Bistro Bloom

營業中

休息中

星期日諗住食個lunch 沙律吧中規中矩海鮮凍盤 完全冇味最精彩係個主菜我就叫咗一份西冷牛扒女朋友叫咗一個龍蝦意粉西冷牛扒order 左 5成我諗佢呢個都有七成重點係完全冇牛味咁諗住食佢個西蘭花可以中和下個口感味道點知仲大鑊西蘭花好似用鹽水浸一放入口已經成口咸味之後到個龍蝦意粉個龍蝦雪味十足不可一不可再本人覺得連試都冇需要去試因為呢篇野係我食緊嘅時候打因為已經食到唔想食之後佢哋杯檸檬茶同檸檬水完全冇分別第一次打食評因為真係唔想食所以冇嘢做勸喻大家唔好去試

一直知道是牛先生的副缐餐廳，其價錢稍貴於其他，所以一直未有幫襯，既然同類食物，點解要收貴啲呢？今日適逢路過，又想有個優質午餐，所以走入去一試。餐牌食物種類真係同其他兄弟店一樣，就係價錢貴啲啲。係食物台前行咗一轉，就明白點解價錢貴啲啲。因為這裡有蝦，青口，蜆，芝士拼盤，利賓納及龍眼蜜任飲任食，分別在此顯明。主菜點了漢堡及西冷，西冷超咸，應該廚師重手咗，而漢堡就牛味十足。最後甜品中的brownie 最欣賞，encore 咗3次。

父親節去了朗豪坊shopping, 到晚上七時才驚覺沒有預約任何餐廳，成個朗豪坊迫爆人，唯有走上13樓睇睇有咩食。無意間發現呢間餐廳做父親節Semi- buffet, 大人大概$200一個餐，小朋友$98 ，可享用前菜及甜品buffet bar,小朋友包一個肉碎茄汁意粉，於是一試！Buffet bar有忌廉蘑菇餐湯、冷盤有青口、大蝦、沙律、芝士等等。佢嘅薯仔沙律同埋燒茄子做得唔錯。飲品方面，有利賓納同橙汁。主菜我們點了一客燒春雞及帆立貝扁意粉，本來冇乜期望，但佢個帆立貝扁意粉比想像中香口，頗濃香草味。燒雞也不鞋，肉汁豐富。最後餐飲叫了一杯熱cupuchino作結。雖然餐廳不算大，偶爾在buffet bar也看到一隻昆蟲在徘徊，但食物質素比我想像中好。不用等位也算是優點吧！

2個人去朗豪坊食晚飯，唔想逼唔想嘈，可以靜靜傾吓偈，呢間係不錯既選擇。我地每人都嗌左個set dinner，個set dinner 都算幾多野食。千層面套餐$168帶子天使麵套餐$198前菜我叫左個煙三文魚凱撒沙律，沙律菜幾新鮮多汁，煙三文魚就一般般。餐飲跟咖啡或茶，我地就加錢轉野飲Asahi +$30Lime soda +28餐包係一個scone，上碟暖暖地，都幾好食。主菜肉醬千層面，賣相都幾一般，食落無乜驚喜，普普通通。主菜帶子天使麵，我朋友叫既，我試左粒帶子，食落淡淡味的。最後就係餐甜品，食落我估係 strawberry cream cheese cake。

最近跟隨政府呼籲，將所有staff全部home office, 因為係初創公司，一定要努力不懈，打好根基，我自己就照舊出去見客，但係見完客唔需要返去office，就走去食lunch，今日食得比較清啲，冇叫到main course, 淨係食沙律，首先飲返碗忌廉粟米湯，粟米味香濃啖啖粒粒飽滿粟米，唔會好杰，冰鎮海鮮有三款海蝦青口蜆，鮮味飽滿，至於沙律夠新鮮表現平均，最後值得一讚係甜品，黑森林蛋糕唔會太甜，但係又好重朱古力味

而家已經收咗爐，所以有多幾日空閒時間，係時候要比個腦熄機，唔再諗公司嘅嘢，出街休息下陪下未來老婆大人，佢最揀飲擇食，所以我對住佢最鍾意食buffet，因為包保唔會中伏，嚟到朗豪坊行街，食飯就上去13樓semi lunch buffet,之前都有食過幾好食，首先食兩碟沙律先，沙律配料好新鮮，再食海鮮有蝦，蜆同青口，鮮甜好味，主菜叫咗一個胡椒鹹牛肉生菜蕃茄潛艇，份量都幾大份，仲有薯條，食完之後，攞咗4款甜品試吓，未來老婆大人好滿意

同朋友慶祝生日，揀左一個坐舒服又無限時既餐廳，可以慢慢食慢慢傾。半自助午餐 ： 沙律、果汁（橙汁/菠蘿汁）、湯、甜品（牛乳布丁、藍莓cheesecake etc.）任食。 Main course price range ： $158-$218 1.Lobster sauce angel hair有3粒大大粒既帆立貝，龍蝦汁既份量岩岩好，令d麵有味得黎又唔會太濕太淋。味道唔錯，不過個人認為賣相可以再整得靚dd。味道：7/102. Strip steak七成熟既紐約西冷牛扒，肉質唔錯，加埋d醬汁既配搭都唔錯！但略嫌熟咗少少，下次可以試吓五成熟！味道：7/10

近日天氣不似預期 今次約咗朋友去旺角朗豪坊 ，因為好方便 上到最上層，好多餐廳畀你選擇 我哋上到去 ，見呢間餐廳裝修得好開揚 ，好有田園偽文青的感覺 我哋坐咗喺出面 ，叫咗個lunch high tea ，兩個人 二百零蚊， 個high tea set 整得幾靚， 影相一流 當中佢有個牛奶布甸 ，好香牛奶味， 口感都好滑，但佢個焦糖布甸 ，就一般啦佢啲焦糖燒唔夠 ，面頭重水汪汪 ，冇咗卜卜脆嘅面層 ………其他食物都ok 環境好舒服 ，好 relax 同一時間可以感受太陽嘅光線 ，又有冷氣嘆 ，舒舒服服傾下偈，飲杯嘢 今次真係又一大發現

好姊妹話帶我中午食沙律吧，話好好食架，其實我本身如果淨係食生冷蔬菜水果做一餐實會唔飽仲會肚痛，咁即管去睇下啦，地點係朗豪坊頂樓，即係有晴天天幕果層吧，望一望啲食物，原來有好多選擇架，有蜆有蝦有芝士有青口...仲有好多甜品架，有個牛奶奶凍幾好食架，當然有餐多士同湯，任你食，都係百鬆少少幾個閨蜜慢慢飲下果汁搣下蝦殻，座位又闊又舒服，職員又唔會打擾我地，傾密偈真係幾好選擇，如果唔夠食，加幾十蚊就可以選主菜，即係据扒呀意粉果啲，我今次無加呀，淨係食蝦以經夠哂飽了

Was so busy in Langham place on Sat, me and my frds was looking for somewhere to have a sit.Randomly got in here and the restaurant was not so busy.They offered the afternoon tea set menu.Me and my frd decided to order the afternoon tea set for two.Afternoon tea set was getting popular, this was not the traditional one.It only offered different foods and put into the 3 level plates. Top plate - Salmon & tomato toast, Milk panna cotta, Cream BuuleeAll foods were alright, but i could not understan

朋友有好消息宣佈，係Openrice搵左陣就搵到呢間係旺角朗豪坊頂樓既餐廳，地點方便唔同地方既朋友.一行6人先後到達餐廳，呢到既晚餐分別有3 course dinner set ($162 - $258)同 Semi buffet dinner ($228 - $398)，因為朋友有好消息宣佈，一於食豪D，叫左6位Semi buffet dinner，下完單就先去食個任食前菜，有幾款沙律，海鮮有蝦，青口，蜆同煙三文魚，另外有粟米湯同蘑菇湯都好吸引，大家都食左兩三轉，食住等主菜，主菜就分別叫左以下6款:-1) 柑橘柚子蜜燒脆豬手 $298+10% (皮脆肉味濃，同格離德國餐廳既豬手有得Fight，侍應亦知我地分食，一個個咁serve我地三款芥末醬)2) 爐燒法國黃油雞 $268+10% (肉嫩唔鞋，分食左2，3件)3) 三文魚柳配龍蝦忌廉汁意大利飯 $298+10% (三文魚唔腥，飯好好食，好快就俾人分食曬)4) 鮮蝦羅勒忌廉汁意大利麵 $228+10% (蝦肉大隻實淨，蝦好味，麵就普通)5) 日本和牛.鴨巴甸400日牛扒二重奏 $398+10% (呢個唔大份，叫左5成熟，到左生熟度都跟

無錯👍今日又去食半自助，有一種藉口叫平！靚！正！你無理由唔去架？原因是我有張半價優惠咭，呢張咭不用識人也不需要入會，只需要每次食滿 $70 就有一個印仔，呢個不記名方式我鍾意啊！🥢先來一客餐湯加個提子鬆餅，今日餐湯是粟米忌廉湯，味道清清地配鬆餅倒是不錯。🥢再來一碟冷盤，有凍蝦，同我每次必食南瓜，雞肉通粉沙律都不錯啊！😋蜜桃鴨胸沙律酸酸甜甜😋正！🥢主菜方面同事點了芝士帶子焗龍蝦天使麵🥢另一位同事就點了烤焗爐魚🥢再另一位食牛扒，賣相精緻。而我就省卻了只食自助沙律吧，因冷盤及甜品都足以 KO 我個小鳥胃。😂😋檸檬撻夠哂酸甜醒胃配一杯熱咖啡就最好不過，來這裡我每次甜品時間都必食焦糖布丁同 360牛乳布丁，因其香滑可口又不太甜。

星期五來旺角真係巧多人。。。難得可以坐低安安樂樂Happy食餐飯真係比起上年，覺得今次無論在服務或食物質素方面都升le不少！ 7點到時，人沒太多。但對面已有不少人在happy hour. 一入去被安排到不太合心意的坐位，就即刻request 坐另一處，接待都好友善話ok無問題。一坐下就有另一位服務員攞個籃過來，話可放袋外套置於櫈下，甚為細心（上年好似無）。坐在outdoor好處，感覺自在多點， 又可享受之後3人 band樓下唱歌(今次唱得不錯) 是bonus.前菜有新鮮沙律菜，一睇就知fresh. 夾了2款火腿同ham, 味道也不錯。最好味就係炒雜菇好香~ 燒茄瓜也不錯。歐洲人愛食3色椒，健康抗氧，識食的美女一定食食食海鮮也有鮮味，眼見沒變壞的蝦，藍貝也有點鮮味，算幾好。總括自助bar前菜實屬不錯，其實仲試了幾款，都符合水平主菜都有6至7款任君選擇。我們叫了脆皮豬手及千層麵。食了3個round前菜夠皮就叫侍應上主菜。總覺得賣相比以前靚好多。豬手皮好脆（比出名的德國餐廳差少少吧了）肉質硬了點，無咁juicy, 但可接受。有士多啤梨醬汁，味道都幾得意，開胃。千層麵有驚喜，比豬手更勝一籌

好閨蜜生日，梗係要搵個好嘅地方大家開開心心慶祝下啦！呢間餐廳係有semi buffet嘅，叫一個main course ，頭盤、甜品、飲嘢呀都係任飲任食嘅。走去自助區逛左一圈，食物好吸睛，款式仲好多添。我地幾個女仔曰日掛住減肥，搞到胃口都細埋，其實净食頭盤都夠晒飽呢！閨蜜問下靚仔侍應哥哥，凈食自助區可以嗎？居然話可以，價錢$198。壽星女開心到不得了, 餐廳都好有人情味，哈哈！朋友話雖然可以食淨自助區， 但都好想試下佢哋main course如何， 我哋就嗌咗兩個main course 試試。法式浪漫第春雞賣相都唔錯，隻雞都算大隻呀，味道居然好驚喜喎，好juicy，好入味，啲雞都好嫩口，我哋個個都畀like呀！法式紅酒燴黑豚豬肶配闊條牛油麵豬髀都好冧好滑，都好入味，一啲都唔鞋， 紅酒味就係唔夠濃郁，不過都ok嘅。好閨蜜生日一定唔少得要叫支紅酒慶祝下喇！當晚大家飲得好暢快，吹吹水食下飯，非常高興呀！

放工三点三，同事去朗豪坊下午茶。 其實周圍都好多食肆， 但係大部分都冇下午茶。 最終我哋去咗呢一間， 因為見佢個環境唔錯，而且又有我哋想食嘅tea set。 pizza嘅種類都有好多，我哋最終每人一人一個。