠晒惹味！鮮蝦泰國金柚沙律天氣熱最鍾意食鮮蝦泰國金柚沙律，泰國金柚香甜多汁，鮮蝦肉質爽彈，酸酸辣辣的泰式沙律汁，非常開胃，大大碟食得開心。椰汁西米糕拼泰式千層糕椰汁西米糕椰奶味突出，足夠 2人分享，香甜又多汁。泰式千層糕，口感特別軟糯。咖啡沙冰冰爽沙冰，咖啡味道濃郁。

九龍城出名多泰國嘢食，但係又唔係真係正宗呢BTS美食站已經聽過好耐，但係都冇食過，今日就心思思想去試吓啦依間BTS美食站好近地鐵站，宋王臺站行出嚟2分鐘唔使就到，亦都好容易認，門口有個好大嘅吹氣公仔，入到去佢有一個泰國嘅地鐵站牌門口亦都有一啲招牌嘅菜式，成個感覺都好有泰國嘅氣氛叫嘢食嘅時候好多唔同嘅嘢可以食，有咖喱，海鮮串燒等等去到泰國舖頭點可以唔食咖喱呢？佢有青咖喱同黃咖喱。我哋就偏向愛黃咖喱，叫左個黃咖喱牛腩，佢嚟到嘅時候都好大兜，有薯仔洋蔥仲有好多個牛腩，牛腩薯仔炆到好林，個咖喱都好惹味，唔辣嘅我哋仲叫咗蒜蓉包同埋薄餅，蒜蓉包好脆好熱，好多蒜蓉，好重嘅蒜蓉味，點埋個咖喱汁超好食，薄餅有少少油油地，個人就比較鍾意食蒜蓉包另外仲嗌咗串燒海南雞生菜包，串燒可以嗌拼盤拼盤有牛豬雞臘腸腎，但係因為我哋唔係好想食泰國臘腸，就分開淨係叫咗牛同埋豬，牛味好林好香，沙嗲仲有花生粒，海南雞係有骨海南雞，胸位偏多，唔算好嫩滑，生菜包份量好多肉碎，味唔算好重嘅，香料味偏淡仲嗌咗個小食拼盤，有蝦餅魚餅雞棗春卷，每樣四舊，個拼盤每樣嘢都好好食好正，雞棗出面好少有，味道幾特別泰國嘢好多人都鍾意食，亦都好多舖頭

今晚晚餐又來到了九龍城，當然是要食泰國菜，今晚選擇了南角道的BTS。餐廳裝修企理舒適。泰式菜的menu很多選擇。泰式濕炒牛肉河泰式濕炒牛肉河裡面，也是例牌有很多芥蘭，及有少量紅蘿蔔點綴。牛肉份量頗多，炒得剛熟，好軟淋河粉則大大片，牛河有很多醬汁，令整個河粉都沾著滿滿的醬汁，好滋味！招牌海南雞泰式海南雞，顏色金黃，肉質嫩滑多汁，跟配的酸甜醬汁面有很多薑蓉，增添特色的泰式滋味！椰汁西米糕食泰國菜，一般都不會少了這個椰汁西米糕甜品，面的芋頭、粟米粒、西米、椰奶……等，令整個甜品既有口感，又非常香甜！

泰國菜真係好正啊！我嗌咗香芒蟹肉炒飯，價錢係$118，性比價超高👍芒果係好大舊同埋舊舊都好甜,蟹肉份量都多，再加埋肉鬆，有鍋氣之餘又好開胃！仲有泰式千層糕，yyds，回味無窮

去九龍城見到呢間泰國菜門口有幾堆人等位外面有個吹氣公仔不停招手叫你入去😂🔻冬蔭雞湯🍲🐥（ $128 ）原來冬蔭功+雞都唔錯喎冬蔭功唔會好辣 唔食得辣既人都飲得到最欣賞佢鍋底一路熱住 可以慢慢飲都唔怕凍哂我地2個人食 每人飲到3碗而且有好多雞件🤪 超飽如果有細size就完美🔻泰式鮮蝦炒金邊粉🌿🍝（ $108 ）呢個又係好大碟🤣係平時既1.5至2倍金邊粉炒得乾爽 係我中意既口味酸味就唔算話好突出蝦都算大隻爽口🔻泰式炸蝦餅🦐（ $98 /3件）雖然話係3件 但又係好大件好厚肉蝦肉彈牙 炸粉唔厚食過唔少蝦餅既我表示 呢個係高質蝦餅喎😎總括而言 味道方面有水準食物價錢貴小小 但佢分量真係好多好大😆Btw因為真係都幾多人等店員有點做唔切既感覺要預多小小時間等位比較好

近排愛上咗食泰國嘢🇹🇭之前都有去過幾次小曼谷，啲嘢食真係好正。今次夜晚唔知食咩好，所以又特登入去九龍城買個外賣先🥡又可以同屋企人分享下😂😂呢間BTS 見好多人幫襯，門口都幾多人排隊，唯有都試吓先，估唔到都係好好食😌性價又幾高下😎🌟泰式燒牛仔骨 $78個牛仔骨係腌到勁入味🥩肥瘦相間岩岩好，燒完勁香口，一咬落去係吾煙韌架，好juicy, 火候控制到岩岩好🔥完全食到停吾到口😋🌟香芒蟹肉炒飯 $118芒果係好大舊🥭舊舊都好甜，蟹肉份量都吾少，炒飯入面差唔多啖啖蟹肉咁🦀一食落去係勁有鍋氣，熱辣辣，又加左肉鬆，個炒飯份量又好足🍚炒到粒粒分明，呢個飯吾怪得係店鋪推薦，真係好正👍🏻🌟海南雞飯 $108個雞肉好滑身🐥好嫩口，食得出唔係冰鮮雞，雞皮又唔係好肥喎。個飯用咗油飯🍚好香。次次食泰國嘢都必點海南雞飯😂🌟椰汁西米糕拼泰式千層糕 $60椰汁西米糕：椰汁味好濃🥥又唔會好甜，加埋西米增加左個甜品嘅口感😋泰式千層糕：嗰班蘭味勁濃，食落去勁彈牙，好qq 彈彈，又吾會好甜，超好食😋

♡ 九龍城嘅小曼谷｜BTS美食站 ♡-今日又嚟到BTS美食站～每次想食泰國菜都一定要過嚟呢度大快朵頤依家有地鐵站過嚟九龍城真係好方便宋王臺站一出就已經到啦外賣買返去食慢慢嘆。- ♡ 海南雞（半隻 ）♡ $124海南雞肉質鮮嫩上次海南雞飯唔夠喉今次就叫夠半隻同屋企人食一定要叫海南雞啖啖肉 肉質鮮嫩 好香雞味。-♡ 蒜蓉包 ♡ $48我最鍾意就係食呢度嘅蒜蓉包雖然外賣拎走但返到去蒜蓉包都仲係脆卜卜🤭-♡ 串燒拼盤 ♡ $118串燒拼盤有牛、雞、雞全翼、泰式臘腸、豬、雞腎，一次過試晒六款串燒。我最鍾意就係食呢度嘅雞全翼同泰式臘腸。泰式臘腸甜味十足，送飯食好正～ -♡ 椰青 ♡ $49椰青大大個 而且雪得夠凍 一飲感覺好冰涼透心✌️真係必嗌～～～ ❥#⇢店鋪資料：BTS美食站 (九龍城)九龍城南角道11號地下#

上次來過BTS美食站食午餐，今次經九龍城，決定要再次到訪✨️極上燒安格斯西冷牛小排大大塊既牛小排，上枱前已經切件，燒起來更方便， 牛味濃厚，口感柔嫩，再加上有不同成熟程度，是次我選了七成，做到入口即溶的感覺❤️再點秘製醬汁令牛小排口感層次再度提升✨️串燒鰻魚鰻魚燒烤過後依能保存魚質鮮嫩，而外脆內嫩，魚的份量也為多👍就算無任何醬汁，本身魚也帶點味道👍椰青：清新鮮甜泰式咖啡：咖啡味濃餐廳坐位闊落，而且又有一個透明小廳，自成一角

我同屋企人最鍾意食泰國菜，每隔一段時段就會去到九龍城食返餐正宗泰國菜式🤤這裏基本想食的泰國菜都好齊全，味道一流。泰式花膠濃湯雞煲翅是一道濃郁的湯品，加入了大量花膠，讓湯的口感更加豐富。泰式生蝦刺身生蝦則是選用了新鮮的生蝦，搭配泰式辣醬，清爽又辣味十足。泰式豬手飯則是一道非常營養豐富的菜色，豬手肉質鮮嫩，好淋好入味，搭配上泰式香料及美味配菜，讓整道菜更加美味。豬肉碎生菜包則是一道非常健康的菜色，生菜包裹著豬肉碎，豬肉入口多汁，口感清爽又不失美味。原隻芒果糯米飯芒果糯米飯是一道非常經典的泰式甜點，糯米飯搭配上新鮮的芒果，甜而不膩，糯米飯熱辣辣煙煙韌韌令人讓人回味無窮。