BnR

營業中

休息中

早前嚟過呢間BnR，食完覺得唔錯，今次就試吓其他嘢！座位闊落坐得好舒服～🥢鮑汁籠仔蒸花膠滑雞飯原個籠仔上，份量十足！仲有荷葉一齊蒸！超香好豐富！🥢藥膳花膠雞淮山麵藥膳味唔會好重，好快就飲晒碗湯！推介要叫淮山麵，又幼又滑好有咬口！🥢藥膳雞米線油炸鬼索晒個湯嘅精華，唔油唔膩！✨跟餐小食：炸雞中翼、豆腐皮蛋、海蜇手撕雞✨跟餐飲品：荔枝水果茶、洛神花茶清新爽甜，仲真係有幾粒荔枝！𓆝𓆟𓆜𓆞𓆝𓆟𓆜 🍴BnR📍 馬鞍山新港城中心2樓2129——————————————————

馬鞍山區越來越多嘢食，呢間餐廳嘅食物唔錯價錢親民。花膠雞淮山麵$86， 淮山麵感覺健康，花膠大件，雞又幾滑。而且+$38仲有飲品、小食同甜品。揀咗青提梳打+$5好清新，炸魚片好好食😋花生麻糬煙煙韌韌，有粒粒花生餡。龍躉米線$92配酸菜魚湯好特別，微酸口感好開胃，湯底清爽又有魚香味。加$28有飲品同小食，冷泡四季春茶+$5清香解渴，濃湯浸時蔬仲有杞子。最後散叫咗小食鹽酥雞，外皮炸得金黃酥脆，雞肉多汁。餐廳有大又多位，簡簡單單食一餐好豐富。

見到哩間餐廳唔係好多分店就試下，雖然係tasteasia 都係大集團叫左個藥膳雞米線，加$28 有個小食，叫左炸芫茜牛肉球個牛肉球好鹹，冇乜芫茜味，牛肉味係ok, 但真係鞏以唔洗咁鹹藥膳湯幾香，湯唔係難飲既，但飲多幾啖覺得幾勁味精米線係幼同彈牙嗰隻，仲幾彈添，但我覺得用淋既米線就可以入味d雞都滑既埋單過$100，全程自助，自己落單自己拎單出counter 埋，唔明點解加一，食意樂都唔洗啦唯一係覺得個環境係坐得舒服

年卅晚吾想煮，去左新港城搵食！搵到一間開左無耐既餐廳，望入去坐位幾寬敞，儘管一試！整體食物質素不錯啊！鮑汁籠仔蒸花膠雞飯底下鋪上大荷葉，啖啖飯都沾上荷葉及鮑汁香，飽肚又健康。大大塊好厚肉 整個雞煲汁充滿骨膠原，伴飯一流呀🥳金銀蒜籠仔蒸龍躉球飯蒸龍躉本身已經鮮美無比，再配上荷葉的清香，非常美味！龍躉的精華滲入底層的米飯，不但香氣四溢，每粒飯粒都沾有濃郁魚鮮味，令人垂涎三尺😋藥膳雞淮山面最推介係用淮山代替米線，即刻健康左😉仲要有油條，幾盞鬼😊藥膳湯味濃，不斷當湯飲🤭淮山面夠彈牙👍🏻真心推介呢個系列😋套裝配小食和飲品 仲有甜品，超圓滿的一餐！

試過三次，每一次都好好味。今次食咗籠仔花膠雞蒸飯以及牛魔王撈麵，兩個都加咗飲品及小食套餐。先講籠仔花膠雞蒸飯，飯係炒飯底，啲花膠細細隻，但係炆到好腍，啲雞又滑又好味，我老公食埋雞皮，佢話好滑，我就唔敢食，$108嚟講絕對收貨！牛魔王撈麵係我第三次食，包括有牛腱片同牛筋。牛腱片正常，牛筋炆到好腍，麵好食，大大碗，夠晒飽 ，真係食過返尋味！小食方面，我哋叫咗皮蛋豆腐同埋菜心，皮蛋豆腐有少少辣，係BB辣嘅級數。菜心烚到好腍，加咗少少杞子，好味！嘢飲方面，正常！

馬鞍山開咗新嘅高質素餐廳BnR.餐廳都係用QR code自行落單。簡單易用👌叫咗2個套餐：✅金銀蒜竹籠仔蒸龍躉飯+小食+飲品大大個籠仔用荷葉承載着炒飯及滿滿的龍躉腩。龍躉每件都大大嚿，鮮嫩肉質與荷葉炒飯融合帶來豐富的口感。✅五指毛桃花膠雞准山麵+小食+飲品+甜品五指毛桃有益氣去濕作用,配上花膠雞湯使湯底濃郁，足料好味👍✅2款小食：炸雲吞及炸墨魚卷2款小食不過不失，香脆可口。✅手工紅豆麻薯皮薄紅豆好多，唔會太甜👍✅西柚梳打全杯好多西柚，甜甜酸酸。開胃。✅椰汁爆珠紅豆冰好香濃椰汁配上紅豆，唔會太甜。📌BnR 環境舒服 ，上菜速度快👍

我和好友今日去左馬鞍山市中心遊玩，順道去位於馬鞍山鞍祿街18號MOSTown新港城中心（4期）2樓2129號舖的 BnR 食晚餐。我點左花膠龍躉魚湯泡飯$118，加小食（炸墨魚卷）及甜品（手工紅豆麻糬）$38，餐飲是椰汁爆珠紅豆冰$8（跟餐）；好友點左花膠龍躉魚湯泡飯$118，加小食（炸芫茜牛肉波）及甜品（一口花生麻糬了粒）$38，餐飲是椰汁爆珠紅豆冰$8（跟餐）。魚湯濃郁好味，花膠厚肉，龍躉新鮮肥美，真心推介👍！炸墨魚卷好香口爽脆，牛肉波好味；兩款麻糬好好食，紅豆冰好香椰汁味，好飲！

新港城新開咗間餐廳，朋友話荷葉飯好食，一於嚟試。🍯｜金銀蒜籠仔蒸龍躉飯｜HKD108炒飯加上雞蛋，金銀蒜用大火炸至金黃色，龍躉肉嫩滑，醬汁的重要性。HKD28加了飲品和小食，海哲手撕雞味道不錯，用上青瓜絲作配料。🍯｜藥膳花膠雞淮山麵｜HKD86一嚟試咗湯底，可以飲一碗，有紅棗、杞子和雲耳，夠養生。第一次食淮山麵，入口爽彈，健康麵。雞件啖啖肉，花膠也有幾塊，值得一試。保暖之餘，繼續飲凍飲。青提梳打和鳳梨梳打，個人喜歡鳳梨梳打，也有果肉食。

馬鞍山新港城出現一間大件夾抵食既餐廳，食得好舒服之餘，服務態度都超好，好有禮貌，食得好開心。金銀蒜籠仔蒸龍躉飯 $108份量極多，而且超新鮮，以108呢個價黎計，真係蝕住做咁濟，調味好香，炒飯底份量亦都岩岩好，大推之選。荔枝水果茶都好好飲，香得黎有茶味，清甜之選。花膠龍躉泡飯 （轉淮山麵）＄118鮮甜既湯底，龍躉亦係大份又新鮮，超級推薦。鹽酥雞份量十足，炸到好香口，炸粉亦唔會好厚。海哲手撕雞 估唔到跟餐都咁大份。總結黎講，呢間真係性價比好高，而且質素係好好，大家一定要黎試。

馬鞍山終於開咗一間冇咁成日到既集團式餐廳.維持仲好，位置好方便街市電梯一上就已經到.都唔使搵. 老婆最近戒咗澱粉質，所以叫咗幾個小食.鹽酥雞 甜不辣 炸雞翼. 全部都即叫即炸. 熱到要攤一陣先食得. 最特別係炸牛肉球.食落去都幾新鮮，第一次食.不過最吸引嘅係炸墨魚滑. 藿香嘅墨魚味. 小朋友見到兒童餐冇得叫架車車好得意份量都好大根本一個小朋友就唔會食得晒.最誇張嘅係佢嘅荷葉龍躉蒸飯. 超過八塊完全遮過晒啲飯. 啲飯應該有兩至三碗. 多到食唔晒要打包. 呢間CP值 very good 兩個人叫個荷葉飯應該都夠填飽個肚.

籠仔蒸飯愛好者😍😍集合屋企樓下開咗間新嘅舖頭，喺門口睇睇Menu俾佢多樣嘅菜式吸引咗，入咗之後冇乜點揀就揀咗食籠仔蒸飯，因為Menu上嘅相影到嘅飯真係超級！多料！我叫咗鮑汁籠仔花膠蒸滑雞飯😍😍😋😋啲料係多到蓋滿晒成個飯，一上碟，心諗我食唔食得晒㗎？😂😂一定要讚吓佢啲雞真係好滑，而且非常入味，反而個飯清淡少少，咁就唔會搶咗雞嘅香味。另外叫咗金蒜籠仔蒸龍躉飯😍佢啲龍躉全部都大大嚿，同樣味調得好好，非常入味同埋佢嘅嘢飲、小食都非常有佢嘅特色。小食方面我哋叫咗炸墨魚卷同海蜇手撕雞，推介👍👍

一坐低餐廳話自助scan QR code 落單兩個人叫咗一個淮山麵同一個龍躉蒸飯套餐個麵好快上咗，咁正常蒸飯都係耐D忽然之間佢又上多咗個麵，之後發現佢上錯咗係隔籬枱。我見等咗半個鐘，怕佢漏單，就問下待應，叫佢check 下。佢check 完就話蒸飯係耐D。咁我又等多5分鐘，朋友都食完。佢就攞咗兩個蒸飯過嚟，話我係app落咗兩個單。我話我食唔晒wo, 不如你問下點安排，我食緊飯果陣個女經理就落住張單行過嚟話我落錯左，我同佢解釋我係要套餐，唔係兩個飯，佢就開始語氣好差咁話我。咁我問佢妳想點？一係我照比錢，叫佢裝外賣盒。佢又話唔洗比，但係就要我繼續坐喺比佢教訓。之後隔離枱有個食客都睇唔過眼，拉走個呀姐，件事先完。呢餐飯真係食到我勁嬲，估唔到食餐飯都要比人教訓。

等個飯，等咗半個鐘都算上錯枱都算全間鋪咁多職員都無人check單結果嚟咗double份量短髮女經理拎張單走過嚟，態度其差說教我無正確使用個落單app😡聲大夾惡，仲夠膽要求個客收聲聽佢講嘢1. 同佢講我照付費多了的餐，佢又唔ok2. 聲大大，有佢講無我講3. 你拎張單行埋嚟就同我講order多咗1個飯，下次你講10個飯屈我都得啦工作一整天，好地地想食餐晚飯，都遇到啲咁嘅事🔥唔會再係任何一間Bnr食飯！

馬鞍山傳統又有特色的港式美食✨💚餐廳以港式美食為賣點，當中的雞麵食相當受歡迎，籠仔飯也是極具人氣，而且味道好吃，份量又十足！《金銀蒜籠仔蒸龍躉飯 》$108跟餐可配飲品和加一款小食，我選了海哲手撕雞，另外飲品選了冷泡四季春茶 。金銀蒜籠仔蒸龍躉飯配上荷葉的清香，龍躉的精華滲入底層的炒飯，香氣四溢，每粒米飯都沾有濃郁的魚鮮味，龍躉的份量也很豐富！《胡椒豬肚雞淮山麵》$72餐廳有多款以雞為主題的麵食，此款是充滿著胡椒豬肚味的湯底，配上滑滑幼幼的淮山麵，表面更放上一條油炸鬼，特色的麵食。同樣地飲品加一款小食，這次點了炸莞西牛肉波和凍豆漿，炸莞西牛肉波滿有特色，平時蒸的牛肉球，這款是炸的！夠意思！

自己住咗馬鞍山十多年, 大部份餐廳都試過，見佢新開諗住試吓，點知一試就賴嘢，我女朋友叫咗兩個餐，分別係紅燒牛肉麵同埋海南雞魚湯米線，海南雞米線味道飲啖湯先，淡而無味，完全冇魚嘅味道，雞極之鞋口，唔推薦女朋友紅燒牛肉麵， 麵線好似浸咗好耐， 跟餐加咗青瓜海蜇手撕雞，嚟到大大碟但八成都係雞皮， 得幾舊肉加咗$28。我明白而家生意難做。咁我寧願你俾細碟啲都唔好用雞皮嚟湊數 呢間舖頭應該係用養生無味精湯做主打，既然主打養生有點解要用雞皮湊數咁矛盾呢？馬鞍山食物選擇雖然比之前多， 但係見佢新開本身都有啲期待，但食過今次之後實在不推薦