Bove (已結業)

去到葵涌廣場通常都係花都眼亂有好多選擇 所以quota一定要留俾啲好食嘅嘢但係我都一定會食呢一間邪惡嘅格仔餅而中意食金莎既 千祈要留意🤩呢間夾餅係超級邪惡呀係真係爆醬啖啖金莎😋😋個夾餅即整食落脆脆地 好滋味!重點係即叫即做 但建議最好share食因為都真係比較甜同膩格仔餅當然仲有其他味道 大家都可以試吓除咗格仔餅之外其實佢啲雞蛋仔都好吸引都係有超多口味可以揀每次去到都揀得好辛苦😫之前去開旺角分店 可惜執咗但好彩葵芳啲間質素都好好…查看更多

✨網上好多人推薦嘅［Bove]，終於去咗試佢嘅梳乎厘班戟，佢哋鋪面唔算大，款式唔算多，鐘意食甜食既我，主要想試佢地既梳乎厘同格仔餅，但係好黑仔，個落單既依依誤會左...唉...無計🤷🏼‍♀️，格仔餅下次試吧🙈🙆‍♀️ （⚡️📎補充，就算係咩誤會都好，個依依既反應態度都係麻麻地囉🤨）.💬伯爵味梳乎厘班戟 $40 （💸加餡料$12金莎朱古力）即叫即整，伯爵茶味好出，味道唔錯，梳乎厘算軟棉但係唔算滑，開始食既時候較空氣感，但係食到中間似唔係好熟較濕🧐，口感一般，而且可能另加左金莎朱古力所以甜咗啲，但係按依個價錢黎講都算唔錯，價錢合理‼️…查看更多

食左個難食晒既花枝丸($18)同正常既黑椒牛丸($8)之後，又輪到我既甜品時間啦，去左食我鍾意既梳乎厘班㦸。本來諗住要朱古力或宇治抹茶味，但只剩低原味同伯爵茶味，第一次食就梗係揀原味啦。即叫即整，如果要忌廉記得落單要講明，我就唔要。攞到手自己可以加枱面上三支唔同既醬：蜜糖、焦糖、朱古力，我就加左朱古力醬。班㦸有兩大件，本身已經有甜味，食落口感軟綿綿，入面好濕潤，唔會齋食到空氣，有蛋香味，我超鍾意食，下次一定要食埋其它味。只係俾$32就食到甘高質既梳乎厘班㦸，真心推介。…查看更多

忽然想食 Souffle Pancakes 梳乎厘班戟 .... 於是就去 葵涌廣埸 的一間舖名叫 "Bove" 的 💛「黃店」食 ~這間舖雖然喺小店 , 但名字響噹噹 , 出名賣 梳乎厘班戟 & 雞蛋仔 , 不用多說 , 我當然就係食 梳乎厘班戟 .... 我真係專程搭車嚟食! 呢度的梳乎厘班戟有幾種味可以選擇 , 我就係會選擇原味來食 , 無得解 , 我總喜歡食原味 ~Original Souffle Pancakes 原味梳乎厘班戟 $32 : 班戟即叫即製，大約要等15分鐘 , 有三種醬料可以選擇 (蜜糖、朱古力、焦糖) 我就算選擇了用焦糖 ; Pancakes 一客有兩件 , 外觀厚厚的又色澤金黃 , 靚靚仔仔 , 入口鬆鬆軟軟 , 質感輕柔得似是飄飄浮浮的，每一口都充滿蛋香味 , 感覺就似是在吃雞蛋味的雲 .... 頓時充滿夢幻 ~ 這家店的梳乎厘班戟的味道 , 絶對可以媲美在 CWB/TST 那些大牌子班戟店的味道 , 而且價錢更便宜得多 ~本篇完 ~…查看更多

🔖流心蜂蜜雞蛋仔🌟💰25雞蛋仔外脆內軟~食到幾香嘅雞蛋味同牛油味🧈但係由於紙袋係無窿窿嘅關係，啲水氣會焗住，令到雞蛋仔好快就變得淋身😳所以一定要快啲食啊~雞蛋仔入面會有一粒粒嘅蜂蜜珠珠，幾特別😛不過同想像中嘅流心效果有啲唔同🙈蜂蜜甜度適中，同雞蛋仔配搭一齊效果唔錯🙌🏼流心蜂蜜雞蛋仔係人氣No.3嘅選擇~頭兩位分別係宇治抹茶麻糬雞蛋仔🍵同雙重芝士雞蛋仔🧀之前有試過，但係個人比較推薦蜂蜜味🍯…查看更多

去葵廣就最緊要掃街，食好嘢👏🏻👏🏻👏🏻！ 三樓小巷入便有幾間小店，來到呢間，佢最出名係souffle pancake ，不過我驚要等太耐，所以揀到我都好先鍾意食既傳統美食：雞蛋仔我揀到搽茶麻糬雞蛋仔（$30） 即叫即整，等左5-10 分鐘，攞到上手係熱辣辣的，好香搽茶味。 每一粒都好認真，都充滿搽茶麻糬味😋😋 外面又好脆口。行過不妨試吓…查看更多

My second stop of eating in Kwai Chung Plaza and it’s time for some desserts. The shop is famous for their soufflé pancakes and eggettes. I ordered their No.1 eggette which was the matcha mochi eggette and earl grey soufflé pancakes.The matcha mochi eggette was ready first as the preparation time for the soufflé pancakes was longer. The eggette smelled good with strong matcha flavour and the chewy texture of the mochi made the eggette even yummier. However, it’s a bit sweet. The soufflé pancakes were served after 20minutes of waiting. They added lots of earl grey and it tasted really good as I’m an earl grey fan! But the pancakes weren’t what I like. The texture was kinda like half baked, not the soufflé pancake that I like. Not much flavour of egg, and a bit too moist. Would prefer it to cook for another 5 minutes.…查看更多

雖然我已經光顧過不同分店，包括現在仍然生存的分店包括藍田，以及已經結業或易手換主的梳乎厘班㦸甜品店「Bove」分店，例如旺角跟九龍灣。但是「Bove」給我感覺已經技窮，再沒有售賣創新口味的梳乎厘班㦸。我覺得現在光顧「Bove」，從「Bove」梳乎厘班㦸甜品裡面得到新鮮感的最好方法，就是購買一般口味的「梳乎厘班㦸」，然後再選擇梳乎厘班㦸裡面的不同味道餡料，以及選擇不同味道的糖漿去調味。例如我後來回到位於葵芳商場「葵涌廣場」，在「葵涌廣場」三樓裡面，找到葵芳的分店「Bove」。我詢問過葵芳「Bove」店員，店員說只剩下原味梳乎厘班㦸，跟伯爵茶口味梳乎厘班㦸可供購買。我對含有提神成份的「Bove」伯爵茶梳乎厘班㦸一點興趣都沒有，所以我只好選擇「Bove」原味的梳乎厘班㦸，然後在梳乎厘班㦸裡面的夾心餡料，還有調味的醬汁再作選擇。結果我在「Bove」原味梳乎厘班㦸裡面，選擇了「草莓朱古力綿花糖」，作為原味梳乎厘班㦸裡面的夾心餡料。如果購買「Bove」梳乎厘班㦸選擇再加入夾心餡料，食客要再加港幣十二元。於是我的「Bove」「原味梳乎厘班㦸」加上「草莓朱古力綿花糖」餡料，最後要支付的總價錢需要港幣四十四元。或許可能因為我選擇價錢最便宜的原味梳乎厘班㦸，所以即使購買餡料，也沒有令整體價錢大幅增加。現在在一般以堂食為主，有售賣梳乎厘班㦸的甜品店或者西餐廳裡面，已經很難再以頗為便宜的港幣四十四元價錢，購買一份已經釀入甜味草莓朱古力綿花糖餡料的原味梳乎厘班㦸甜品。再加上葵芳分店「Bove」店員，在我付款購買原味梳乎厘班㦸甜品的時候，沒有刻意詢問我，想為原味梳乎厘班㦸選擇什麼味道的調味料，再看見葵芳「Bove」店門放置三樽不同味道的調味料，我很快知道原因。雖然葵芳「Bove」廚房店員，也有在「原味梳乎厘班㦸」旁邊加入少許甜味的忌廉，但是少許的甜味忌廉，根本不足夠為「Bove」原味梳乎厘班㦸增加豐厚的甜味，需要另外加上不同味道的調味糖漿才能開始享用。「Bove」其實早已在食店的價目表裡面，一早已經清楚列出，食客可以為「梳乎厘班㦸」選擇加入的甜味調味料內容，包括有「蜜糖」、「焦糖」還有「朱古力」三款偏濃的甜味調味料。雖然葵芳「Bove」三款供食客選用的調味料都是屬於甜味，但是三款調味料給我的實際甜味感覺，感覺其實也都很不一樣，不是單純地只有甜味。例如「Bove」裡面的「蜜糖」調味料，「蜜糖」調味料給我的最鮮明感覺，就是略帶少許楓糖，可以在舌頭味蕾裡面形成的強烈甜味，但是不算長久的甜味感覺。至於「Bove」的「焦糖」調味料糖漿，「焦糖」的甜味雖然不及「蜜糖」那麼濃厚，但是「焦糖」糖漿裡面的甜味在舌頭味蕾停留的時間，比起「蜜糖」就長久得多了。至於葵芳分店「Bove」剩下最後一款的甜味調味料，「朱古力」糖漿調味料裡面的甜味，跟「焦糖」或者「蜜糖」相比下感覺都非常不一樣，因為「朱古力」糖漿甜味裡面，夾雜少許的朱古力原有的苦味。如果要我在葵芳分店「Bove」裡面的三種甜味糖漿調味料裡面，選擇其中一款糖漿淋在「原味梳乎厘班㦸」製成品表面上的話，我會選擇時間比較長久的「焦糖」，然後嘗試「朱古力」，最後才選擇「蜜糖」。因為葵芳分店「Bove」裡面的「蜜糖」糖漿調味料，給我感覺實在太像傳統享用「梳乎厘班㦸」的方法，在「梳乎厘班㦸」淋上稠身的楓糖糖漿，覆蓋範圍難以造到完全全面化。但是試完「Bove」「蜜糖」味道版本「原味梳乎厘班㦸」之後，嘗試再淋一些味道相對來說更加甜的「焦糖」糖漿，「原味梳乎厘班㦸」的整體甜味味道，立刻變得更加濃厚。再加上「Bove」「原味梳乎厘班㦸」裡面，有包括草莓甜味跟朱古力甜味，還有綿花糖軟腍腍口感的「綿花糖」餡料之後，「焦糖」糖漿味道的「原味梳乎厘班㦸」整體味道感覺，變成每一處都有豐富甜味。至於「Bove」廚房店員製作出來的「原味梳乎厘班㦸」，梳乎厘班㦸在塞入「草莓朱古力綿花糖」餡料之後，梳乎厘班㦸實際製成品立刻變得飽滿堅挺，完全沒有呈現塌下來的跡象。最重要的是，有餡料的「梳乎厘班㦸」，論口感始終都會比沒有餡料的「梳乎厘班㦸」豐富和充實得多。沒有餡料的「梳乎厘班㦸」雖然可以憑醬汁或者忌廉挽回分數，但是口感始終會輸洩給有餡料的梳乎厘班㦸一點點。「Bove」廚房製作的，「草莓朱古力綿花糖」梳乎厘班㦸本身的口感感覺軟綿綿，也間接令「原味梳乎厘班㦸」本身的構造變得鬆軟，令「原味梳乎厘班㦸」本身的口感也變得有彈性。「草莓朱古力綿花糖」本身除了口感軟綿綿之外，還包括有草莓的甜味，還有來自朱古力的甜味，令到「原味梳乎厘班㦸」內裡的味道也擁有充實的草莓朱古力甜味，不用單靠「Bove」調味糖漿的幫助才擁有甜味。但是「Bove」經過我前後好幾次光顧的體驗之後，已經幾乎試勻「Bove」所有口味的梳乎厘班㦸，現在只剩下朱古力歌劇院梳乎厘班㦸未嘗試過而已。偏偏「Bove」現在已經很少再嘗試推出新口味的「梳乎厘班㦸」，只能靠食客自己去發掘「梳乎厘班㦸」可以享用到和感受到的甜味感覺，或者研發其他食品，例如製作開發意大利麵食品開拓市場。但是我從現在「Bove」所有分店的身上，看到和感受到非常濃厚的「不進則退」色彩。即使不是所有的「Bove」的分店都已經結業，但是我卻看不到「Bove」將來有什麼前途可言。…查看更多

Bove Uji Matcha Soufflé Pancake $30 is surely my cup of tea!  Highly recommended!  I preferred the pancakes to be served with chocolate drizzle over honey sauce.  Since the Soufflé Pancakes were cooked immediately after the order, we waited for the dessert for around 15 minutes.  The Soufflé Pancakes were freshly made, heat and soft.  When eating a small bite of the pancake with the cold whipped cream, it was like eating matcha ice cream because they just melted inside my mouth smoothly.  The chocolate drizzle provided an additional flavour to the Soufflé.  Uji Matcha was rich and the colour and presentation were nice.  The "Bove" marking on the Soufflé Pancake was wonderful!  Love this a lot!…查看更多

成日經過葵廣，都想試下呢間格仔餅，有好多款唔同味道，格仔餅有6款唔同味道，雞蛋仔仲多，有成20款味道。見到有客啱啱買左份朱古力格仔餅，啲朱古力醬多到漏晒出黎，極邪惡，但食嘅時候應該會有啲論盡，一定變污糟貓，要企定定食完先好走喇。我略嫌朱古力普通左啲，所以揀左肉桂蘋果味。個格仔餅焗起上黎好香呀，跟住店員加左勁多勁香肉桂味嘅蘋果俾我，多到跌晒出黎，個格仔餅根本就包唔晒啲蘋果😝，超正呀！😍肉桂嘅香味真係冇得彈，鍾意肉桂嘅朋友仔絕對唔可以錯過。下次試下佢啲咸味雞蛋仔先，唔知會唔會都有驚喜呢！😋😋…查看更多

今日陪朋友去葵廣買野 順便當然食埋野 不嬲都鐘意食梳乎里 pancake 所以黎到比較親民價位的Bove 其實除左梳乎厘pancake 佢都仲有雞蛋仔同格仔餅賣 不過今日就打住pancake 旗號黎 就叫左佢地原味pancake 係落單個時 店員剛好由出面行入去 推開左少少門 朋友望到部雞蛋仔機就咁放左係地下 Um...坦白講係有少少打折 希望個衞生意識可以提高少少 等左5-10分鐘 就可以拎野食梳乎厘有少少黑焦 除左e 樣 整體都ok 空氣感唔錯 食兩舊都好飽 :)以三十二蚊黎講 諗唔到特別要大批評的地方 …查看更多

16:13 落柯打 ，即叫即做，大約十五分鐘。收銀個妹妹同我講，其中一份，因為煎得生得濟，叫我食住面前呢舊，話重新煎過份比我，我話比番一塊我可以啦，太多我食唔曬。 咁我就食住等.....煎得太熟，似食緊蛋糕😭咁我就其待下一塊會更好，等到16:50 另一塊終於出爐，一放入口，完全唔值得等待，太熟啦都唔creamy 我仲好記得第一次食個時既感動。請問係唔係換左廚房呀？無可否認佢個伯爵茶係好味，同埋都幾抵係個口感唔得…查看更多

以前經常要排隊,今日見到冇咩人排隊,於是叫左個紫菜肉鬆雞蛋仔試下,叫話整耐少少等脆口d,完成品係：成塊大紫菜係面,好多肉鬆,正👍脆卜卜,好好味,下次再幫襯😋😋…查看更多

葵芳廣場美食儘多，鄰近葵芳地鐵站，小食款式包羅萬有，是個掃小食好地方。今日與2個好友同行行街，順道再次去Bove食個甜點梳夫厘，店面細小狹窄，店外還是滿多人排隊擠爆了成個行人通道。店鋪即叫即製，雖然要等半個小時先有得食，但見到店員拿著鬆軟震顫顫熱騰騰的疏夫厘即時感到好有期待的滿足感。伯爵茶梳夫厘班戟口感較creamy ，蛋味濃質地又濕潤，伯爵茶香味四溢又濃郁,口感還可以，價錢又不算貴，HK$40一份，對比出面類似的便宜經濟好多。…查看更多

在葵廣商場行街，突然好想食雞蛋仔見呢間bove有人排隊就決定食呢間要左雙重朱古力雞蛋仔等左超過10 分鐘外表睇落幾吸引，有啲朱古力碎咬入去就覺得朱古力唔夠多，有啲朱古力粉，好似阿華田粉既味整體不過不失不過以等左一段時間黎計 就唔太值如果朱古力碎多啲 ,效果會更好~…查看更多